(1)

I gcomhréir le hAirteagal 14 de Threoir 2013/53/AE ó Pharlaimint na hEorpa agus ón gComhairle (2), táirgí atá i gcomhréir le caighdeáin chomhchuibhithe nó le codanna de chaighdeáin chomhchuibhithe, caighdeáin ar foilsíodh na tagairtí dóibh in Iris Oifigiúil an Aontais Eorpaigh, glactar leis gur táirgí iad atá i gcomhréir leis na buncheanglais a leagtar amach in Airteagal 4(1) de Threoir 2013/53/AE agus in Iarscríbhinn I a ghabhann leis an Treoir sin.

(2)

Le Cinneadh Cur Chun Feidhme C(2015) 8736 (3), rinne an Coimisiún iarraidh ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) maidir le caighdeáin chomhchuibhithe a dhréachtú agus a athbhreithniú, caighdeáin lena dtacaítear le Treoir 2013/53/AE lena dtugtar aghaidh ar na bunriachtanais níos déine a leagtar amach in Airteagal 4(1) de Threoir 2013/53/AE agus in Iarscríbhinn I a ghabhann leis an Treoir sin, i gcomparáid le Treoir 94/25/CE ó Pharlaimint na hEorpa agus ón gComhairle a aisghaireadh (4).

(3)

Le Cinneadh Cur Chun Feidhme C(2015) 8736 iarradh ar CEN agus Cenelec na caighdeáin a athbhreithniú freisin, caighdeáin ar foilsíodh na tagairtí dóibh le Teachtaireacht 2015/C 087/01 ón gCoimisiún (5).

(4)

Ar bhonn na hiarrata a leagtar amach i gCinneadh Cinneadh Cur Chun Feidhme C(2015) 8736, rinne CEN athbhreithniú ar chaighdeán comhchuibhithe EN ISO 8847:2017 maidir le fearas stiúrtha — córais chábla agus ulóige, a cuireadh in ionad chaighdeán comhchuibhithe EN ISO 8847:2004 roimhe sin agus ar foilsíodh tagairt dó le Teachtaireacht 2017/C 435/06 (6) ón gCoimisiún. Is é an toradh a bhí air sin gur glacadh caighdeán comhchuibhithe EN ISO 8847:2021.

(5)

An caighdeán a rinne CEN a athbhreithniú, rinne an Coimisiún measúnú i gcomhar le CEN féachaint an caighdeán é a chomhlíonann an iarraidh a leagtar amach i gCinneadh Cur Chun Feidhme C(2015) 8736.

(6)

Leagtar amach i gcaighdeán EN ISO 8847:2021 ceanglais maidir le dearadh, suiteáil agus tástáil córas stiúrtha ina bhfuil cábla ar ulóg ar árthaí beaga le hinneall tiomána nó gan é agus ar árthaí beaga le hinneall transaim a bhfuil cumhacht iomlán ann atá suas le 37 kW agus an chumhacht sin san áireamh.

(7)

Comhlíonann caighdeán EN ISO 8847:2021 na buncheanglais arb é is aidhm dó iad a chumhdach, ceanglais a leagtar amach in Airteagal 4(1) de Threoir 2013/53/AE, agus i bPáirt A d’Iarscríbhinn I a ghabhann leis an Treoir sin chomh maith. Is iomchuí dá réir sin an tagairt don chaighdeán sin a fhoilsiú in Iris Oifigiúil an Aontais Eorpaigh.

(8)

Tá caighdeán EN ISO 8847:2021 le cur in ionad chaighdeán EN ISO 8847:2017.

(9)

Is gá dá bhrí sin an tagairt do chaighdeán comhchuibhithe EN ISO 8847:2017 a aistarraingt siar de Shraith C d’Iris Oifigiúil an Aontais Eorpaigh.

(10)

Chun a ndóthain ama a thabhairt do mhonaróirí a gcuid táirgí a oiriúnú do leagan athbhreithnithe chaighdeán comhchuibhithe EN ISO 8847:2017, is gá tarraingt siar na tagartha don chaighdeán sin a chur siar.

(11)

In Iarscríbhinn I a ghabhann le Cinneadh Cur Chun Feidhme (AE) 2019/919, liostaítear tagairtí na gcaighdeán comhchuibhithe arna ndréachtú chun tacú le Treoir 2013/53/AE. Ba cheart an tagairt do chaighdeán comhchuibhithe EN ISO 8847:2021 a chuimsiú san Iarscríbhinn sin.

(12)

In Iarscríbhinn II a ghabhann le Cinneadh Cur Chun Feidhme (AE) 2019/919, liostaítear na tagairtí do na caighdeáin chomhchuibhithe a dréachtaíodh chun tacú le Treoir 2013/53/AE, tagairtí a tarraingíodh siar as sraith C d’Iris Oifigiúil an Aontais Eorpaigh. Ba cheart an tagairt do chaighdeán comhchuibhithe EN ISO 8847:2017 a áireamh san Iarscríbhinn sin.

(13)

Dá bhrí sin, ba cheart Cinneadh Cur Chun Feidhme (AE) 2019/919 a leasú dá réir sin.

(14)

Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, is rud é comhlíonadh an chaighdeáin sin a fhágann go nglactar leis go bhfuil comhréir ann leis na buncheanglais chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe,