Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52015XG1215(07)

    Leanaí — gníomhaíochtaí coirp agus spóirt a spreagadh

    Dáta an athbhreithnithe dheireanaigh:
    16/08/2016
    Dáta a céadchruthaíodh:
    16/08/2016
    Doiciméid achoimrithe:
    Údar:
    Oifig Foilseachán an Aontais Eorpaigh

    Leanaí — gníomhaíochtaí coirp agus spóirt a spreagadh

     

    ACHOIMRE AR:

    Conclúidí — scileanna luaile, gníomhaíochtaí coirp agus spóirt do leanaí a spreagadh

    CAD IS AIDHM LEIS NA CONCLÚIDÍ?

    • Spreagtar leo bearta atá le déanamh sa chaoi is go ndéanann na leanaí uile (lena n-áirítear iad siúd atá faoi mhíchumas) gníomhaíocht choirp d’fhonn fadhbanna sláinte agus forbartha a chosc.
    • Leagtar an bhéim leo ar an tábhacht atá le scileanna luaile, gníomhaíochtaí coirp agus spóirt a theagasc i scoileanna agus eagraíochtaí spóirt.

    PRÍOMHPHOINTÍ

    • Spreagtar tíortha AE le straitéisí a fhorbairt ina n-aibhsítear agus ina gcothaítear an tábhacht atá le gníomhaíochtaí folláine coirp ina n-earnálacha oideachais, óige agus sláinte.
    • Agus machnamh á dhéanamh ar bhreis gníomhaíochta polaitiúla sa chomhthéacs seo, moltar do thíortha AE, don Choimisiún Eorpach agus d’Uachtaránacht Chomhairle AE gníomhú de réir na moltaí ón sainghrúpa maidir le gníomhaíocht fholláin choirp, ina dtugtar fíorais bunaithe ar fhianaise agus conairí praiticiúla le leanúint.
    • Spreagtar an Coimisiún le feabhas a chur ar a bhunachar fianaise agus ansin comhroinnt an dea-chleachtais i dtaca le scileanna luaile agus oideachas coirp do leanaí ar fud AE a chur chun cinn agus tacú léi.
    • Spreagtar eagraíochtaí spóirt le gníomhaíochtaí spóirt agus coirp a chur chun cinn lena bhféachtar le stíleanna beatha suite leanaí a chomhrac trí thionscnaimh agus trí chomhpháirtíochtaí le hearnálacha oideachais, óige agus sláinte thíortha AE.

    CÚLRA

    Cé gur nós le leanaí a bheith gníomhach go fisiciúil, tá a ngníomhaíocht choirp laghdaithe le 20 bliain anuas, go mór mór mar thoradh ar phatrúin fóillíochta nua (teilifís, cluichí físe, idirlíon, etc.). Tá murtall i measc leanaí ardaithe ó 8 % i 1990 go 12 % in 2010.

    Idir an dá linn, tá sé ráite ag an Eagraíocht Dhomhanda Sláinte gurb í gníomhaíocht choirp neamhleor an ceathrú toisc riosca is mó do ghalar agus bás roimh am ar fud an domhain. Laistigh don Aontas Eorpach, caitear beagnach 7 % de bhuiséid sláinte náisiúnta ar dhéileáil le galair a bhaineann le murtall.

    PRÍOMHDHOICIMÉAD

    Conclúidí ón gComhairle i dtaca le scileanna luaile, gníomhaíochtaí coirp agus spóirt do leanaí a chur chun cinn (IO C 417, 15.12.2015, lgh. 46-51)

    Nuashonraithe 16.08.2016

    Barr