This document is an excerpt from the EUR-Lex website
Document 32020D0246
Council Decision (EU) 2020/246 of 17 February 2020 on the position to be taken on behalf of the European Union within the Partnership Council established by the Comprehensive and Enhanced Partnership Agreement between the European Union and the European Atomic Energy Community and their Member States, of the one part, and the Republic of Armenia, of the other part, as regards the adoption of the Rules of Procedure of the Partnership Council and those of the Partnership Committee, subcommittees and other bodies set up by the Partnership Council, and the establishment of the list of Sub‐Committees, for the application of Title II of that Agreement
Cinneadh (AE) 2020/246 ón Gcomhairle an 17 Feabhra 2020 maidir leis an seasamh a ghlacfar thar ceann an Aontais Eorpaigh laistigh den Chomhairle Comhpháirtíochta arna bhunú leis an gComhaontú Comhpháirtíochta Cuimsitheach Feabhsaithe idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt amháin, agus Poblacht na hAirméine, den pháirt eile, a mhéid a bhaineann le glacadh Rialacha Nós Imeachta na Comhairle Comhpháirtíochta agus Rialacha Nós Imeachta an Choiste Comhpháirtíochta, na bhfochoistí agus na gcomhlachtaí eile arna mbunú ag an gComhairle Comhpháirtíochta, agus bunú liosta na bhfochoistí, chun an Comhaontú sin a chur i bhfeidhm cé is moite de Theideal II de
Cinneadh (AE) 2020/246 ón Gcomhairle an 17 Feabhra 2020 maidir leis an seasamh a ghlacfar thar ceann an Aontais Eorpaigh laistigh den Chomhairle Comhpháirtíochta arna bhunú leis an gComhaontú Comhpháirtíochta Cuimsitheach Feabhsaithe idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt amháin, agus Poblacht na hAirméine, den pháirt eile, a mhéid a bhaineann le glacadh Rialacha Nós Imeachta na Comhairle Comhpháirtíochta agus Rialacha Nós Imeachta an Choiste Comhpháirtíochta, na bhfochoistí agus na gcomhlachtaí eile arna mbunú ag an gComhairle Comhpháirtíochta, agus bunú liosta na bhfochoistí, chun an Comhaontú sin a chur i bhfeidhm cé is moite de Theideal II de
ST/15193/2019/INIT
IO L 52, 25.2.2020, p. 5–6
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 10/04/2022; Arna ionadú ag 32022D0655 Féach 62020CJ0180
|
25.2.2020 |
GA |
Iris Oifigiúil an Aontais Eorpaigh |
L 52/5 |
Cinneadh (AE) 2020/246 ÓN GCOMHAIRLE
an 17 Feabhra 2020
maidir leis an seasamh a ghlacfar thar ceann an Aontais Eorpaigh laistigh den Chomhairle Comhpháirtíochta arna bhunú leis an gComhaontú Comhpháirtíochta Cuimsitheach Feabhsaithe idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt amháin, agus Poblacht na hAirméine, den pháirt eile, a mhéid a bhaineann le glacadh Rialacha Nós Imeachta na Comhairle Comhpháirtíochta agus Rialacha Nós Imeachta an Choiste Comhpháirtíochta, na bhfochoistí agus na gcomhlachtaí eile arna mbunú ag an gComhairle Comhpháirtíochta, agus bunú liosta na bhfochoistí, chun an Comhaontú sin a chur i bhfeidhm cé is moite de Theideal II de
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 37 de, i gcomhar leis an dara fomhír d'Airteagal 218(8) agus Airteagal 218(9) den Chonradh ar Fheidhmiú an Aontais Eorpaigh,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid a leanas:
|
(1) |
Rinneadh an Comhaontú Comhpháirtíochta Cuimsitheach Feabhsaithe idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt amháin, agus Poblacht na hAirméine, den pháirt eile (1), ("an Comhaontú") a shíniú sa Bhruiséil an 24 Samhain 2017 agus cuireadh i bhfeidhm é go sealadach ón 1 Meitheamh 2018 i leith. |
|
(2) |
Le hAirteagail 362 agus 363 den Chomhaontú, cuirtear Comhairle Comhpháirtíochta agus Coiste Comhpháirtíochta ar bun chun feidhmiú an Chomhaontaithe a éascú. |
|
(3) |
De bhun Airteagal 362(4) den Chomhaontú, tá a rialacha nós imeachta féin le bunú ag an gComhairle Comhpháirtíochta agus, de bhun Airteagal 363(4) den Chomhaontú, is í an Chomhairle Comhpháirtíochta a chinneann, ina rialacha nós imeachta, dualgais agus feidhmiú an Choiste Comhpháirtíochta. |
|
(4) |
Chun feidhmiú éifeachtach an Chomhaontaithe a áirithiú, ba cheart Rialacha Nós Imeachta na Comhairle Comhpháirtíochta agus an Choiste Comhpháirtíochta a ghlacadh. |
|
(5) |
I gcomhréir le Cinneadh (AE) 2018/104 ón gComhairle (2), le linn thréimhse chur i bhfeidhm sealadach an Chomhaontaithe, ní féidir leis an gComhairle Comhpháirtíochta cinntí a dhéanamh ach amháin maidir le hábhair a thagann faoi raon feidhme chur i bhfeidhm sealadach an Chomhaontaithe dá bhforáiltear sa Chinneadh sin. |
|
(6) |
De bhun Airteagal 364(2) den Chomhaontú, is féidir leis an gComhairle Comhpháirtíochta cinneadh a dhéanamh fochoistí agus comhlachtaí eile a chur ar bun i réimsí sonracha a bheidh in ann cuidiú léi a dualgais a dhéanamh. Thairis sin, ina rialacha nós imeachta, is í an Chomhairle Comhpháirtíochta a chineann comhdhéanamh, dualgais agus feidhmiú na bhfochoistí agus na gcomhlachtaí eile sin. |
|
(7) |
Tá Rialacha Nós Imeachta na Comhairle Comhpháirtíochta agus Rialacha Nós Imeachta an Choiste Comhpháirtíochta, na bhfochoistí agus na gcomhlachtaí eile le glacadh ag an gComhairle Comhpháirtíochta. |
|
(8) |
Is iomchuí an seasamh atá le glacadh thar ceann an Aontais sa Chomhairle Comhpháirtíochta a bhunú, ós rud é go mbeidh an Cinneadh lena nglactar Rialacha Nós Imeachta na Comhairle Comhpháirtíochta agus Rialacha Nós Imeachta an Choiste Comhpháirtíochta, na bhfochoistí agus na gcomhlachtaí eile arna mbunú ag an gComhairle Comhpháirtíochta, agus lena mbunaítear liosta na bhfochoistí, ina cheangal ar an Aontas. |
|
(9) |
Ba cheart, dá bhrí sin, seasamh an Aontais i dtionól na Comhairle Comhpháirtíochta a bhunú ar an dréacht-Chinneadh ón gComhairle Comhpháirtíochta. |
|
(10) |
Ní bhaineann an Cinneadh seo leis an dréacht-Chinneadh ón gComhairle Comhpháirtíochta a mhéid a rialaítear leis feidhmiú na gcomhlachtaí arna mbunú faoin gComhaontú agus Teideal II den Chomhaontú á chur i bhfeidhm, ina bhfuil forálacha maidir le comhbheartas eachtrach agus slándála an Aontais agus a thagann faoi raon feidhme Chaibidil 2 de Theideal V den Chonradh ar an Aontas Eorpach. Tá aidhm agus ábhar na bhforálacha sin éagsúil ó aidhm agus ábhar na bhforálacha eile sa Chomhaontú maidir le comhpháirtíocht a bhunú idir na Páirtithe agus tá siad neamhspleách ar an aidhm agus an ábhar sin. Glacfar cinneadh ar leithligh i gcomhthráth leis an gCinneadh seo, maidir leis an gCinneadh ón gComhairle Comhpháirtíochta atá i gceangal leis an gCinneadh seo a mhéid a rialaítear leis feidhmiú na gcomhlachtaí arna mbunú faoin gComhaontú agus Teideal II den Chomhaontú á chur i bhfeidhm. |
TAR ÉIS AN CINNEADH SEO A GHLACADH:
Airteagal 1
1. Is ar an dréacht-Chinneadh ón gComhairle Comhpháirtíochta (3) a bhunófar an seasamh a ghlacfar thar ceann an Aontais Eorpaigh laistigh den Chomhairle Comhpháirtíochta arna bhunú leis an gComhaontú Comhpháirtíochta Cuimsitheach Feabhsaithe idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt amháin, agus Poblacht na hAirméine, den pháirt eile, a mhéid a bhaineann le glacadh Rialacha Nós Imeachta na Comhairle Comhpháirtíochta agus Rialacha Nós Imeachta an Choiste Comhpháirtíochta, na bhfochoistí agus na gcomhlachtaí eile arna mbunú ag an gComhairle Comhpháirtíochta, agus bunú liosta na bhfochoistí, chun an Comhaontú sin a chur I bhfeidhm cé is moite de Theideal II de.
2. Féadfaidh ionadaithe an Aontais glacadh le mionathruithe teicniúla ar an dréacht‐Chinneadh i dtionól na Comhairle Comhpháirtíochta gan cinneadh eile ón gComhairle.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiseil, 17 Feabhra 2020.
Thar ceann na Comhairle
An tUachtarán
J. BORRELL FONTELLES
(1) IO L 23, 26.1.2018, lch. 4.
(2) Cinneadh (AE) 2018/104 ón gComhairle an 20 Samhain 2017 maidir le síniú, thar ceann an Aontais Eorpaigh, agus cur i bhfeidhm sealadach an Chomhaontaithe Comhpháirtíochta Chuimsithigh Fheabhsaithe idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt amháin, agus Poblacht na hAirméine, den pháirt eile (IO L 23, 26.1.2018, lch. 1).
(3) Féach doiciméad ST 15226/19 ar http://register.consilium.europa.eu.