This document is an excerpt from the EUR-Lex website
Document 31994L0080
An ceart vóta a chaitheamh agus seasamh mar iarrthóir i dtoghcháin bhardasacha
- Dáta an athbhreithnithe dheireanaigh:
- 24/09/2015
- Dáta a céadchruthaíodh:
- 01/01/1001
- Cód na hachoimre:
-
- 13.01.02.05 Cearta saoránach
- 23.05.06.00 Cearta daonlathacha
- 13.01.02.05 Cearta saoránach
- Tuairisceoir EUROVOC:
- Cód eolaire:
- Doiciméid achoimrithe:
- Údar:
- Oifig Foilseachán an Aontais Eorpaigh
An ceart vóta a chaitheamh agus seasamh mar iarrthóir i dtoghcháin bhardasacha
Leagtar amach sa treoir na socruithe faoinar féidir le saoránaigh an Aontais Eorpaigh (AE) vóta a chaitheamh nó seasamh mar iarrthóirí i dtoghcháin bhardasacha* sa tír AE ina bhfuil cónaí orthu.
GNÍOMH
Treoir 94/80/CE ón gComhairle an 19 Nollaig 1994 lena leagtar síos socruithe mionsonraithe maidir leis an gceart chun vóta a chaitheamh agus chun seasamh mar iarrthóir i dtoghcháin bhardasacha a chur i bhfeidhm ag saoránaigh an Aontais a bhfuil cónaí orthu i mBallstát nach náisiúnaigh ann iad
ACHOIMRE
CÉARD A DHÉANANN AN TREOIR?
Leagtar amach sa treoir na socruithe faoinar féidir le saoránaigh an Aontais Eorpaigh (AE) vóta a chaitheamh nó seasamh mar iarrthóirí i dtoghcháin bhardasacha* sa tír AE ina bhfuil cónaí orthu.
PRÍOMHPHOINTÍ
Tá an ceart ag saoránach AE, nach náisiúnach é nó í den AE ina bhfuil cónaí air nó uirthi, vóta a chaitheamh sa tír sin agus seasamh mar iarrthóir i dtoghcháin bhardasacha na tíre sin, faoi na coinníollacha céanna is a chuirtear i bhfeidhm ar náisiúnaigh na tíre sin.
Chun páirt a ghlacadh i dtoghcháin, ní mór do shaoránaigh AE iarratas a dhéanamh ar a n-ainm a chur le rolla toghthóirí na tíre cónaithe, trí na doiciméid thacaíochta chéanna a chur ar fáil is a chuirtear ar fáil ag vótálaithe náisiúnta. Sna tíortha ina bhfuil an vótáil éigeantach, beidh siad cumhdaithe freisin ag an dualgas sin.
Más rud é go mbíonn ar náisiúnaigh na tíre cónaithe AE a bheith ina gcónaí sa tír sin ar feadh íostréimhse áirithe chun vóta a chaitheamh nó chun seasamh mar iarrthóirí, is féidir le saoránaigh AE ó lasmuigh den tír tréimhse chomhionann a caitheadh i dtíortha AE eile a chur san áireamh maidir leis an gceanglas sin.
Is féidir le tíortha AE diúltú do shaoránaigh AE seasamh mar iarrthóirí:
|
— |
más rud é gur chaill siad an ceart sin faoin dlí ina dtír AE bhunaidh de thoradh ar chinneadh aonair faoin dlí sibhialta nó coiriúil;
|
|
— |
más rud é nach féidir leo dearbhú náisiúnta agus cónaithe, nó doiciméid áirithe eile a thaispeánann cé hiad, a chur ar fáil, más gá.
|
Is féidir le tíortha AE cinneadh a dhéanamh i gcúinsí áirithe nach bhfuil seilbh poist thofa bhardasaigh sa tír chónaithe comhoiriúnach le seilbh post i dtíortha AE eile.
Is féidir le tíortha AE cinneadh a dhéanamh chun poist áirithe thofa shinsearacha a thabhairt dá náisiúnaigh féin amháin, nó chun cosc a chur ar shaoránaigh thofa ó thíortha AE eile bheith páirteach i dtoscairí a ainmniú, toscairí ar féidir leo baill de thionól parlaiminteach a thoghadh nó vóta a chaitheamh sa tionól sin.
Aithnítear eisceachtaí sa treoir freisin le haghaidh:
|
— |
tíortha AE ina bhfuil breis is 20 % de na toghthóirí ina saoránaigh AE d’aois vótála, saoránaigh AE a bhfuil cónaí orthu sna tíortha sin ach nach náisiúnaigh na dtíortha sin iad; agus
|
|
— |
saoránach AE a bhfuil an ceart acu cheana vóta a chaitheamh i dtoghcháin pharlaimint náisiúnta a dtíre cónaithe AE.
|
CATHAIN A BHEIDH FEIDHM AG AN TREOIR?
Ón 20 Eanáir, 1995 ar aghaidh.
EOCHAIRTHÉARMA
* Toghcháin bhardasacha: toghcháin atá ar oscailt do chónaitheoirí incháilithe lánfhásta ar bhunleibhéal an rialtais áitiúil, mar atá liostaithe san iarscríbhinn a ghabhann leis an treoir.
TAGAIRTÍ
|
Gníomh |
Teacht i bhfeidhm |
Spriocdháta don trasuí sna Ballstáit |
Iris Oifigiúil |
|
Treoir 94/80/CE |
20.1.1995 |
31.12.1995 |
Ionchorpraíodh sa bhuntéacs leasuithe i ndiaidh a chéile ar Iarscríbhinní na Treorach 94/80/CE. Is chun críocha doiciméadúcháin amháin an leagan comhdhlúite seo.
Nuashonraithe 24.09.2015