—

An caingean a dhearbhú mar inghlactha:

—

Rialachán Cur Chun Feidhme (AE) 2022/547 ón gCoimisiún an 5 Aibreán 2022 lena bhforchuirtear dleacht frithdhumpála chinntitheach ar allmhairí polaiméirí sár-ionsúiteacha de thionscnamh Phoblacht na Cóiré (1) (“an Rialachán a chonspóidtear”) a neamhniú, a mhéid a bhaineann leis an iarratasóir;

—

A ordú don chosantóir na costais a thabhaigh an t-iarratasóir i ndáil leis na himeachtaí seo a íoc.

1.

An chéad saincheist dlí lena n-éilítear go ndearna an cosantóir earráidí follasacha measúnaithe, gur sháraigh sé Airteagal 3(3) de Rialachán (AE) 2016/1036 ó Pharlaimint na hEorpa agus ón gComhairle an 8 Meitheamh 2016 maidir le cosaint in aghaidh allmhairí dumpáilte ó thíortha nach baill den Aontas Eorpach iad (2) (“an bun-Rialachán”), agus gur sháraigh sé cearta cosanta an iarratasóra le linn anailís a dhéanamh ar éifeacht praghais ar allmhairí ón gCóiré.

2.

An dara saincheist dlí lena n-éilítear go ndearna an cosantóir earráidí follasacha measúnaithe, gur sháraigh sé Airteagail 3(2), 3(5), 3(6) agus 3(7) den bhun-Rialachán agus gur mhainnigh sé cúiseanna a chur in iúl trí anailís a dhéanamh ar chás díobhála tháirgeoirí an Aontais ar bhealach claonta agus tríd an díobháil líomhnaithe a chur i leith allmhairí ón gCóiré, seachas fachtóirí aitheanta eile.

3.

An tríú saincheist dlí lena n-éilítear go ndearna an cosantóir earráidí follasacha measúnaithe, gur sháraigh sé Airteagail 3(3) agus 9(4) den bhun-Rialachán chomh maith le cearta cosanta an iarratasóra tríd an gcorrlach díobhála a chinneadh bunaithe ar uimhir rialaithe táirge simplithe, trí mhainneachtain achoimrí leordhóthanacha neamhrúnda a sholáthar ar ríomhanna an chorrlaigh díobhála agus trí mhainneachtain fachtóirí aitheanta díobhála eile a chur in iúl ina chinneadh maidir leis an gcorrlach díobhála.

4.

An ceathrú saincheist dlí lena n-éilítear gur sháraigh an cosantóir cearta cosanta an iarratasóra agus an ceart chun dea-riaracháin le linn an imscrúdaithe.