Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Extrastat: staidreamh a bhaineann le trádáil le tíortha neamh-AE

    Legal status of the document This summary has been archived and will not be updated. See 'Staidreamh gnó Eorpach' for an updated information about the subject.

    Date of last review:
    16/07/2018
    Author:
    Oifig Foilseachán an Aontais Eorpaigh
    Responsible entity(ies):
    Eurostat
    Archived:
    true
    Summarised document(s):

    Extrastat: staidreamh a bhaineann le trádáil le tíortha neamh-AE

     

    ACHOIMRE AR:

    Rialachán (CE) Uimh. 471/2009 — staidreamh a bhaineann le trádáil eachtrach le tíortha lasmuigh de Aontas Eorpach

    CAD IS AIDHM LEIS AN RIALACHÁN?

    Leagtar síos ann rialacha comhchuibhithe maidir le staidreamh a chur le chéile a bhaineann le trádáil earraí idir AE agus tíortha neamh-AE.

    Aisghairtear leis Rialachán (CE) Uimh. 1172/95.

    PRÍOMHPHOINTÍ

    Raon feidhme

    Baineann staidreamh trádála le hallmhairí agus onnmhairí earraí*. I gcomhréir le Cód Custam AE, bunaítear leis an rialachán seo:

    • go ndéantar earraí a fhágann críoch staidrimh AE* a mheas mar onnmhairí;
    • meastar earraí a théann isteach i gcríoch staidrimh AE mar allmhairí.

    Tá cineálacha áirithe earraí nó gluaiseachtaí earraí (amhail trealamh tionsclaíoch áirithe, aerárthaí, earraí míleata, táirgí dramhaíola nó leictreachas agus gás) faoi réir rialacha sonracha.

    Foinse sonraí

    Déantar an dearbhú custaim* le haghaidh earraí allmhairithe nó onnmhairithe a mheas mar an phríomhfhoinse chun sonraí staidrimh a thaifeadadh.

    Mar sin féin, is faoi thíortha AE a bheidh sé foinsí eile sonraí a úsáid chun a staidreamh náisiúnta a chur le chéile.

    Sonraí staidrimh

    Le haghaidh gach tréimhse tagartha mhíosúil, táirgeann tíortha AE staidreamh a bhaineann le trádáil eachtrach earraí. Léirítear an staidreamh sin ó thaobh luacha agus lín de, go háirithe de réir:

    • na cineálacha earraí;
    • an tír allmhairithe nó onnmhairithe;
    • an nós imeachta staidrimh;
    • an cineál idirbhirt;
    • cóir fhabhrach ar allmhairiú;
    • an modh iompair.

    Gach bliain, tiomsaíonn tíortha AE staidreamh ar thrádáil eachtrach earraí agus saintréithe gnó, i gcomhréir le Rialachán (CE) Uimh. 177/2008, i dtaca le:

    • gníomhaíocht gheilleagrach a dhéanann an fiontar, de réir na coda d’aicmiú staidreamh coiteann AE maidir le gníomhaíochtaí geilleagracha (NACE*);
    • líon na bhfostaithe.

    Ullmhaítear staidreamh ag úsáid sonraí a bhaineann le saintréithe gnó agus sonraí allmhairithe agus onnmhairithe.

    Gach 2 bhliain, dréachtaíonn tíortha AE staitisticí maidir le trádáil earraí allmhairithe nó onnmhairithe arna miondealú ag airgeadra sonraiscthe. Tiomsaítear an staidreamh sin ag úsáid sampla ionadaíoch de thaifid ar allmhairí agus onnmhairí ó dhearbhuithe custaim. Mura bhfuil an t–airgeadra sonraiscthe i gcomhair onnmhairí ar fáil ar an dearbhú custaim, ní mór suirbhé a dhéanamh chun na sonraí riachtanacha a bhailiú.

    Féadfaidh tíortha AE staidreamh breise a thiomsú chun críocha náisiúnta i gcás ina bhfuil na sonraí ar fáil ar an dearbhú custaim.

    Malartú sonraí

    Ní mór sonraí ó thaifid ar allmhairí agus onnmhairí a dhearbhaítear d’údaráis chustaim a sheoladh chuig údaráis staidrimh náisiúnta taobh istigh de 1 mhí amháin. Ní mór íosmhéid sonraí staidrimh a bheith sna taifid sin.

    Staidreamh ar thrádáil eachtrach a tharchur chuig an gCoimisiún Eorpach (Eurostat)

    Ní mór staidreamh míosúil ar thrádáil eachtrach a sheoladh chuig Eurostat taobh istigh de 40 lá tar éis deireadh gach mí tagartha. Má dhéantar athbhreithniú ar an staidreamh, ní mór nuashonruithe a sheoladh chuig Eurostat.

    Measúnú cáilíochta

    Ní mór don staidreamh a sheoltar chuig Eurostat a bheith cruinn, cothrom le dáta, ábhartha, soiléir agus inrochtana d’úsáideoirí.

    Ní mór do thíortha AE tuarascáil a thabhairt do Eurostat ar chaighdeán an staidrimh a seoladh ionas go ndéanfaidh Eurostat a gcáilíocht a mheas.

    CÉN UAIR ATÁ TOSACH FEIDHME AN RIALACHÁIN?

    Tá sé i bhfeidhm ón 1 Eanáir 2010.

    CÚLRA

    Is cuid de thionscnamh é an rialachán seo chun córas staidrimh AE a dhéanamh níos trédhearcaí.

    Chun tuilleadh faisnéise a fháil, féach:

    PRÍOMHTHÉARMAÍ

    Earraí: gach réadmhaoin inaistrithe, lena n–áirítear leictreachas.
    Críoch staidrimh AE: críoch custam AE mar a shainítear sa Chód Custam agus oileán Heligoland i gcríoch Phoblacht Chónaidhme na Gearmáine.
    Dearbhú custaim: an dearbhú custaim mar a shainítear i gCód Custam AE.
    NACE: tagann an acrainm ó Ainmníocht na Fraince statistique des activités économiques dans la Communauté européenne. Tá leaganacha éagsúla forbartha ó 1970 i leith.

    PRÍOMHDHOICIMÉAD

    Rialachán (CE) Uimh. 471/2009 ó Pharlaimint na hEorpa agus ón gComhairle an 6 Bealtaine 2009 maidir le staidreamh an Chomhphobail a bhaineann le trádáil eachtrach le tíortha nach ballstáit iad agus lena n–aisghairtear Rialachán (CE) Uimh. 1172/95 (IO L 152, 16.6.2009, lgh. 23-29)

    Rinneadh leasuithe comhleanúnacha ar Rialachán (CE) Uimh. 471/2009 a chorprú sa bhundoiciméad. Níl de luach ar an leagan comhdhlúite seo ach luach doiciméadach amháin.

    DOICIMÉID GHAOLMHARA

    Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custam an Aontais (athmhúnlú) (IO L 269, 10.10.2013, lgh. 1-101)

    Féach an leagan comhdhlúite.

    Nuashonraithe 16.07.2018

    Top