EUR-Lex Access to European Union law
This document is an excerpt from the EUR-Lex website
Document 32008R0734
Éiceachórais mhuirí sholoite: cosaint ó iascaireacht ghrinnill ar an mórmhuir
Éiceachórais mhuirí sholoite: cosaint ó iascaireacht ghrinnill ar an mórmhuir
ACHOIMRE AR:
Rialachán (CE) Uimh. 734/2008 — maidir le héiceachórais mhuirí sholoite a chosaint
CAD IS AIDHM LEIS AN RIALACHÁN?
Leagtar amach ann na rialacha do shoithí iascaireachta, atá cláraithe i dtíortha an Aontais Eorpaigh (AE), a úsáideann gléasanna iascaireachta grinnill* ar an mórmhuir lasmuigh de limistéir arna rialú ag eagraíochtaí réigiúnacha um bainistíocht iascaigh nó sa chás nach bhfuil bearta glactha ag na heagraíochtaí sin do na hiascaigh sin.
PRÍOMHPHOINTÍ
Eagraíochtaí réigiúnacha um bainistíocht iascaigh (ERBIanna)
Raon feidhme
Tá feidhm ag an rialachán seo maidir le soithí ina ndéantar gníomhaíochtaí iascaireachta ag úsáid gléasanna iascaireachta grinnill:
Ceadanna iascaireachta speisialta
Ní thugtar údarú i leith gníomhaíochtaí iascaireachta grinnill ach nuair nach bhfuil an baol ann go ndéanfadh siad damáiste d’éiceachórais mhuirí sholoite. Ní mór do shoithí iascaireachta cláraithe in AE a úsáideann gléasanna iascaireachta grinnill sna limistéir sin cead iascaireachta speisialta a fháil. Ní mór plean mionsonraithe iascaireachta a bheith san iarratas ina sonraítear:
Eisíonn an tír ina bhfuil an soitheach cláraithe na ceadanna. Ní mór d’údaráis fhreagracha na tíre sin:
Dúnadh limistéar
Ar aon dul le Rún 61/105 ó Chomhthionól Ginearálta NA de 2006, ní mór do thíortha AE na limistéir a aithint ina bhfaightear éiceachórais mhuirí sholoite nó ina bhféadfaí éiceachórais mhuirí sholoite a fháil ar bhonn na faisnéise eolaíche is fearr atá ar fáil, agus na limistéir sin a dhúnadh d’iascaireacht le gléasanna grinnill. Ní mór dúnadh ar bith a chur in iúl don Choimisiún agus iad a chur in iúl do thíortha eile AE ansin.
Monatóireacht
Déanann breathnadóirí monatóireacht ar ghníomhaíochtaí soithí ar tugadh cead iascaireachta speisialta ina leith go dtí go mbeidh an plean iascaireachta curtha i gcrích. Le linn na tréimhse sin, ní mór do bhreathnadóirí:
Ní mór tuarascáil a chur chuig na húdaráis inniúla sa tír AE lena mbaineann laistigh de 20 lá ó chríoch an mhisin. Cuirtear cóip chuig an gCoimisiún.
CÉN UAIR ATÁ TOSACH FEIDHME AN RIALACHÁIN?
Tá sé i bhfeidhm ón 31 Iúil 2008.
* PRÍOMHTHÉARMAÍ
Gléasanna grinnill: gléasanna a úsáidtear i ngnáthchúrsa oibríochtaí iascaireachta a dhéanann teagmháil le grinneall na farraige, lena n-áirítear tráil ghrinnill, dreidirí, eangacha geolbhaigh grinnill, spiléir ghrinnill, potaí agus gaistí.
Stoc éisc traslimistéir: acmhainní iascaigh a dhéanann imirce idir na criosanna eisiaimh eacnamaíoch (i.e. crios farraige a bhfuil cearta speisialta ag tír thairis maidir le hacmhainní muirí a shaothrú agus a úsáid) agus an mórmhuir.
PRÍOMHDHOICIMÉAD
Rialachán (CE) Uimh. 734/2008 ón gComhairle an 15 Iúil 2008 maidir le héiceachórais mhuirí sholoite sa mhórmhuir a chosaint ó ainiarsmaí na hiascaireachta grinnill (IO L 201, 30.7.2008, lgh. 8-13)
Nuashonraithe 04.10.2016