Rialachas an Aontais Eorpaigh

Sainítear leis an nath “rialachas Eorpach” an comhlacht rialacha, na nósanna imeachta agus cleachtais maidir leis an gcaoi a bhfeidhmítear cumhachtaí san Aontas Eorpach (AE). Is é an cuspóir an daonlathas a neartú ar leibhéal AE agus na saoránaigh a thabhairt níos gaire d’institiúidí AE.

Tá an rialachas Eorpach bunaithe ar na prionsabail a leanas:

• oscailt suas institiúidí AE agus a dtrédhearcacht;
• an tsochaí shibhialta a bheith rannpháirteach sa chinnteoireacht;
• beartais chomhsheasmhacha agus dea-bhainistithe a chumadh agus a chur chun feidhme;
• creat rialála soiléir, seasmhach agus intuartha a áirithiú a thacaíonn le fás agus le poist;
• prionsabail na comhréireachta agus na coimhdeachta a urramú;
• a áirithiú go míníonn agus go nglacann gach ceann d’institiúidí AE agus gach Ballstát AE freagracht as a ndéanann siad in AE;
• cur leis an díospóireacht ar rialachas domhanda d’fhonn oibriú na n-institiúidí idirnáisiúnta a fheabhsú.

FÉACH FREISIN

• Eagraíocht na sochaí sibhialta
• Easnamh daonlathach
• An tAontas Eorpach
• Institiúidí an Aontais Eorpaigh
• Dlí an Aontais
• Cumhachtaí agus inniúlachtaí AE
• Ballstáit
• Comhréireacht
• Reachtaíocht a shimpliú
• Coimhdeacht
• Trédhearcacht (rochtain ar dhoiciméid).