Plean gníomhaíochta um straitéis mhuirí maidir le limistéar an Atlantaigh

Ghlac an Coimisiún Eorpach le plean gníomhaíochta an Atlantaigh sa bhliain 2013. Féachtar leis an bplean na geilleagair mhuirí san imchuach farraige sin (an Fhrainc, Éire, an Phortaingéil, an Spáinn agus an Ríocht Aontaithe) a athbheochan trína chumas eacnamaíoch agus comhshaoil a chothú.

GNÍOMH

Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún: Plean Gníomhaíochta um Straitéis Mhuirí maidir le limistéar an Atlantaigh - Fás cliste, inbhuanaithe agus uilechuimsitheach a chur ar fáil (COM(2013) 279 final an 13 Bealtaine 2013)

ACHOIMRE

Ghlac an Coimisiún Eorpach le plean gníomhaíochta an Atlantaigh sa bhliain 2013. Féachtar leis an bplean na geilleagair mhuirí san imchuach farraige sin (an Fhrainc, Éire, an Phortaingéil, an Spáinn agus an Ríocht Aontaithe) a athbheochan trína chumas eacnamaíoch agus comhshaoil a chothú.

CÉARD A DHÉANANN AN PLEAN GNÍOMHAÍOCHTA SEO?

Leanann an plean gníomhaíochta seo straitéis an Atlantaigh de chuid an Aontais Eorpaigh (AE), arna glacadh ag an gCoimisiún Eorpach sa bhliain 2011, agus an straitéis um fhás gorm, arna glacadh sa bhliain 2012. Tugtar achoimre sa phlean gníomhaíochta ar an gcaoi ar féidir le páirtithe leasmhara (údaráis phoiblí, gnó, grúpaí saoránach, taighdeoirí, srl.) sna cúig thír AE san imchuach farraige seo obair le chéile chun fás inbhuanaithe agus cruthú fostaíochta a chur chun cinn, agus cobhsaíocht chomhshaoil agus éiceolaíochta an limistéir á cosaint.

PRÍOMHPHOINTÍ

Braitheann rath an phlean ghníomhaíochta ar mheascán iarrachtaí i dtrí réimse dhifriúla ionas gur féidir barr cumais an gheilleagair ghoirm a bhaint amach:

• Infheistíocht: ní mór infheistíocht a dhíriú ar nuálaíocht, ar chumais theicneolaíochta agus ar straitéisí um speisialtóireacht chliste, agus tábhacht ar leith ag baint le fiontair bheaga agus mheánmhéide (FBManna). Féadfaidh sé a bheith riachtanach infheistiú freisin sa bhonneagar, amhail teicneolaíocht árthaigh, agus sa bhonneagar muirí, amhail calafoirt agus muiríní.
• Taighde: rialachas aigéan, saothrú agus bainistíocht inbhuanaithe na n-acmhainní muirí, sábháilteacht ar muir agus cosaint na timpeallachta muirí, teastaíonn sonraí agus tuiscint ar an gcaoi a fheidhmíonn agus a idirghníomhaíonn éiceachórais ina leith. Chomh maith leis sin, ní mór a bheith ábalta rudaí a léiriú, a réamhaisnéisiú agus a réamh-mheas.
• Ardscileanna: ní mór dul i ngleic le heaspa oibrithe a bhfuil na scileanna cuí acu in earnálacha áirithe muirí agus tionscail mhuirí, ionas go mbainfear barr cumais an gheilleagair ghoirm amach. Is féidir é sin a dhéanamh ach cur le scileanna na n-oibrithe reatha agus daoine óga a mhealladh isteach chuig an earnáil.

Aithníodhceithre thosaíocht :

• 1.

  Fiontraíocht agus nuálaíocht a chur chun cinntrí :

  • chumas nuálaíochta limistéar an Atlantaigh a mhéadú;
  • scileanna a fheabhsú i dtionscail thraidisiúnta, amhail longthógáil, dobharshaothrú agus iascaigh, agus in earnálacha atá ag teacht chun cinn freisin, amhail biteicneolaíocht mhuirí nó fuinnimh in-athnuaite.

• 2.

  Cumas thimpeallacht mhuirí agus chósta an Atlantaigh a chosaint, a dhaingniú agus a fhorbairt, mar shampla trí:

  • shábháilteacht agus slándáil maraithe, phobail an chósta, réadmhaoine agus éiceachóras a neartú;
  • chumas breathnóireachta agus réamh-mheastach aigéin a fhorbairt;
  • chur le huirlisí agus le straitéisí a fhorbairt chun dul i ngleic le fadhbanna domhanda um athrú aeráide;
  • chosaint na timpeallachta muirí a thacú, agus trí thacú le hiarrachtaí chun “dea-stádas comhshaoil” a bhaint amach le haghaidh uiscí an Atlantaigh faoi 2020;
  • thuiscint níos fearr a fhorbairt maidir le féidearthacht theicniúil, le hinmharthanacht chomhshaoil agus le tionchar comhshaoil mhianadóireacht na mianraí;
  • bhealaí a mheas chun úsáid fuinnimh inbhuanaithe in-athnuaite amach ón gcósta a luathú (e.g. feirmeacha gaoithe amach ón gcósta).

• 3.

  Inrochtaineacht agus nascacht a fheabhsútrí:

  • éascaíocht a dhéanamh ar fhorbairt calafort mar mhoil gheilleagair ghoirm.

• 4.

  Samhail forbartha réigiúnaí a chruthú atá inbhuanaithe agus atá cuimsitheach ar bhonn sóisialtatrí :

  • eolas níos fearr ar dhúshláin shóisialta i limistéar an Atlantaigh a chothú;
  • oidhreacht chultúrtha an Atlantaigh a chaomhnú agus a chur chun cinn.

Féadfar na tosaíochtaí forbartha agus taighde a aithnítear sa phlean gníomhaíochta a mheas, chun féachaint an dtabharfar maoiniú AE dóibh.

Tá tuilleadh faisnéise le fáil ar láithreán gréasáin Ard-Stiúrthóireacht na nGnóthaí Muirí agus na hIascaireachta de chuid an Choimisiúin Eorpaigh.

GNÍOMH GAOLMHARA

Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún: Straitéis Mhuirí a fhorbairt do Limistéar an Aigéin Atlantaigh (COM(2011) 782 final an 21 Samhain 2011)

Nuashonraithe 30.09.2015