Fógra ón gCoimisiún maidir le cur i bhfeidhm na rialacha idirthréimhseacha tionscnaimh lena ndéantar foráil maidir le carnadh trasnánach idir na Páirtithe Conarthacha cur i bhfeidhm (1) sa limistéar Uile-Eora-Mheánmhara (PEM)

(2023/C 51/01)

Chun an carnadh trasnánach tionscnaimh a chur i bhfeidhm idir na Páirtithe Conarthacha cur i bhfeidhm, déanfaidh na Páirtithe Conarthacha cur i bhfeidhm lena mbaineann fógra a thabhairt dá chéile, tríd an gCoimisiún Eorpach, faoi na rialacha tionscnaimh atá i bhfeidhm leis na Páirtithe Conarthacha cur i bhfeidhm eile.

Meabhraítear nach féidir carnadh trasnánach (maidir le hoibriú, próiseáil agus/nó ábhair) a chur i bhfeidhm ach amháin más rud é go bhfuil comhaontuithe saorthrádála, ina bhfuil rialacha tionscnaimh comhionanna, tugtha i gcrích ag Páirtithe Conarthacha cur i bhfeidhm an mhonaraithe deiridh agus an cheann scríbe deiridh leis na Páirtithe Conarthacha cur i bhfeidhm uile atá rannpháirteach maidir leis an stádas tionscnaimh a fháil.

Is mar tháirgí neamhthionscnaimh a láimhseálfar táirgí de thionscnamh Páirtí Conarthach cur i bhfeidhm nach bhfuil comhaontú tugtha i gcrích aige le Páirtithe Conarthacha cur i bhfeidhm an mhonaraithe deiridh agus/nó an cheann scríbe deiridh.

Ar bhonn na bhfógraí a thug na Páirtithe Conarthacha cur i bhfeidhm don Choimisiún Eorpach, sonraítear an méid seo a leanas sna táblaí atá i gceangal leis seo:

I dTábla 1, léiríonn “X” go bhfuil comhaontú saorthrádála ann idir dhá chomhpháirtí, ar comhaontú é ina bhfuil rialacha tionscnaimh lena gceadaítear carnadh atá bunaithe ar na rialacha idirthréimhseacha tionscnaimh. Chun carnadh trasnánach a úsáid leis an tríú comhpháirtí, ba cheart “X” a bheith i dtrasnú uile an tábla idir na trí chomhpháirtí.

I dTábla 2, tagraíonn na dátaí a luaitear do dháta chur i bhfeidhm an charntha thrasnánaigh ar bhonn Airteagal 8 d’Fhoscríbhinn A a ghabhann le gach prótacal maidir le rialacha tionscnaimh idir na Páirtithe Conarthacha cur i bhfeidhm. Sa chás sin, cuirtear “(T)” roimh an dáta.

Tá liosta in Iarscríbhinn I ina gcuimsítear na Páirtithe Conarthacha cur i bhfeidhm, tar éis dóibh síneadh a chur le cur i bhfeidhm Airteagal 7(3) de na rialacha idirthréimhseacha dá bhforáiltear i bhFoscríbhinn A a ghabhann leis na prótacail dhéthaobhacha maidir le rialacha tionscnaimh ar allmhairiú táirgí a thagann faoi réim Chaibidil 50 go Caibidil 63 go haontaobhach

Tugtar anseo thíos na cóid le haghaidh na bPáirtithe Conarthacha cur i bhfeidhm a liostaítear sna táblaí.

Cuirtear an fógra seo in ionad fhógra 2022/C 405/04 (IO C 405, 21.10.2022, lch. 56).

Tábla 1

Forbhreathnú simplithe ar na féidearthachtaí maidir le carnadh trasnánach faoi na rialacha idirthréimhseacha tionscnaimh sa limistéar Uile-Eora-Mheánmhara an 1 Feabhra 2023

Tábla 2

Dáta chur i bhfeidhm na rialacha idirthréimhseacha tionscnaimh lena ndéantar foráil maidir le carnadh trasnánach sa limistéar Uile-Eora-Mheánmhara

(1)  ciallaíonn “Páirtí Conarthach cur i bhfeidhm” Páirtí Conarthach i gCoinbhinsiún PEM a dhéanann na rialacha idirthréimhseacha tionscnaimh PEM a ionchorprú ina gcomhaontuithe déthaobhacha um thrádáil fhabhrach le Páirtí Conarthach eile i gCoinbhinsiún PEM

(2)  Tá aontas custaim idir an Eilvéis agus Prionsacht Lichtinstéin.

(3)  Ní dhéanfar an t-ainmniú seo a fhorléiriú mar aitheantas gur ann do Stát na Palaistíne agus tá sé gan dochar do sheasaimh éagsúla na mBallstát ar an gceist sin

(*1)  Ní dochar an t-ainmniú seo do sheasaimh maidir le stádas, agus tá sé ag teacht le UNSCR 1244/1999 agus le tuairim CBI maidir le dearbhú neamhspleáchais na Cosaive.