Iarraidh ar réamhrialú ó Amtsgericht Nürnberg (an Ghearmáin) a taisceadh an 21 Nollaig 2022 – JX v FTI Touristik GmbH

(Cás C-774/22, FTI Touristik)

(2023/C 112/32)

Teanga an cháis: an Ghearmáinis

An chúirt a rinne an tarchur

Amtsgericht Nürnberg

Páirtithe sna príomhimeachtaí

Iarratasóir: JX

Cosantóir: FTI Touristik GmbH

An cheist a tharchuirtear:

An gcaithfear Airteagal 18(1) de Rialachán (AE) Uimh. 1215/2012 (1) ó Pharlaimint na hEorpa agus ón gComhairle an 12 Nollaig 2012 maidir le dlínse agus le haithint agus forghníomhú breithiúnas in ábhair shibhialta agus tráchtála a léiriú sa chiall go mbaineann an fhoráil, in éineacht leis an riail maidir le dlínse idirnáisiúnta, le riail nach mór don chúirt a bhfuil na himeachtaí os a comhair a chur san áireamh maidir le dlínse chríche na gcúirteanna náisiúnta in ábhair a bhaineann le conarthaí taistil i gcás ina bhfuil a suíomh sa Bhallstát céanna ag an tomhaltóir is taistealaí agus ag a pháirtí conarthach, an tionscnóir turas[,] ina bhfuil ceann scríbe an turais i dtír eile agus ní sa Bhallstát sin (“cásanna intíre bréagacha”) agus, mar thoradh air sin, ina bhfuil an tomhaltóir in ann éilimh chonarthacha a dhéanamh i gcoinne an tionscnóra turais, agus na forálacha náisiúnta á bhforlíonadh, sa chúirt dá áit chónaithe?

(1)  IO 2012 L 351, lch. 1.