3.12.2016   

GA

Iris Oifigiúil an Aontais Eorpaigh

1

(1)

Le Rialachán (CE) Uimh. 1342/2008 ón gComhairle (3), bunaítear plean fadtéarmach don stoc trosc in Kattegat, sa Mhuir Thuaidh, in Skagerrak agus i Muir nIocht thoir, in iarthar na hAlban agus i Muir Éireann, agus don iascach a shaothraíonn an stoc sin. Is é is aidhm do Rialachán (CE) Uimh. 1342/2008 saothrú inbhuanaithe a athbhunaíonn agus a chothaíonn na stoic trosc sin ag leibhéil atá os cionn na leibhéal sin atá in acmhainn an uastáirgeacht inbhuanaithe (UTI) a bhaint amach.

(2)

Sa mheastóireacht eolaíoch ar fheidhmíocht Rialachán (CE) Uimh. 1342/2008 arna cur i gcrích ag an gCoiste Eolaíoch, Teicniúil agus Eacnamaíoch um Iascach (CETEI) léiríodh go bhfuil roinnt fadhbanna ag baint le cur i bhfeidhm an Rialacháin sin. Mhol an Chomhairle Idirnáisiúnta um Thaiscéalaíocht na Mara (ICES) athmheastóireacht a dhéanamh ar an straitéis bainistíochta, go háirithe ó tháinig athrú ar a léargas i ndáil leis an stoc sa Mhuir Thuaidh.

(3)

Le cur i bhfeidhm Rialachán (AE) Uimh. 1380/2013 ó Pharlaimint na hEorpa agus ón gComhairle (4) amhail ón 1 Eanáir 2014, tá athrú ó bhonn tagtha ar an gcreat bainistíochta do throsc, go háirithe trí oibleagáid maidir le gabhálacha a thabhairt i dtír a thabhairt isteach.

(4)

Tá pleananna ilbhliantúla nua le haghaidh iascaigh ilspeiceas i réigiúin éagsúla an Atlantaigh á n-ullmhú i láthair na huaire, bunaithe ar Rialachán (AE) Uimh. 1380/2013. I gcás gach limistéar ábhartha, tiocfaidh na pleananna ilbhliantúla nua sin le haghaidh iascaigh ilspeiceas in ionad Rialachán (CE) Uimh. 1342/2008 faoi dheireadh. Ní leanfaidh Rialachán (CE) Uimh. 1342/2008 d'fheidhm a bheith aige, dá bhrí sin, ach amháin go ceann tréimhse ghairid. Ba cheart líon áirithe leasuithe práinneacha a dhéanamh ar Rialachán (CE) Uimh. 1342/2008, áfach, chun an tréimhse go dtí go dtosóidh na pleananna nua ilbhliantúla le haghaidh iascaigh ilspeiceas d'fheidhm a bheith acu a chumhdach.

(5)

Leis an gcóras iarrachta iascaireachta a leagtar amach i Rialachán (CE) Uimh. 1342/2008, baineadh amach spriocanna éagsúla maidir leis an roghnaíocht agus maidir le bearta eile chun gabháil troisc a sheachaint, ach is bacainn é anois ar an oibleagáid maidir le gabhálacha a thabhairt i dtír a chur chun feidhme ó tharla go gcuireann an córas sin bac ar phatrúin iascaireachta a chur in oiriúint tuilleadh, amhail i gcás an rogha limistéir agus trealaimh. Ba cheart, dá bhrí sin, deireadh a chur leis an gcóras iarrachta iascaireachta. Ó tharla gur cuireadh feabhas mór ar an roghnaíocht agus ar sheachaint troisc, a bhuí le Rialachán (AE) Uimh. 1342/2008, trí na dreasachtaí a bhain leis an gcóras iarrachta iascaireachta agus trí bhearta náisiúnta (pleananna maidir le seachaint troisc nó maidir le hábhar muirí aischurtha a laghdú), tá sé ríthábhachtach, fad a thugtar isteach an oibleagáid maidir le gabhálacha a thabhairt i dtír i gcás gach gabhála troisc i gcomhréir leis an amchlár a leagtar amach i Rialachán (AE) Uimh. 1380/2013 chun an oibleagáid sin a thabhairt isteach, go leanfadh na Ballstáit sin a bhfuil leas díreach acu san iascach leis na bearta sin, nó go bhforbróidís na bearta náisiúnta sin tuilleadh.

(6)

Le linn idirthréimhse ina bhfuiltear ag ullmhú do phleananna ilbhliantúla le haghaidh iascaigh ilspeiceas i gcomhréir le Rialachán (AE) Uimh. 1380/2013 i réimsí a chumhdaítear anois le Rialachán (CE) Uimh. 1342/2008, ba cheart na híosleibhéil iomchuí bithmhaise agus na leibhéil réamhchúramacha iomchuí bithmhaise a chur san áireamh sna bearta bainistíochta. Má thiteann an stoc faoi bhun na leibhéal coimirce bithmhaise (Btruicear UTI) a chuirtear ar fáil sa chomhairle eolaíoch agus atá i gcomhréir le Rialachán (AE) Uimh. 1380/2013, ba cheart gach beart is gá a dhéanamh chun aghaidh a thabhairt ar an gcás.

(7)

I réimsí áirithe a chumhdaítear le Rialachán (CE) Uimh. 1342/2008, d'fhéadfadh sé nach leor í an fhaisnéis atá ann maidir leis an stoc ná maidir le hiascaigh chun na deiseanna iascaireachta a chinneadh i gcomhréir le prionsabal UTI. I gcásanna den sórt sin, ba cheart an cur chuige réamhchúraim a leanúint.

(8)

Chomh maith le córas na hiarrachta iascaireachta, tugadh córas isteach le Rialachán (CE) Uimh. 1342/2008 maidir le ceadanna speisialta iascaireachta atá nasctha le teorainn ar acmhainn iomlán chumhacht innill soithí iascaireachta i limistéar ábhartha. Ionas nach gcuirfí as do ghníomhaíochtaí iascaireachta ar bhealach a mbeadh drochthionchar aige ar théarnamh na stoc, is iomchuí an córas sin a choimeád ar bun, fad a chuirfear deireadh ar fad le córas na hiarrachta iascaireachta é féin.

(9)

Le Rialachán (CE) Uimh. 1224/2009 ón gComhairle (5), aisghaireadh líon forálacha de chuid Rialachán (CE) Uimh. 1342/2008 a thagair d'Iarscríbhinn II agus d'Iarscríbhinn III a ghabhann leis. Ós rud é nach bhfuil aon tagairtí eile ann do na hIarscríbhinní sin i Rialachán (CE) Uimh. 1342/2008, tá siad imithe as feidhm agus ba cheart iad a scriosadh.

(10)

Ba cheart, dá bhrí sin, Rialachán (CE) Uimh. 1342/2008 a leasú dá réir sin,

(1)

cuirtear an méid seo a leanas in ionad Airteagal 2:

“Airteagal 2

Sainmhínithe

Chun críocha an Rialacháin seo, beidh feidhm ag na sainmhínithe a leagtar síos in Airteagal 4(1) de Rialachán (CE) Uimh. 1380/2013 ó Pharlaimint na hEorpa agus ón gComhairle (*1).

(*1)  Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gComhbheartas Iascaigh, lena leasaítear Rialachán (CE) Uimh. 1954/2003 ón gComhairle agus Rialachán (CE) Uimh. 1224/2009 ón gComhairle agus lena n-aisghairtear Rialachán (CE) Uimh. 2371/2002 ón gComhairle, Rialachán (CE) Uimh. 639/2004 ón gComhairle agus Cinneadh 2004/585/CE ón gComhairle (IO L 354, 28.12.2013, lch. 22).”."

(2)

scriostar Airteagal 4;

(3)

cuirtear an méid seo a leanas in ionad Airteagal 5:

“Airteagal 5

Cuspóir an phlean

1.   Is é is aidhm don phlean dá dtagraítear in Airteagal 1 saothrú a áirithiú a athbhunaíonn agus a chothaíonn na stoic troisc ag leibhéil atá os cionn na leibhéal inar féidir an uastáirgeacht inbhuanaithe a bhaint amach.

2.   Aon bheart bainistíochta a ghlactar de bhun an Rialacháin seo, beidh sé i gcomhréir leis na ceanglais a leagtar síos in Airteagal 2(2) de Rialachán (AE) Uimh. 1380/2013 agus le prionsabail agus le cuspóirí an Rialacháin sin.”.

(4)

cuirtear an méid seo a leanas in ionad Airteagal 6:

“Airteagal 6

Íosleibhéil bhithmhaise agus leibhéil réamhchúramacha bhithmhaise

Agus bearta bainistíochta á nglacadh, beidh na híosleibhéil bhithmhaise agus na leibhéil réamhchúramacha bhithmhaise i gcás gach ceann de na stoic troisc comhsheasmhch le cuspóirí Rialachán (AE) Uimh. 1380/2013.”;

(5)

scriostar Airteagal 7 agus Airteagal 8.

(6)

cuirtear an méid seo a leanas in ionad Airteagal 9:

“Airteagal 9

TACanna a shocrú i gcás ina mbíonn sonraí gann

I gcás nach féidir deiseanna iascaireachta a chinneadh i gcomhréir le hAirteagal 5(1), de cheal faisnéise atá cruinn go leor agus ionadaíoch go leor, bunófar na deiseanna iascaireachta ar an gcur chuige réamhchúraim i gcomhréir le hAirteagal 9(2) de Rialachán (AE) Uimh. 1380/2013, agus na treochtaí sa stoc troisc agus sa ghníomhaíocht iascaireachta á gcur san áireamh, agus é á áirithiú go gcaomhnófar na stoic ábhartha, go feadh méid inchomparáide, ar a laghad.”.

(7)

i ndiaidh Airteagal 9, cuirtear ceannteideal Caibidle nua isteach:

“CAIBIDIL IIa

OIBLEAGÁIDÍ NA mBALLSTÁT”.

(8)

cuirtear an méid seo a leanas in ionad Airteagal 10:

“Airteagal 10

Údaruithe iascaireachta agus uasteorainneacha le haghaidh acmhainne

1.   I gcás gach ceann de na limistéir gheografacha dá dtagraítear in Airteagal 1 den Rialachán seo, eiseoidh gach Ballstát údaruithe iascaireachta i gcomhréir le hAirteagal 7 de Rialachán (CE) Uimh. 1224/2009 ón gComhairle (*2) i gcás soithí a bhfuil bratach an Bhallstáit sin ar foluain acu agus atá i mbun gníomhaíochtaí iascaireachta sa limistéar sin agus a bhfuil aon trealamh amháin acu seo a leanas á úsáid acu:

2.   Gan dochar do na huasteorainneacha le haghaidh acmhainne a leagtar amach in Iarscríbhinn II a ghabhann le Rialachán (AE) Uimh. 1380/2013, i gcás gach ceann de na limistéir gheografacha dá dtagraítear in Airteagal 1 den Rialachán seo, ní bheidh acmhainn iomlán na soithí, arna shloinneadh i kW, ar eisíodh údaruithe dóibh i gcomhréir le mír 1 den Rialachán seo, níos mó ná uasacmhainn na soithí a bhí gníomhach in 2006 nó in 2007 a bhfuil aon trealamh amháin dá dtagraítear i mír 1 á úsáid acu sa limistéar geografach lena mbaineann.

3.   Déanfaidh gach Ballstát liosta soithí a mbeidh an t-údarú iascaireachta dá dtagraítear i mír 1 acu a bhunú agus a chothabháil agus cuirfidh siad ar fáil don Choimisiún agus do na Ballstáit eile é ar shuíomh gréasáin oifigiúil an Bhallstáit.

(*2)  Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe de chuid an Aontais d'fhonn comhlíonadh rialacha an chomhbheartais iascaigh a áirithiú, lena leasaítear Rialacháin (CE) Uimh. 847/96, (CE) Uimh. 2371/2002, (CE) Uimh. 811/2004, (CE) Uimh. 768/2005, (CE) Uimh. 2115/2005, (CE) Uimh. 2166/2005, (CE) Uimh. 388/2006, (CE) Uimh. 509/2007, (CE) Uimh. 676/2007, (CE) Uimh. 1098/2007, (CE) Uimh. 1300/2008, (CE) Uimh. 1342/2008 agus lena n-aisghairtear Rialacháin (CEE) Uimh. 2847/93, (CE) Uimh. 1627/94 agus (CE) Uimh. 1966/2006 (IO L 343, 22.12.2009, lch. 1).”."

(9)

scriostar Caibidil III.

(10)

scriostar Airteagal 30 agus Airteagal 31.

(11)

scriostar Iarscríbhinní I, II, III agus IV.