Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 22023D0796

    Cinneadh ó Chomhchoiste LEE Uimh. 267/2022 an 23 Meán Fómhair 2022 lena leasaítear Iarscríbhinn XX (An Comhshaol) a ghabhann le Comhaontú LEE (2023/796)

    IO L 106, 20.4.2023, p. 70–71 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document Date of entry into force unknown (pending notification) or not yet in force.

    ELI: http://data.europa.eu/eli/dec/2023/796/oj

    20.4.2023   

    GA

    Iris Oifigiúil an Aontais Eorpaigh

    L 106/70

    CINNEADH Ó CHOMHCHOISTE LEE Uimh. 267/2022

    an 23 Meán Fómhair 2022

    lena leasaítear Iarscríbhinn XX (An Comhshaol) a ghabhann le Comhaontú LEE (2023/796)

    TÁ COMHCHOISTE LEE,

    Ag féachaint don Chomhaontú ar an Limistéar Eorpach Eacnamaíoch (“Comhaontú LEE”), agus go háirithe Airteagal 98 de,

    De bharr an mhéid seo a leanas:

    (1)

    Rialachán Cur Chun Feidhme (AE) 2021/392 ón gCoimisiún an 4 Márta 2021 maidir le faireachán agus tuairisciú a dhéanamh ar shonraí a bhaineann le hastaíochtaí CO2 ó ghluaisteáin paisinéirí agus ó fheithiclí tráchtála éadroma de bhun Rialachán (AE) 2019/631 ó Pharlaimint na hEorpa agus ón gComhairle agus lena n-aisghairtear Rialacháin Cur Chun Feidhme (AE) Uimh. 1014/2010, (AE) Uimh. 293/2012, (AE) 2017/1152 agus (AE) 2017/1153 (1), tá sé le hionchorprú i gComhaontú LEE.

    (2)

    Le Rialachán Cur Chun Feidhme (AE) 2021/392 aisghairtear Rialachán (AE) Uimh. 1014/2010 ón gCoimisiún (2) agus Rialachán Cur Chun Feidhme (AE) Uimh. 293/2012 ón gCoimisiún (3), atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE.

    (3)

    Le Rialachán Cur Chun Feidhme (AE) 2021/392 aisghairtear, le héifeacht ón 1 Eanáir 2025, Rialacháin Cur Chun Feidhme (AE) Uimh. 2017/1152 (4) agus (AE) 2017/1153 (5) ón gCoimisiún, atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE le héifeacht ón 1 Eanáir 2025.

    (4)

    De bhua Chinneadh Uimh. 168/2020 ó Chomhchoiste LEE an 23 Deireadh Fómhair 2020 (6), níl feidhm ag Rialachán Cur Chun Feidhme (AE) 2021/392 ón gCoimisiún maidir le Lichtinstéin.

    (5)

    Dá bhrí sin, ba cheart Iarscríbhinn XX a ghabhann le Comhaontú LEE a leasú dá réir sin,

    TAR ÉIS AN CINNEADH SEO A GHLACADH:

    Airteagal 1

    Iarscríbhinn XX a ghabhann le Comhaontú LEE, leasófar í mar a leanas:

    1.

    Cuirtear an méid seo a leanas isteach i ndiaidh phointe 21azkd (Rialachán Cur Chun Feidhme (AE) 2021/941 ón gCoimisiún):

    “21azl.

    32021 R 0392: Rialachán Cur Chun Feidhme (AE) 2021/392 ón gCoimisiún an 4 Márta 2021 maidir le faireachán agus tuairisciú a dhéanamh ar shonraí a bhaineann le hastaíochtaí CO2 ó ghluaisteáin paisinéirí agus ó fheithiclí tráchtála éadroma de bhun Rialachán (AE) 2019/631 ó Pharlaimint na hEorpa agus ón gComhairle agus lena n-aisghairtear Rialacháin Cur Chun Feidhme (AE) Uimh. 1014/2010, (AE) Uimh. 293/2012, (AE) 2017/1152 agus (AE) 2017/1153 (IO L 77, 5.3.2021, lch. 8).

    Chun críocha an Chomhaontaithe seo, tá forálacha an Rialacháin oiriúnaithe mar a leanas:

    (a)

    In Airteagal 4(1), cuirtear na focail ‘agus Údarás Faireacháin CSTE a mhéid a bhaineann le monaróirí agus díormaí monaróirí atá bunaithe i Stáit CSTE’ isteach i ndiaidh na bhfocal ‘an Coimisiún’.

    (b)

    Sa chéad abairt de mhír 5, cuirfear na focail ‘nó d’Údarás Faireacháin CSTE a mhéid a bhaineann le monaróirí atá bunaithe i Stáit CSTE’ isteach i ndiaidh na bhfocal ‘don Choimisiún’.

    (c)

    In Airteagal 6(3) agus (5), cuirfear na focail ‘nó d’Údarás Faireacháin CSTE, de réir mar a bheidh,’ isteach i ndiaidh na bhfocal ‘don Choimisiún’.

    (d)

    In Airteagal 6(4), cuirfear na focail ‘, ag Údarás Faireacháin CSTE, de réir mar a bheidh,’ isteach i ndiaidh na bhfocal ‘ag an gCoimisiún’.

    (e)

    In Airteagal 9(3) agus Airteagal 12, a mhéid a bhaineann le Stáit CSTE, cuirfear an focal ‘2023’ in ionad ‘2022’.

    (f)

    In Airteagal 9(3) cuirfear na focail nó d’Údarás Faireacháin CSTE, de réir mar a bheidh’ isteach i ndiaidh na bhfocal ‘don Choimisiún’ agus in Airteagal 12 cuirfear na focail ‘nó Údarás Faireacháin CSTE, de réir mar a bheidh,’ isteach i ndiaidh na bhfocal ‘an Coimisiún’.”

    2.

    Scriosfar téacs phointí 21aec (Rialachán (AE) Uimh. 1014/2010 ón gCoimisiún) agus 21aya (Rialachán Cur Chun Feidhme (AE) Uimh. 293/2012 ón gCoimisiún).

    3.

    Scriosfar téacs phointí 21aey (Rialachán Cur Chun Feidhme (AE) 2017/1152 ón gCoimisiún) agus 21aez (Rialachán Cur Chun Feidhme (AE) 2017/1153 ón gCoimisiún) le héifeacht ón 1 Eanáir 2025.

    Airteagal 2

    Is téacs barántúil a bheidh i dtéacs Rialachán Cur Chun Feidhme (AE) 2021/392 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

    Airteagal 3

    Tiocfaidh an Cinneadh seo i bhfeidhm an 24 Meán Fómhair 2022, ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*).

    Airteagal 4

    Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

    Arna dhéanamh sa Bhruiséil, an 23 Meán Fómhair 2022.

    Thar ceann Chomhchoiste LEE

    An tUachtarán

    Kristján Andri STEFÁNSSON

    (1)  IO L 77, 5.3.2021, lch. 8.

    (2)  IO L 293, 11.11.2010, lch. 15.

    (3)  IO L 98, 4.4.2012, lch. 1.

    (4)  IO L 175, 7.7.2017, lch. 644.

    (5)  IO L 175, 7.7.2017, lch. 679.

    (6)  Níor foilsíodh go fóill san Iris Oifigiúil.

    (*)  Ní shonraítear aon cheanglas bunreachtúil.

    Top