Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Coimisiún um Thuinníní an Aigéin Indiaigh

Date of last review:
13/07/2022
Author:
Oifig Foilseachán an Aontais Eorpaigh
Responsible entity(ies):
Ard-Stiúrthóireacht na hIascaireachta agus Gnóthaí Muirí
Summarised document(s):

Coimisiún um Thuinníní an Aigéin Indiaigh

 

ACHOIMRE AR:

Comhaontú lena mbunaítear an Coimisiún um Thuinníní an Aigéin Indiaigh

Cinneadh 95/399/CE ón gComhairle maidir le haontachas an Chomhphobail leis an gComhaontú lena mbunaítear an Coimisiún um Thuinníní an Aigéin Indiaigh

CAD IAD NA HAIDHMEANNA LEIS AN GCOMHAONTÚ AGUS LEIS AN GCINNEADH?

PRÍOMHPHOINTÍ

Raon feidhme

Sainítear leis na comhaontuithe sin gurb é an tAigéan Indiach réimse inniúlachta IOTC agus soláthraítear ann liosta na speiceas agus na stoc atá faoina bhainistiú.

Comhaltas

  • Tá ballraíocht IOTC oscailte dóibh seo a leanas:
    • Comhaltaí agus comhaltaí comhlachaithe FAO ar stáit chósta iad i limistéar an Aigéin Indiaigh, nó comhaltaí a ndéanann a soithí iascaireacht ar thuinníní sa limistéar, nó eagraíochtaí réigiúnacha um chomhtháthú eacnamaíoch a láimhseálann saincheisteanna stoic tuinnín thar ceann na stát sin;
    • Comhaltaí na Náisiún Aontaithe, nó a shainghníomhaireachtaí nó an Ghníomhaireacht Idirnáisiúnta do Fhuinneamh Adamhach, más stáit chósta iad nó má dhéanann siad iascaireacht ar thuinníní sa limistéar agus faoi réir fhormheas IOTC.
  • Deimhneoidh na Baill go hoifigiúil go nglacann siad leis an gcomhaontú sin trí ionstraim ghlactha a thaisceadh le hArd-Stiúrthóir FAO.
  • Déanann toscaire aonair ionadaíocht ar gach comhalta IOTC, agus féadfaidh duine malartach agus saineolaithe agus comhairleoirí a bheith in éineacht leis, agus tá vóta amháin aige. Féadfar cuireadh a thabhairt do bhreathnóirí freisin.
  • Tionólann IOTC seisiún rialta bliantúil agus is féidir leis an gCathaoirleach seisiúin speisialta a thionól arna iarraidh sin d’aon trian de chomhaltaí ar a laghad.

Cuspóirí, feidhmeanna agus freagrachtaí

Bunaithe ar phrionsabail a cuireadh in iúl i gCoinbhinsiún na Náisiún Aontaithe maidir le Dlí na Farraige:

  • athbhreithniú a dhéanamh ar threochtaí stoic tuinnín agus anailís agus foilsiú a dhéanamh ar fhaisnéis eolaíoch, ar staidreamh maidir le gabhálacha agus ar shonraí eile maidir le caomhnú agus bainistiú;
  • taighde agus forbairt a spreagadh, a mholadh agus a chomhordú, lena n-áirítear aistriú teicneolaíochta agus oiliúna, agus riachtanais IOTC a chothromú le leasanna agus riachtanais na gcomhaltaí sa réigiún ar tíortha i mbéal forbartha iad;
  • bearta caomhnaithe agus bainistíochta a ghlacadh, chun stoic a chaomhnú agus an úsáid is fearr is féidir a chur chun cinn;
  • athbhreithniú leanúnach a dhéanamh ar ghnéithe eacnamaíocha agus sóisialta na n-iascach, go háirithe leasanna na stát cósta atá i mbéal forbartha;
  • a chlár agus a bhuiséad a fhormheas;
  • tuairisc a thabhairt do FAO, ionas go ngníomhóidh an eagraíocht i gcás inarb iomchuí;
  • gníomhaíochtaí eile de réir mar is gá chun a chuspóirí a chomhlíonadh.

Bearta caomhnaithe agus bainistíochta

  • Féadfaidh IOTC, trí thromlach dhá thrian, bearta ceangailteacha caomhnaithe agus bainistíochta a ghlacadh.
  • Is féidir le haon bhall agóid a dhéanamh i gcoinne beart caomhnaithe agus bainistíochta laistigh de 120 lá agus gan a bheith faoi cheangal aige nó aici. Tá 60 lá eile ag comhaltaí eile chun agóid a dhéanamh.
  • Má dhéanann níos mó ná aon trian de chomhaltaí agóidí, níl na comhaltaí eile faoi cheangal ag an mbeart sin, ach féadfaidh siad rogha a dhéanamh é a chur chun feidhme fós.

Coiste Eolaíoch agus fochoimisiúin

Tá Coiste Eolaíoch buan ag IOTC agus féadfaidh sé fochoimisiúin bhreise a bhunú. Ba cheart go mbeadh na fochoimisiúin sin ar oscailt do chomhaltaí ar stáit chósta iad atá ar chonair imirce na stoc lena mbaineann, a ndéanann a soithí iascaireacht orthu.

Cearta na stát cósta

Ní dhéanann an comhaontú dochar do chearta ceannasacha stáit chósta acmhainní beo a fhiosrú, a shaothrú, a chaomhnú agus a bhainistiú, lena n-áirítear na speicis mhórimirceacha, laistigh de chrios suas le 200 muirmhíle faoina dhlínse, i gcomhréir le dlí idirnáisiúnta na farraige.

Airgeadas

Ranníocann na comhaltaí a sciar den bhuiséad uathrialach go bliantúil, i gcomhréir le scála ranníocaíochtaí arna cheapadh ag IOTC.

DÁTA THEACHT I BHFEIDHM

Tháinig an comhaontú i bhfeidhm ar 27 Márta 1996.

CÚLRA

Le haghaidh tuilleadh faisnéise, féach:

PRÍOMHDHOICIMÉID

Comhaontú lena mbunaítear Coimisiún Tuinníní an Aigéin Indiaigh (IO L 236, 5.10.1995, lgh. 25-33).

Cinneadh 95/399/CE ón gComhairle an 18 Meán Fómhair 1995 maidir le haontachas an Chomhphobail leis an gCoinbhinsiún maidir le Bunú Choimisiún Tuinníní an Aigéin Indiaigh (IO L 236, 5.10.1995, lch. 24).

DOICIMÉID GHAOLMHARA

Coinbhinsiún na Náisiún Aontaithe maidir le Dlí na Farraige agus maidir le Cuid XI de a chur chun feidhme — Coinbhinsiún na Náisiún Aontaithe maidir le Dlí na Farraige (IO L 179, 23.6.1998, lgh. 3-134).

Cinneadh 98/392/CE ón gComhairle an 23 Márta 1998 maidir leis an gComhphobal Eorpach do thabhairt i gcrích Choinbhinsiún na Náisiún Aontaithe an 10 Nollaig 1982 maidir le Dlí na Farraige agus an Chomhaontaithe an 28 Iúil 1994 a bhaineann le Cuid XI de a chur chun feidhme (IO L 179, 23.6.1998, lgh. 1-2).

Nuashonraithe 13.07.2022

Top