—

Cinneadh ARES (2022) 1027365 an 11 Feabhra 2022, lenar chinn an Coimisiún nár éirigh le tairiscint an iarratasóra sa nós imeachta Soláthair DIMOS V – Luchtóg 2 (BUDG. Ref: BUDG19/PO/04, COM. Ref: BUDG/2020/OP/0001) a chur ar neamhní;

—

a ordú don Choimisiún EUR 6 945 492,50 a íoc leis an iarratasóir, arna mhéadú le hús cúiteach ón dáta a glacadh an cinneadh a chonspóidtear go dtí dáta bhreithiúnas na Cúirte Ginearálta ina mbeidh an measúnú breithiúnach ar méid an damáiste, agus ansin le hús mainneachtana ó dháta an bhreithiúnais lena mbunaítear an oibleagáid an damáiste a shlánú, go dtí go ndéanfar íocaíocht iomlán;

—

a ordú don Choimisiún a chostais féin chomh maith le costais an iarratasóra a íoc.

—

Áitíonn an t-iarratasóir gur glacadh Cinneadh ARES (2022) 1027365 an 11 Feabhra 2022, de shárú ar Airteagal 167(2) den Rialachán Airgeadais, ar phrionsabail na trédhearcachta, na córa comhionainne agus an neamh-idirdhealaithe a leagtar síos in Airteagal 160(1) den Rialachán Airgeadais agus ar phointí 18.2 agus 20 d’Iarscríbhinn I (Soláthar) a ghabhann leis an Rialachán Airgeadais, ós rud é gur úsáid an Coimisiún an comhaontú ar leibhéal seirbhíse (SLA) mar chritéar roghnúcháin, cé nach féidir leis na ceanglais dá bhforáiltear sa doiciméad sin a bheith mar chritéar roghnúcháin in imthosca ar bith. Tagraíonn SLAanna, de réir sainmhínithe, do cháilíocht na seirbhíse atá le déanamh agus ní do chumas na dtairgeoirí an tseirbhís a dhéanamh. Sa mhéid gur bhain an Coimisiún úsáid earráideach as an SLA mar chritéar roghnúcháin, tá an nós imeachta dámhachtana ar fad mídhleathach.

—

Ina theannta sin, áitítear gur sháraigh an Coimisiún na forálacha thuasluaite agus an oibleagáid cúiseanna a thabhairt, ós rud é go bhfuil na cúiseanna a thug sé maidir le cáilíocht an SLA mar chritéar roghnúcháin earráideach agus nach leor iad.

—

Dá bhrí sin, tá dhá chuid sa saincheist dlí seo:

Mar thaca leis an gcaingean le haghaidh damáistí, áitíonn an t-iarratasóir go ndearna mídhleathacht an chinnidh a chonspóidtear dochar dó, arb é atá ann:

—

An deis a chailleadh chun conradh a fháil chun seirbhísí lena mbaineann Luchtóg 2 de DIMOS V a sholáthar;

—

Na costais agus na caiteachais a bhaineann le rannpháirtíocht sa nós imeachta tairisceana.