Bearta imshrianta COVID-19 a bhaint — treochlár

 

ACHOIMRE AR:

Treochlár Eorpach Comhpháirteach i dtreo bearta imshrianta COVID-19 a bhaint

CAD IS AIDHM LEIS AN TREOCHLÁR?

• Moltaí do rialtais thíortha AE, ina ndéantar achoimre ar chur chuige comhordaithe AE chun na bearta imshrianta a bhaint de réir a chéile chun an saol pobail agus an geilleagar a atosú.
• Is iad seo a leanas na príomhphrionsabail:
  • comhairle eolaíoch,
  • comhordú, agus
  • dlúthpháirtíocht.

PRÍOMHPHOINTÍ

Maidir leis an treochlár:

• Leagtar béim ann go mbaineann tábhacht le trédhearcacht, cumarsáid phoiblí shoiléir thráthúil agus plé seasta le gnóthaí agus le ceardchumainn.
• Leagtar amach ann 3 chritéar chun an t-ordú dianghlasála a mheasúnú:
  • eipidéimeolaíocht: sonraí ina léirítear go bhfuil laghdú suntasach tagtha ar scaipeadh an ghalair agus go bhfuil sé seasmhach ar feadh tréimhse leanúnach;
  • acmhainn dhóthanach an chórais sláinte: chun déileáil leis an víreas agus le héilimh leighis eile;
  • acmhainn dhóthanach um monatóireacht: chun tástáil mhórscála a dhéanamh chun scaipeadh an víris a bhrath agus bac a chur air go tapa.
• Soláthraítear ann 3 phrionsabal threoracha maidir le maolú comhordaithe bhearta COVID-19, agus difríochtaí idir uainiú agus sonraíochtaí náisiúnta á gceadú:
  • ní mór gníomh ar bith bheith bunaithe ar eolaíocht;
  • comhordú beart ar bith atá ann cheana agus réamhfhógra maidir le bearta ar bith;
  • meas agus dlúthpháirtíocht idir gach tír AE.
• Sonraítear bearta chun an luí seoil a chéimniú amach de réir a chéile:
  • sonraí a bhailiú agus córas láidir a fhorbairt, agus faisnéis á comhroinnt ar bhealach comhchuibhithe;
  • creat a chruthú le haghaidh rianú teagmhálaithe agus rabhaidh le húsáid feidhmchlár móibíleach deonach;
  • cumais tástála a leathnú agus modheolaíochtaí a chomhchuibhiú;
  • cumais agus athléimneacht na gcóras cúraim sláinte a mhéadú;
  • leanúint le cumais leighis agus trealaimh chosanta phearsanta a neartú;
  • vacsaín shábháilte éifeachtach a chruthú lena mbeidh údarú mear agus infhaighteacht mhear;
  • cóir leighis agus cógais shábháilte agus éifeachtacha a fhorbairt, go háirithe trí dhrugaí a úsáidtear faoi láthair do ghalair agus do riochtaí eile a thástáil.
• Cuirtear moladh i láthair ann maidir le deireadh a chur leis an ordú dianghlasála de réir a chéile:
  • go leor ama chun beart ar bith a bhaint i gcéimeanna éagsúla, 1 mhí, b’fhéidir;
  • bearta sonracha a chur in ionad bearta ginearálta de réir a chéile, mar shampla cosaint níos faide do ghrúpaí leochaileacha nó coraintín do dhaoine ar diagnóisíodh go bhfuil an víreas nó siomptóim eile orthu;
  • bearta a bhaint ar bhonn áitiúil ar dtús sular ndéanfar iad a bhaint ar bhonn níos leithne;
  • teorainneacha inmheánacha agus seachtracha an Aontais Eorpaigh a oscailt de réir a chéile;
  • ceanglais úra sábháilteachta le haghaidh atosú gníomhaíochta eacnamaíche ionas go mbeidh gnólachtaí ábalta dul i dtaithí ar chúrsaí, mar shampla, teilea-oibriú a spreagadh;
  • coinníollacha sonracha sábháilteachta do chruinnithe grúpaí, e.g. ranganna níos lú agus amanna difriúla le haghaidh béilí i scoileanna agus in ollscoileanna;
  • feachtais feasachta maidir le cleachtais láidre sláinteachais chun cosc a chur ar scaipeadh an víris trí scaradh sóisialta agus trí mhaisc aghaidhe a úsáid in áiteanna poiblí.
• Sainaithnítear ann réimsí le haghaidh ionchuir ón gCoimisiún Eorpach, go háirithe:
  • treoirlínte maidir le tástálacha éagsúla COVID-19;
  • líonra AE de shaotharlanna tagartha COVID-19;
  • tógáil bac nó toirmeasc ar onnmhairí laistigh de AE, go háirithe onnmhairí trealaimh leighis;
  • úsáid sheasmhach a bhaint as na rialacha in aghaidh trustaí lena mbeidh cuideachtaí ábalta oibriú i gcomhar chun ganntanais earraí nó seirbhísí a réiteach.
  • údarú margaíochta a athchóiriú le haghaidh vacsaíní úra;
  • comhairle maidir le seirbhísí iompair a aischur agus maidir le saorghluaiseacht daoine;
  • córas mear-rabhaidh le haghaidh slabhraí soláthair agus luacha;
  • monatóireacht a dhéanamh ar bhearta náisiúnta;
  • comhoibriú le rialtais náisiúnta chun plé a dhéanamh ar thionscnaimh um maoiniú faoin Ionstraim um Thacaíocht Éigeandála (féach Rialachán (AE) 2020/521).
• L iostaíonn sé réimsí inár thug an Coimisiún freagra ar an ngéarchéim cheana:
  • rialacha státchabhrach maidir le caiteachas poiblí náisiúnta a mhaolú chun tionchar socheacnamaíoch an víris (COM(2020) 112 críochnaitheach agus COM(2020) 143 críochnaitheach) a mhaolú;
  • Rialachán (AE) 2016/369 (féach an achoimre) chun an Ionstraim um Thacaíocht Éigeandála, a thacaíonn le córais cúraim sláinte a chur ar bun;
  • Moladh (AE) 2020/518 maidir le bosca uirlisí comhchoiteann AE le haghaidh úsáid feidhmchlár maidir le scaradh sóisialta;
  • treoirlínte maidir le cúnamh éigeandála AE i ndáil le comhar trasteorann sa chúram sláinte.

CÉN UAIR ATÁ TOSACH FEIDHME AN TREOCHLÁIR?

Tá feidhm leis ón 17 Aibreán 2020.

CÚLRA

• Ar an 26 Márta 2020, d’iarr ceannairí an Aontais Eorpaigh go ndéanfaí ullmhúcháin chun tús a chur le sochaithe agus geilleagair na hEorpa a chur ar ais mar a bhí agus ar ais chuig fás inbhuanaithe. Ba cheart aistriú glas agus digiteach a chomhtháthú sna bearta, agus leas á bhaint as ceachtanna ón ngéarchéim.
• Leis an straitéis scoir, a d’ullmhaigh uachtaráin an Choimisiúin Eorpaigh agus na Comhairle Eorpaí i gcomhar, ullmhaítear an bealach le haghaidh plean cuimsitheach téarnaimh agus infheistíocht gan choinne.
• Baintear leas ann as saineolas agus comhairle ón Lárionad Eorpach um Ghalair a Chosc agus a Rialú, ó phainéal comhairleach maidir le COVID-19 an Choimisiúin, ó thíortha AE agus ón Eagraíocht Dhomhanda Sláinte.
• Le haghaidh breis faisnéise, féach:
  • Coróinvíreas: Leis an treochlár Eorpach taispeántar bealach i dtreo bhaint chomhchoiteann na mbeart imshrianta — preaseisiúint (An Coimisiún Eorpach)
  • Treochlár Eorpach i dtreo bearta imshrianta an choróinvíris a bhaint — bileog eolais (An Coimisiún Eorpach).

PRÍOMHDHOICIMÉAD

Treochlár Eorpach Comhpháirteach i dtreo bearta imshrianta COVID-19 a bhaint (IO C 126, 17.4.2020, lgh. 1-11)

DOICIMÉID GHAOLMHARA

Rialachán (AE) 2016/369 ón gComhairle an 15 Márta 2016 maidir le tacaíocht éigeandála a sholáthar laistigh den Aontas (IO L 70, 16.3.2016, lgh. 1-6)

Rinneadh leasuithe comhleanúnacha ar Rialachán (AE) 2016/369 a chorprú isteach sa bhuntéacs. Níl de luach ar an leagan comhdhlúite ach luach doiciméadach amháin.

Teachtaireacht ón gCoimisiún chuig Parlaimint na hEorpa, chuig an gComhairle Eorpach, chuig an gComhairle, chuig an mBanc Ceannais Eorpach, chuig an mBanc Eorpach Infheistíochta agus chuig an nGrúpa Euro — Freagairt eacnamaíoch chomhordaithe ar an Ráig de COVID-19 (COM(2020) 112 críochnaitheach, 13.3.2020)

Teachtaireacht ón gCoimisiún, chuig Parlaimint na hEorpa, chuig an gComhairle Eorpach, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún — Freagairt ar an gCoróinvíreas ag Baint Úsáid as gach euro atá ar fáil ar gach bealach is féidir chun beathaí agus slite beatha a chosaint (COM(2020) 143 críochnaitheach, 2.4.2020)

Teachtaireacht ón gCoimisiún — Treoirlínte maidir le Cúnamh Éigeandála AE i ndáil le Comhar Trasteorann sa Chúram Sláinte a bhaineann le géarchéim COVID-19 (IO C 111I, 3.4.2020, lgh. 1-5)

Moladh (AE) 2020/518 ón gCoimisiún an 8 Aibreán 2020 maidir le bosca uirlisí comhchoiteann an Aontais chun teicneolaíocht agus sonraí a úsáid chun géarchéim COVID-19 a chomhrac agus chun teacht aisti, go háirithe i ndáil le feidhmchláir mhóibíleacha agus i ndáil le húsáid sonraí soghluaisteachta gan ainm (IO L 114, 14.4.2020, lgh. 7-15)

Nuashonraithe 16.06.2020