Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    An Lárionad Eorpach um Fhorbairt na Gairmoiliúna (Cedefop)

    Date of last review:
    20/05/2019
    Author:
    Oifig Foilseachán an Aontais Eorpaigh
    Responsible entity(ies):
    Ard-Stiúrthóireacht um Oideachas, an Óige, Spórt agus Cultúr
    Summarised document(s):
    Summary code:
    • 01.05.04.01 Gníomhaireachtaí díláraithe
    • 15.01.00.00 Oideachas agus Oiliúint
    • 17.22.00.00 Gníomhaireachtaí an Aontais Eorpaigh
    EUROVOC descriptor:
    Directory code:

    An Lárionad Eorpach um Fhorbairt na Gairmoiliúna (Cedefop)

     

    ACHOIMRE AR:

    Rialachán (CEE) Uimh. 2019/128 lena mbunaítear Lárionad Eorpach um Fhorbairt na Gairmoiliúna (Cedefop)

    CAD IS AIDHM LEIS AN RIALACHÁN?

    PRÍOMHPHOINTÍ

    Cuspóir

    Mar cheann de ghníomhaireachtaí díláraithe AE, is é cuspóir Cedefop tacú leis an gCoimisiún, le hinstitiúidí agus eagraíochta eile AE, le tíortha AE agus leis na comhpháirtithe sóisialta chun beartais AE a chur chun cinn, a fhorbairt agus a chur chun feidhme, sa réimse um ghairmoideachas agus um ghairmoiliúint, chomh maith le beartais scileanna agus cáilíochtaí.

    Féachann sé leis an gcuspóir sin a chomhlíonadh trí:

    • eolas a fheabhsú agus a scaipeadh;
    • fianaise agus seirbhísí a sholáthar chun críche ceapadh beartas, lena n–áirítear conclúidí atá bunaithe ar thaighde; agus
    • éascú a dhéanamh ar chomhroinnt eolais i measc páirtithe leasmhara ar leibhéal AE agus ar an leibhéal náisiúnta.

    Sainchúraimí

    Agus freagrachtaí thíortha AE á n–urramú ag Cedefop, déanann sé an méid seo a leanas:

    • anailís ar threochtaí sa ghairmoideachas agus sa ghairmoiliúint, i mbeartais agus córais scileanna agus cáilíochtaí, agus soláthraíonn sé anailísí comparáideacha díobh sin ar fud tíortha;
    • anailís ar threochtaí sa mhargadh saothair i ndáil le scileanna agus cáilíochtaí, agus i ndáil leis an ngairmoideachas agus leis an ngairmoiliúint;
    • anailís ar fhorbairtí a bhaineann le dearadh agus bronnadh cáilíochtaí agus cuireann sé leis na forbairtí sin;
    • anailís ar fhorbairtí sa réimse um bailíochtú foghlama neamhfhoirmeálta agus neamhfhoirmiúla agus cuireann sé leis na forbairtí sin;
    • staidéar agus taighde ar fhorbairtí ábhartha socheacnamaíocha agus ar shaincheisteanna gaolmhara beartais;
    • fóraim a sholáthair le haghaidh taithí agus faisnéis a mhalartú idir na rialtais, na comhpháirtithe sóisialta agus páirtithe leasmhara eile ar an leibhéal náisiúnta;
    • cuidíonn sé le hathchóirithe agus beartais a chur chun feidhme ar an leibhéal náisiúnta;
    • faisnéis a scaipeadh chun cur le beartais agus feasacht agus tuiscint a ardú maidir leis an acmhainneacht a bhaineann leis an ngairmoideachas agus leis an ngairmoiliúint chun infhostaitheacht daoine, táirgiúlacht agus foghlaim ar feadh an tsaoil a chur chun cinn;
    • uirlisí, tacair shonraí agus seirbhísí a bhainistiú agus a chur ar fáil do shaoránaigh, do chuideachtaí, do lucht déanta beartas, do na comhpháirtithe sóisialta agus do pháirtithe leasmhara eile;
    • straitéis a bhunú le haghaidh caidrimh le tíortha neamh-AE agus le heagraíochtaí idirnáisiúnta maidir le cúrsaí a bhfuil inniúlacht aige ina leith.

    Eagrú

    Tá Bord Bainistíochta, Bord Feidhmiúcháin agus Stiúrthóir Feidhmiúcháin ag Cedefop, atá lonnaithe i mBeirlín.

    An Bord Bainistíochta

    Cuimsítear ann:

    • 1 ionadaí amháin ó gach tír AE;
    • 1 ionadaí amháin ó eagraíocht na bhfostóirí do gach tír AE;
    • 1 ionadaí amháin ó eagraíochtaí na bhfostóirí do gach tír AE;
    • 3 chomhalta a dhéanann ionadaíocht ar son an Choimisiúin;
    • 1 saineolaí neamhspleách arna cheapadh ag Parlaimint na hEorpa.

    Is iad seo a leanas príomhfheidhmeanna an Bhoird:

    • treo straitéiseach Cedefop a sholáthar;
    • doiciméad clársceidealaithe Cedefop a ghlacadh;
    • buiséad Cedefop a ghlacadh;
    • rialacha nós imeachta (lena n–áirítear rialacha nós imeachta an Bhoird Feidhmiúcháin), rialacha airgeadais, rialacha maidir le coinbhleachtaí leasa a chosc agus a bhainistiú agus straitéis frithchalaoise a ghlacadh;
    • an Stiúrthóir Feidhmiúcháin a cheapadh.

    An Bord Feidhmiúcháin

    Cabhraíonn an Bord Feidhmiúcháin leis an mBord Bainistíochta tríd an méid a leanas a dhéanamh:

    • a chinntí a ullmhú;
    • faireachán a dhéanamh ar aon obair leantach ar thorthaí agus ar mholtaí a eascraíonn as tuarascálacha iniúchóireachta inmheánacha nó seachtracha, agus imscrúduithe OLAF;
    • comhairle a thabhairt don Stiúrthóir Feidhmiúcháin maidir le cinntí an Bhoird Bhainistíochta a chur chun feidhme, d’fhonn maoirseacht ar an mbainistíocht riaracháin agus buiséid a neartú.

    Stiúrthóir Feidhmiúcháin

    Tá an Stiúrthóir Feidhmiúcháin freagrach as:

    • Bainistíocht Cedefop agus cur chun feidhme shainchúraimí agus bhuiséad Cedefop;
    • dréachtdhoiciméad clársceidealaithe a dhréachtú ina bhfuil clár oibre ilbhliantúil agus clár oibre bliantúil i gcomhréir le Rialachán (AE) Uimh. 1271/2013 maidir leis na rialacha airgeadais arna nglacadh ag gníomhaireachtaí agus comhlachtaí AE.

    Cláir oibre

    Cuirtear an dréachtdhoiciméad clársceidealaithe faoi bhráid an Bhoird Bainistíochta lena fhaomhadh agus ansin cuirtear é faoi bhráid an Choimisiúin, Pharlaimint na hEorpa agus na Comhairle roimh an 31 Eanáir gach bliain.

    Leagtar amach an méid a leanas sa chlár oibre ilbhliantúil:

    • clársceidealú straitéiseach foriomlán, lena n–áirítear cuspóirí;
    • na torthaí agus na táscairí feidhmíochta ionchasacha;
    • clársceidealú acmhainní lena n–áirítear buiséad ilbhliantúil agus baill foirne.

    Ní mór an clár oibre bliantúil a bheith i gcomhréir leis an gclár oibre ilbhliantúil agus go mbeidh sé comhdhéanta de:

    • cuspóirí mionsonraithe agus torthaí ionchasacha, lena n–áirítear táscairí feidhmíochta;
    • tuairisc ar na gníomhaíochtaí atá le maoiniú, lena n–áirítear bearta pleanáilte chun éifeachtúlacht a mhéadú;
    • léiriú ar na hacmhainní airgeadais agus daonna a leithdháiltear ar gach gníomhaíocht;
    • gníomhartha féideartha le haghaidh caidrimh le tíortha neamh-AE agus le heagraíochtaí idirnáisiúnta.

    Leis an dá chlár ní mór forluí a sheachaint le hobair atá ar siúl ag gníomhaireachtaí eile AE. Comhordaíonn Cedefop go dlúth le 2 ghníomhaireacht thrípháirteacha eile: an Ghníomhaireacht Eorpach um Shábháilteacht agus Sláinte ag an Obair (EU-OSHA) agus an Foras Eorpach chun Dálaí Maireachtála agus Oibre a Fheabhsú (Eurofound). Oibríonn sé go dlúth chomh maith leis an bhFhondúireacht Eorpach Oiliúna.

    Buiséad

    Ní mór meastacháin ar ioncam agus ar chaiteachas uile Cedefop a ullmhú gach bliain airgeadais agus a thaispeáint i mbuiséad Cedefop. Ní mór an buiséad a bheith cothrom ó thaobh ioncaim agus caiteachais de.

    • Áirítear an méid seo a leanas ó thaobh an ioncaim de:
      • ranníocaíocht ó bhuiséad ginearálta AE;
      • ranníocaíochtaí airgeadais deonacha ó thíortha AE;
      • muirir ar fhoilseacháin agus ar aon seirbhís a sholáthraíonn Cedefop;
      • aon ranníocaíocht ó thíortha neamh-AE a bhfuil baint acu le hobair Cedefop.
    • Áirítear an méid a leanas ó thaobh an chaiteachais de:
      • luach saothair na foirne;
      • costais riaracháin agus bonneagair; agus
      • caiteachas oibríochtúil.

    Measúnú

    Faoin 21 Feabhra 2024, agus gach 5 bliana ina dhiaidh sin, ní mór don Choimisiún a áirithiú go ndéanfar meastóireacht chun feidhmíocht Cedefop a mheas maidir lena chuspóirí, lena shainordú agus lena shainchúraimí.

    CÉN UAIR ATÁ TOSACH FEIDHME AN RIALACHÁIN?

    Tá feidhm leis ón 20 Feabhra 2019.

    CÚLRA

    Le haghaidh breis faisnéise, féach:

    PRÍOMHDHOICIMÉAD

    Rialachán (CE) Uimh. 2019/128 ó Pharlaimint na hEorpa agus ón gComhairle an 16 Eanáir 2019 lena mbunaítear Lárionad Eorpach um Fhorbairt na Gairmoiliúna (Cedefop) agus lena n–aisghairtear Rialachán (CEE) Uimh. 337/75 ón gComhairle (IO L 30, 31.1.2019, lgh. 90-105)

    DOICIMÉID GHAOLMHARA

    Rialachán (CE) Uimh. 2019/126 ó Pharlaimint na hEorpa agus ón gComhairle an 16 Eanáir 2019 an Ghníomhaireacht Eorpach um Shábháilteacht agus Sláinte ag an Obair (EU-OSHA), agus lena n–aisghairtear Rialachán (CE) Uimh. 2062/94 ón gComhairle (IO L 30, 31.1.2019, lgh. 58-73)

    Rialachán (AE) 2019/127 ó Pharlaimint na hEorpa agus ón gComhairle an 16 Eanáir 2019 lena mbunaítear an Foras Eorpach chun dálaí maireachtála agus oibre a fheabhsú (Eurofound), agus lena n–aisghairtear Rialachán (CEE) Uimh. 1365/75 ón gComhairle (IO L 30, 31.1.2019, lgh. 74-89)

    Rialachán Tarmligthe (AE) Uimh. 1271/2013 ón gCoimisiún an 30 Meán Fómhair 2013 maidir leis an rialachán réime airgeadais do na comhlachtaí dá dtagraítear in Airteagal 208 de Rialachán (AE, Euratom) Uimh. 966/2012 ó Pharlaimint na hEorpa agus ón gComhairle (IO L 328, 7.12.2013, lgh. 42-68)

    Rialachán (CE) Uimh. 1339/2008 ó Pharlaimint na hEorpa agus ón gComhairle an 16 Nollaig 2008 lena mbunaítear an Foras Eorpach Oiliúna (athmhúnlú) (IO L 354, 31.12.2008, lgh. 82-93)

    Nuashonraithe 20.05.2019

    Top