Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Uirlisí tomhais agus modhanna rialaithe méadreolaíoch — rialacha coiteanna

Date of last review:
08/12/2017
Author:
Oifig Foilseachán an Aontais Eorpaigh
Responsible entity(ies):
Ard-Stiúrthóireacht um an Margadh Inmheánach, Tionsclaíocht, Fiontraíocht agus Fiontair Bheaga agus Mheánmhéide
Summarised document(s):

Uirlisí tomhais agus modhanna rialaithe méadreolaíoch — rialacha coiteanna

 

ACHOIMRE AR:

Treoir 2009/34/CE maidir le forálacha coiteanna i leith uirlisí tomhais agus modhanna rialaithe méadreolaíoch

CAD IS AIDHM LEIS AN TREOIR?

Leagtar amach inti na rialacha ginearálta maidir le formheas patrúin CE (an Comhphobal Eorpach), tús-fhíorúchán agus modhanna rialaithe méadreolaíoch le haghaidh uirlisí tomhais.

Cumhdaítear na ceanglais theicniúla go mion faoi threoracha chur chun feidhme eile maidir le catagóirí éagsúla uirlisí.

Aisghairtear leis an treoir Treoir 71/316/CEE.

PRÍOMHPHOINTÍ

Sula mbaintear úsáid as uirlisí tomhais, tá tíortha AE freagrach as a chinntiú go gcloíonn siad leis na ceanglais theicniúla. Baintear é sin amach trí fhormheas patrúin CE agus trí fhíorúchán, a aithnítear ar fud AE. Cumhdaítear faoin treoir:

  • trealamh tomhais;
  • aonaid tomhais;
  • comhchuibhiú modhanna tomhais agus rialú méadreolaíoch;
  • an bealach chun modhanna comhchuibhithe a chur i bhfeidhm;
  • modhanna tomhais, rialú méadreolaíoch agus marcáil cainníochtaí táirgí réamhphacáistithe.

Formheas patrúin CE

  • Ní féidir ach leis an monaróir nó le hionadaí atá bunaithe in AE, iarratas ar fhormheas patrúin CE a dhéanamh, i dtír AE amháin go díreach.
  • Ní mór do thíortha AE a chinntiú go gcoinneofar ar an eolas iad faoi athrú ar bith ar an phatrún formheasta óna dteastódh tuilleadh formheasta, agus i gcás go dtarlaíonn athruithe ní mór dóibh é sin a chur in iúl do thíortha AE eile.
  • D’fhéadfadh sé go mbeadh gá le formheas patrúin CE nua i gcás go ndéantar athrú ar phatrún agus i gcás ina dtugtar ceanglais nua isteach sna treoracha ábhartha.
  • I ndiaidh formheasta, soláthraíonn an tír AE deimhniú agus cuireann an monaróir an comhartha formheasta oifigiúil i bhfeidhm ar an trealamh lena mbaineann.
  • Beidh deimhnithe bailí ar feadh 10 mbliana, agus is féidir iad a shíneadh ar feadh tréimhsí 10 mbliana eile.

Ní mór an fhaisnéis seo a leanas bheith sna hiarratais:

  • an úsáid atá beartaithe;
  • saintréithe tomhais;
  • an dóigh ar tógadh agus a n-oibrítear iad;
  • gléasanna chun iad a rialú agus a choigeartú;
  • na háiteanna atá beartaithe le haghaidh marcanna fíorúcháin (an áit a mbeidh siad greamaithe den uirlis);
  • líníochtaí ginearálta agus mionsonraithe de na comhchodanna tábhachtacha;
  • líníochtaí nó grianghraif ar a dtaispeántar na prionsabail oibriúcháin.

Cuimsítear sa scrúdú staidéar doiciméid agus scrúdú ar shaintréithe tomhais an phatrúin faoina gcumhdaítear feidhmíocht iomlán na huirlise faoi ghnáthdhálaí úsáide.

Féadfaidh an tír a dheonaigh an formheas patrúin CE é a aistarraingt má deonaíodh go míchuí é, nó má fhaightear locht ina dhiaidh sin ar an trealamh. Ní mór di na tíortha AE eile agus an Coimisiún Eorpach a chur ar an eolas, agus iarracht a dhéanamh díospóidí ar bith a réiteach, i gcomhar leis an gCoimisiún nuair is gá.

I gcás go mbaintear úsáid as teicnící nua nach bhfuil cumhdaithe faoi threoir ar leith, féadfar formheas patrúin CE teoranta ar feadh suas le 2 bhliain (ar féidir é a shíneadh ar feadh suas le 3 bliana) a dheonú le srianta áirithe, lena n-áirítear srian ar líon na n-uirlisí a chumhdófar, agus srianta ar úsáid na teicníce a bheidh á húsáid.

Tús-fhíorúchán

Is ionann tús-fhíorúchán CE agus scrúdú ar uirlis nua nó athchóirithe* lena chinntiú go gcloíonn sé le formheas patrúin CE agus/nó leis na treoracha ábhartha, agus go bhfuil sé deimhnithe le marc tús-fhíorúcháin CE. Áirítear leis an scrúdú measúnú ar na saintréithe méadreolaíocha, an t-uaslíon earráidí incheadaithe, agus measúnú ar iontaofacht na tógála.

I gcás gur éirigh le huirlis sa tús-fhíorúcháin CE, i gcomhréir leis an treoir seo agus leis na treoracha mionsonraithe ar leith, cuirfidh an monaróir marc fíorúcháin CE i bhfeidhm.

Uirlisí atá á n-úsáid a sheiceáil

Cumhdaítear faoi threoracha ar leith ceanglais rialaithe maidir le huirlisí atá á n-úsáid cheana a thomhas.

CÉN UAIR ATÁ TOSACH FEIDHME NA TREORACH?

Tá feidhm leis ón 18 Bealtaine 2009.

Is í Treoir 2009/34/CE an leagan leasaithe de Threoir 71/316/CEE — agus a leasuithe ina dhiaidh sin.

CÚLRA

Le haghaidh breis faisnéise, féach:

PRÍOMHTHÉARMAÍ

Athchóirithe: uirlis úsáidte a athchóiríodh.

PRÍOMHDHOICIMÉAD

Treoir 2009/34/AE ó Pharlaimint na hEorpa agus ón gComhairle an 23 Aibreán 2009 maidir le forálacha coiteanna i leith uirlisí tomhais agus modhanna rialaithe méadreolaíoch araon (Athmhúnlú) (IO L 106, 28.4.2009, lgh. 7-24)

DOICIMÉID GHAOLMHARA

Treoir 2011/17/CE ó Pharlaimint na hEorpa agus ón gComhairle an 9 Márta 2011 lena leasaítear Treoracha 71/317/CEE, 71/347/CEE, 71/349/CEE, 74/148/CEE, 75/33/CEE, 76/765/CEE, 76/766/CCE agus 86/217/CEE maidir le méadreolaíocht (IO L 71, 18.3.2011, lgh. 1-3)

Nuashonraithe 08.12.2017

Top