(1)

Le Rialachán Cur Chun Feidhme (AE) 2020/776 ón gCoimisiún (2), d’fhorchuir an Coimisiún dleacht chinntitheach frithchúitimh ar allmhairí fabraicí snáithíní gloine fite agus/nó fuaite áirithe ó Dhaon-Phoblacht na Síne agus ón Éigipt.

(2)

Tar éis na n-imscrúduithe frith-imchéimniúcháin, rinneadh na bearta sin a leathnú le Rialachán Cur Chun Feidhme (AE) 2022/1478 ón gCoimisiún (3) chun allmhairí fabraicí snáithíní gloine fite agus/nó fuaite áirithe a choinsínítear ón Tuirc, dearbhaítear gur de thionscnamh na Tuirce iad nó ná dearbhaítear, cé is moite de na cinn a tháirgeann Saertex Turkey Tekstil Ltd Şti, Sonmez Asf Iplik Dokuma Ve Boya San Tic A. Ş. agus Telateks Tekstil Ürünleri Sanayi ve Ticaret Anonim Şirketi/Telateks Dış Ticaret ve Kompozit Sanayi Anonim Şirketi.

(3)

Fuair an Coimisiún iarraidh ar pháirt-athbhreithniú eatramhach faoi Airteagal 19 den bhun-Rialachán. Chuir Fibroteks Dokuma Sanayi Ve Ticaret AS (‘an t-iarratasóir’), táirgeoir sa Tuirc, an iarraidh isteach, agus tá raon feidhme an hiarrata teoranta don scrúdú ar an bhféidearthacht díolúine a dheonú don iarratasóir ó na bearta atá i bhfeidhm.

(4)

Tar éis dó scrúdú a dhéanamh ar an bhfianaise a thíolaic an t-iarratasóir agus tar éis dó dul i gcomhairle leis na Ballstáit, agus tar éis an deis a bheith tugtha do thionscal an Aontais barúil a thabhairt, thionscain an Coimisiún páirt-athbhreithniú eatramhach ‘ex officio’ an 4 Iúil 2023 trí fhógra tionscnaimh a fhoilsiú in Iris Oifigiúil an Aontais Eorpaigh (4).

(5)

Is é atá sa táirge faoi athbhreithniú fabraicí caisirníní agus/nó snáthanna de shnáithíní gloine filiméad leanúnach fite agus/nó fuaite a bhfuil eilimintí eile iontu nó nach bhfuil, gan táirgí atá tuilithe nó réamhthuilithe a áireamh, agus gan fabraicí mogaill oscailte a áireamh ag a bhfuil cealla oscailte is faide agus is leithne ná 1,8 mm araon agus a bhfuil meáchan is mó ná 35 g/m2 iontu, a aicmítear faoi láthair faoi na cóid AC ex 7019 61 00, ex 7019 62 00, ex 7019 63 00, ex 7019 64 00, ex 7019 65 00, ex 7019 66 00, ex 7019 69 10, ex 7019 69 90 agus ex 7019 90 00 (cóid TARIC 7019610081, 7019610084, 7019620081, 7019620084, 7019630081, 7019630084, 7019640081, 7019640084, 7019650081, 7019650084, 7019660081, 7019660084, 7019691081, 7019691084, 7019699081, 7019699084, 7019900081 agus 7019900084) a choinsínítear ón Tuirc, bíodh sé dearbhaithe gur de thionscnamh na Tuirce iad nó ná bíodh (cóid TARIC 7019610083, 7019620083, 7019630083, 7019640083, 7019650083, 7019660083, 7019691083, 7019699083 agus 7019900083).

(6)

Úsáidtear an táirge faoi athbhreithniú chun roisíní teirmeaplaisteacha agus teirmithéachta a threisiú i dtionscal na n-ábhar comhchodach.

(7)

Chumhdaigh tréimhse imscrúdúcháin an athbhreithnithe an tréimhse ón 1 Eanáir 2019 go dtí an 30 Meitheamh 2023 (‘tréimhse imscrúdúcháin an athbhreithnithe’).

(8)

Chuir an Coimisiún an t-iarratasóir agus ionadaithe Rialtas na Tuirce ar an eolas go hoifigiúil maidir le tionscnamh an athbhreithnithe. Iarradh ar pháirtithe leasmhara a gcuid tuairimí a chur in iúl agus cuireadh in iúl dóibh go bhféadfaí éisteacht a iarraidh. Ní bhfuarthas aon iarraidh den sórt sin.

(9)

D’iarr an Coimisiún ar an iarratasóir ceistneoir a chomhlánú chun go bhfaigheadh sé an fhaisnéis a mheas sé a bheith riachtanach le haghaidh a imscrúdaithe. Chuir an t-iarratasóir an freagra ar an gceistneoir isteach laistigh den sprioc-am a tugadh.

(10)

Ina dhiaidh sin rinne an Coimisiún cuairt fíorúcháin ar áitreabh an iarratasóra i mí Iúil 2023. D’fhéach an Coimisiún le gach faisnéis a mheas sé a raibh gá léi a dheimhniú lena chinneadh ar chomhlíon an t-iarratasóir na coinníollacha riachtanacha.

(11)

Deimhníodh san imscrúdú gur táirgeoir dílis an táirge faoi athbhreithniú é an t-iarratasóir agus nach raibh baint aige le haon onnmhaireoirí ná táirgeoirí de chuid na Síne atá faoi réir na mbeart frithchúitimh atá i bhfeidhm. Deimhníodh san imscrúdú freisin go raibh an t-iarratasóir in ann an chainníocht iomlán a d’onnmhairigh sé chuig an Aontas a tháirgeadh agus nach bhfuil aon nasc tráchtála aige le táirgeoirí onnmhairiúcháin de chuid na Síne nó na hÉigipte maidir leis an táirge faoi athbhreithniú a tháirgeadh.

(12)

Dá réir sin, tháinig an Coimisiún ar an gconclúid gur chomhlíon an t-iarratasóir na coinníollacha chun tairbhiú de dhíolúine.

(13)

I bhfianaise na dtorthaí dá dtagraítear thuas, chinn an Coimisiún gur cheart an t-iarratasóir a chur le liosta na gcuideachtaí atá díolmhaithe ó na bearta frithchúitimh arna bhforchur le Rialachán Cur Chun Feidhme (AE) 2022/1478.

(14)

Cuireadh in iúl don t-iarratasóir agus do thionscal an Aontais go raibh sé beartaithe ag an gCoimisiún díolúine a thabhairt do Fibroteks Dokuma Sanayi Ve Ticaret AS ó na bearta frithchúitimh atá i bhfeidhm.

(15)

Tugadh an deis do na páirtithe barúlacha a chur isteach. Ní bhfuarthas aon bharúil.

(16)

Tá an Rialachán i gcomhréir leis an tuairim ón gCoiste a bunaíodh le hAirteagal 25(3) de Rialachán (AE) 2016/1037,