Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Dáileadh árachais — rialacha úra ó 2018 i leith

    Date of last review:
    25/07/2016
    Author:
    Oifig Foilseachán an Aontais Eorpaigh
    Summarised document(s):

    Dáileadh árachais — rialacha úra ó 2018 i leith

     

    ACHOIMRE AR:

    Treoir 2016/97 — rialacha um dháileadh árachais

    CAD IS AIDHM LEIS AN TREOIR?

    Tá sé mar aidhm leis an treoir feabhas a chur ar an dóigh a ndíoltar táirgí árachais ionas go mbainfidh tomhaltóirí agus infheisteoirí miondíola in AE fíorthairbhí astu.

    PRÍOMHPHOINTÍ

    • Faoin treoir úr maidir le dáileadh árachais*, bainfidh tomhaltóirí agus infheisteoirí miondíola a mbeidh táirgí árachais nó táirgí infheistíochta bunaithe ar árachas á gceannach acu leas as:
      • níos mó trédhearcachta de dháileoirí árachais i dtaca le praghas agus costas a dtáirgí, ionas go dtuigfidh tomhaltóirí go soiléir cad atá siad ag íoc as;
      • faisnéis níos fearr agus níos sothuigthe, ionas gur féidir le tomhaltóirí cinntí níos eolasaí a dhéanamh, le Doiciméad simplí, caighdeánach Faisnéise faoi Tháirgí Árachais (IPID) le haghaidh táirgí árachais neamhshaoil;
      • sa chás go dtairgtear táirgí árachais i bpacáiste le hearra nó seirbhís eile, mar shampla, nuair a dhíoltar carr úr ar shladmhargadh in éineacht le mótarárachas, beidh an rogha ag tomhaltóirí an príomhearra nó an phríomhsheirbhís a cheannach gan an polasaí árachais;
      • rialacha maidir le trédhearcacht agus iompar gnó ionas nach gceannóidh tomhaltóirí táirgí nach bhfreastalaíonn ar a gcuid riachtanas.
    • Tá feidhm ag na rialacha sin anois chomh maith nuair a cheannaítear táirge díreach ó chuideachta árachais, agus ní go díreach (mar a bhí sé san am a chuaigh thart) nuair a cheannaítear táirgí trí idirghabhálaithe amhail gníomhairí nó bróicéirí.
    • Tá cosaintí níos láidre ann maidir le táirgí árachais saoil lena bhfuil gnéithe infheistíochta a dhíol, amhail conarthaí árachais saoil aonadnasctha. Ní mór do dháileoirí árachais a dhíolann táirgí dá leithéid a chinntiú go bhfuil an táirge oiriúnach i dtaca le staid airgeadais an chustaiméara, cuspóirí infheistíochta agus taithí ar an réimse infheistíochta.
    • Bainfidh dáileoirí árachais leas as iomaíocht chóir bunaithe ar chothrom na féinne agus as creat dlíthiúil feabhsaithe le haghaidh gnó trasteorann.
    • Leis an treoir déantar Treoir 2002/92/CE maidir le hidirghabháil árachais a athmhúnlú agus tiocfaidh sí ina hionad le héifeacht ó 23 Feabhra 2018.

    CÉN UAIR ATÁ TOSACH FEIDHME NA TREORACH?

    Tá sí i bhfeidhm ón 22 Feabhra 2016. Bhí an treoir le corprú ag tíortha AE sa dlí náisiúnta faoin 23 Feabhra 2018.

    CÚLRA

    Chun tuilleadh faisnéise a fháil, féach:

    * PRÍOMHTHÉARMA

    Dáileadh árachais: conradh árachais lena n-áirítear déileáil le héilimh i ndiaidh conradh árachais a dhíol, a bheartú é a dhíol, comhairle a thabhairt faoi nó obair eile a dhéanamh air roimh é a chur i gcrích.

    PRÍOMHDHOICIMÉAD

    Treoir (AE) Uimh. 2016/97 ó Pharlaimint na hEorpa agus ón gComhairle an 20 Eanáir 2016 maidir le dáileadh árachais (IO L 26, 2.2.2016, lgh. 19-59)

    GNÍOMHARTHA GAOLMHARA

    Treoir 2002/92/CE ó Pharlaimint na hEorpa agus ón gComhairle an 9 Nollaig 2002 maidir le hidirghabháil árachais (IO L 9, 15.1.2003, lgh. 3-10)

    Rinneadh leasuithe comhleanúnacha ar Threoir 2002/92/CE a chorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.

    Nuashonraithe 25.07.2016

    Top