This document is an excerpt from the EUR-Lex website
Document 02022D0179-20221125
Commission Implementing Decision (EU) 2022/179 of 8 February 2022 on the harmonised use of radio spectrum in the 5 GHz frequency band for the implementation of wireless access systems including radio local area networks and repealing Decision 2005/513/EC (notified under document C(2022) 628) (Text with EEA relevance)Text with EEA relevance
Consolidated text: Cinneadh Cur Chun Feidhme (AE) 2022/179 ón gCoimisiún an 8 Feabhra 2022 maidir le comhchuibhiú úsáid speictrim raidió i mbanda minicíochta 5 GHz le haghaidh cur chun feidhme córas rochtana gan sreang lena n-áirítear líonraí achair logánta raidió agus lena n-aisghairtear Cinneadh 2005/513/CE (a bhfuil fógra tugtha ina leith faoi dhoiciméad C(2022) 628) (Téacs atá ábhartha maidir le LEE)Téacs atá ábhartha maidir leis an LEE
Cinneadh Cur Chun Feidhme (AE) 2022/179 ón gCoimisiún an 8 Feabhra 2022 maidir le comhchuibhiú úsáid speictrim raidió i mbanda minicíochta 5 GHz le haghaidh cur chun feidhme córas rochtana gan sreang lena n-áirítear líonraí achair logánta raidió agus lena n-aisghairtear Cinneadh 2005/513/CE (a bhfuil fógra tugtha ina leith faoi dhoiciméad C(2022) 628) (Téacs atá ábhartha maidir le LEE)Téacs atá ábhartha maidir leis an LEE
02022D0179 — GA — 25.11.2022 — 001.001
Is áis doiciméadúcháin amháin an téacs seo agus níl aon éifeacht dhlíthiúil aige. Ní ghabhann institiúidí an Aontais aon dliteanas orthu féin i leith inneachar an téacs. Is iad na leaganacha de na gníomhartha a foilsíodh in Iris Oifigiúil an Aontais Eorpaigh agus atá ar fáil ar an suíomh gréasáin EUR-Lex na leaganacha barántúla de na gníomhartha ábhartha, brollach an téacs san áireamh. Is féidir teacht ar na téacsanna oifigiúla sin ach na naisc atá leabaithe sa doiciméad seo a bhrú
CINNEADH CUR CHUN FEIDHME (AE) 2022/179 ÓN gCOIMISIÚN an 8 Feabhra 2022 maidir le comhchuibhiú úsáid speictrim raidió i mbanda minicíochta 5 GHz le haghaidh cur chun feidhme córas rochtana gan sreang lena n-áirítear líonraí achair logánta raidió agus lena n-aisghairtear Cinneadh 2005/513/CE (a bhfuil fógra tugtha ina leith faoi dhoiciméad C(2022) 628) (Téacs atá ábhartha maidir le LEE) (IO L 029 10.2.2022, lch. 10) |
Arna leasú le:
|
|
Iris Oifigiúil |
||
Uimh |
Leathanach |
Dáta |
||
CINNEADH CUR CHUN FEIDHME (AE) 2022/2307 ÓN gCOIMISIÚN an 23 Samhain 2022 |
L 305 |
63 |
25.11.2022 |
CINNEADH CUR CHUN FEIDHME (AE) 2022/179 ÓN gCOIMISIÚN
an 8 Feabhra 2022
maidir le comhchuibhiú úsáid speictrim raidió i mbanda minicíochta 5 GHz le haghaidh cur chun feidhme córas rochtana gan sreang lena n-áirítear líonraí achair logánta raidió agus lena n-aisghairtear Cinneadh 2005/513/CE
(a bhfuil fógra tugtha ina leith faoi dhoiciméad C(2022) 628)
(Téacs atá ábhartha maidir le LEE)
Airteagal 1
Leis an gCinneadh seo, comhchuibhítear na coinníollacha maidir le hinfhaighteacht agus le húsáid éifeachtúil bhandaí minicíochta 5 150 -5 250 MHz, 5 250 -5 350 MHz agus 5 470 -5 725 MHz le haghaidh córais rochtana gan sreang lena n-áirítear líonraí achair logánta raidió (WAS/RLANanna).
Airteagal 2
Chun críocha an Chinnidh seo, beidh feidhm ag na sainmhínithe seo a leanas:
is córais raidió leathanbhanda “córais rochtana gan sreang lena n-áirítear líonraí achair logánta raidió (WAS/RLANanna)” lena gceadaítear rochtain gan sreang le haghaidh feidhmeanna poiblí agus príobháideacha gan beann ar thoipeolaíocht an bhunlíonra;
sainmhínítear “úsáid laistigh” mar úsáid laistigh de spás iata lena gcuirfear ar fáil an maolúchán is gá chun an chomhroinnt le seirbhísí eile a éascú. Is féidir úsáid laistigh a aicmiú ina ceithre chás úsáide, mar a shainaithnítear i gcoinníollacha teicniúla na hIarscríbhinne a ghabhann leis an gCinneadh seo lena gcuirtear san áireamh cásanna sonracha: laistigh d’fhoirgnimh, laistigh d’fheithiclí bóthair, laistigh de thraenacha agus laistigh d’aerárthaí;
ciallaíonn “cumhacht choibhéiseach radaithe go hiseatrópach (‘e.i.r.p.’)” táirge na cumhachta a sholáthraítear don aeróg agus an neartú aeróige i dtreo ar leith i ndáil le haeróg iseatrópach (dearbhneartúchán nó neartúchán iseatrópach);
ciallaíonn “meánchumhacht choibhéiseach radaithe go hiseatrópach (‘e.i.r.p.’)” e.i.r.p. le linn rabharta tarchuir a chomhfhreagraíonn don chumhacht is airde, má chuirtear rialú cumhachta chun feidhme.
Airteagal 3
Faoin 30 Meitheamh 2023, ainmneoidh na Ballstáit bandaí minicíochta 5 150 -5 250 MHz, 5 250 -5 350 MHz agus 5 470 -5 725 MHz agus cuirfidh siad ar fáil iad, ar bhonn neamheisiach, le haghaidh cur chun feidhme WAS/RLANanna i gcomhréir leis na coinníollacha teicniúla a leagtar amach san Iarscríbhinn.
Airteagal 4
Déanfaidh na Ballstáit faireachán ar éabhlóid caighdeán agus ar éabhlóid na teicneolaíochta i ndáil le húsáid bhandaí minicíochta 5 150 -5 250 MHz, 5 250 -5 350 MHz agus 5 470 -5 725 MHz le haghaidh WAS/RLANanna agus tuairisceoidh siad a gcuid torthaí don Choimisiún arna iarraidh sin dó nó ar a dtionscnamh féin chun go mbeifear in ann athbhreithniú tráthúil a dhéanamh ar an gCinneadh seo.
Airteagal 5
Aisghairtear Cinneadh 2005/513/CE.
Airteagal 6
Is chuig na Ballstáit a dhírítear an Cinneadh seo.
IARSCRÍBHINN
Coinníollacha teicniúla comhchuibhithe le haghaidh WAS/RLANanna i mbandaí minicíochta 5 150 -5 250 MHz, 5 250 -5 350 MHz agus 5 470 -5 725 MHz
Tábla 1
WAS/RLANanna i mbanda minicíochta 5 150 -5 250 MHz
Paraiméadar |
Coinníollacha teicniúla |
Banda minicíochta |
5 150 -5 250 MHz |
Oibriú incheadaithe |
Úsáid laistigh, lena n-áirítear suiteálacha laistigh d’fheithiclí bóthair, traenacha agus aerárthaí, agus úsáid lasmuigh theoranta (nóta 1). Tá an úsáid i measc córais aerárthaí gan foireann (“UAS”) teoranta do laistigh de bhanda 5 170 -5 250 MHz. |
An mheánchumhacht choibhéiseach radaithe go hiseatrópach (e.i.r.p.) uasta le haghaidh astaíochtaí laistigh den bhanda |
200 mW Eisceachtaí: — Tá feidhm ag an meánchumhacht choibhéiseach uasta radaithe go hiseatrópach 40 mW maidir le suiteálacha laistigh de charráistí traenach a bhfuil meánchaillteanas maolúcháin níos lú ná 12 dB ag baint leo, — Tá feidhm ag an meánchumhacht choibhéiseach uasta radaithe go hiseatrópach 40 mW maidir le suiteálacha laistigh d’fheithiclí bóthair. |
Dlús na meánchumhachta coibhéisí uasta radaithe go hiseatrópach le haghaidh astaíochtaí laistigh den bhanda |
10 mW/MHz laistigh d’aon bhanda 1 MHz |
Nóta 1: Má úsáidtear lasmuigh é, ní chuirfear trealamh i gceangal le haeróg dho-aistrithe lasmuigh, le bonneagar do-aistrithe nó le cabhail sheachtrach feithiclí bóthair. |
Bainfear úsáid as teicnící chun rochtain a fháil ar speictream agus trasnaíocht a mhaolú lena soláthraítear leibhéal iomchuí feidhmíochta chun ceanglais riachtanacha Threoir 2014/53/AE ó Pharlaimint na hEorpa agus ón gComhairle ( 1 ) a chomhlíonadh. I gcás ina dtugtar tuairisc ar theicnící ábhartha i gcaighdeáin chomhchuibhithe nó i gcodanna díobh ar foilsíodh na tagairtí dóibh in Iris Oifigiúil an Aontais Eorpaigh i gcomhréir le Treoir 2014/53/AE, áiritheofar feidhmíocht atá coibhéiseach ar a laghad leis an leibhéal feidhmíochta a bhaineann leis na teicnící sin.
Tábla 2
WAS/RLANanna i mbanda minicíochta 5 250 -5 350 MHz
Paraiméadar |
Coinníollacha teicniúla |
Banda minicíochta |
5 250 -5 350 MHz |
Oibriú incheadaithe |
Úsáid laistigh: laistigh d’fhoirgnimh amháin. Ní cheadaítear suiteálacha i bhfeithiclí bóthair, traenacha agus aerárthaí (nóta 2). Ní cheadaítear úsáid lasmuigh. |
An mheánchumhacht choibhéiseach uasta radaithe go hiseatrópach le haghaidh astaíochtaí laistigh den bhanda |
200 mW |
Dlús na meánchumhachta coibhéisí uasta radaithe go hiseatrópach le haghaidh astaíochtaí laistigh den bhanda |
10 mW/MHz laistigh d’aon bhanda 1 MHz |
Teicnící maolúcháin atá le húsáid |
Rialú cumhachta tarchuradóra (TPC) agus roghnúchán minicíochta dinimiciúil (DFS). Féadfar teicnící maolúcháin malartacha a úsáid má áirithítear leo leibhéal feidhmíochta agus leibhéal cosanta speictrim atá coibhéiseach ar a laghad chun ceanglais riachtanacha chomhfhreagracha Threoir 2014/53/AE a chomhlíonadh agus má dhéantar ceanglais theicniúla an Chinnidh seo a urramú leo. |
Rialú cumhachta tarchuradóra (TPC) |
Le TPC, soláthrófar fachtóir maolúcháin 3 dB ar a laghad, ar an meán, ar uaschumhacht aschurtha na gcóras is incheadaithe, nó, mura bhfuil rialú cumhachta tarchuradóra á úsáid, laghdófar an mheánchumhacht choibhéiseach uasta radaithe go hiseatrópach is incheadaithe agus an teorainn le dlús comhfhreagrach na meánchumhachta coibhéisí radaithe go hiseatrópach 3 dB. |
Roghnúchán minicíochta dinimiciúil (DFS) |
Tugtar tuairisc ar DFS i Moladh M. 1652-1 ó ITU-R (2) chun oibriú atá comhoiriúnach le córais rad-aimsithe a áirithiú. Le sásra DFS, áiritheofar gurb ionann an dóchúlacht go roghnófaí cainéal ar leith le haghaidh gach cainéal atá ar fáil laistigh de bhandaí 5 250 -5 350 MHz agus 5 470 -5 725 MHz. Áiritheofar freisin le sásra DFS, ar an meán, leathadh ualaigh atá beagnach aonfhoirmeach i ndáil leis an speictream. Cuirfear roghnúchán minicíochta dinimiciúil chun feidhme i WAS/RLANanna lena soláthrófar maolú ar thrasnaíocht ar radar atá chomh héifeachtúil ar a laghad le DFS ar a dtugtar tuairisc i gCaighdeán ETSI EN 301 893 V2.1.1. Socruithe (crua-earraí agus/nó bogearraí) WAS/RLANanna a bhaineann le DFS, ní bheidh rochtain ag an úsáideoir orthu sin más rud é nach mbeidh WAS/RLANanna i gcomhréir le ceanglais DFS a thuilleadh de thoradh na socruithe sin a athrú. Áirítear leis sin (a) gan cead a thabhairt don úsáideoir an tír oibriúcháin agus/nó an banda minicíochta oibriúcháin a athrú más rud é nach mbeidh an trealamh i gcomhréir le ceanglais DFS dá thoradh sin agus (b) gan glacadh le bogearraí agus/nó dochtearraí a fhágann nach mbeidh an trealamh i gcomhréir le ceanglais DFS a thuilleadh. |
(1)
I gcomhréir le Rialachán (AE) Uimh. 1321/2014 ón gCoimisiún, ciallaíonn aerárthach mór aerárthach a aicmítear mar eitleán ag a bhfuil uasmhais éirí de thalamh níos mó ná 5 700 kg, nó héileacaptar il-inneall. Eisiatar héileacaptair il-inneall, áfach, ó raon feidhme nótaí 2 agus 3.
(2)
Moladh M. 1652-1 ó ITU-R, “Roghnúchán minicíochta dinimiciúil i gcórais rochtana gan sreang lena n-áirítear líonraí achair logánta raidió chun an tseirbhís rad-aimsithe i mbanda 5 GHz a chosaint” Nóta 2: Suiteálacha WAS/RLANanna a oibriú in aerárthaí móra (1) (seachas héileacaptair il-inneall), ceadaítear é sin go dtí an 31 Nollaig 2028 le meánchumhacht choibhéiseach uasta radaithe go hiseatrópach 100 mW le haghaidh astaíochtaí laistigh den bhanda. |
Bainfear úsáid as teicnící chun rochtain a fháil ar speictream agus trasnaíocht a mhaolú lena soláthraítear leibhéal iomchuí feidhmíochta chun ceanglais riachtanacha Threoir 2014/53/AE a chomhlíonadh. I gcás ina dtugtar tuairisc ar theicnící ábhartha i gcaighdeáin chomhchuibhithe nó i gcodanna díobh ar foilsíodh na tagairtí dóibh in Iris Oifigiúil an Aontais Eorpaigh i gcomhréir le Treoir 2014/53/AE, áiritheofar feidhmíocht atá coibhéiseach ar a laghad leis an leibhéal feidhmíochta a bhaineann leis na teicnící sin.
Tábla 3
WAS/RLANanna i mbanda minicíochta 5 470 -5 725 MHz
Paraiméadar |
Coinníollacha teicniúla |
Banda minicíochta |
5 470 -5 725 MHz |
Oibriú incheadaithe |
Úsáid laistigh agus lasmuigh. Ní cheadaítear suiteálacha i bhfeithiclí bóthair ach amháin le haghaidh gairis WAS/RLANanna atá ag oibriú i mód (1) sclábhánta a rialaítear le gaireas seasta WAS/RLAN ag a bhfuil feidhmiúlacht DFS atá ag oibriú sa mháistirmhód. Ní cheadaítear suiteálacha i dtraenacha agus in aerárthaí ná úsáid le haghaidh UAS (nóta 3). |
An mheánchumhacht choibhéiseach uasta radaithe go hiseatrópach le haghaidh astaíochtaí laistigh den bhanda |
1 W Eisceachtaí: — Tá feidhm ag an meánchumhacht choibhéiseach uasta radaithe go hiseatrópach 200 mW maidir le suiteálacha i bhfeithiclí bóthair. |
Dlús na meánchumhachta coibhéisí uasta radaithe go hiseatrópach le haghaidh astaíochtaí laistigh den bhanda |
50 mW/MHz laistigh d’aon bhanda 1 MHz |
Teicnící maolúcháin atá le húsáid |
Rialú cumhachta tarchuradóra (TPC) agus roghnúchán minicíochta dinimiciúil (DFS). Féadfar teicnící maolúcháin malartacha a úsáid má áirithítear leo leibhéal feidhmíochta agus leibhéal cosanta speictrim atá coibhéiseach ar a laghad chun ceanglais riachtanacha chomhfhreagracha Threoir 2014/53/AE a chomhlíonadh agus má dhéantar ceanglais theicniúla an Chinnidh seo a urramú leo. |
Rialú cumhachta tarchuradóra (TPC) |
Le TPC, soláthrófar fachtóir maolúcháin 3 dB ar a laghad, ar an meán, ar uaschumhacht aschurtha na gcóras is incheadaithe, nó, mura bhfuil rialú cumhachta tarchuradóra á úsáid, laghdófar an mheánchumhacht choibhéiseach uasta radaithe go hiseatrópach is incheadaithe agus an teorainn le dlús comhfhreagrach na meánchumhachta coibhéisí radaithe go hiseatrópach 3 dB. |
Roghnúchán minicíochta dinimiciúil (DFS) |
Tugtar tuairisc ar DFS i Moladh M. 1652-1 ó ITU-R chun oibriú atá comhoiriúnach le córais rad-aimsithe a áirithiú. Le sásra DFS, áiritheofar gurb ionann an dóchúlacht go roghnófaí cainéal ar leith le haghaidh gach cainéal atá ar fáil laistigh de bhandaí 5 250 -5 350 MHz agus 5 470 -5 725 MHz. Áiritheofar freisin le sásra DFS, ar an meán, leathadh ualaigh atá beagnach aonfhoirmeach i ndáil leis an speictream. Cuirfear roghnúchán minicíochta dinimiciúil chun feidhme i WAS/RLANanna lena soláthrófar maolú ar thrasnaíocht ar radar atá chomh héifeachtúil ar a laghad le DFS ar a dtugtar tuairisc i gCaighdeán ETSI EN 301 893 V2.1.1. Socruithe (crua-earraí agus/nó bogearraí) WAS/RLANanna a bhaineann le DFS, ní bheidh rochtain ag an úsáideoir orthu sin más rud é nach mbeidh WAS/RLANanna i gcomhréir le ceanglais DFS a thuilleadh de thoradh na socruithe sin a athrú. Áirítear leis sin (a) gan cead a thabhairt don úsáideoir an tír oibriúcháin agus/nó an banda minicíochta oibriúcháin a athrú más rud é nach mbeidh an trealamh i gcomhréir le ceanglais DFS dá thoradh sin agus (b) gan glacadh le bogearraí agus/nó dochtearraí a fhágann nach mbeidh an trealamh i gcomhréir le ceanglais DFS a thuilleadh. |
(1)
Sainmhínítear mód sclábhánta agus máistirmhód in EN 301 893 V2.1.1. Nóta 3: Suiteálacha WAS/RLANanna a oibriú in aerárthaí móra (seachas héileacaptair il-inneall), seachas i mbanda minicíochta 5 600 – 5 650 MHz, ceadaítear é sin go dtí an 31 Nollaig 2028 le meánchumhacht choibhéiseach uasta radaithe go hiseatrópach 100 mW le haghaidh astaíochtaí laistigh den bhanda. |
Bainfear úsáid as teicnící chun rochtain a fháil ar speictream agus trasnaíocht a mhaolú lena soláthraítear leibhéal iomchuí feidhmíochta chun ceanglais riachtanacha Threoir 2014/53/AE a chomhlíonadh. I gcás ina dtugtar tuairisc ar theicnící ábhartha i gcaighdeáin chomhchuibhithe nó i gcodanna díobh ar foilsíodh na tagairtí dóibh in Iris Oifigiúil an Aontais Eorpaigh i gcomhréir le Treoir 2014/53/AE, áiritheofar feidhmíocht atá coibhéiseach ar a laghad leis an leibhéal feidhmíochta a bhaineann leis na teicnící sin.
( 1 ) Treoir 2014/53/AE ó Pharlaimint na hEorpa agus ón gComhairle an 16 Aibreán 2014 maidir le comhchuibhiú dhlíthe na mBallstát a bhaineann le trealamh raidió a chur ar fáil ar an margadh agus lena n-aisghairtear Treoir 1999/5/CE (IO L 153, 22.5.2014, lch. 62).