Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Cuntais bhliantúla agus cuntais chomhdhlúite banc agus institiúidí airgeadais eile

    Date of last review:
    19/09/2016
    Author:
    Oifig Foilseachán an Aontais Eorpaigh
    Summarised document(s):

    Cuntais bhliantúla agus cuntais chomhdhlúite banc agus institiúidí airgeadais eile

     

    ACHOIMRE AR:

    Treoir 86/635/CEE maidir le cuntais bhliantúla agus cuntais chomhdhlúite banc agus institiúidí airgeadais eile

    CAD IS AIDHM LEIS AN TREOIR?

    Féachtar léi le formáid agus ábhair na gcuntas bliantúil a chomhchuibhiú, lena n-áirítear cuntais chomhdhlúite*, na n-institiúidí airgeadais uile laistigh den Aontas Eorpach (AE).

    PRÍOMHPHOINTÍ

    • Tá feidhm ag an treoir maidir le formhór na n-institiúidí creidmheasa (e.g. bainc) agus institiúidí airgeadais eile, le cúpla eisceacht amhail iad seo a leanas:
      • An Ghréig: ETEBA (an Banc Náisiúnta Infheistíochta d’Fhorbairt Tionscail);
      • Éire: cumainn tionscail agus choigiltis*;
      • An Ríocht Aontaithe (1): cara-chumainn* agus cumainn tionscail agus choigiltis.
    • Leagan amach caighdeánach an chláir chomhardaithe: léirítear sócmhainní agus dliteanais in ord íslitheach leachtachta.
    • Tá rialacha speisialta ann maidir le míreanna áirithe ar an gclár comhardaithe amhail airgead tirim ar láimh, billí státchiste, iasachtaí agus réamhíocaíochtaí le hinstitiúidí creidmheasa, méideanna atá dlite d’institiúidí creidmheasa, etc.
    • Tá 2 leagan amach chaighdeánacha ann do chuntas brabúis agus caillteanais: leagan amach ceartingearach agus leagan amach cothrománach.
    • Tá rialacha speisialta ann le haghaidh míreanna áirithe sa chuntas brabúis agus caillteanais amhail ús infhála, ioncam ó urrúis, glanbhrabús nó glanchaillteanas ar oibríochtaí airgeadais, etc.
    • Tá rialacha luachála ann maidir le sócmhainní, sócmhainní seasta airgeadais, urrúis arna sealbhú ag institiúidí creidmheasa, urrúis inaistrithe, iasachtaí agus réamhíocaíochtaí, urrúis toraidh athraithigh*, agus sócmhainní agus dliteanais atá ainmnithe in airgeadra eachtrach.
    • Tá liosta mionsonraithe ann d’ábhair riachtanacha na nótaí ar na cuntais.
    • Tá rialacha ar leith ann i dtaca le cuntais chomhdhlúite a dhréachtú.
    • Tá foilsiú cuntas bliantúil leagtha síos leis an dlí náisiúnta. Sa chás nach bhfoilsítear an tuarascáil bhliantúil, ní mór cóipeanna a chur ar fáil ag praghas nach mó é ná a gcostas riaracháin.
    • Tá lamháltais speisialta ann do bhainc taisce phoiblí. Mar shampla, sa chás go gcoimeádtar iniúchóireacht reachtúil do chomhlacht maoirseachta reatha, ní theastaíonn iniúchadh ar leith.
    • Tá sé mar aidhm le Treoir 2006/43/CE feabhas a chur ar inchreidteacht faisnéise airgeadais agus méadú a dhéanamh ar chosaint AE i gcoinne scannal airgeadais. Tá rialacha inti, i measc nithe eile, ar an gceanglas maidir le dearbhú cáilíochta seachtrach (e.g. ní mór don dearbhú cáilíochta seo a bheith neamhspleách ó na hiniúchóirí reachtúla agus ó ghnóthais iniúchóireachta athbhreithnithe agus faoi réir formhaoirseacht phoiblí), úsáid na gcaighdeán idirnáisiúnta, dualgais na n-iniúchóirí reachtúla agus na prionsabail maidir le neamhspleáchas iniúchóirí.

    CÉN UAIR ATÁ TOSACH FEIDHME NA TREORACH?

    Tá sí í bhfeidhm ón 23 Nollaig 1986. Bhí sí le corprú ag tíortha AE sa dlí náisiúnta faoin 31 Nollaig 1990.

    * PRÍOMHTHÉARMAÍ

    Cuntais chomhdhlúite: sa chás ina bhfuil cuntais grúpa cuideachtaí ina gcuimsítear an mháthairchuideachta agus a fochuideachtaí comhcheangailte.
    Cumainn tionscail agus choigiltis: in Éirinn agus sa Ríocht Aontaithe (1), cineál cumainn fhrithpháirtigh, ar eintiteas dlíthiúil é agus atá faoi úinéireacht a bhall, a reáchtáiltear mar chomharchumann nó chun sochair an phobail.
    Cara-chumainn: sa Ríocht Aontaithe (1), cineál cumainn fhrithpháirtigh a sholáthraíonn sochair dá bhaill amhail árachas saoil agus a sholáthraíonn fóirithint nó liúntas cothaithe le linn breoiteachta, dífhostaíochta agus scoir.
    Urrúis toraidh athraithigh: urrúis lena bhfaigheann a n-úinéirí ioncam a d’fhéadfadh athrú le himeacht ama.

    PRÍOMHDHOICIMÉAD

    Treoir 86/635/CEE ón gComhairle an 8 Nollaig 1986 maidir le cuntais bhliantúla agus cuntais chomhdhlúite banc agus institiúidí airgeadais eile (IO L 372, 31.12.1986, lgh. 1–17)

    Rinneadh leasuithe leantacha ar Threoir 86/635/CEE a chorprú sa bhuntéacs. Is chun críche faisnéise atá an leagan comhdhlúite seo amháin.

    DOICIMÉID GHAOLMHARA

    Treoir 2006/46/CE ó Pharlaimint na hEorpa agus ón gComhairle an 14 Meitheamh 2006 lena leasaítear Treoir 78/660/CEE ón gComhairle maidir le cineálacha áirithe cuideachtaí, Treoir 83/349/CEE ón gComhairle maidir le cuntais chomhdhlúite, Treoir 86/635/CEE ón gComhairle maidir le cuntais bhliantúla agus cuntais chomhdhlúite banc agus institiúidí airgeadais eile agus Treoir 91/674/CEE ón gComhairle maidir le cuntais bhliantúla agus cuntais chomhdhlúite gnóthas árachais (IO L 224, 16.8.2006, lgh. 1–7)

    Treoir 2006/43/CE ó Pharlaimint na hEorpa agus ón gComhairle an 17 Bealtaine 2006 maidir le hiniúchtaí reachtúla ar chuntais bhliantúla agus ar chuntais chomhdhlúite, lena leasaítear Treoir 78/660/CEE ón gComhairle agus Treoir 83/349/CEE ón gComhairle agus lena n-aisghairtear Treoir 84/253/CEE ón gComhairle (IO L 157, 9.6.2006, lgh. 87–107)

    Féach an leagan comhdhlúite.

    Nuashonraithe 19.09.2016


    (1) Tharraing an Ríocht Aontaithe siar as an Aontas Eorpach agus tá sí ina tríú tír (tír nach tír den Aontas Eorpach í) ó bhí an 1 Feabhra 2020 ann.

    Top