Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32019R1896

Garda Teorann agus Cósta Eorpach

Dáta an athbhreithnithe dheireanaigh:
29/05/2021
Dáta a céadchruthaíodh:
06/07/2020
Doiciméid achoimrithe:
Údar:
Oifig Foilseachán an Aontais Eorpaigh
Eintiteas/is atá freagrach:
Ard-Stiúrthóireacht um Imirce agus Gnóthaí Baile

Garda Teorann agus Cósta Eorpach

 

ACHOIMRE AR:

Rialachán (AE) 2019/1896 maidir leis an nGarda Teorann agus Cósta Eorpach

CAD IS AIDHM LEIS AN RIALACHÁN?

  • Bunaítear leis gníomhaireacht Eorpach um an nGarda Teorann agus Cósta chun:
    • bainistíocht chomhtháite Eorpach a áirithiú ag teorainn AE;
    • trasnú teorainneacha a bhainistiú go héifeachtúil; agus
    • beartas AE um fhilleadh* a dhéanamh níos éifeachtaí mar phríomh-chomhpháirt de bhainistíocht inbhuanaithe na himirce.
  • Féachtar leis aghaidh a thabhairt ar na dúshláin a bhaineann leis an imirce agus ar bhagairtí a d’fhéadfadh a bheith ann amach anseo ag na teorainneacha, coireanna tromchúiseacha idirnáisiúnta a chomhrac, agus slándáil inmheánach AE a áirithiú agus cearta bunúsacha á n–urramú agus saorghluaiseacht á cosaint.

PRÍOMHPHOINTÍ

Le buanchór 10,000 garda teorann:

  • áiritheofar gur féidir leis an ngníomhaireacht tacú le Ballstáit AE pé uair agus pé áit a mbeidh gá leis;
  • tabharfar le chéile baill foirne gníomhaireachta, chomh maith le gardaí teorann agus saineolaithe um fhilleadh arna dtabhairt ar iasacht nó arna n–imscaradh ag Ballstáit AE, a thacóidh leis an líon os cionn 100,000 garda teorann náisiúnta ina gcúraimí.

Lena chois sin, beidh buiséad ag an ngníomhaireacht lena trealamh féin a cheannach, amhail árthaí, eitleáin agus feithiclí.

Cumhachtaí feidhmiúcháin

Ní bheidh an buanchór ábalta cúraimí maidir le rialú teorann agus maidir le filleadh a dhéanamh, amhail seiceálacha aitheantais, iontráil ag teorainneacha seachtracha a údarú, agus faireachas teorann a dhéanamh — ach le comhaontú Bhallstát aíochta an Aontais Eorpaigh amháin.

Tuilleadh tacaíochta ar fhilleadh

  • Chomh maith le hoibríochtaí comhpháirteacha um fhilleadh a eagrú agus a mhaoiniú, beidh an ghníomhaireacht ábalta tacú le Ballstáit AE ag gach céim den phróiseas um fhilleadh anois agus beidh Ballstáit AE fós freagrach as cinntí um fhilleadh a dhéanamh.
  • D’fhéadfadh, mar shampla, cúnamh a sholáthar d’fhillithe roimh a dteacht, i ndiaidh a dteachta agus le linn a dteachta a bheith i gceist leis an tacaíocht sin, chomh maith le náisiúnaigh neamh-AE a aithint nach bhfuil ceart acu fanacht nó doiciméid taistil a fháil.

Comhar níos láidre le tíortha nach tíortha de chuid AE iad

Beidh an ghníomhaireacht ábalta — faoi réir comhaontú roimh ré ón tír lena mbaineann — oibríochtaí comhpháirteacha a sheoladh agus baill foirne a imscaradh lasmuigh de AE, níos faide ar aghaidh ná na tíortha atá buailte le AE, chun tacaíocht maidir le bainistíocht teorainneacha a chur ar fáil.

Oifigí allamuigh

Beidh an ghníomhaireacht ábalta oifigí allamuigh a chur ar bun i mBallstáit AE agus i dtír nach tír den Aontas Eorpach í (faoi réir comhaontú stádais) chun tacú ar bhonn lóistíochta lena gníomhaíochtaí oibriúcháin agus cur i gcrích réidh na n–oibríochtaí a áirithiú.

An Córas Eorpach um Fhaireachas ar Theorainneacha (Eurosur)

  • Chun oibríocht Eurosur a fheabhsú, cuimsítear é leis an rialachán i bhfeidhmiú an Gharda Teorann agus Cósta Eorpaigh.
  • Méadaítear raon feidhme Eurosur leis an rialachán chun formhór na gcomhpháirteanna i mbainistiú comhtháite ar theorainneacha seachtracha san Eoraip a chlúdach. Ciallaíonn sé sin go mbeifear ábalta cásanna géarchéime ag teorainneacha seachtracha AE agus i dtíortha nach tíortha de chuid AE iad a bhrath, a thuar agus frithghníomhú ina leith ar bhealach níos fearr.
  • Le gníomh cur chun feidhme ón gCoimisiún Eorpach, Rialachán Cur Chun Feidhme (AE) 2021/581 leagtar amach na rialacha a bhaineann le malartú faisnéise agus comhar chun críche Eurosur, lena n–áirítear feasacht staide, anailís riosca agus chun tacú le pleanáil agus feidhmiú oibríochtaí rialaithe teorann. Leagtar síos inti:
    • na rialacha maidir le tuairisciú in Eurosur, lena n–áirítear an cineál faisnéise atá le cur ar fáil agus na teorannacha ama maidir le tuairisciú;
    • sonraí na sraitheanna faisnéise* ar na léirithe staide*;
    • na nósanna imeachta chun léirithe sonracha staide a bhunú;
    • na freagrachtaí a bhaineann le tuairisciú, le bainistiú na léirithe staide agus le córais agus líonraí teicniúla éagsúla a thacaíonn le Eurosur a fheidhmiú agus a chothabháil;
    • rialacha slándála sonraí agus cosanta sonraí Eurosur;
    • sásraí rialaithe cáilíochta.

Aisghairm

Aisghairtear leis Rialachán (AE) Uimh. 1052/2013 maidir le Eurosur ón 4 Nollaig 2019 agus Rialachán (AE) 2016/1624 ón 31 Nollaig 2020.

CÉN UAIR ATÁ TOSACH FEIDHME AN RIALACHÁIN?

  • Tá feidhm leis ón 4 Nollaig 2019.

CÚLRA

Chun tuilleadh faisnéise a fháil, féach:

PRÍOMHTHÉARMAÍ

Filleadh: an próiseas a bhaineann le náisiúnach neamh–AE a bheith ag dul ar ais go toilteanach nó go héigeantach go dtí a thír nó a tír thionscnaimh, go dtí tír idirthurais chomhaontaithe, nó go dtí Ballstát eile a gcinneann an duine lena mbaineann go toilteanach filleadh uirthi agus ina nglacfar leis nó léi.
Sraitheanna faisnéise: tá 3 shraith faisnéise i léirithe staide (féach an chéad iontráil eile):
  • sraith imeachtaí (tuairiscí ar imeachtaí ar dócha go mbeidh tionchar acu ar an teorainn seachtrach);
  • sraith oibriúcháin (tuairiscí ar acmhainní dílse na mBallstát, tuairiscí ar phleananna oibriúcháin, mar aon le tuairiscí ar fhaisnéis chomhshaoil, lena n–áirítear, go háirithe, faisnéis mheitéareolaíoch agus mhuireolaíochta); agus
  • sraith anailíseach, bunaithe ar thuairiscí anailíse riosca. Is é is aidhm le tuairiscí anailíse tuiscint ar imeachtaí ag an teorainn sheachtrach ar féidir leo cuidiú le treochtaí a thuar, cuidiú le pleanáil agus feidhmiú oibríochtaí rialaithe teorann, chomh maith le hanailís straitéiseach riosca.
Léirithe staide: tá faisnéis sna híomhánna sin ar an staid ag teorainneacha na hEorpa agus sa limistéar réamhtheorann.

PRÍOMHDHOICIMÉAD

Rialachán (AE) 2019/1896 ó Pharlaimint na hEorpa agus ón gComhairle an 13 Samhain 2019 maidir leis an nGarda Teorann agus Cósta Eorpach agus lena n–aisghairtear Rialachán (AE) Uimh. 1052/2013 agus Rialachán (AE) 2016/1624 (IO L 295, 14.11.2019, lgh. 1-131)

DOICIMÉID GHAOLMHARA

Rialachán Cur Chun Feidhme (AE) 2021/581 ón gCoimisiún an 9 Aibreán 2021 maidir le léirithe staide an Chórais Eorpaigh um Fhaireachas ar Theorainneacha (EUROSUR) (IO L 124, 12.4.2021, lgh. 3-39)

Rialachán (AE) 2016/399 ó Pharlaimint na hEorpa agus ón gComhairle an 9 Márta 2016 maidir le Cód an Aontais maidir leis na rialacha lena rialaítear gluaiseacht daoine thar theorainneacha (Cód Teorainneacha Schengen) (IO L 77, 23.3.2016, lgh. 1-52)

Rinneadh leasuithe comhleanúnacha ar Rialachán (CE) 2016/399 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Nuashonraithe 29.05.2021

Barr