Comhaontú idir AE agus an tSeapáin maidir le sábháilteacht san eitlíocht shibhialta

 

ACHOIMRE AR:

Comhaontú maidir leis an eitlíocht shibhialta idir AE agus an tSeapáin

Cinneadh (AE) 2020/1026 maidir le síniú, thar ceann AE, agus cur i bhfeidhm sealadach an chomhaontaithe maidir le sábháilteacht san eitlíocht shibhialta idir AE agus an tSeapáin

Cinneadh (AE) 2021/112 maidir le tabhairt i gcrích an chomhaontaithe maidir le sábháilteacht san eitlíocht shibhialta idir AE agus an tSeapáin

CAD IS AIDHM LEIS AN GCOMHAONTÚ AGUS LEIS NA CINNTÍ?

• Féachtar leis an gcomhaontú le trádáil in aerárthaí agus táirgí gaolmhara idir an tAontas Eorpach (AE) agus an tSeapáin a éascú.
• Is gníomh é atá leagtha amach i straitéis eitlíochta don Eoraip de chuid an Choimisiúin Eorpaigh — féach an achoimre.
• Le Cinneadh (AE) 2020/1026 tugtar údarú don Aontas Eorpach an comhaontú a shíniú agus a chur i bhfeidhm go sealadach.
• Le Cinneadh (AE) 2021/112 ón gComhairle tugtar an comhaontú i gcrích thar ceann an Aontais Eorpaigh.

PRÍOMHPHOINTÍ

Ceapadh an comhaontú chun:

• dúbláil measúnuithe gan ghá le haghaidh táirgí aerloingseoireachta sibhialta*;
• costais a laghdú le haghaidh údarás agus thionscal na heitlíochta;
• comhar idir údaráis eitlíochta sibhialta AE, Gníomhaireacht Sábháilteachta Eitlíochta an Aontais Eorpaigh (féach an achoimre), agus Biúró Eitlíochta Sibhialta na Seapáine a chur chun cinn.

Scóip an chomhair

D’fhéadfadh sé go mbeadh comhar i roinnt réimsí mar chuid den chomhaontú seo, lena n–áirítear:

• deimhnithe aeracmhainneachta agus faireachán ar tháirgí aerloingseoireachta sibhialta;
• deimhnithe comhshaoil agus tástáil táirgí aerloingseoireachta sibhialta;
• dearadh agus táirgeadh deimnithe agus faireachán ar eagraíochtaí deartha agus táirgthe;
• deimhnithe cothabhála eagraíochtaí agus faireachán a dhéanamh ar eagraíochtaí cothabhála;
• ceadúnú agus oiliúint pearsanra;
• measúnú cáilíochta d’ionsamhlóir eitilte;
• oibriú aerárthaí.

Oibleagáidí ginearálta

Comhaontaíonn AE agus an tSeapáin glacadh le torthaí um comhlíonadh arna ndéanamh agus deimhnithe arna n–eisiúint ag údaráis inniúla nó eagraíochtaí údaraithe an pháirtí eile, mar a shonraítear in iarscríbhinn an chomhaontaithe ar dheimhniú aeracmhainneachta agus comhshaoil.

An comhaontú a chur chun feidhme

Bunaítear Comhchoiste ar a bhfuil ionadaithe AE agus na Seapáine le cur chun feidhme éifeachtach an chomhaontaithe a áirithiú.

DÁTA TEACHT I BHFEIDHM

Tá an comhaontú i bhfeidhm go sealadach ón 22 Meitheamh 2020.

Tháinig sé i bhfeidhm an 30 Meitheamh 2021.

CÚLRA

• Le Comhaontú Comhpháirtíochta Eacnamaíche rialaítear an caidreamh polaitiúil níos leithne idir AE agus an tSeapáin — féach an achoimre.
• Le haghaidh tuilleadh faisnéise, féach:
  • Gníomhaireacht Sábháilteachta Eitlíochta an Aontais Eorpaigh
  • Beartas eitlíochta seachtrach (An Coimisiún Eorpach).

PRÍOMHTHÉARMAÍ

PRÍOMHDHOICIMÉID

Comhaontú maidir le sábháilteacht eitlíochta sibhialta idir an tAontas Eorpach agus an tSeapáin (IO L 229, 16.7.2020, lgh. 4-25)

Cinneadh (AE) 2020/1026 ón gComhairle an 24 Aibreán 2020 maidir le síniú, thar ceann an Aontais, agus cur i bhfeidhm sealadach an Chomhaontaithe maidir le sábháilteacht san eitlíocht shibhialta idir an tAontas Eorpach agus an tSeapáin (IO L 229, 16.7.2020, lgh. 1-3)

Cinneadh (AE) 2021/112 ón gComhairle an 25 Eanáir 2021 maidir le tabhairt i gcrích an Chomhaontuithe maidir le sábháilteacht san eitlíocht shibhialta idir an tAontas Eorpach agus an tSeapáin (IO L 36, 2.2.2021, lgh. 1-2)

DOICIMÉID GHAOLMHARA

Faisnéis maidir le teacht i bhfeidhm an Chomhaontaithe idir an tAontas Eorpach agus an tSeapáin (IO L 230, 30.6.2021, lch. 4)

Comhaontú Comhpháirtíochta Eacnamaíche idir an tAontas Eorpach agus an tSeapáin (IO L 330, 27.12.2018, lgh. 3-899)

Féach an leagan comhdhlúite.

Rialachán (AE) 2018/1139 ó Pharlaimint na hEorpa agus ón gComhairle an 4 Iúil 2018 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta an Aontais Eorpaigh, agus lena leasaítear Rialachán (CE) Uimh. 2111/2005, Rialachán (CE) Uimh. 1008/2008, Rialachán (AE) Uimh. 996/2010, Rialachán (AE) Uimh. 376/2014 agus Treoir 2014/30/AE agus Treoir 2014/53/AE ó Pharlaimint na hEorpa agus ón gComhairle, agus lena n–aisghairtear Rialachán (CE) Uimh. 552/2004 agus Rialachán (CE) Uimh. 216/2008 ó Pharlaimint na hEorpa agus ón gComhairle, agus Rialachán (CEE) Uimh. 3922/91 ón gComhairle (IO L 212, 22.8.2018, lgh. 1-122)

Féach an leagan comhdhlúite.

Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún: Straitéis Eitlíochta don Eoraip (COM(2015) 598 final 7.12.2015)

Nuashonraithe 08.07.2021