This document is an excerpt from the EUR-Lex website
Document 32021R0576
Commission Delegated Regulation (EU) 2021/576 of 30 November 2020 amending Annex III to Regulation (EU) No 978/2012 to include the Republic of Uzbekistan among the countries benefiting from tariff preferences under the GSP+
Rialachán Tarmligthe (AE) 2021/576 ón gCoimisiún an 30 Samhain 2020 lena leasaítear Iarscríbhinn III de Rialachán (AE) Uimh. 978/2012 chun Poblacht na hÚisbéiceastáine a chur san áireamh i measc na dtíortha is tairbhithe d’fhabhair tharaife faoi GSP+
Rialachán Tarmligthe (AE) 2021/576 ón gCoimisiún an 30 Samhain 2020 lena leasaítear Iarscríbhinn III de Rialachán (AE) Uimh. 978/2012 chun Poblacht na hÚisbéiceastáine a chur san áireamh i measc na dtíortha is tairbhithe d’fhabhair tharaife faoi GSP+
C/2020/8259
IO L 123, 9.4.2021, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
9.4.2021 |
GA |
Iris Oifigiúil an Aontais Eorpaigh |
L 123/1 |
RIALACHÁN TARMLIGTHE (AE) 2021/576 ÓN gCOIMISIÚN
an 30 Samhain 2020
lena leasaítear Iarscríbhinn III de Rialachán (AE) Uimh. 978/2012 chun Poblacht na hÚisbéiceastáine a chur san áireamh i measc na dtíortha is tairbhithe d’fhabhair tharaife faoi GSP+
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 978/2012 ó Pharlaimint na hEorpa agus ón gComhairle an 25 Deireadh Fómhair 2012 lena gcuirtear i bhfeidhm scéim um fhabhair tharaife ghinearálaithe agus lena n-aisghairtear Rialachán (CE) Uimh. 732/2008 (1), ón gComhairle, agus go háirithe Airteagal 10(4) de,
De bharr an mhéid seo a leanas:
|
(1) |
Bunaítear le hAirteagal 9(1) de Rialachán (AE) Uimh. 978/2012 critéir incháilitheachta shonracha maidir le fabhair tharaife faoin socrú speisialta dreasachta um fhorbairt inbhuanaithe agus dea-rialachas (“GSP+”) a dheonú do thír iarrthach. Chun na críche sin, ba cheart a mheas gur tír leochaileach í. Ba cheart don tír na coinbhinsiúin ar fad a liostaítear in Iarscríbhinn VIII de Rialachán (AE) Uimh. 978/2012 a bheith daingnithe aici agus níor cheart go sainaithneofaí sna conclúidí is déanaí atá ar fáil ó na comhlachtaí ábhartha faireacháin mainneachtain thromchúiseach i gcur chun feidhme éifeachtach aon cheann de na coinbhinsiúin sin. I dtaca le haon ceann de na coinbhinsiúin ábhartha, níor cheart don tír forchoimeádas a leagan amach a thoirmisctear leis an gcoinbhinsiúin nó, chun críocha Airteagail 9 de Rialachán (AE) Uimh. 978/2012, agus chun na críocha sin amháin, a mheastar gan a bheith comhoiriúnach le haidhm agus cuspóir an choinbhinsiúin sin. Ba cheart don tír na ceanglais tuairiscithe a fhorchuireann gach coinbhinsiún a ghlacadh gan fhorchoimeádas agus ba cheart di na gealltanais cheangailteacha a thabhairt dá dtagraítear i bpointí (d), (e), agus (f) d’Airteagal 9(1) de Rialachán (AE) Uimh. 978/2012. |
|
(2) |
Ní mór do thír is tairbhí de GSP ar mian léi tairbhe a bhaint as GSP+ iarraidh a chur isteach in éineacht le faisnéis chuimsitheach maidir le daingniú na gcoinbhinsiún ábhartha, a forchoimeádais agus na hagóidí i gcoinne na bhforchoimeádas sin arna ndéanamh ag páirtithe eile sa choinbhinsiúin, agus a gealltanais cheangailteacha. |
|
(3) |
An 9 Meitheamh 2020, fuair an Coimisiún iarraidh GSP+ ó Poblacht na hÚisbéiceastáine. |
|
(4) |
Tá scrúdú déanta ag an gCoimisiún ar an iarraidh agus tá sé suite aige go gcomhlíonann Poblacht na hÚisbéiceastáine na critéir incháilitheachta a leagtar síos in Airteagal 9(1) de Rialachán (AE) Uimh. 978/2012. Dá bhrí sin, ba cheart GSP+ a dheonú do Poblacht na hÚisbéiceastáine agus ba cheart Iarscríbhinn III do Rialachán (AE) Uimh. 978/2012 a leasú dá réir sin. |
|
(5) |
Coimeádfaidh an Coimisiún faoi bhreithniú stádas dhaingniú na gcoinbhinsiún ábhartha agus a gcur chun feidhme éifeachtach ag Poblacht na hÚisbéiceastáine, chomh maith le hobair Phoblacht na hÚisbéiceastáine i gcomhar leis na comhlachtaí faireacháin ábhartha, i gcomhréir le hAirteagal 13 de Rialachán (AE) Uimh. 978/2012, |
TAR ÉIS AN RIALACHÁN SEO A GHLACADH:
Airteagal 1
In Iarscríbhinn III do Rialachán (AE) Uimh. 978/2012, cuirtear an tír seo a leanas agus an cód aibítreach comhfhreagrach le colúin A agus B, faoi seach:
|
“UZ |
Poblacht na hÚisbéiceastáine” |
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 30 Samhain 2020.
Thar ceann an Choimisiúin
An tUachtarán
Ursula VON DER LEYEN