Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32015R0936

    Allmhairiú táirgí teicstíle ó thíortha neamh-AE

    Dáta an athbhreithnithe dheireanaigh:
    22/11/2017
    Dáta a céadchruthaíodh:
    08/12/2017
    Doiciméid achoimrithe:
    Údar:
    Oifig Foilseachán an Aontais Eorpaigh
    Eintiteas/is atá freagrach:
    Ard-Stiúrthóireacht na Trádála

    Allmhairiú táirgí teicstíle ó thíortha neamh-AE

     

    ACHOIMRE AR:

    Rialachán (AE) 2015/936 — allmhairiú táirgí teicstíle ó thíortha áirithe neamh-AE nach dtagann faoi chomhaontuithe déthaobhacha, prótacail ná comhshocraíochtaí eile, ná faoi rialacha sonracha eile i dtaca le hallmhairiú

    CAD IS AIDHM LEIS AN RIALACHÁN?

    Bunaítear leis rialacha maidir le hallmhairiú cineálacha éagsúla teicstíle ó thíortha áirithe neamh-AE nach dtagann faoi chomhaontuithe déthaobhacha, prótacail ná comhshocraíochtaí eile, ná faoi rialacha sonracha eile AE i dtaca le hallmhairiú, eadhon an Chóiré Thuaidh.

    Tugtar isteach leis freisin córas faireachais a bhaineann le hallmhairiú táirgí teicstíle de thionscnamh thíortha neamh-AE, seachas an Chóiré Thuaidh.

    Tagann sé in ionad Rialachán (CE) Uimh. 517/94 ón gComhairle.

    PRÍOMHPHOINTÍ

    Maidir leis an reachtaíocht:

    • dearbhaítear léi gur féidir teicstílí ó gach tír neamh-AE seachas Daon-Phoblacht Dhaonlathach na Cóiré a allmhairiú gan srian ar bith ar na méideanna atá i gceist;
    • leagtar uasteorainneacha léi ar allmhairiú catagóirí éagsúla ón gCóiré Thuaidh — bunaítear na leibhéil ar shruthanna trádála roimhe seo nó ar shruthanna trádála measta;
    • leasaíodh í le Rialachán (AE) 2017/354, lena n-aithnítear na forbairtí dearfacha polaitiúla sa chaidreamh idir AE agus Poblacht na Bealarúise agus féachtar léi le cuidiú le tuilleadh feabhais a dhéanamh ar chaidreamh AE–Bealarúise — féadfaidh AE dul i muinín cuótaí amach anseo má thagann meath tromchúiseach ar staid chearta an duine sa Bhealarúis.

    Ní mór do thíortha AE an Coimisiún Eorpach a chur ar an eolas laistigh de 30 lá faoi mhéid na dteicstílí a allmhairíodh an mhí roimhe sin ón gCóiré Thuaidh agus sonraí bliantúla a sholáthar faoin 31 Márta gach bliain.

    Déanann an Coimisiún iad seo a leanas:

    • imscrúdú, má mheasann sé go bhfuil cúis chóir ann, ar mhéid na n-allmhairí atá á ndéanamh;
    • caitheann sé le gach eolas a fhaigheann sé faoi rún;
    • cuireann sé a thuairisc faoi bhráid an Choiste Teicstíle a chuidíonn leis an reachtaíocht a chur chun feidhme;
    • déanann sé faireachán ar allmhairí má mheasann sé go bhféadfadh a méid díobháil a dhéanamh do tháirgeoirí AE;
    • leagann sé coinníollacha speisialta ar allmhairiú, amhail doiciméad faireachais a éileamh; agus
    • tugann sé isteach bearta cosanta má dhéanann allmhairí mórdhíobháil nó más bagairt iarbhír iad do tháirgeoirí Eorpacha.

    Féadfaidh an Coimisiún gníomhartha tarmligthe* agus gníomhartha cur chun feidhme*a ghlacadh.

    Rialachán Cur Chun Feidhme (AE) 2016/2148:

    • leagtar amach ann méideanna na dteicstílí is féidir a allmhairiú ón gCóiré Thuaidh in 2017;
    • liostaítear ann na húdaráis inniúla i ngach tír AE a chuireann an Coimisiún ar an eolas faoi na hiarratais ar allmhairiú a fhaigheann siad.

    CÉN UAIR ATÁ TOSACH FEIDHME AN RIALACHÁIN?

    Tá feidhm leis ón 15 Iúil 2015. Le Rialachán (AE) 2015/936 rinneadh leasú agus ionadú ar Rialachán (CE) Uimh. 517/94 (agus a leasuithe ina dhiaidh sin).

    CÚLRA

    Le haghaidh tuilleadh faisnéise, féach:

    PRÍOMHTHÉARMAÍ

    Gníomhartha tarmligthe: cuireann siad sin ar chumas an Choimisiúin gníomhartha ginearálta neamhreachtacha a ghlacadh chun cur le gnéithe neamhriachtanacha píosa reachtaíochta nó chun iad a leasú.
    Gníomhartha cur chun feidhme: cuireann siad sin ar chumas an Choimisiúin rialacha nós imeachta a ghlacadh chun cuidiú le cur chun feidhme píosa reachtaíochta, mar shampla spriocdhátaí nó teimpléid.

    PRÍOMHDHOICIMÉAD

    Rialachán (AE) 2015/936 ó Pharlaimint na hEorpa agus ón gComhairle an 9 Meitheamh 2015 maidir le rialacha comhchoiteanna i dtaca le hallmhairiú táirgí teicstíle ó thríú tíortha áirithe nach dtagann faoi chomhaontuithe déthaobhacha, prótacail ná comhshocraíochtaí eile, ná faoi athmhúnluithe sonracha eile an Aontais i dtaca le hallmhairiú (athmhúnlú) (IO L 160, 25.6.2015, lgh. 1-54)

    Rinneadh leasuithe comhleanúnacha ar Rialachán (AE) Uimh. 2015/936 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

    DOICIMÉID GHAOLMHARA

    Rialachán Cur Chun Feidhme (AE) 2016/2148 ón gCoimisiún an 7 Nollaig 2016 lena leagtar síos rialacha maidir le bainistiú agus dáileadh cuótaí teicstíle a bunaíodh don bhliain 2017 faoi Rialachán (AE) 2015/936 ó Pharlaimint na hEorpa agus ón gComhairle (IO L 333, 8.12.2016, lgh. 32-41)

    Nuashonraithe 22.11.2017

    Barr