Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 22022D2152

Cinneadh ó Chomhchoiste LEE Uimh. 160/2019 an 14 Meitheamh 2019 lena leasaítear Iarscríbhinn II (Rialacháin theicniúla, caighdeáin, tástáil agus deimhniú) agus Iarscríbhinn XX (An Comhshaol) a ghabhann le Comhaontú LEE [2022/2152]

IO L 291, 10.11.2022, p. 40–41 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document Date of entry into force unknown (pending notification) or not yet in force.

ELI: http://data.europa.eu/eli/dec/2022/2152/oj

10.11.2022   

GA

Iris Oifigiúil an Aontais Eorpaigh

L 291/40

CINNEADH Ó CHOMHCHOISTE LEE Uimh. 160/2019

an 14 Meitheamh 2019

lena leasaítear Iarscríbhinn II (Rialacháin theicniúla, caighdeáin, tástáil agus deimhniú) agus Iarscríbhinn XX (An Comhshaol) a ghabhann le Comhaontú LEE [2022/2152]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Rialachán (AE) Uimh. 517/2014 ó Pharlaimint na hEorpa agus ón gComhairle an 16 Aibreán 2014 maidir le gáis cheaptha teasa fhluairínithe agus lena n-aisghairtear Rialachán (CE) Uimh. 842/2006 (1), tá sé le hionchorprú i gComhaontú LEE.

(2)

Le Rialachán (AE) Uimh. 517/2014, aisghairtear Rialachán (CE) Uimh. 842/2006 ó Pharlaimint na hEorpa agus ón gComhairle (2), atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE.

(3)

Dá bhrí sin, ba cheart Iarscríbhinní II agus XX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an méid seo a leanas in ionad théacs phointe 9b (Rialachán (CE) Uimh. 842/2006 ó Pharlaimint na hEorpa agus ón gComhairle) de Chaibidil XVII d’Iarscríbhinn II a ghabhann le Comhaontú LEE:

 

‘ 32014 R 0517: Rialachán (AE) Uimh. 517/2014 ó Pharlaimint na hEorpa agus ón gComhairle an 16 Aibreán 2014 maidir le gáis cheaptha teasa fhluairínithe agus lena n-aisghairtear Rialachán (CE) Uimh. 842/2006 (IO L 150, 20.5.2014, lch. 195).

Chun críocha an Chomhaontaithe seo, tá forálacha an Rialacháin oiriúnaithe mar a leanas:

(a)

In Airteagal 4(2), a mhéid a bhaineann le Stáit CSTE, is ‘bliain amháin tar éis dháta theacht i bhfeidhm Chinneadh Uimh. 160/2019 ó Chomhchoiste LEE an 14 Meitheamh 2019’ a léifear in ionad na bhfocal ‘an 31 Nollaig 2016’.

(b)

In Airteagal 5(2), a mhéid a bhaineann le Stáit CSTE, is ‘bliain amháin tar éis dháta theacht i bhfeidhm Chinneadh Uimh. 160/2019 ó Chomhchoiste LEE an 14 Meitheamh 2019’ a léifear in ionad na bhfocal ‘an 1 Eanáir 2017’.

(c)

In Airteagal 12(3)(c), a mhéid a bhaineann le Stáit CSTE, is ‘bliain amháin tar éis dháta theacht i bhfeidhm Chinneadh Uimh. 160/2019 ó Chomhchoiste LEE an 14 Meitheamh 2019’ a léifear in ionad na bhfocal ‘an 1 Eanáir 2017’.

(d)

Ní bheidh feidhm ag Airteagail 14 go 19 ná ag Airteagal 25(2).’

Airteagal 2

Cuirtear an méid seo a leanas in ionad théacs phointe 21aq (Rialachán (CE) Uimh. 842/2006 ó Pharlaimint na hEorpa agus ón gComhairle) d’Iarscríbhinn XX a ghabhann le Comhaontú LEE:

 

‘ 32014 R 0517: Rialachán (AE) Uimh. 517/2014 ó Pharlaimint na hEorpa agus ón gComhairle an 16 Aibreán 2014 maidir le gáis cheaptha teasa fhluairínithe agus lena n-aisghairtear Rialachán (CE) Uimh. 842/2006 (IO L 150, 20.5.2014, lch. 195).

Chun críocha an Chomhaontaithe seo, tá forálacha an Rialacháin oiriúnaithe mar a leanas:

(a)

In Airteagal 4(2), a mhéid a bhaineann le Stáit CSTE, is ‘bliain amháin tar éis dháta theacht i bhfeidhm Chinneadh Uimh. 160/2019 ó Chomhchoiste LEE an 14 Meitheamh 2019’ a léifear in ionad na bhfocal ‘an 31 Nollaig 2016’.

(b)

In Airteagal 5(2), a mhéid a bhaineann le Stáit CSTE, is ‘bliain amháin tar éis dháta theacht i bhfeidhm Chinneadh Uimh. 160/2019 ó Chomhchoiste LEE an 14 Meitheamh 2019’ a léifear in ionad na bhfocal ‘an 1 Eanáir 2017’.

(c)

In Airteagal 12(3)(c), a mhéid a bhaineann le Stáit CSTE, is ‘bliain amháin tar éis dháta theacht i bhfeidhm Chinneadh Uimh. 160/2019 ó Chomhchoiste LEE an 14 Meitheamh 2019’ a léifear in ionad na bhfocal ‘an 1 Eanáir 2017’.

(d)

Ní bheidh feidhm ag Airteagail 14 go 19 ná ag Airteagal 25(2).’

Airteagal 3

Is téacs barántúil a bheidh i dtéacs Rialachán (AE) Uimh. 517/2014 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 4

Tiocfaidh an Cinneadh seo i bhfeidhm an 15 Meitheamh 2019, ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*).

Airteagal 5

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 14 Meitheamh 2019.

Thar ceann Chomhchoiste an LEE

An tUachtarán

Claude MAERTEN

(1)   IO L 150, 20.5.2014, lch. 195.

(2)   IO L 161, 14.6.2006, lch. 1.

(*)  Ní shonraítear aon cheanglas bunreachtúil.

Top