Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Ceanglais éicidhearthóireachta — freastalaithe agus táirgí stórála sonraí

    Date of last review:
    05/10/2021
    Author:
    Oifig Foilseachán an Aontais Eorpaigh
    Responsible entity(ies):
    Ard-Stiúrthóireacht an Fhuinnimh
    Summarised document(s):

    Ceanglais éicidhearthóireachta — freastalaithe agus táirgí stórála sonraí

     

    ACHOIMRE AR:

    Rialachán (AE) 2019/424 maidir le ceanglais éicidhearthóireachta le haghaidh freastalaithe agus táirgí stórála sonraí

    CAD IS AIDHM LEIS AN RIALACHÁN?

    Tá sé mar aidhm leis tionchar comhshaoil freastalaithe agus táirgí stórála sonraí a theorannú le sraith rialacha maidir le héifeachtúlacht fuinnimh.

    PRÍOMHPHOINTÍ

    • Bunaítear leis an Rialachán ceanglais éicidhearthóireachta* ceanglais maidir le freastalaithe agus táirgí stórála sonraí ar líne a chur ar an margadh agus iad a chur i seirbhís.
    • Níl feidhm ag an rialachán maidir le:
      • freastalaithe* atá beartaithe le haghaidh feidhmchláir leabaithe*;
      • freastalaithe atá aicmithe mar fhreastalaithe mionscála faoi Rialachán (AE) Uimh. 617/2013;
      • freastalaithe ar a bhfuil níos mó ná ceithre shoicéad próiseálaí*;
      • fearais freastalaí*;
      • freastalaithe móra*;
      • freastalaithe atá go hiomlán lochtlamhálach*;
      • freastalaithe líonra*;
      • táirgí beaga stórála sonraí*;
      • táirgí móra stórála sonraí
    • Leasaítear leis an rialachán Rialachán (AE) Uimh. 617/2013 chun freastalaithe ríomhaire a eisiamh óna raon feidhme.
    • Leagtar amach na ceanglais éicidhearthóireachta in Iarscríbhinn II.
    • Sonraítear sa rialachán cad iad na nósanna imeachta um measúnú comhréireachta atá i bhfeidhm.
    • Ní mór do na húdaráis náisiúnta na nósanna imeachta fíorúcháin atá leagtha síos in Iarscríbhinn IV a chur i bhfeidhm agus seiceálacha faireachais margaidh á ndéanamh.
    • In Iarscríbhinn V leagtar amach tagarmharcanna táscacha maidir leis na freastalaithe agus na táirge stórála sonraí is fearr feidhmíochta atá ar fáil ar an margadh.
    • Ní mór don Choimisiún Eorpach athbhreithniú a dhéanamh ar an rialachán seo i bhfianaise dhul chun cinn na teicneolaíochta agus a thorthaí a chur i láthair, lena n–áirítear, más iomchuí, dréacht–togra athbhreithnithe, faoi mhí an Mhárta 2022.

    CÉN UAIR ATÁ TOSACH FEIDHME AN RIALACHÁIN?

    Tá feidhm leis ón 07 Aibreán 2019. Tá na leasuithe rialacháin ar Rialachán (AE) 617/2013 i bhfeidhm ón 1 Márta 2020.

    CÚLRA

    Treoir 2009/125/CE lena mbunaítear creat chun ceanglais éicidhearthóireachta a shocrú maidir le táirgí a bhaineann le fuinneamh. Ní mór don Choimisiún na ceanglais sin a leagan síos le haghaidh táirgí a dhíoltar agus a dhéantar a thrádáil go forleathan in AE agus a mbaineann tionchar suntasach comhshaoil leo.

    Le haghaidh tuilleadh faisnéise, féach:

    PRÍOMHTHÉARMAÍ

    Éicidhearthóireacht. Beartas maidir le feabhas, trí dhearadh níos fearr, a chur ar fheidhmíocht chomhshaoil táirgí le linn a saolré, go háirithe a n–éifeachtúlacht fuinnimh.
    Freastalaí. Táirge ríomhaireachta lena soláthraítear seirbhísí agus lena mbainistítear acmhainní líonraithe do ghléasanna cliant, amhail ríomhairí deisce, ríomhairí glúine, etc.
    Feidhmchlár leabaithe. Feidhmchlár bogearraí a choinnítear go buan i ngléas tionsclaíoch nó tomhaltóra, a stóráiltear i gcuimhne neamhluaineach mar chuimhne inléite amháin nó mar fhlaischuimhne.
    Freastalaí ar a bhfuil níos mó ná ceithre shoicéad próiseálaí. Freastalaí ina bhfuil níos mó ná ceithre chomhéadan atá deartha chun próiseálaí a shuiteáil.
    Fearas freastalaí. Freastalaí nach bhfuil sé beartaithe leis bogearraí a sholáthraíonn an t–úsáideoir a chur i gcrích, a sholáthraíonn seirbhísí trí líonra amháin nó níos mó, a bhainistítear de ghnáth trí chomhéadan gréasáin nó trí chomhéadan líne na n-orduithe agus a bhíonn cuachta le córas oibriúcháin réamhshuiteáilte agus bogearraí feidhmchláir a úsáidtear chun feidhm thiomnaithe nó tacar feidhmeanna atá dlúthchúpláilte a dhéanamh.
    Freastalaí mór. Freastalaí athléimneach a sheoltar mar chóras réamh–chomhtháite/réamhthástáilte a bhíonn lonnaithe i raca fráma amháin nó níos mó agus ina gcuimsítear fochóras ionchuir/aschuir nascachta ard ar a bhfuil 32 sliotán ionchuir/aschuir tiomnaithe ar a laghad.
    Freastalaí atá go hiomlán lochtlamhálach. Freastalaí atá deartha le hiomarcaíocht iomlán crua–earraí (chun ualach oibre aonair a rith go comhuaineach agus go hatriallach le haghaidh infhaighteacht leanúnach i bhfeidhmchláir atá ríthábhachtach i leith misin), ina ndéantar gach comhpháirt ríomhaireachta a mhacasamhlú idir dhá nód a ritheann ualaí oibre comhionanna agus comhuaineacha.
    Freastalaí líonra. Táirge líonra ina bhfuil na comhpháirteanna céanna agus atá i bhfreastalaí chomh maith le níos mó ná 11 phort líonra ag a bhfuil tréchur ráta líne iomlán 12 Gb nó níos mó, ag a bhfuil an cumas poirt agus luas a athchumrú go dinimiciúil agus a thacaíonn le timpeallacht líonra fíorúlaithe trí líonra arna shainiú le bogearraí.
    Táirge stórála sonraí. Córas stórála lánfheidhmiúil lena soláthraítear seirbhísí stórála sonraí do chliaint agus do ghléasanna atá ceangailte go díreach nó trí líonra.

    PRÍOMHDHOICIMÉID

    Rialachán (AE) 2019/424 ón gCoimisiún an 15 Márta 2019 lena leagtar síos ceanglais éicidhearthóireachta le haghaidh táirge stórála sonraí de bhun Threoir 2009/125/CE ó Pharlaimint na hEorpa agus ón gComhairle agus lena leasaítear Rialachán (CE) Uimh. 617/2013 ón gCoimisiún (IO L 74, 18.3.2019, lgh. 46-66)

    Ionchorpraíodh leasuithe comhleanúnacha ar Rialachán (AE) 2019/424 sa téacs bunaidh. Níl de luach ar an leagan comhdhlúite seo ach luach doiciméadach amháin.

    DOICIMÉID GHAOLMHARA

    Treoir 617/2013 ón gCoimisiún an 26 Meitheamh 2013 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle maidir le ceanglais éicidhearthóireachta le haghaidh ríomhairí agus freastalaithe ríomhairí (IO L 175, 27.6.2013, lgh. 13-33)

    Féach an leagan comhdhlúite.

    Treoir 2009/125/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat chun ceanglais éicidhearthóireachta do tháirgí a bhaineann le fuinneamh a leagan síos (IO L 285, 31.10.2009, lgh. 10-35)

    Féach an leagan comhdhlúite.

    Nuashonraithe 05.10.2021

    Top