Comhaontuithe Comhpháirtíochta agus Comhair (CCCanna): An Rúis, Cugas Theas agus an Áise Láir

 

ACHOIMRE AR:

Comhaontú Comhpháirtíochta cuimsitheach agus feabhsaithe idir AE agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na hAirméine, den pháirt eile

Cinneadh (AE) 2018/104 maidir le síneadh agus cur i bhfeidhm sealadach an Chomhaontaithe Comhpháirtíochta Chuimsithigh agus Feabhsaithe idir AE agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na hAirméine, den pháirt eile

Comhaontú Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na Táidsíceastáine, den pháirt eile

Cinneadh 2009/989/CE, Euratom: maidir le tabhairt i gcrích Comhaontaithe Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na Táidsíceastáine, den pháirt eile

Comhaontú Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na hÚisbéiceastáine, den pháirt eile

Cinneadh 1999/593/CE, CEGC, Euratom; maidir le tabhairt i gcrích an Chomhaontaithe Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na hÚisbéiceastáine, den pháirt eile

Comhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile

Cinneadh 99/614/CE, CEGC, Euratom: lena tugtar i gcrích an Comhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile

Comhaontú Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na Cirgise, den pháirt eile

Cinneadh 1999/491/CE, CEGC, Euratom: lena tugtar i gcrích an Comhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na Cirgise, den pháirt eile

Comhaontú Comhpháirtíochta agus Comhair Feabhsaithe idir an tAontas Eorpach agus a Bhallstáit, de pháirt, agus Poblacht na Casacstáine, den pháirt eile

Cinneadh (AE) 2016/123 ón gComhairle an 26 Deireadh Fómhair 2015 maidir le síniú, thar ceann an Aontais Eorpaigh, agus cur i bhfeidhm sealadach an Chomhaontaithe Comhpháirtíochta agus Comhair Feabhsaithe idir an tAontas Eorpach agus a Bhallstáit, de pháirt, agus Poblacht na Casacstáine, den pháirt eile

Cinneadh (AE) 2020/244 ón gComhairle an 20 Eanáir 2020 maidir le tabhairt i gcrích, thar ceann an Aontais Eorpaigh, an Chomhaontaithe Comhpháirtíochta agus Comhair Fheabhsaithe idir an tAontas Eorpach agus a Bhallstáit, de pháirt, agus Poblacht na Casacstáine, den pháirt eile

Comhaontú comhpháirtíochta agus comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Cónaidhm na Rúise, den pháirt eile

Cinneadh 97/800/CEGC, Euratom: lena tugtar i gcrích an Comhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Cónaidhm na Rúise, den pháirt eile

Comhaontú idir Comhphobal Eacnamaíochta na hEorpa agus an Comhphobal Eorpach do Fhuinneamh Adamhach agus Aontas na bPoblachtaí Sóivéadacha Sóisialacha [APSS] maidir leis an trádáil agus leis an gcomhar tráchtálach agus eacnamaíoch

Cinneadh 90/116/CEE: lena dtugann Comhphobal Eacnamaíochta na hEorpa Comhaontú i gcrích idir Comhphobal Eacnamaíochta na hEorpa agus an Comhphobal Eorpach do Fhuinneamh Adamhach agus Aontas na bPoblachtaí Sóivéadacha Sóisialacha maidir leis an trádáil agus leis an gcomhar tráchtálach agus eacnamaíoch

CÉARD IS AIDHM LEIS NA COMHAONTUITHE AGUS LEIS NA CINNTÍ?

Tá sé mar aidhm go ginearálta leis na comhaontuithe idir an tAontas Eorpach (AE) agus a chomhpháirtithe:

• bonn a chur ar fáil le haghaidh plé polaitiúil;
• tacú leis na hiarrachtaí arna ndéanamh ag tíortha chun a ndaonlathas a neartú agus a ngeilleagair a fhorbairt;
• tacú lena n–aistriú go geilleagar margaidh;
• trádáil agus infheistíocht a spreagadh.

Tá sé mar aidhm leis na comhpháirtíochtaí chomh maith bonn a chur ar fáil le haghaidh comhair sa réimse reachtaíochta, sa réimse eacnamaíoch, sa réimse sóisialta, sa réimse airgeadais, sa réimse eolaíoch, sa réimse sibhialta, sa réimse teicneolaíoch agus sa réimse cultúrtha.

Tugtar chun críche leis na cinntí na comhaontuithe thar ceann an Aontais Eorpaigh.

PRÍOMHPHOINTÍ

• Tá 8 gcomhaontú comhpháirtíochta agus comhair (CCCanna) nó comhaontuithe comhpháirtíochta feabhsaithe tugtha i gcrích ag an Aontas Eorpach le tíortha nach tíortha de chuid AE iad: An Airméin, an Asarbaiseáin, an Chasacstáin, an Chirgeastáin (Poblacht na Cirgise), an Rúis, an Úisbéiceastáin agus an Tuircméanastáin.

• Tá CCC leis an Tuircméanastáin le daingniú go fóill ag Parlaimint na hEorpa, agus tá an caidreamh idir na páirtithe á rialáil i bpáirt le comhaontú eatramhach agus i bpáirt le comhaontú 1990 idir AE agus Comhaontú idir an tAontas Eorpach agus iar-Aontas na bPoblachtaí Sóivéadacha Sóisialacha (APSS).

• Leis an gComhaontú Comhpháirtíochta agus Comhair Feabhsaithe (CCCF) leis an gCasacstáin tugtar cothrom le dáta comhaontú comhpháirtíochta agus comhair roimhe seo agus cuirtear in aonad an chomhaontaithe sin é.
• Tá an Comhaontú Comhpháirtíochta Cuimsitheach agus Feabhsaithe (CCCF) leis an Airméin curtha i bhfeidhm ar bhonn sealadach faoi láthair. Tugtar cothrom le dáta leis an comhaontú comhpháirtíochta agus comhair a bhí ann roimhe seo agus tiocfaidh sé in ionad an chomhaontaithe sin nuair a thiocfaidh sé i bhfeidhm.
• Tá líon de na tíortha sin ina bpáirtithe i mBeartas Comharsanachta AE lena soláthraítear bonn dá chur chun feidhme leis na comhaontuithe.
• Soláthraítear le CCC leis an Rúis chomh maith do chruthú na gcoinníollacha is gá chun limistéar saorthrádála a bhunú amach anseo.

Príomh-shaintréithe

Comhaontaítear gach ceann de na comhaontuithe sin ar théarmaí sonracha, agus cuspóirí déthaobhacha an 2 pháirtí á gcur san áireamh. Mar sin féin, tá na saintréithe céanna agus formáidí comhchosúla ag baint le mórán díobh lena n–áirítear iad seo a leanas.

• Prionsabail ghinearálta: maidir le meas ar an daonlathas, ar phrionsabail an dlí idirnáisiúnta agus ar chearta an duine. Tá an geilleagar margaidh leagtha amach mar chuspóir sna comhaontuithe ar fad chomh maith. Léirítear go bhfuil roinnt prionsabal eile lárnach sna comhaontuithe amhail:
  • an smacht reachta agus dea-rialachas;
  • an comhrac in aghaidh an éillithe agus cineálacha éagsúla coireachta eagraithe trasnáisiúnta agus sceimhlitheoireachta;
  • cur chun cinn forbartha inbhuanaithe; agus
  • iltaobhachas éifeachtach.
• Idirphlé polaitiúil déthaobhach a bhunú: lena bhféachtar le coinbhéirsiú seasamh a spreagadh maidir le ceisteanna idirnáisiúnta leasa fhrithpháirtigh agus le hoibriú i gcomhar le haghaidh cobhsaíochta, slándála agus comhlíonadh maidir leis an daonlathas agus cearta an duine.
  • Tionóltar idirphlé ar leibhéal na n–airí (comhairle um chomhar nó comhairle um chomhpháirtíocht), ar an leibhéal parlaiminteach (an comhairle pharlaiminteach) agus ar leibhéal na seirbhísí sibhialta sinsearaí, agus trí bhealaí taidhleoireachta agus trí chruinnithe saineolaithe chomh maith.
  • Leis an gComhaontú leis an Rúis déantar soláthar chomh maith le haghaidh idirphlé ar leibhéal na n–uachtarán.
• Ceartas, saoirse agus slándáil: d’fhéadfadh an méid a leanas a bheith i gceist leis na tosaíochtaí:
  • an smacht reachta a chomhdhlúthú agus na hinstitiúidí ar gach leibhéal riaracháin go ginearálta a neartú, forfheidhmiú an dlí agus riarachán an cheartais go háirithe;
  • idirphlé agus comhar maidir le himirce, tearmann agus bainistiú teorann a mhéadú;
  • coireacht eagraithe agus sciúradh airgid a chomhrac.
• Trádáil agus cúrsaí a bhaineann le trádáil: tugann an tAontas Eorpach agus an tír faoi seach cóir an náisiúin barrfhabhair dá chéile. Cuirfidh siad saor-idirthurais earraí ar bun chomh maith trína gcríoch.
  • Le haghaidh earraí a ligfear isteach ar bhonn sealadach, tabharfaidh gach páirtí díolúine don pháirtí eile ó dhleachtanna agus ó chánacha allmhairiúcháin.
  • D’fhéadfadh sé nach mbeadh srianta cainníochtúla ar allmhairí i bhfeidhm a thuilleadh idir na páirtithe agus ní mór earraí a thrádáil ar a bpraghas margaidh.
  • Socraítear coinníollacha chomh maith ina gclúdaítear fostaíocht, bunú gnó agus gníomhaíochtaí/oibríocht cuideachtaí, soláthar trasteorann seirbhísí, íocaíocht agus caipiteal reatha.
• Maoin intleachtúil, tionscail agus tráchtála a chosaint.
• Comhar eacnamaíoch agus earnála: d’fhéadfadh go gclúdófaí ann raon leathan réimsí agus earnálacha a bhfuil sé mar aidhm leo ailíniú de réir a chéile le dlíthe agus caighdeáin AE agus, más ábhartha, le noirm agus caighdeáin idirnáisiúnta. D’fhéadfadh go mbeadh na hearnálacha a leanas i gceist:
  • an earnáil talmhaíochta agus bia;
  • fuinneamh;
  • comhar maicreacnamaíoch;
  • bainistíocht airgid phoiblí;
  • cánachas;
  • turasóireacht;
  • an comhshaol;
  • beartas fiontraíochta agus tionsclaíoch;
  • comhar i bhfostaíocht, i mbeartas sóisialta agus i gcomhdheiseanna;
  • comhar sa tsochaí shibhialta;
  • comhar trasteorann agus réigiúnach.
• Comhar cultúrtha.
• Comhar airgeadais.

DÁTA THEACHT I BHFEIDHM

• Tá an Comhaontú Comhpháirtíochta agus Comhair Feabhsaithe (CCCF) leis an gCasacstáin i bhfeidhm ón 1 Márta 2020.

• Go dtí go ndaingneofar é, tá an Comhaontú Comhpháirtíochta Cuimsitheach agus Feabhsaithe (CCCF) leis an Airméin i bhfeidhm ón 1 Meitheamh 2018.
• Tá CCC leis an Táidsíceastáin i bhfeidhm ón 1 Eanáir 2010.
• Tá na CCCanna leis an Úisbéiceastáin, leis an Asarbaiseáin agus leis an gCirgeastáin i bhfeidhm ón 1 Iúil 1999.
• Tá CCC leis an Rúis i bhfeidhm ón 1 Nollaig 1997.

CÚLRA

• Cuirtear CCCanna i gcrích go ginearálta ar feadh tréimhse tosaigh deich mbliana ach déantar iad a athnuachan go huathoibríoch ar bhonn bliantúil mura gcuireann ceann de na páirtithe ina choinne.
• Le haghaidh tuilleadh faisnéise, féach:
  • Idirbheartaíocht agus comhaontuithe (An Coimisiún Eorpach).

PRÍOMHDHOICIMÉID

Comhaontú Comhpháirtíochta Cuimsitheach agus Feabhsaithe idir an tAontas Eorpach agus an Comhphobal Eorpach do Fhuinneamh Adamhacha agus a mBallstáit, de pháirt, agus Poblacht na hAirméine, den pháirt eile (IO L 23, 26.1.2018, lgh. 4-466)

Cinneadh (AE) 2018/104 ón gComhairle an 20 Samhain 2017 maidir le síniú, thar ceann an Aontais, agus cur i bhfeidhm sealadach an Chomhaontaithe Comhpháirtíochta Chuimsithigh agus Feabhsaithe idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na hAirméine, den pháirt eile (IO L 23, 26.1.2018, lgh. 1-3)

Comhaontú Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na Táidsíceastáine, den pháirt eile (IO L 350, 29.12.2009, lgh. 3-51)

Cinneadh 2009/989/CE, Euratom ón gComhairle agus gCoimisiún an 17 Samhain 2009 maidir le tabhairt i gcrích Comhaontaithe Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na Táidsíceastáine, den pháirt eile (IO L 350, 29.12.2009, lgh. 1-2)

Comhaontú Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na hÚisbéiceastáine, den pháirt eile (IO L 229, 31.8.1999, lgh. 3-52)

Cinneadh 1999/593/CE, CEGC, Euratom ón gComhairle agus ón gCoimisiún an 31 Bealtaine 1999 maidir le tabhairt i gcrích an Chomhaontaithe Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na hÚisbéiceastáine, den pháirt eile (IO L 229, 31.8.1999, lgh. 1-2)

Comhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile (IO L 246, 17.9.1999, lgh. 3-51)

Cinneadh 99/614/CE, CEGC, Euratom ón gComhairle agus ón gCoimisiún an 31 Bealtaine 1999 maidir le tabhairt i gcrích an Chomhaontaithe Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile (IO L 246, 17.9.1999, lgh. 1-2)

Comhaontú Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na Cirgise, den pháirt eile (IO L 196, 28.7.1999, lgh. 48-89)

Féach an leagan comhdhlúite.

Cinneadh 1999/491/CE, CEGC, Euratom ón gComhairle agus ón gCoimisiún an 12 Bealtaine 1999 maidir le tabhairt i gcrích an Chomhaontaithe Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na Cirgise, den pháirt eile (IO L 196, 28.7.1999, lgh. 46-47)

Comhaontú Comhpháirtíochta agus Comhair Feabhsaithe idir an tAontas Eorpach agus a Bhallstáit, de pháirt, agus Poblacht na Casacstáine, den pháirt eile (IO L 29, 4.2.2016, lgh. 3-150)

Cinneadh (AE) 2016/123 ón gComhairle an 26 Deireadh Fómhair 2015 maidir le síniú, thar ceann an Aontais Eorpaigh, agus cur i bhfeidhm sealadach an Chomhaontaithe Comhpháirtíochta agus Comhair Feabhsaithe idir an tAontas Eorpach agus a Bhallstáit, de pháirt, agus Poblacht na Casacstáine, den pháirt eile (IO L 29, 4.2.2016, lch. 1-2)

Cinneadh (AE) 2020/244 ón gComhairle an 20 Eanáir 2020 maidir le tabhairt i gcrích, thar ceann an Aontais Eorpaigh, an Chomhaontaithe Comhpháirtíochta agus Comhair Feabhsaithe idir an tAontas Eorpach agus a Bhallstáit, de pháirt, agus Poblacht na Casacstáine, den pháirt eile (IO L 52, 25.2.2020, lgh. 1-2)

Comhaontú comhpháirtíochta agus comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Cónaidhm na Rúise, den pháirt eile (IO L 327, 28.11.1997, lgh. 3-69)

Féach an leagan comhdhlúite.

Cinneadh 97/800/CEGC, CE, Euratom ón gComhairle agus ón gCoimisiún an 30 Deireadh Fómhair 1997 maidir le tabhairt i gcrích an Chomhaontaithe Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Cónaidhm na Rúise, den pháirt eile (IO L 327, 28.11.1997, lgh. 1-2)

Comhaontú idir Comhphobal Eacnamaíochta na hEorpa agus an Comhphobal Eorpach do Fhuinneamh Adamhach agus Aontas na bPoblachtaí Sóivéadacha Sóisialacha maidir leis an trádáil agus leis an gcomhar tráchtálach agus eacnamaíoch (IO L 68, 15.3.1990, lgh. 3-17)

Cinneadh 90/116/CEE ón gComhairle an 26 Feabhra 1990 maidir le tabhairt i gcrích ag Comhphobal Eacnamaíochta na hEorpa Comhaontaithe idir an Comhphobal Eorpach do Fhuinneamh Adamhacha agus Aontas na bPoblachtaí Sóivéadacha Sóisialacha maidir leis an trádáil agus leis an gcomhar tráchtálach agus eacnamaíoch (IO L 68, 15.3.1990, lch. 1)

DOICIMÉID GHAOLMHARA

Fógra maidir le cur i bhfeidhm sealadach an Chomhaontaithe Comhpháirtíochta Chuimsithigh agus Feabhsaithe idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus an Poblacht na hAirméine, den pháirt eile (IO L 122, 17.5.2018, lch. 1)

Faisnéis maidir le dáta theacht i bhfeidhm an Chomhaontaithe Comhpháirtíochta agus Comhair lena mbunaítear comhpháirtíocht idir na Comhphobail Eorpacha agus a mBallstáit, de pháirt, agus Poblacht na Táidsíceastáine, den pháirt eile (IO L 350, 29.12.2009, lch. 57)

Faisnéis maidir le teacht i bhfeidhm an Chomhaontaithe Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile (IO L 261, 7.10.1999, lch. 41)

Faisnéis maidir le teacht i bhfeidhm an Chomhaontaithe Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na Cirgise, den pháirt eile (IO L 248, 21.9.1999, lch. 35)

Faisnéis maidir le teacht i bhfeidhm an Chomhaontaithe Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hÚisbéiceastáine, den pháirt eile (IO L 248, 21.9.1999, lch. 36)

Faisnéis maidir le teacht i bhfeidhm an Chomhaontaithe Comhpháirtíochta agus Comhair Feabhsaithe idir an tAontas Eorpach agus a Bhallstáit, de pháirt, agus Poblacht na Casacstáine, den pháirt eile (IO L 51, 25.2.2020, lch. 2)

Nuashonraithe 12.06.2020