This document is an excerpt from the EUR-Lex website
Bonn Agreement — dealing with pollution of the North Sea by oil and other harmful substances, including air pollution caused by shipping
Comhaontú Bhonn — déileáil le truailliú na Mara Thuaidh ag ola agus ag substaintí dochracha eile, lena n–áirítear aerthruailliú mar gheall ar loingseoireacht
Comhaontú Bhonn — déileáil le truailliú na Mara Thuaidh ag ola agus ag substaintí dochracha eile, lena n–áirítear aerthruailliú mar gheall ar loingseoireacht
Cinneadh 84/358/CEE — tabhairt i gcrích Chomhaontú Bhonn
Páirtithe conarthacha
Is iad na páirtithe conarthacha le Comhaontú Bhonn, faoi mar a leasaíodh le déanaí in 2021, rialtais na Beilge, na Danmhairge, na hÉireann, na Fraince, na Gearmáine, na hIorua, na hÍsiltíre, na Ríochta Aontaithe, na Spáinne, agus na Sualainne, chomh maith leis an Aontas Eorpach.
Farraigí atá clúdaithe sa chomhaontú
Baineann an comhaontú le mórcheantar na Mara Thuaidh agus a bhealaí isteach leathana – ceann de na limistéir farraige is gnóthaí ar domhan. Ó aontachas na Spáinne leis an gcomhaontú, clúdaítear ann:
Raon feidhm an chur i bhfeidhm
Ag baint leas as comhaontú roimhe seo a síníodh in 1969 inar clúdaíodh truailliú ó dhoirteadh amhola, clúdaítear i gComhaontú Bhonn 1984 chomh maith doirteadh substaintí dochracha eile atá ag truailliú na farraige nó ar baol dóibh an fharraige a thruailliú i limistéar na Mara Thuaidh.
In 2019, chinn na páirtithe conarthacha go ndéanfadh siad an comhaontú a leasú chun comhar maidir le faireachán i ndáil le ceanglais Iarscríbhinn VI a ghabhann le Coinbhinsiún MARPOL a chlúdach. In Iarscríbhinn VI tugtar isteach teorainneacha níos doichte ar shulfar le haghaidh breoslaí muirí i limistéir rialaithe astaithe ocsaídí sulfair (ina gcuimsítear an Mhuir Thuaidh). I dTreoir (AE) 2016/802 maidir le laghdú ar an gcion sulfair i leachtbhreoslaí áirithe ionchorpraítear na príomhathruithe ar an dlí idirnáisiúnta maidir le haerthruailliú ó longa a chosc i ndlí AE (féach an achoimre).
Réimsí oibre
Aontaíonn na páirtithe conarthacha go ndéanfaidh siad an méid seo a leanas:
Tuairisciú teagmhas agus cúnamh frithpháirteach
Cur chun feidhme
Cuireann na páirtithe conarthacha an comhaontú i gcrích trí:
Buiséad agus rúnaíocht
Ranníocann gach páirtí conarthach 2.5 % i gcomhair chaiteachas bliantúil an chomhaontaithe agus roinntear fuílleach an chaiteachais i measc na bpáirtithe conarthacha (seachas in AE) i gcomhréir lena n–olltáirgeacht náisiúnta.
Tá rúnaíocht an chomhaontaithe bunaithe i Londain.
Tháinig Comhaontú Bhonn 1984 i bhfeidhm ar an 28 Meitheamh 1984.
Chun tuilleadh faisnéise a fháil, féach:
Comhaontú maidir le comhar faoi dhéileáil le truailliú na Mara Thuaidh ag ola agus ag substaintí dochracha eile (Comhaontú Bhonn) (IO L 188, 16.7.1984, lgh. 9-16)
Cinneadh 84/358/CEE ón gComhairle an 28 Meitheamh 1984 maidir le tabhairt i gcrích an Chomhaontaithe maidir le comhar faoi dhéileáil le truailliú na Mara Thuaidh ag ola agus ag substaintí dochracha eile (IO L 188, 16.7.1984, lgh. 7-8)
Cinneadh (AE) 2021/176 ón gComhairle an 5 Feabhra 2021 maidir le tabhairt i gcrích leasuithe ar an gComhaontú maidir le comhar faoi dhéileáil le truailliú na Mara Thuaidh ag ola agus ag substaintí dochracha eile (Comhaontú Bhonn) a mhéid a bhaineann le leathnú raon feidhme chur i bhfeidhm an Chomhaontaithe sin agus maidir le haontachas Ríocht na Spáinne leis an gComhaontú sin (IO L 54, 16.2.2021, lgh. 1-2)
Treoir (AE) 2016/802 ó Pharlaimint na hEorpa agus ón gComhairle an 11 Bealtaine 2016 maidir le laghdú ar an gcion sulfair i leachtbhreoslaí áirithe (IO L 132, 21.5.2016, lgh. 58-78)
Nuashonraithe 26.04.2021