Glao ar thograí

GR/002/23

Clár Taighde Acadúil (CTA) EUIPO

(2023/C 105/09)

1.   Cuspóirí agus cur síos

Tá sé d’aidhm ag EUIPO tríd an dara heagrán de CTA na naisc leis an saol acadúil a fhorbairt tuilleadh chun taighde a chothú, ní hamháin i réimsí a bhaineann le maoin intleachtúil (MI) ar díol spéise don Oifig iad, ach freisin i réimse na dteicneolaíochtaí faisnéise.

Díreoidh CTA EUIPO ar thaighde san eacnamaíocht, sa dlí, sa teicneolaíocht agus sa bhainistíocht trí dhá bheart saincheaptha faoi raon feidhme ghlao 2023 ar thograí, go sonrach maidir le maoin intleachtúil agus teicneolaíochtaí faisnéise.

Tá coincheap an chláir ag iarraidh a chinntiú:

—	go dtáirgeann an clár taighde atá ábhartha don EUIPO agus dá pháirtithe leasmhara;

—	go bhfeiceann an lucht acadúil ar an chlár mar chlár atá dírithe ar thionscadail ar ardchaighdeán agus bunaithe ar rialacha roghnúcháin atá cothrom agus trédhearcach;

—	go bhfuiltear ag súil go gcruthóidh an Clár pobal bríomhar de scoláirí ar ard-leibhéal (as réimse na MI ach as disciplíní eile chomh maith), thart ar EUIPO, ar fud na hEorpa;

—	gur cheart go n-ardódh an clár leas an phobail acadúil ar ábhair atá ábhartha leis an Oifig;

—	go mbeadh an clár infheicthe go mór sa phobal acadúil agus ní b'fhaide i gcéin.

Beidh staidéar ar ábhar ábhartha (mar a shainaithnítear sa Ghlao) mar thoradh ar thionscadal a thacaigh an Glao seo ar Thograí. Beidh an tionscadal ag teacht leis an amlíne agus leis an mbuiséad atá luaite sa togra.

Bunófar córas rialaithe, ina mbeidh cruinnithe idirlinne ar líne, chun monatóireacht a dhéanamh ar dhul chun cinn an taighde agus lena áirithiú go bhfuil sé ag teacht leis an gcur síos ar an togra a cuireadh isteach nuair a seoladh an ghlao ar thograí. Beidh cruinniú amháin ar a laghad ar siúl le linn na chéad 3 (trí) mhí tar éis an chomhaontú deontais a shíniú. D’fhéadfadh sé go ngairmfí cruinnithe breise ag brath ar na torthaí den chéad chruinniú agus fad an tionscadail taighde.

Eagrófar ceardlann CTA ag an EUIPO tráth nach déanaí ná 11 mhí ó síníodh an comhaontú deontais. Clúdóidh EUIPO costas an taistil agus lóistín do na rannpháirtithe.

Ní mór go gach tionscadal a dtabharfar gradam dó torthaí a dtaighde a chur i láthair ag an gceardlann.

Bunófar tréimhse ama nach lú ná mí amháin, ó dheireadh na ceardlainne go dtí an spriocdháta chun an páipéar taighde deireanach a chur isteach, le deis a thabhairt do na taighdeoirí aon chomhairle mholta nó nuashonruithe a chur isteach arna n-eascairt as na comhráite i rith na ceardlainne.

Beidh an íocaíocht dheireanach den deontas ag brath ar bhailíochtú ar an bpáipéar taighde deireanach.

Díríonn CTA EUIPO ar thaighde i réimsí na heacnamaíochta, an dlí, na teicneolaíochta agus na bainistíochta.

Díríonn glao ar thograí 2023 ar ábhair a bhaineann le MI (Beart 1) agus le teicneolaíochtaí faisnéise (Beart 2) mar a leagtar amach thíos.

Beart 1 – IP

Cuirfear fáilte roimh thograí sna réimsí/téamaí seo a leanas:

1.	trádmharcanna mar tháscaire den nuálaíocht agus de ghníomhaíocht gheilleagrach eile

2.	dearthaí mar tháscaire den nuálaíocht agus de ghníomhaíocht gheilleagrach eile;

3.	úsáid ceart MI ag fiontair bheaga agus mheanmhéide (FBManna) maidir le bacainní ar fhás a shárú.

Tabharfar tús áite do thograí i gcomhair taighde atá ag díriú ar impleachtaí eacnamaíochta, sochaíocha agus polaitíochta a gcuid torthaí a léiriú. B'fhearr go ndíreodh na staidéir ar ábhair a bhaineann le trádmharcanna agus le dearthaí, ach d’fhéadfadh ábhair eile amhail tásca geografacha, FBManna, cuir chuige custaiméirí nó oiliúint agus oideachas MI a bheith faoin raon feidhme freisin.

Beart 2 – Teicneolaíochtaí faisnéise

Cuirfear fáilte roimh thograí sna réimsí/téamaí seo a leanas:

1.

Próiseáil teanga nádúrtha (NLP). Sa réimse seo, beidh fáilte roimh thionscadail a bhaineann leis na réimsí seo a leanas. — Fócas taighde ar chórais Ceisteanna agus Freagraí (Q&A). D’fhéadfaí go mbeadh fotha samhla ag an gcóras le corpas téacs dlí. Ba cheart go mbeadh an tsamhail seo in ann freagra gonta ar cheisteanna úsáideoirí a bhaint as na téacsanna a cuireadh leis an tsamhail. — Taighde ar achoimriú téacs. Agus píosa fada nó casta téacs aige, ba cheart go mbeadh an córas in ann achoimre air seo a sholáthar. — Taighde ar oiriúnú téacs. Agus píosa téacs theicniúil/dlíthiúil/airgeadais aige, ba cheart go mbeadh an córas in ann é sin a oiriúnú i dteanga shimplí, rud a bheadh intuigthe ag gach duine neamhtheicniúil. — Taighde ar asbhaint faisnéise. Agus doiciméad aige, mar shampla PDF, ba cheart go mbeadh sé in ann an fhaisnéis ábhartha is gá a asbhaint (ainm an úsáideora, ainmníocht trádmhairc, earraí agus seirbhísí, earraí agus seirbhísí a bhfuiltear ag cur ina gcoinne, etc.). — Taighde ar chosúlacht téacs. Agus dhá phíosa téacs aici (gearrthéacsanna) (ceisteanna, b'fhéidir), ba cheart go mbeadh an tsamhail in ann a insint dúinn má tá brí an-chosúil le chéile ag baint leo, is é sin, go bhfuil siad dúbailte ach go bhfuil an fhoclaíocht éagsúil. — Taighde ar chur le chéile inneall cuardaigh dírithe ar phíosaí beaga téacs (earraí agus seirbhísí). Ba cheart go mbeadh an córas deiridh in ann téacsanna a d’aimsigh innill chuardaigh shéimeantacha agus chomhréireacha a chur le chéile agus a aisghabháil.

2.

Próiseáil íomhánna. Sa réimse seo, beidh fáilte roimh thionscadail a bhaineann leis na réimsí seo a leanas. — Taighde ar chlár um aithint optúil carachtar (OCR) a thógáil atá in ann cló neamhchaighdeánach de charachtair a aithint. — Taighde ar aimhrialtachtaí a bhrath i ndearaí tionsclaíocha. Agus íomhá nó tacar íomhánna de dhearadh tionsclaíoch aige, ba cheart go mbraithfeadh sé an bhfuil aimhrialtacht sa phictiúr/sna pictiúir seo de réir Threoirlínte EUIPO chun dearaí cláraithe Comhphobail a scrúdú. — Taighde ar fhoscríbhinní a chur le híomhánna. Agus pictiúr (lógó cuideachta) aige, ba cheart go mbeadh sé in ann foscríbhinn nó tacar clibeanna a chruthú a chuireann síos ar an íomhá sin. — Taighde ar dheighilt íomhánna. Agus íomhá aige, ba cheart go mbeadh sé in ann na rudaí éagsúla atá le feiceáil ann a aithint. — Taighde ar innill chuardaigh íomhánna. Agus tacar íomhánna aici, íomhánna réadacha nó íomhánna tarraingthe, agus íomhá nua a thugann úsáideoir isteach, ba cheart go mbeadh an tsamhail in ann tacar íomhánna a aisghabháil atá socraithe de réir cosúlachta amhairc leis an gceann a thug an t-úsáideoir isteach.

3.	Foghlaim threisithe. Sa réimse seo, an taighde uile ar féidir léis córas foghlama treisithe a chur i bhfeidhm ar na cinn a thuairiscítear sa dá réimse roimhe seo.

Tabharfar tús áite do thograí taighde maidir le teicneolaíochtaí nua amhail intleacht shaorga (i.e. meaisínfhoghlaim, anailísíocht sonraí, etc.) a chuirtear i bhfeidhm ar MI, lena n-áirítear an teicneolaíocht a thaispeáint sa timpeallacht ábhartha, fréamhshamhaltú agus léiriú ar leibhéal an chórais. Is fearr go ndíríonn na staidéir ar ábhair a bhaineann le trádmharcanna agus le dearthaí, ach d’fhéadfadh ábhair eile amhail tásca geografacha, FBManna, cuir chuige custaiméirí nó oiliúint agus oideachas MI a bheith faoin raon feidhme freisin.

SÉANADH: do Bheart 1 agus do Bheart 2 araon, ní mór d’aon iarratas ar thaighde/ábhar a bheith ceangailte le ceann amháin ar a laghad de na trí réimse ghinearálta thuasluaite. Beidh roghnú na n-ábhar deireanach ag EUIPO ag teacht leis na hábhair is mó suime ag an Oifig iontu (go fiú mura mbíonn siad nasctha ach le ceann amháin de na trí réimse).

Beidh an mheasúnacht ar gach togra bunaithe ar chritéir réamhshainithe oibiachtúla, thrédhearcacha agus chaighdeánaithe (e.g. cáilíocht an togra, cumas na n-iarrthóirí, an tionchar a bhfuiltear ag súil leis, creidiúnacht an togra buiséid) mar atá sainmhínithe i gCaibidil II thíos.

Ní mheasfar ach na tionscadail is mó tábhacht don Oifig. Áireofar leis sin, mar shampla, tionscadail a ghineann fianaise eimpíreach ábhartha do lucht déanta cinntí in réimse an bheartais agus an ghnó, tionscadail éagsúla ábhartha atá dírithe ar MI, nó tionscnaimh a bhaineann le sonraí, agus an clár FBM freisin.

Tá tuilleadh sonraí le fáil i gCaibidil II de na Treoirlínte d’iarratasóirí.

2.   Incháilitheacht

2.1.   Iarratasóirí incháilithe

Tá an glao seo oscailte do thaighdeoirí acadúla amháin a bhfuil baint acu le hollscoileanna nó le hinstitiúidí taighde (poiblí nó príobháideacha) atá lonnaithe i gceann de 27 Ballstát AE. Tá siad incháilithe don chlár, beag beann ar a náisiúntacht (ach go amháin go bhfuil siad ina gcónaí san AE).

Féadfaidh na taighdeoirí a bheith ina n-iarrthóirí PhD, ina dtaighdeoirí iardhochtúireachta, ina mbaill den fhoireann teagaisc nó in aon chineál taighdeoirí sa réimse acadúil.

Is féidir le hiarratasóir amháin nó le roinnt iarratasóirí iarratas a chur isteach. Ní dhéanfar ach togra amháin in aghaidh an taighdeora in aghaidh an ghlao a mheas.

Maidir le heintitis phoiblí a fhaigheann maoiniú nó tacaíocht ó EUIPO trí bhearta maoinithe eile, amhail cláir comhair, agus a bhfuil sé mar aidhm leo na cuspóirí céanna atá luaite leis an nglao seo a bhaint amach, níl siad incháilithe (e.g. oifigí náisiúnta agus réigiúnacha MI, nó eagraíochtaí idirnáisiúnta).

2.2.   Gníomhaíochtaí Incháilithe

Staidéir thaighde ar ábhair a bhaineann le MI agus le teicneolaíochtaí faisnéise, mar a shonraítear sa chur síos ar ábhair den ghlao ar thograí.

Is í uastréimhse na dtionscadal 12 mhí ón dáta ar síníodh an comhaontú deontais.

Tá tuilleadh sonraí le fáil i gCaibidil II de na Treoirlínte d’iarratasóirí.

3.   Critéir eisiaimh agus roghnúcháin

Níor cheart d’iarratasóirí a bheith i gcor ina n-eisiafar iad ó rannpháirtíocht agus/nó ó dhámhachtain mar a shainmhínítear leis an Rialachán Airgeadais is infheidhme maidir le buiséad ginearálta an Aontais.

Ní mór an acmhainn airgeadais agus oibriúcháin a bheith ag iarratasóirí chun na ghníomhaíochtaí atá beartaithe a thabhairt chun críche.

Féach ar Chaibidil II de na Treoirlínte d’iarratasóirí chun tuilleadh sonraí a fháil faoi na doiciméid tacaíochta atá le cur ar fáil.

4.   Critéir dhámhachtana

Déantar na critéir chun tograí incháilithe a mheasúnú agus a dhámhachtain a leithdháileadh as iomlán de 100 bunaithe ar an ualú seo a leanas:

Critéir dhámhachtana	Scór íosta	Scór uasta
Barr Feabhais	20	40
Tionchar	15	30
Cáilíocht agus éifeachtúlacht an chur chun feidhme	15	30
Scóir (pas) fhoriomlána	50	100

Ionas gur féidir tograí a bhreithniú chun maoiniú a fháil, ní mór an scór seo a leanas a fháil:

—	50 pointe, ar a laghad, ar an iomlán agus

—	na pointí íosta i ngach ceann de na fochritéir

Tá tuilleadh sonraí le fáil i gCaibidil II de na Treoirlínte d’iarratasóirí.

5.   Buiséad

Meastar gurb ionann agus EUR 80 000 an buiséad iomlán atá ar fáil chun gníomhaíochtaí atá mar chuid den ghlao ar thograí seo a chómhaoiniú (Beart 1: EUR 60 000 agus Beart 2: EUR 20 000). Beidh an méid sin roinnte thar dhá bhlianacht bhuiséid agus beidh infhaighteacht an chiste a chomhfhreagraíonn do bhuiséad 2024 faoi réir ghlacadh leis an mbuiséad ag údarás buiséid na hOifige.

Is ionann deontas íosta agus deontas uasta in aghaidh an tionscadail agus in aghaidh an bhirt agus EUR 10 000 go EUR 20 000. Forchoimeádaimid EUIPO an ceart gan gach ciste atá ar fáil a dhámhachtain nó gan iad a athdháileadh idir tosaíochtaí an ghlao, ag brath ar na tograí a fhaightear agus ar thorthaí na meastóireachta.

Tá an Oifig ag súil le suas le trí thogra a mhaoiniú faoi Bheart 1 agus suas le dhá thogra a mhaoiniú faoi Bheart 2.

Forchoimeádann EUIPO an ceart gan na cistí ar fad atá ar fáil a dháileadh.

6.   An spriocdháta chun iarratais a chur isteach

Tá an pacáiste iarratais le fáil ar an idirlíon ag an seoladh seo a leanas: https://euipo.europa.eu/ohimportal/en/grants

Ní mór iarratais a chur chuig EUIPO trí úsáid a bhaint as an bhfoirm iarratais ar líne (r-Fhoirm) tráth nach déanaí ná Bealtaine 2 2023 ar 13:00 (am áitiúil).

Ní ghlacfar le hiarratais a chuirfear isteach ar shlí ar bith eile.

Ba cheart d’iarratasóirí a chinntiú go gcuirfear na doiciméid go léir a iarradh agus a luaitear san Fhoirm Leictreonach ar fáil.

Ní chuirfear san áireamh iarratais nach n-áirítear iontu na hiarscríbhinní ordaithe go léir agus nach gcuirtear isteach roimh an spriocdháta.

Tá tuilleadh sonraí le fáil i gCaibidil IV de na Treoirlínte d’iarratasóirí.

7.   Sonraí iomlána

Tá na coinníollacha mionsonraithe a bhaineann leis an nglao seo ar thograí le fáil i dTreoirlínte d’iarratasóirí ag an seoladh idirlín seo a leanas: https://euipo.europa.eu/ohimportal/en/grants

Ní mór téarmaí uile na dtreoirlínte a chomhlíonadh sna hiarratais agus ní mór iad a chur isteach sna foirmeacha atá tugtha.

8.   Teagmháil

Má tá tuilleadh eolais uait, téigh i dteagmháil leis an mbosca poist seo a leanas: grants@euipo.europa.eu