This document is an excerpt from the EUR-Lex website
Document 32012R1026
Stoic éisc a chaomhnú i dtíortha a cheadaíonn iascaireacht neamh-inbhuanaithe
- Dáta an athbhreithnithe dheireanaigh:
- 05/12/2017
- Dáta a céadchruthaíodh:
- 17/05/2018
- Cód na hachoimre:
-
- 02.06.04.00 Stoic iascaigh a chaomhnú agus a bhainistiú
- Tuairisceoir EUROVOC:
- Cód eolaire:
-
- 04.10.30.10 Iascach / Comhbheartas iascaigh / Caomhnú Acmhainní / Cuótaí gabhála agus bainistiú stoc
- Doiciméid achoimrithe:
- Údar:
- Oifig Foilseachán an Aontais Eorpaigh
- Eintiteas/is atá freagrach:
- Ard-Stiúrthóireacht na hIascaireachta agus Gnóthaí Muirí
Stoic éisc a chaomhnú i dtíortha a cheadaíonn iascaireacht neamh-inbhuanaithe
ACHOIMRE AR:
CAD IS AIDHM LEIS AN RIALACHÁN?
- Bunaítear leis córas trínar féidir le AE bearta a ghlacadh i ndáil le gníomhaíochtaí agus beartais thíortha neamh-AE áirithe ina gceadaítear iascaireacht neamh-inbhuanaithe.
- Tá na bearta sin ceaptha chun cuidiú le caomhnú stoc éisc ar leas coiteann iad* do na tíortha AE agus na tíortha neamh-AE lena mbaineann.
PRÍOMHPHOINTÍ
Sainítear tír mar thír ina gceadaítear iascaireacht neamh-inbhuanaithe i gcás:
- go mainníonn sí bearta comhoibriú chun stoc ar leas coiteann é a bhainistiú i gcomhréir iomlán leis na rialacha a comhaontaíodh i gCoinbhinsiún na Náisiún Aontaithe maidir le Dlí na Farraige, 1982 agus i gComhaontú na Náisiún Aontaithe maidir le Stoic Éisc, 1995 nó aon chomhaontaithe idirnáisiúnta eile nó aon norm den dlí idirnáisiúnta; agus
- :
- go mainníonn sí bearta bainistíochta iascaigh riachtanacha a ghlacadh; nó
- go nglacann sí bearta bainistíochta iascaigh gan aird chuí a thabhairt ar chearta, leasanna agus dualgais tíortha eile agus AE a bhféadfadh, nuair a chuirtear iad leis na bearta a rinne tíortha eile agus AE, iascaireacht teacht as a bhféadfadh stoic neamh-inbhuanaithe bheith mar thoradh air.
Bearta is féidir le AE a dhéanamh
Áirítear ar na samplaí de na bearta is féidir leis an gCoimisiún Eorpach a dhéanamh i ndáil le tír a cheadaíonn iascaireacht neamh-inbhuanaithe:
- cuótaí ar allmhairí éisc ón stoc ar leas coiteann é a gabhadh faoi rialú na tíre sin agus ar allmhairí táirgí iascaigh ina bhfuil iasc den sórt sin;
- Srianta ar úsáid chalafoirt AE ag soithí
- a bhfuil bratach na tíre sin ar foluain acu a dhéanann iascaireacht ó stoc ar leas coiteann é agus/nó ó speicis bhainteacha; nó ina n-iompraítear éisc nó táirgí a fuarthas ó stoc ar leas coiteann é agus/nó ó speicis bhainteacha;
- a bhfuil bratach eile ar foluain acu atá údaraithe ag an tír sin;
- cosc a chur ar chuideachtaí iascaireachta AE soithí iascaireachta a bhfuil bratach na tíre sin ar foluain acu a cheannach;
- cosc a chur ar shoithí a bhfuil bratach thír AE ar foluain acu a mbratach a athrú go dtí bratach na tíre sin;
- cosc a chur ar shoithí iascaireachta a bhfuil bratach thír AE ar foluain acu, nó ar threalamh agus soláthairtí iascaireachta a bhfuil gá leo chun iascaireacht a dhéanamh ar an stoc ar leas coiteann é, a onnmhairiú chuig an tír sin;
- cosc a chur ar chomhaontuithe trádála príobháideacha a thabhairt i gcrích idir oibreoirí eacnamaíocha AE agus oibreoirí na tíre sin a cheadaíonn do shoitheach iascaireachta a bhfuil bratach thír AE ar foluain acu leas a bhaint as deiseanna iascaireachta de chuid na tíre sin;
- cosc a chur ar chomhoibríochtaí iascaireachta lena mbaineann soithí iascaireachta a bhfuil bratach AE ar foluain acu agus soithí iascaireachta a bhfuil bratach na tíre sin ar foluain acu.
Maidir leis na bearta uile a dhéanfar:
- bainfidh siad le caomhnú an stoic ar leas coiteann é;
- tabharfar éifeacht dóibh i gcomhar le srianta ar iascaireacht soithí AE, nó ar tháirgeadh nó ar thomhailt laistigh de AE, i ndáil le hiasc den speiceas ar glacadh na bearta ina thaobh, agus i ndáil le táirgí éisc ina bhfuil iasc den sórt sin;
- beidh siad comhréireach leis na cuspóirí a bhfuiltear ag féachaint leo agus beidh siad comhoiriúnach leis na hoibleagáidí arna bhforchur le comhaontuithe idirnáisiúnta a bhfuil AE ina pháirtí iontu agus le haon noirm ábhartha eile den dlí idirnáisiúnta.
Sula nglacfar bearta, ní mór don Choimisiún fógra a thabhairt don tír lena mbaineann go bhfuil sé ar intinn aige í a shainaithint mar thír a cheadaíonn iascaireacht neamh-inbhuanaithe. I gcásanna dá leithéid, ní mór dó Parlaimint na hEorpa agus an Chomhairle a chur ar an eolas láithreach.
CÉN UAIR ATÁ TOSACH FEIDHME AN RIALACHÁIN?
Tá feidhm leis ón 17 Samhain 2012.
PRÍOMHTHÉARMAÍ
PRÍOMHDHOICIMÉAD
Rialachán (AE) Uimh. 1026/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le bearta áirithe d’fhonn stoic éisc a chaomhnú i ndáil le tíortha a cheadaíonn iascaireacht neamh-inbhuanaithe (IO L 316, 14.11.2012, lgh. 34-37)
Nuashonraithe 05.12.2017