This document is an excerpt from the EUR-Lex website
Rialachán (AE) Uimh. 1227/2011 — sláine agus trédhearcacht an mhargaidh mórdhíola fuinnimh
Cuirtear creat ar bun faoin rialachán seo chun faireachán a dhéanamh ar mhargaí mórdhíola fuinnimh*. Féachtar sa rialachán le drochúsáidí amhail trádáil chos istigh* agus cúbláil mhargaidh* a chosc.
Cuireann an rialachán le ról na Gníomhaireachta um Chomhar Idir Rialálaithe Fuinnimh (ACER). Is iad seo a leanas cuid de thascanna ACER:
Cúbláil mhargaidh
Trí ACER a chruthú, féachtar leis an rialachán cásanna de chúbláil mhargaidh a chosc, amhail:
Rannpháirtithe
Ní mór do na rannpháirtithe sa mhargadh:
Pionóis
Ní mór do thíortha AE pionóis a chur i bhfeidhm sa chás nach gcloítear leis an rialachán seo. Ní mór do na pionóis sin a bheith comhréireach agus na rudaí seo a leanas a léiriú:
* Margaí mórdhíola fuinnimh: margaí ina ndéantar fuinneamh a thrádáil idir miondíoltóirí fuinnimh (amhail cuideachtaí leictreachais), bainc infheistíochta agus mórúsáideoirí fuinnimh (mar shampla gléasraí iarainn).
* Trádáil chos istigh: nuair a dhéanann duine aonair iarracht leas a bhaint as trádáil táirge áirithe bunaithe ar fhaisnéis nach bhfuil curtha ar fáil go poiblí go fóill (faisnéis ón taobh istigh). Bíonn trádálaithe eile faoi mhíbhuntáiste toisc nach mbíonn rochtain acu ar an bhfaisnéis sin.
* Cúbláil mhargaidh: cur isteach d’aon ghnó ar fheidhmiú cóir an mhargaidh, mar shampla comharthaí bréagacha nó míthreoracha a chruthú maidir le soláthar nó le héileamh táirge áirithe, rud a chuireann isteach ar phraghas an táirge sin.
* Cumas giniúna leictreachais: an cumas fuinneamh leictreach a tháirgeadh.
* Cumas tarchurtha: cumas iompair leictreachais an bhonneagair dhaingin, amhail línte cumhachta.
* Faisnéis ón taobh istigh: faisnéis a bhaineann le táirge, nach bhfuil curtha ar fáil go poiblí. Dá gcuirfí an fhaisnéis sin ar fáil go poiblí, d’fhéadfadh sé sin dul i bhfeidhm ar phraghas an táirge.
An Ghníomhaireacht um Chomhar idir Rialálaithe Fuinnimh
Ón 28 Nollaig, 2011 ar aghaidh.
Rialachán (AE) Uimh. 1227/2011 ó Pharlaimint na hEorpa agus ón gComhairle an 25 Deireadh Fómhair 2011 maidir le sláine agus trédhearcacht an mhargaidh mórdhíola fuinnimh (IO L 326, 8.12.2011, lgh. 1–16)
Nuashonraithe 26.10.2015