EUR-Lex Access to European Union law
This document is an excerpt from the EUR-Lex website
Jurisdiction in criminal proceedings: prevention and settlement of conflicts
Dlínsí in imeachtaí coiriúla: coinbhleachtaí a chosc agus a réiteach
Dlínsí in imeachtaí coiriúla: coinbhleachtaí a chosc agus a réiteach
Dlínsí in imeachtaí coiriúla: coinbhleachtaí a chosc agus a réiteach
Féachtar sa chinneadh réime seo le feabhas a chur ar chomhoibriú breithiúnach idir tíortha an Aontais Eorpaigh (AE), sa chaoi is go gcuirfear cosc ar imeachtaí coiriúla comhthreomhara nach gá maidir leis na fíricí céanna agus an duine céanna. Tá sé de chumas leis cur le riar éifeachtach ar an gceartas coiriúil i gcásanna trasteorann trí am agus acmhainní daonna agus airgeadais de chuid na n-údarás inniúil sna himeachtaí a shábháil.
GNÍOMH
Cinneadh Réime 2009/948/JHA ón gComhairle an 30 Samhain 2009 maidir le coinbhleachtaí maidir le feidhmiú dlínse in imeachtaí coiriúla a chosc agus a réiteach.
ACHOIMRE
Féachtar sa chinneadh réime seo le feabhas a chur ar chomhoibriú breithiúnach idir tíortha an Aontais Eorpaigh (AE), sa chaoi is go gcuirfear cosc ar imeachtaí coiriúla comhthreomhara nach gá maidir leis na fíricí céanna agus an duine céanna. Tá sé de chumas leis cur le riar éifeachtach ar an gceartas coiriúil i gcásanna trasteorann trí am agus acmhainní daonna agus airgeadais de chuid na n-údarás inniúil sna himeachtaí a shábháil.
Leagtar amach leis an nós imeachta ina dtéann údaráis inniúla náisiúnta i dteagmháil lena chéile nuair a bhíonn forais réasúnacha acu lena chreidiúint go bhfuil imeachtaí comhthreomhara ar bun i dtír AE eile. Bunaítear leis freisin an creat do na húdaráis sin le dul isteach i gcomhairliúcháin dhíreacha nuair a bhíonn imeachtaí comhthreomhara ann, d’fhonn réiteach a aimsiú chun na torthaí diúltacha a éiríonn as na himeachtaí sin a sheachaint.
Malartú faisnéise
Má bhíonn forais réasúnacha ag an údarás inniúil i dtír AE lena chreidiúint go bhfuil imeachtaí comhthreomhara ar bun i dtír AE eile, ní mór dó dearbhú a lorg ó údarás inniúil na tíre sin go bhfuil imeachtaí comhthreomhara dá leithéid ann. Ní mór don tír a bhfuil teagmháil déanta léi freagra a thabhairt gan mhoill mhíchuí nó laistigh den sprioc-am atá leagtha síos ag an údarás a dhéanann an teagmháil.
Lena iarratas, ní mór don údarás a dhéanann an teagmháil an fhaisnéis seo a leanas ar a laghad a thabhairt:
Ina fhreagra, ní mór don údarás a bhfuil teagmháil déanta leis a thabhairt le fios cé acu an bhfuil nó an raibh imeachtaí coiriúla ar bun ina thír maidir le roinnt de na fíricí céanna agus na daoine céanna, nó iad uile mar an gcéanna, leo siúd sna himeachtaí coiriúla sa tír ina bhfuil an t-údarás a rinne an teagmháil. Más mar sin atá an scéal, ní mór don údarás a bhfuil teagmháil déanta leis a shonraí teagmhála a sholáthar freisin chomh maith leis an gcéim ag a bhfuil na himeachtaí nó nádúr an chinnidh deiridh.
Comhairliúcháin dhíreacha
Más ann d’imeachtaí comhthreomhara, ní mór do na húdaráis chuí dul isteach i gcomhairliúcháin dhíreacha d’fhonn teacht ar réiteach a fhéachann leis na torthaí diúltacha a éiríonn as na himeachtaí sin a sheachaint. Mar thoradh air seo, b’fhéidir go ndíreofar ar na himeachtaí in aon tír AE amháin.
Nuair a théann na húdaráis chuí isteach i gcomhairliúcháin dhíreacha ní mór dóibh fíricí agus fiúntais uile an cháis agus tosca ábhartha eile uile a chur san áireamh. Mura n-aimsítear réiteach, cuirfear an cás faoi bhráid Eurojust, más cuí, agus ar an gcoinníoll go dtagann sé faoina inniúlacht.
Cur chun feidhme
Sa bhliain 2014, d’eisigh an Coimisiún Eorpach tuairisc ar an gcaoi ina chuir tíortha AE Cinneadh Réime 2009/948/JHA chun feidhme. Ag an am a foilsíodh í, ní raibh ach 15 thír AE ann a raibh dlíthe tugtha isteach acu faoinar ionchorpraíodh an gníomh ina reachtaíocht náisiúnta.
Tá imní ar an gCoimisiún go bhfuil líon suntasach de thíortha AE ann nach bhfuil an cinneadh réime curtha chun feidhme fós acu, a dhiúltaíonn uirlis thábhachtach orthu le coinbhleachtaí dlínse a réiteach nuair a thagann siad chun cinn. Mar sin molann sé do na tíortha uile nach bhfuil a leithéid déanta acu fós bearta tapa a dhéanamh chun é a chur chun feidhme ina iomláine.
Chun tuilleadh faisnéise a fháil, féach Comhoibriú breithiúnach ar shuíomh gréasáin an Choimisiúin Eorpaigh.
TAGAIRTÍ
Gníomh |
Teacht i bhfeidhm |
Spriocdháta don trasuí sna Ballstáit |
Iris Oifigiúil an Aontais Eorpaigh |
Cinneadh Réime 2009/948/JHA |
15.12.2009 |
15.6.2012 |
GNÍOMH GAOLMHAR
Tuarascáil ón gCoimisiún chuig Parlaimint na hEorpa agus chuig an gComhairle i ndáil le cur i bhfeidhm an Chinnidh Réime 2009/948/JHA an 30 Samhain 2009 maidir le coinbhleachtaí maidir le feidhmiú dlínse in imeachtaí coiriúla a chosc agus a réiteach (COM(2014) 313 final an 2.6.2014) ag Ballstáit.
Nuashonraithe 10.12.2014