This document is an excerpt from the EUR-Lex website
Document 32020D2137
Council Decision (EU) 2020/2137 of 15 December 2020 on the position to be taken on behalf of the European Union within the CARIFORUM-EU Trade and Development Committee established by the Economic Partnership Agreement between the CARIFORUM States, of the one part, and the European Community and its Member States, of the other part, as regards the establishment of a Special Committee on Services
Cinneadh (AE) 2020/2137 ón gComhairle an 15 Nollaig 2020 maidir leis an seasamh atá le glacadh thar ceann an Aontais Eorpaigh sa Choiste Trádála agus Forbartha CARIFORUM-AE arna bhunú leis an gComhaontú Comhpháirtíochta Eacnamaíche idir Stáit CARIFORUM, de pháirt amháin, agus an Comhphobal Eorpach agus a chuid Ballstát, de pháirt eile, a mhéid a bhaineann le Coiste Speisialta um Sheirbhísí a bhunú
Cinneadh (AE) 2020/2137 ón gComhairle an 15 Nollaig 2020 maidir leis an seasamh atá le glacadh thar ceann an Aontais Eorpaigh sa Choiste Trádála agus Forbartha CARIFORUM-AE arna bhunú leis an gComhaontú Comhpháirtíochta Eacnamaíche idir Stáit CARIFORUM, de pháirt amháin, agus an Comhphobal Eorpach agus a chuid Ballstát, de pháirt eile, a mhéid a bhaineann le Coiste Speisialta um Sheirbhísí a bhunú
IO L 430, 18.12.2020, p. 15–16
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
18.12.2020 |
GA |
Iris Oifigiúil an Aontais Eorpaigh |
L 430/15 |
CINNEADH (AE) 2020/2137 ÓN gCOMHAIRLE
an 15 Nollaig 2020
maidir leis an seasamh atá le glacadh thar ceann an Aontais Eorpaigh sa Choiste Trádála agus Forbartha CARIFORUM-AE arna bhunú leis an gComhaontú Comhpháirtíochta Eacnamaíche idir Stáit CARIFORUM, de pháirt amháin, agus an Comhphobal Eorpach agus a chuid Ballstát, de pháirt eile, a mhéid a bhaineann le Coiste Speisialta um Sheirbhísí a bhunú
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe an chéad fhomhír d’Airteagal 207(4), i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Síníodh an Comhaontú Comhpháirtíochta Eacnamaíche idir Stáit CARIFORUM, de pháirt amháin, agus an Comhphobal Eorpach agus a chuid Ballstát, de pháirt eile (1) (“an Comhaontú”), an 15 Deireadh Fómhair 2008, agus tá sé á chur i bhfeidhm go sealadach ón 29 Nollaig 2008 i leith. |
|
(2) |
De bhun Airteagal 230(4) den Chomhaontú, féadfaidh Coiste Trádála agus Forbartha CARIFORUM-AE aon choiste speisialta a bhunú agus a mhaoirsiú chun dul i ngleic le hábhair a thagann laistigh dá inniúlacht. |
|
(3) |
Chun dul i ngleic le gach ábhar den Chomhaontú a bhaineann le trádáil seirbhísí ar bhealach níos éifeachtúla, tá sé ar intinn ag an gCoiste Trádála agus Forbartha CARIFORUM-AE cinneadh a ghlacadh lena mbunaítear Coiste Speisialta um Sheirbhísí. |
|
(4) |
Is iomchuí an seasamh atá le glacadh thar ceann an Aontais sa Choiste Trádála agus Forbartha CARIFORUM-AE a bhunú, ós rud é go mbeidh éifeachtaí dlíthiúla ag an gcinneadh lena mbunaítear Coiste Speisialta um Sheirbhísí. |
|
(5) |
Dá bhrí sin, ba cheart seasamh an Aontais sa Choiste Trádála agus Forbartha CARIFORUM-AE a mhéid a bhaineann le Cosite Speisialta um Sheirbhísí a bhunú, ba cheart é a bheith bunaithe ar an dréachtchinneadh ón gCoiste Trádála agus Forbartha CARIFORUM-AE, |
TAR ÉIS AN CINNEADH SEO A GHLACADH:
Airteagal 1
1. Beidh an seasamh atá le glacadh thar ceann an Aontais sa Choiste Trádála agus Forbartha CARIFORUM-AE arna bhunú leis an gComhaontú Comhpháirtíochta Eacnamaíche idir Stáit CARIFORUM, de pháirt amháin, agus an Comhphobal Eorpach agus a chuid Ballstát, de pháirt eile, maidir le Coiste Speisialta um Sheirbhísí a bhunú, beidh an seasamh sin bunaithe ar an dréachtchinneadh ó Choiste Trádála agus Forbartha CARIFORUM-AE (2).
2. Féadfaidh ionadaithe an Aontais sa Choiste Trádála agus Forbartha CARIFORUM-AE teacht ar chomhaontú maidir le mionathruithe ar an dréachtchinneadh ó Choiste Trádála agus Forbartha CARIFORUM-AE gan cinneadh eile ón gComhairle.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 15 Nollaig 2020.
Thar ceann na Comhairle
An tUachtarán
J. KLOECKNER
(1) IO L 289, 30.10.2008, lch. 3.
(2) Féach doiciméad ST 13287/20 ar http://register.consilium.europa.eu