ENISA - Gníomhaireacht an Aontais Eorpaigh um Shlándáil Gréasáin agus Faisnéise

Bunaíodh Gníomhaireacht an Aontais Eorpaigh um Shlándáil Gréasáin agus Faisnéise (ENISA) i mí an Mhárta 2004. Leis an rialachán seo, leathnaítear údarás na gníomhaireachta chomh fada leis an bhliain 2020 agus cuirtear lena cumas dul i ngleic le cibear-ionasaithe agus le dúshláin eile maidir le slándáil faisnéise.

ACHT

Rialachán (AE) Uimh. 526/2013 ó Pharlaimint na hEorpa agus ón gComhairle maidir le Gníomhaireacht an Aontais Eorpaigh um Shlándáil Gréasáin agus Faisnéise (ENISA) agus lena n-aisghairtear Rialachán (CE) Uimh. 460/2004.

ACHOIMRE

Cuireadh tús le hoibríochtaí ENISA sa Chréit sa bhliain 2005. Tugtar údarás dó:

• cur le hardleibhéal an tslándáil gréasáin agus faisnéise laistigh den AE;
• feasacht a mhúscailt maidir leis na saincheisteanna i dtreis;
• cultúr a fhorbairt agus a chur chun cinn, ina mbítear aireach faoin tslándáil, ar mhaithe le saoránaigh, le tomhaltóirí, le fiontair agus le heagraíochtaí earnála poiblí.

Trína leithéid a dhéanamh, cabhrófar le feidhmiú ceart an mhargaidh inmheánaigh.

Cuireadh tús le húdarás nua na gníomhaireachta an 13 Meán Fómhair 2013. Leagtar amach sa rialachán mar seo a leanas na tascanna a chuirtear i bhfeidhm ag an ghníomhaireacht:

• Tacú le forbairt ar bheartas agus ar dhlí an AE trí chomhairle a sholáthar maidir le gach ábhar a bhaineann le beartas an tslándáil gréasáin agus faisnéise, trí obair agus comhairle ullmhúcháin a sholáthar agus trí fhoilsiú na straitéisí a chuirtear ar fáil go poiblí a anailísiú agus a chur chun cinn.
• Tacú le forbairt cumastrí chúnamh a thabhairt doBhallstáitan AE, nuair a iarrtar a leithéid, agus d’institiúidí an AE agus cosc, aimsiú agus anailísiú fadhbanna agus teagmhas maidir le slándáil faisnéise á bhforbairt agus á bhfeabhsú. Áirítear leis seo an chabhair a sholáthraítear maidir le Foirne Freagartha i gcás Éigeandáil Ríomhaireachta (CERTS) a chruthú agus le córas luathrabhaidh an AE a fhorbairt.
• Tacú le comhar deonachidir comhlachtaí inniúla poiblí agus scairshealbhóirí, lena n-áirítear ollscoileanna agus ionaid taighde, agus múscailt feasachta a chur chun cinn.
• Tacú le taighde agus forbairt agus le caighdeánú trí chaighdeáin idirnáisiúnta le haghaidh bainistiú riosca agus slándáil táirgí, gréasáin agus seirbhísí leictreonacha.
• Comhoibriú le hinstitiúidí agus le comhlachtaí an AE, lena n-airítear iad siúd a bhíonn ag déileáil le cibearchoireacht agus le cosaint príobháideachais agus sonraí pearsanta, chun sineirgíochtaí a chruthú agus chun dul i ngleic le saincheisteanna comhchúraim.
• Cur le hiarrachtaí an AE comhoibriú le tíortha nach Ballstáit den AE iad agus le heagraíochtaí idirnáisiúnta maidir le slándáil gréasáin agus faisnéise.

Ordaítear sa rialachán gur cheart a bheith sa ghníomhaireacht stiúrthóir feidhmiúcháin agus baill foirne, grúpa scairshealbhóirí buana mar aon le bord bainistíochta a bhíonn freagrach as obair na gníomhaireachta a threorú go ginearálta. Bunaíodh bord feidhmiúcháin faoin rialachán nua chomh maith.

Nuashonrú is déanaí: 06.04.2014