3.9.2012   

GA

Iris Oifigiúil an Aontais Eorpaigh

L NaN/1

(1)

An 28 Iúil 2011, ghlac Comhlacht um Réiteach Díospóidí (“DSB”) na hEagraíochta Domhanda Trádála (“WTO”) an Tuarascáil ón gComhlacht Achomhairc agus an Tuarascáil ón bPainéal arna modhnú leis an Tuarascáil ón gComhlacht Achomhairc (“na Tuarascálacha”) sa díospóid “Na Comhphobail Eorpacha — Bearta Cinntitheacha Frithdhumpála maidir le Ceanglóirí Áirithe Iarainn nó Cruach ón tSín” (2).

(2)

Sna tuarascálacha sin, fuarthas, inter alia, nach raibh Airteagal 9(5) de Rialachán (CE) Uimh. 1225/2009 ón gComhairle an 30 Samhain 2009 maidir le cosaint i gcoinne allmhairí dumpáilte ó thíortha nach comhaltaí den Chomhphobal Eorpach iad (3) (“An bun-Rialachán Frithdhumpála”) comhsheasmhach le hAirteagal 6.10, le hAirteagal 9.2 ná le hAirteagal 18.4 de Chomhaontú Frithdhumpála WTO ná le hAirteagal XVI:4 de Chomhaontú WTO. Déantar foráil le hAirteagal 9(5) den bhun-Rialachán Frithdhumpála, go mbeidh táirgeoirí onnmhairiúcháin aonair, i dtíortha a bhfuil geilleagar nach geilleagar margaidh é iontu is tíortha nach bhfaigheann cóir gheilleagair margaidh de bhun phointe (c) d’Airteagal 2(7) den bhun-Rialachán Frithdhumpála, faoi réir ráta dleachta uile-tíre murar féidir le honnmhaireoirí den sórt sin a thaispeáint go gcomhlíonann siad na coinníollacha maidir le cóir aonair (“CA”) a leagtar amach in Airteagal 9(5) den bhun-Rialachán Frithdhumpála.

(3)

Fuair an Comhlacht Achomhairc go ndéantar le hAirteagal 9(5) den bhun-Rialachán Frithdhumpála toimhde a bhunú ar dá réir nach bhfuil táirgeoirí onnmhairiúcháin a oibríonn i dtíortha a bhfuil geilleagar nach geilleagar margaidh é iontu i dteideal CA a fháil agus, le go gcáileoidís do CA, go bhfuil an dualgas orthu a thaispeáint go gcomhlíonann siad critéir na tástála CA. Dar leis an gComhlacht Achomhairc, ní dhéantar foráil do bhunús dlíthiúil le haghaidh toimhde den sórt sin i gcomhaontuithe ábhartha WTO.

(4)

Thug an Comhlacht Achomhairc soiléiriú, áfach, le linn dó corrlach dumpála aonair agus dleacht frithdhumpála aonair a chinneadh le haghaidh líon onnmhaireoirí, go mbraithfidh comhsheasmhacht an chinnidh sin le hAirteagal 6.10 agus le hAirteagal 9.2 de Chomhaontú Frithdhumpála WTO ar staideanna a bheith ann lena léirítear go bhfuil dhá onnmhaireoir nó níos mó i gcaidreamh de chineál ar dá bharr gur cheart cóir a chur orthu mar eintiteas amháin, cé go bhfuil siad leithleach go dlíthiúil. D’fhéadfadh sé go n-áireofaí le staideanna den sórt sin: (i) naisc chorparáideacha agus struchtúracha a bheith ann idir na honnmhaireoirí, amhail comhrialú, scairsheilbh choiteann agus comhbhainistíocht; (ii) naisc chorparáideacha agus struchtúracha a bheith ann idir an Stát agus na honnmhaireoirí, amhail comhrialú, scairsheilbh choiteann agus comhbhainistíocht; agus (iii) rialú nó tionchar ábhartha a bheith ag an Stát ar an bpraghsáil agus ar an aschur. Maidir leis an méid sin, ba cheart na téarmaí sna leasuithe atá beartaithe a dhéanamh ar Airteagal 9(5) den bhun-Rialachán Frithdhumpála lena léirítear na staideanna sin a léamh i bhfianaise shoiléirithe an Chomhlachta Achomhairc, ach é sin gan dochar do théarmaí ina n-úsáidtear an fhoclaíocht chéanna nó foclaíocht chomhchosúil i bhforálacha eile den bhun-Rialachán Frithdhumpála.

(5)

An 18 Lúnasa 2011, thug an tAontas fógra do DSB go bhfuil rún aige moltaí agus rialuithe DSB maidir leis an díospóid seo a chur chun feidhme ar shlí ina n-urramaítear oibleagáidí WTO an Aontais.

(6)

Chun na críche sin, is gá forálacha Airteagal 9(5) den bhun-Rialachán Frithdhumpála a leasú,