Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Stoic troisc, scadáin agus saláin i Muir Bhailt — Plean ilbhliantúil

    Date of last review:
    08/08/2019
    Author:
    Oifig Foilseachán an Aontais Eorpaigh
    Responsible entity(ies):
    Ard-Stiúrthóireacht na hIascaireachta agus Gnóthaí Muirí
    Summarised document(s):

    Stoic troisc, scadáin agus saláin i Muir Bhailt — Plean ilbhliantúil

     

    ACHOIMRE AR:

    Rialachán (AE) 2016/1139 lena mbunaítear plean ilbhliantúil do na stoic troisc, scadáin agus saláin i Muir Bhailt agus don iascach a shaothraíonn na stoic sin

    CAD IS AIDHM LEIS AN RIALACHÁN?

    I gcomhréir leis an straitéis AE don mhuirthimpeallacht agus le Coinbhinsiún na Náisiún Aontaithe maidir le Dlí na Farraige, tá sé mar aidhm leis an méid a leanas a dhéanamh:

    • creat ilbhliantúil réigiúnach a shocrú chun an comhbheartas iascaigh (CBI) a chur chun feidhme;
    • bainistiú a dhéanamh ar na stoic éisc i Muir Bhailt;
    • stoic éisc a athbhunú agus a choimeád os cionn na leibhéal lenar féidir uastoradh inbhuanaithe* a tháirgeadh; agus
    • gabhálacha de thaisme a sheachaint agus a laghdú.

    Leasaítear leis an rialachán Rialachán (CE) Uimh. 2187/2005 ón gComhairle (féach an achoimre Caomhnú na n–acmhainní iascaigh i Muir Bhailt agus sna Beilteanna) agus aisghairtear leis Rialachán (CE) Uimh. 1098/2007 ón gComhairle.

    PRÍOMHPHOINTÍ

    Tugtar isteach leis an rialachán plean ilbhliantúil* maidir leis na stoic éisc a leanas in uiscí Mhuir Bhailt an Aontais Eorpaigh:

    • trosc in oirthear agus in iarthar Mhuir Bhailt;
    • scadán i lár agus in iarthar Mhuir Bhailt, Mhurascaill Ríge agus Mhurascaill na Boitnia;
    • salán i Muir Bhailt.

    Tá feidhm aige sin freisin maidir le foghabhálacha éisc* maidir le leathóg, leith, turbard agus broit

    Cuireann an plean le:

    • cuspóirí an Chomhbheartais Iascaigh a bhaint amach, go háirithe trí chur chuige an réamhchúraim maidir le bainistiú iascaigh a chur i bhfeidhm agus a áirithiú go n–athbhunóidh agus go ndéanfaidh dúshaothrú na stoc éisc cothabháil ar na hacmhainní éisc os cionn na leibhéal lenar féidir uastoradh inbhuanaithe a tháirgeadh;
    • deireadh a chur le hiasc a chaitheamh amach trí ghabhálacha nach dteastaíonn a sheachaint agus a laghdú;
    • an oibleagáid gabhálacha a thabhairt i dtír a chur chun feidhme maidir le speicis faoi réir teorainneacha gabhála.

    Glacann sé cur chuige bunaithe ar éiceachóras* maidir le bainistíocht iascaigh chun tionchair dhiúltacha na hiascaireachta ar an éiceachóras muirí a íoslaghdú.

    Spriocbhásmhaireacht iascaireachta *

    Sainmhínítear leis an rialachán creat chun na cuótaí iascaireachta bliantúla a shocrú. Tá na cuótaí le socrú de réir spriocbhásmhaireacht iascaireachta áirithe, raon a chinnfear do gach speiceas agus limistéar atá clúdaithe sa rialachán. Ní mór an sprioc sin a bhaint amach a luaithe is féidir, agus de réir a chéile, faoi 2020 ar a dhéanaí, agus tá sé le coinneáil tar éis an dáta sin. Soláthraíonn na raonta, atá bunaithe ar chomhairle eolaíoch bhliantúil, solúbthacht chun aghaidh a thabhairt ar athruithe i bhforbairt na stoc.

    Bearta cosanta

    Tá na spriocraonta básmhaireachta iascaireachta saindeartha lena áirithiú go mbeidh níos lú ná 5% seans ann go dtitfidh an stoc sceite faoi bhun na teorann tagartha. Tá bearta sonracha caomhnaithe le cur i bhfeidhm nuair a bhíonn comhairle eolaíoch ann go bhfuil stoc faoi bhagairt.

    Bearta maidir le leathóg, leith, turbard agus broit a ghabhtar mar fhoghabháil

    Nuair a léirítear le comhairle eolaíoch go bhfuil gá le bearta leasúcháin chun a áirithiú go ndéantar stoic leathóg, leadhbóg, turbard nó broiteanna, a ghabhtar mar fhoghabháil, a bhainistiú i gcomhréir le cuspóirí CBI, tá sé de chumhacht ag an gCoimisiún gníomhartha tarmligthe a ghlacadh, lena n–áirítear sna réimsí a leanas:

    • saintréithe an trealaimh iascaireachta, go háirithe méid mhogaill, méid duáin, tógáil, tiús sreinge, méid, nó úsáid feistí roghnaíochta;
    • úsáid trealaimh iascaireachta, go háirithe am tumtha agus an doimhneacht ag a n–úsáidtear é;
    • toirmeasc nó teorannú ar iascaireacht i limistéir shonracha;
    • toirmeasc nó teorannú ar iascaireacht nó úsáid cineálacha áirithe trealaimh iascaireachta le linn tréimhsí ama sonracha;
    • íosmhéideanna tagartha caomhnaithe.

    Rialacha eile

    Déanfar foráil sa phlean chomh maith i leith:

    • go bhféadfaidh an Coimisiún gníomhartha tarmligthe a ghlacadh faoi dhíolúintí ó chur i bhfeidhm na hoibleagáide gabhálacha a thabhairt i dtír, go háirithe i gcás speiceas a bhfuil fianaise eolaíoch ina leith lena léirítear rátaí arda marthanais;
    • bearta teicniúla, trí bhíthin gníomhartha tarmligthe, go háirithe chun éisc sceite agus éisc óga a chosaint nó chun roghnaíocht a fheabhsú;
    • toirmeasc a chur ar aon ghníomhaíocht iascaireachta ón 1 Bealtaine go dtí an 31 Deireadh Fómhair i limistéir shonraithe.

    Féadfaidh tíortha AE lena mbaineann (an Danmhairg, an Ghearmáin, an Eastóin, an Laitvia, an Liotuáin, an Pholainn, an Fhionlainn agus an tSualainn) moltaí comhpháirteacha a chur isteach ag iarraidh ar an gCoimisiún gníomh tarmligthe a ghlacadh.

    Measúnú a dhéanamh ar an bplean gach 5 bliana, tuairiscíonn an Coimisiún do Pharlaimint na hEorpa agus don Chomhairle maidir leis na torthaí agus tionchar an phlean ar na stoic lena mbaineann an rialachán agus ar an iascach a shaothraíonn na stoic sin.

    CÉN UAIR ATÁ TOSACH FEIDHME AN RIALACHÁIN?

    Tá sé i bhfeidhm ón 20 Iúil 2016.

    CÚLRA

    Féach freisin:

    PRÍOMHTHÉARMAÍ

    Uastoradh inbhuanaithe: an ghabháil uasta cothromaíochta teoiricí is féidir a thógáil go leanúnach as stoc éisc ar an meán faoi na meánchoinníollacha comhshaoil atá ann faoi láthair gan cur isteach go mór ar an bpróiseas síolraithe.
    Foghabháil éisc: speicis éisc agus mhara a ghabhtar de thaisme.
    Plean ilbhliantúil: ionstraim lena mbunaítear creat ilbhliantúil ar leibhéal réigiúnach (imchuach farraige) le haghaidh chur chun feidhme an chomhbheartais iascaigh (féach Airteagal 9 de Rialachán (AE) Uimh. 1380/2013 maidir leis an gComhbheartas Iascaigh).
    Cur chuige bunaithe ar éiceachóras: cur chuige comhtháite i leith bainistíocht iascaigh a fhéachann leis an úsáid a bhaintear as acmhainní nádúrtha a bhainistiú agus an saibhreas bitheolaíoch agus na próisis bhitheolaíocha is gá chun comhdhéanamh, struchtúr agus feidhmiú ghnáthóga an éiceachórais lena mbaineann á gcaomhnú.
    Básmhaireacht iascaireachta: gabhálacha thar thréimhse áirithe mar chéatadán den mheánstoc atá ar fáil don iascach sa tréimhse sin.

    PRÍOMHDHOICIMÉAD

    Rialachán (AE) 2016/1139 ó Pharlaimint na hEorpa agus ón gComhairle an 6 Iúil 2016 lena mbunaítear plean ilbhliantúil do na stoic troisc, scadáin agus saláin i Muir Bhailt agus don iascach a shaothraíonn na stoic sin, lena leasaítear Rialachán (CE) Uimh. 2187/2005 ón gComhairle agus lena n–aisghairtear Rialachán (CE) Uimh. 1098/2007 ón gComhairle (IO L 191, 15.7.2016, lgh. 1-15)

    Rinneadh leasuithe leanúnacha ar Rialachán (AE) 2016/1139 a ionchorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.

    DOICIMÉID GHAOLMHARA

    Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gcomhbheartas iascaigh lena leasaítear Rialachán (CE) Uimh. 1954/2003 ón gComhairle agus Rialachán (CE) Uimh. 1224/2009 ón gComhairle agus lena n–aisghairtear Rialachán (CE) Uimh. 2371/2002 ón gComhairle, Rialachán (CE) Uimh. 639/2004 ón gComhairle agus Cinneadh 2004/585/CE ón gComhairle (IO L 354, 28.12.2013, lgh. 22-61)

    Féach an leagan comhdhlúite.

    Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe Comhphobail chun comhlíonadh rialacha an chomhbheartais iascaigh a chinntiú, lena leasaítear Rialacháin (CE) Uimh. 847/96, (CE) Uimh. 2371/2002, (CE) Uimh. 811/2004, (CE) Uimh. 768/2005, (CE) Uimh. 2115/2005, (CE) Uimh. 2166/2005, (CE) Uimh. 388/2006, (CE) Uimh. 509/2007, (CE) Uimh. 676/2007, (CE) Uimh. 1098/2007, (CE) Uimh. 1300/2008 agus (CE) Uimh. 1342/2008 agus lena n–aisghairtear Rialacháin (CEE) Uimh. 2847/93, (CE) Uimh. 1627/94 agus (CE) Uimh. 1966/2006 (IO L 343, 22.12.2009, lgh. 1-50)

    Féach an leagan comhdhlúite.

    Treoir 2008/56/EC ó Pharlaimint na hEorpa agus ón gComhairle an 17 Meitheamh 2008 lena mbunaítear creat le haghaidh gníomhaíocht phobail i réimse bheartas na muirthimpeallachta (Treoir Réime um Straitéis Mhuirí) (IO L 164, 25.6.2008, lgh. 19-40)

    Féach an leagan comhdhlúite.

    Rialachán (CE) Uimh. 2187/2005 an 21 Nollaig 2005 chun acmhainní iascaigh a chaomhnú trí bhearta teicniúla i Muir Bhailt, sna Beilteanna agus sa Chaolas, lena leasaítear Rialachán (CE) Uimh. 1434/98 agus lena n–aisghairtear Rialachán (CE) Uimh. 88/98 (IO L 349, 31.12. 2005, lgh. 1-23)

    Féach an leagan comhdhlúite.

    Nuashonraithe 08.08.2019

    Top