12003T032

Airteagal 32

1. Mura bhforáiltear a mhalairt sa Chonradh seo, ní dhéanfar aon ghealltanais airgeadais i bhfabhar na mBallstát nua tar éis an 31 Nollaig 2003 faoi chlár Phare [5], clár Phare um Chomhar Trasteorann [6], cistí réamhaontachais don Chipir agus do Mhálta [7], clár ISPA [8] agus clár SAPARD [9]. Cuirfear an chóir chéanna ar na Ballstáit nua a chuirtear ar na Ballstáit láithreacha i dtaca le caiteachas faoi na chéad trí Cheannteideal den pheirspictíocht airgeadais, mar atá sainithe i gComhaontú Idirinstitiúideach an 6 Bealtaine 1999 [10], amhail ón 1 Eanáir 2004, faoi réir na sonraíochtaí agus na n-eisceachtaí leithleacha thíos nó de réir mar a fhoráiltear a mhalairt sa Chonradh seo. Leagtar amach in Iarscríbhinn XV na leithreasaí uasta breise do cheannteidil 1, 2, 3 agus 5 den Pheirspictíocht Airgeadais a bhaineann le méadú. Ar a shon sin, ní fhéadfar aon cheangaltais airgeadais a dhéanamh faoi bhuiséad 2004 le haghaidh aon chláir nó gníomhaireacha i dtrácht sula dtarlóidh aontachas an Bhallstáit nua ábhartha.

2. Ní bheidh feidhm ag mír 1 maidir le caiteachas faoi Roinn Treoraíochta an Chiste Eorpaigh um Threoraíocht agus Ráthaíocht Talmhaíochta, de réir Airteagail 2(1), 2(2) agus 3(3) de Rialachán (CE) Uimh. 1258/1999 ón gComhairle maidir le chistiú an chomhbheartais talmhaíochta [11], nach dtiocfaidh chun bheith cáilithe do chistiú Comhphobail ach ó dháta an aontachais, i gcomhréir le hAirteagal 2 den Ionstraim seo.

Ar a shon sin, beidh feidhm ag mír 1 den Airteagal seo maidir le caiteachas d'fhorbairt na tuaithe faoi Roinn Ráthaíochta an Chiste Eorpaigh um Threoraíocht agus Ráthaíocht Talmhaíochta, de réir Airteagal 47a de Rialachán (CE) Uimh. 1257/1999 ón gComhairle maidir le tacaíocht d'fhorbairt na tuaithe ón gCiste Eorpach um Threoraíocht agus Ráthaíocht Talmhaíochta (CETRT) agus ag leasú agus ag aisghairm Rialacháin áirithe [12], faoi réir na gcoinníollacha atá leagtha amach sa leasú ar an Rialachán sin in Iarscríbhinn II a ghabhann leis an Ionstraim seo.

3. Faoi réir na habairte deiridh de mhír 1, amhail ón 1 Eanír 2004, beidh na Ballstáit nua rannpháirteach i gcláir agus i ngníomhaireachtaí de chuid an Chomhphobail de réir na dtéarmaí agus na gcoinníollacha céanna leis na Ballstáit láithreacha agus cistiú acu ó bhuiséad ginearálta na gComhphobal Eorpach. Le héifeacht ón 1 Eanáir 2004, gabhfaidh na forálacha a rialaíonn na cláir agus na gníomhaireachtaí ábhartha ionad na dtéarmaí agus na gcoinníollacha atá leagtha síos i gCinntí ó Chomhairlí Comhlachais, Comhaontuithe agus Meabhráin Chomhthuisceana idir na Comhphobail Eorpacha agus na Ballstáit nua a mhéad a bhaineann lena rannpháirtíocht i i gcláir agus i ngníomhaireachtaí de chuid an Chomhphobail.

4. Mura n-aontóidh ceann de na Stáit dá dtagraítear in Airteagal (1)1 den Chonradh Aontachais don Chomhphobal le linn 2004, beidh aon iarratas arna dhéanamh ag an Stát i dtrácht nó uaidh i ndáil le maoiniú trí chaiteachas faoi na chéad trí Cheannteideal de den Pheirspictíocht Airgeadais do 2004 ar neamhní. Sa chás sin, leanfaidh Cinneadh ón gComhairle Chomhlachais, an Comhaontú nó an Meabhrán Comhthuisceana d'fheidhm a bheith aige i dtaca leis an Stát sin i gcaitheamh na bliana 2004 ar fad.

5. Más gá aon bhearta chun an trasdul ón gcóras réamhaontachais chuig an gcóras a thig ón Airteagal seo a chur i bhfeidhm, glacfaidh an Coimisiún na bearta is gá.

[5] Rialachán (CE) Uimh. 3906/89 (IO L 375, 23.12.1989, lch. 11), mar atá arna leasú.

[6] Rialachán (CE) Uimh. 2760/98 (IO L 345, 19.12.1998, lch. 49), mar atá arna leasú.

[7] Rialachán (CE) Uimh. 555/2000 (IO L 68, 19.12.1998, lch. 3), mar atá arna leasú.

[8] Rialachán (CE) Uimh. 1267/1999 (IO L 161, 26.6.1999, lch. 73), mar atá arna leasú.

[9] Rialachán (CE) Uimh. 1268/1999 (IO L 161, 26.6.1999, lch. 87), mar atá arna leasú.

[10] Comhaontú Idirinstitiúideach an 6 Bealtaine 1999 idir Parlaimint na hEorpa, an Chomhairle agus an Coimisiún maidir le smacht buiséadach agus leis an nós imeachta buiséadach a fheabhsú (IO C 172, 18.6.1999, lch. 1).

[11] IO L 160, 26.6.99, lch. 103.

[12] IO L 160, 26.6.1999, lch. 80.

--------------------------------------------------