Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Clár taighde agus oiliúna Euratom (2014-2018)

    Legal status of the document This summary has been archived and will not be updated, because the summarised document is no longer in force or does not reflect the current situation.

    Date of last review:
    08/06/2018
    Author:
    Oifig Foilseachán an Aontais Eorpaigh
    Responsible entity(ies):
    Ard-Stiúrthóireacht na Taighde agus Nuálaíochta
    Archived:
    true
    Summarised document(s):

    Clár taighde agus oiliúna Euratom (2014-2018)

     

    ACHOIMRE AR:

    Rialachán (Euratom) Uimh. 1314/2013 maidir le Clár Taighde agus Oiliúna an Chomhphobail Eorpaigh do Fhuinneamh Adamhach

    CAD IS AIDHM LEIS AN RIALACHÁN?

    Bunaítear leis an Clár Taighde agus Oiliúna (2014-2018) an Chomhphobail Eorpaigh do Fhuinneamh Adamhach(Euratom) lena gcomhlánaítear Fís 2020: Clár Réime AE um Thaighde agus um Nuálaíocht.

    PRÍOMHPHOINTÍ

    Ar aon dul le Conradh Euratom, mairfidh Clár Taighde agus Oiliúna Euratom ar feadh 5 bliana (idir 2014 agus 2018), murab ionann is cláir thaighde eile AE a mhaireann ar feadh 7 mbliana. Is é an cuspóir ginearálta leis an gclár taighde núicléach agus gníomhaíochtaí oiliúna a dhéanamh agus béim ar fheabhas leanúnach na sábháilteachta núicléiche agus na slándála núicléiche agus na cosanta ar radaíocht, go sonrach chun cur le dícharbónú fadtéarmach an chórais fuinnimh ar mhodh sábháilte, éifeachtach agus slán.

    Cuirtear an cuspóir ginearálta chun feidhme trí fhoirm gníomhaíochtaí indíreacha agus gníomhaíochtaí díreacha.

    Is éard is gníomhaíochtaí indíreacha ann gníomhaíochtaí taighde agus nuálaíochta a dtugann AE tacaíocht airgeadais ina leith a dhéanann rannpháirtithe seachtracha amhail cuideachtaí, ollscoileanna agus ionaid taighde.

    Is iad seo a leanas na cuspóirí sonracha le gníomhaíochtaí indíreacha Chlár Euratom:

    • tacú le sábháilteacht na gcóras núicléach;
    • cur le forbairt réiteach sábháilte, fadtéarmach maidir le bainistíocht dramhaíola núicléiche ar deireadh, lena n-áirítear diúscairt deiridh geolaíochta chomh maith le deighilt agus claochlú;
    • tacú le forbairt agus le hinbhuanaitheacht saineolais agus feabhais núicléach in AE;
    • tacú le cosaint ar radaíocht agus forbairt feidhmchlár leighis radaíochta, lena n-áirítear soláthar agus úsáid shlán agus shábháilte raidiseatóp;
    • gluaiseacht i dtreo féidearthacht an chomhleá mar fhoinse chumhachta a léiriú trí leas a bhaint as saoráidí comhleá atá ann cheana agus a bheidh ann amach anseo;
    • an bhunchloch a leagan le haghaidh saoráidí cumhachta comhleá amach anseo trí ábhair, teicneolaíochtaí agus dearadh coincheapúil a fhorbairt;
    • iomaíochas nuálach agus tionsclaíoch a chur chun cinn;
    • infhaighteacht agus úsáid bonneagair taighde lena bhfuil ábharthacht uile-Eorpach a áirithiú.

    Is éard is gníomhaíochtaí díreacha ann gníomhaíochtaí taighde agus nuálaíochta a dhéanann an Coimisiún Eorpach trína Airmheán Comhpháirteach Taighde (JRC).

    Is iad seo a leanas na cuspóirí sonracha le gníomhaíochtaí díreacha Chlár Euratom:

    • feabhas a chur ar shábháilteacht núicléach lena n-áirítear:
      • sábháilteacht imoibreoirí agus breoslaí núicléacha;
      • bainistíocht dramhaíola, lena n-áirítear diúscairt deiridh geolaíochta chomh maith le deighilt agus claochlú;
      • díchoimisiúnú;
      • ullmhacht i gcomhair éigeandálaí;
    • feabhas a chur ar shlándáil núicléach, lena n-áirítear:
      • cosaintí núicléacha;
      • neamhleathadh;
      • gáinneáil aindleathach a chomhrac;
      • fóiréinsic núicléach;
    • méadú a dhéanamh ar an bhfeabhas sa bhonn eolaíochta núicléiche um chaighdeánú;
    • bainistíocht eolais, oideachas agus oiliúint a chothú;
    • tacaíocht do bheartas AE maidir leis an tsábháilteacht agus an tslándáil núicléach.

    Buiséad

    Is ionann an buiséad le haghaidh Chlár Taighde agus Oiliúna Euratom (2014-2018) agus EUR 1 603 329 000.

    CÉN UAIR ATÁ TOSACH FEIDHME AN RIALACHÁIN?

    Tá feidhm leis ón 23 Nollaig 2013.

    PRÍOMHDHOICIMÉAD

    Rialachán (Euratom) Uimh. 1314/2013 ón gComhairle an 16 Nollaig 2013 maidir le Clár Taighde agus Oiliúna an Chomhphobail Eorpaigh do Fhuinneamh Adamhach (2014-2018) lena gcomhlánaítear Fís 2020 - An Clár Réime um Thaighde agus um Nuálaíocht (IO L 347, 20.12.2013, lgh. 948-964)

    DOICIMÉID GHAOLMHARA

    Rialachán (AE) Uimh. 1291/2013 ó Pharlaimint na hEorpa agus ón gComhairle an 11 Nollaig 2013 lena mbunaítear Fís 2020 - an clár réime um thaighde agus um nuálaíocht (2014-20) agus lena n-aisghairtear Cinneadh Uimh. 1982/2006/CE (IO L 347, 20.12.2013, lgh 104-173)

    Rinneadh leasuithe comhleanúnacha ar Rialachán (AE) Uimh. 1291/2013 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

    Rialachán (AE) Uimh. 1290/2013 ó Pharlaimint na hEorpa agus ón gComhairle an 11 Nollaig 2013 lena leagtar síos na rialacha maidir le rannpháirtíocht agus scaipeadh i “bhFís 2020 — an Clár Réime um Thaighde agus um Nuálaíocht (2014–2020)” agus lena n-aisghairtear Rialachán (CE) Uimh. 1906/2006/CE (IO L 347, 20.12.2013, lgh. 81-103)

    Teachtaireacht ó gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún — Fís 2020 — an Clár Réime um Thaighde agus um Nuálaíocht (COM(2011) 808 final, 30.11.2011)

    Nuashonraithe 08.06.2018

    Top