“6.

Faisnéis eile: Stiúrthóir an Criminal Investigation Department (CID) in Sanaa. Bhí sé rannpháirteach i ngníomhaíochtaí lena gcuirtear an tsíocháin, an tslándáil agus an chobhsaíocht in Éimin i mbaol. Dáta ainmniúcháin na Náisiún Aontaithe: 25.2.2021.

Faisnéis bhreise ó insint achomair na gcúiseanna lena liostú a chuir an Coiste Smachtbhannaí ar fáil:

Bhí Sultan Saleh Aida Aida Zabin rannpháirteach i ngníomhaíochtaí lena gcuirtear an tsíocháin, an tslándáil agus an chobhsaíocht in Éimin i mbaol, lena n-áirítear sáruithe ar an dlí daonnúil idirnáisiúnta is infheidhme agus mí-úsáidí chearta an duine in Éimin.

Is é Sultan Saleh Aida Aida Zabin stiúrthóir CID in Sanna. Bhí ról lárnach aige i mbeartas imeagla agus bhain sé úsáid chórasach as gabháil, coinneáil, céasadh, foréigean gnéasach agus éigniú in aghaidh mná atá gníomhach ó thaobh na polaitíochta de. Mar stiúrthóir CID, tá Zabin freagrach go díreach, nó de bhua a údaráis, as an iliomad áiteanna coinneála a úsáid lena n-áirítear braighdeanas baile, stáisiúin phóilíneachta, príosúin fhoirmiúla agus ionaid choinneála agus ionaid choinneála nár ainmníodh, agus tá sé comhpháirteach sa mhéid sin. Sna háiteanna sin, rinneadh mná, agus ar a laghad mionaoiseach amháin ina measc, a fhuadach leis an lámh láidir, a cheistiú arís is arís eile, rinneadh iad a chéasadh, níor cuireadh cóir leighis orthu go tráthúil agus tugadh orthu saothar éignithe a dhéanamh. Ba é Zabin é féin a chéas iad i roinnt cásanna.”