Bia chun críocha speisialta míochaine

 

ACHOIMRE AR:

Rialachán Tarmligthe (AE) 2016/128 lena bhforlíontar Rialachán (AE) Uimh. 609/2013 — na ceanglais shonracha chomhdhéanaimh agus faisnéise maidir le bia chun críocha speisialta míochaine

CAD IS AIDHM LEIS AN RIALACHÁN?

• Modhnaítear leis na ceanglais lipéadaithe maidir le bia chun críocha speisialta míochaine, agus tugtar isteach leis toirmeasc i gcoinne maímh i leith cothaithe agus sláinte a dhéanamh ar bhianna dá leithéid.
• Leathnaítear leis na rialacha maidir le bainne foirmle do naíonáin agus bainne foirmle leantach i ndáil le lipéadú, cur i láthair, fógraíocht agus margaíocht chun bia chun críocha speisialta míochaine atá beartaithe do naíonáin a chlúdach.
• Leathnaítear leis freisin na rialacha maidir le lotnaidicídí do bhia chun críocha speisialta míochaine atá beartaithe do naíonáin agus do leanaí óga.

PRÍOMHPHOINTÍ

Aisghairtear leis Treoir 1999/21/CE. Is gníomh tarmligthe é lena bhforlíontar Rialachán (AE) Uimh. 609/2013 maidir le bianna do ghrúpaí sonracha.

Bia chun críocha speisialta míochaine:

• ní fhéadfar é a chur ar an margadh ach amháin má chomhlíonann sé an rialachán seo;
• tagann sé faoi réim 3 chatagóir:
  • bia atá iomlán ó thaobh cothaithe de ina bhfuil foirmliú caighdeánach cothaitheach, a d’fhéadfadh a bheith mar an t–aon fhoinse bheathaithe, nó a úsáidtear mar athsholáthar páirteach nó mar fhorbhia;
  • bia atá iomlán ó thaobh cothaithe de ina bhfuil foirmliú atá oiriúnaithe ó thaobh cothaitheach de go sonrach do ghalar, neamhord nó riocht sláinte, a d’fhéadfadh a bheith mar an t–aon fhoinse bheathaithe, nó a úsáidtear mar athsholáthar páirteach nó mar fhorbhia;
  • bia atá neamhiomlán ó thaobh cothaithe de nach bhfuil oiriúnach le húsáid mar an t–aon fhoinse bheathaithe.

Lotnaidicídí

Níor cheart iarmhair lotnaidicídí ar mó iad ná 0.01 mg/kg in aghaidh na substainte gníomhaí iad a bheith i mbia a chuirtear ar fáil chun críocha speisialta míochaine a fhorbraítear do naíonáin agus do leanaí óga.

Lipéadú ar fhaisnéis bhia

Ní foláir nó go gcomhlíonann bia chun críocha speisialta míochaine Rialachán (AE) Uimh. 1169/2011 maidir le lipéadú ar earraí bia agus na ráitis nó na rabhaidh sin (an chéad 4 phointe a bhfuil na focail “fógra tábhachtach” rompu nó a chomhionann) a bheith le feiceáil ar lipéadú:

• ní mór an táirge a úsáid faoi mhaoirseacht leighis;
• cibé acu an bhfuil nó nach bhfuil an táirge oiriúnach lena úsáid mar an t–aon fhoinse bheathaithe;
• cibé acu atá an táirge beartaithe le haghaidh aoisghrúpa ar leith;
• cibé acu an bhfuil nó nach bhfuil an táirge ina ghuais sláinte do dhaoine nach bhfuil an riocht orthu a bhfuil an táirge beartaithe ina leith;
• an ráiteas “Maidir le bainistiú aiste bia i ndáil leis (an ngalar, an neamhord nó an riocht leighis) a bhfuil an táirge beartaithe ina leith”;
• réamhchúraimí agus fritásca;
• cur síos ar an méid a dhéanann an táirge úsáideach maidir leis an ngalar, an neamhord nó an riocht leighis, i ndáil leis an bpróiseáil agus foirmliú speisialta, na cothaithigh agus réasúnaíocht an táirge;
• rabhadh go bhfuil an táirge le glacadh ó bhéal amháin;
• treoracha maidir le hullmhú, úsáid agus stóráil an táirge tar éis é a oscailt.

Dearbhú cothaithe

• Ní mór go n–áirítear sa dearbhú cothaithe éigeantach, le roinnt eisceachtaí sonracha, an méid (más cuí) mianraí, vitimíní, próitéine (lena n–áirítear an fhoinse agus an cineál), carbaihiodráite, saille agus cothaitheach eile agus a gcomhpháirteanna.
• Ní féidir maímh maidir le cothú agus sláinte a dhéanamh ar bhia chun críocha speisialta míochaine.

Ceanglais shonracha le haghaidh bia chun críocha speisialta míochaine a forbraítear do naíonáin

• Ní mór faisnéis éigeantach a bheith i dteanga a thuigeann na tomhaltóirí go héasca.
• Ní cheadaítear pictiúir de naíonáin, nó pictiúir eile nó téacs a d’fhéadfadh úsáid an táirge a idéalú, seachas grafaicí chun go ndéanfar é a aithint go héasca nó chun modhanna ullmhúcháin a léiriú.
• Ní mór lipéadú a dhearadh ionas gur féidir le tomhaltóirí idirdhealú soiléir a dhéanamh idir táirgí den sórt sin agus foirmle naíonán.
• Ní mór fógraíocht a bheith teoranta d’fhoilseacháin a dhíríonn ar chúram leanaí agus ar fhoilseacháin eolaíochta.
• Ní mór nach mbeadh aon fhógraíocht dhíolphointe, aon samplaí saor in aisce ná aon fheiste fógraíochta eile go díreach leis an tomhaltóir ar an leibhéal miondíola.
• Ní mór nach soláthraíonn monaróirí agus dáileoirí táirgí, samplaí nó aon bhronntanais eile a bhaineann le cur chun cinn saor in aisce nó ar phraghas íseal go díreach don phobal i gcoitinne nó do mhná torracha, do mháithreacha nó do bhaill dá dteaghlaigh.

Ní mór d’oibreoirí gnó bia fógra a thabhairt don údarás inniúil i ngach tír AE, i gcás ina bhfuil an táirge á chur ar an margadh, trí shamhail den lipéad a úsáidtear don táirge, agus aon fhaisnéis eile a iarrtar a sheoladh chun comhlíonadh an rialacháin seo a bhunú.

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón 22 Feabhra 2019, ach amháin i gcás bia chun críocha speisialta míochaine a forbraítear do naíonáin, a mbeidh feidhm aige ón 22 Feabhra 2020.

CÚLRA

Chun tuileadh faisnéise a fháil, féach:

• Bia chun críocha speisialta míochaine (An Coimisiún Eorpach)
• Ceisteanna Coitianta: bia chun críocha speisialta míochaine (An tÚdarás Eorpach um Shábháilteacht Bia).

PRÍOMHDHOICIMÉAD

Rialachán Tarmligthe (AE) Uimh. 2016/128 ón gCoimisiún an 25 Meán Fómhair 2015 lena bhforlíontar Rialachán (AE) Uimh. 609/2013 ó Pharlaimint na hEorpa agus ón gComhairle maidir leceanglais shonracha chomhdhéanaimh agus faisnéise maidir le bia chun críocha speisialta leighis (IO L 25, 2.2.2016, lgh. 30-43)

DOICIMÉID GHAOLMHARA

Rialachán (AE) Uimh. 609/2013 ó Pharlaimint na hEorpa agus ón gComhairle an 12 Meitheamh 2013 maidir le bia a cheaptar lena úsáid mar bhia do naíonáin agus do leanaí óga, maidir le bia chun críocha speisialta míochaine, agus maidir le hionadach ar an aiste bia iomlán chun meáchan a rialú agus lena n–aisghairtear Treoir 92/52/CEE ón gComhairle, Treoir 96/8/CE ón gCoimisiún, Treoir 1999/21/CE ón gCoimisiún, Treoir 2006/125/CE ón gCoimisiún, Treoir 2006/141/CE ón gCoimisiún, Treoir 2009/39/CE ó Pharlaimint na hEorpa agus ón gComhairle, Rialachán (CE) Uimh. 41/2009 ón gCoimisiún agus Rialachán (CE) Uimh. 953/2009 ón gCoimisiún (IO L 181, 29.6.2013, lgh. 35-56)

Rinneadh leasuithe comhleanúnacha ar Rialachán (AE) Uimh. 609/2013 a chorprú sa bhundoiciméad. Níl de luach ar an leagan comhdhlúite seo ach luach doiciméadach amháin.

Rialachán (AE) Uimh. 1169/2011 ó Pharlaimint na hEorpa agus ón gComhairle an 25 Deireadh Fómhair 2011 maidir le faisnéis bhia a sholáthar do thomhaltóirí, lena leasaítear Rialachán (CE) Uimh. 1924/2006 ó Pharlaimint na hEorpa agus ón gComhairle agus Rialachán (CE) Uimh. 1925/2006 ó Pharlaimint na hEorpa agus ón gComhairle agus lena n–aisghairtear Treoir 87/250/CEE ón gCoimisiún, Treoir 90/496/CEE ón gComhairle, Treoir 1999/10/CE ón gCoimisiún, Treoir 2000/13/CE ó Pharlaimint na hEorpa agus ón gComhairle, Treoir 2002/67/CE ón gCoimisiún agus Treoir 2008/5/CE ón gCoimisiún agus Rialachán (CE) Uimh. 608/2004 ón gCoimisiún (IO L 304, 22.11.2011, lgh. 18-63).

Féach an leagan comhdhlúite.

Treoir 2009/128/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat i gcomhair gnímh ag an gComhphobal sa réimse a bhaineann le húsáid inbhuanaithe lotnaidicídí (IO L 309, 24.11.2009, lgh. 71-86)

Féach an leagan comhdhlúite.

Treoir 2006/141/CE ón gComhairle an 22 Nollaig 2006 maidir le bainne foirmle do naíonáin agus bainne foirmle leantach lena leasaítear Treoir 1999/21/CE (IO L 401, 30.12.2006, lgh. 1-33)

Féach an leagan comhdhlúite.

Rialachán (CE) Uimh. 1924/2006 ó Pharlaimint na hEorpa agus ón gComhairle an 20 Nollaig 2006 maidir le maímh i leith cothaithe agus sláinte a dhéantar maidir le bianna (IO L 404, 30.12.2006, lgh. 9-25)

Féach an leagan comhdhlúite.

Treoir 2006/125/CE ón gCoimisiún an 5 Nollaig 2006 maidir le bianna gránachbhunaithe próiseáilte agus bianna do naíonáin agus do leanaí óga (Leagan códaithe) (IO L 339, 6.12.2006, lgh. 16-35)

Treoir 1999/21/CE ón gCoimisiún an 25 Márta 1999 maidir le bianna aiste chun críocha speisialta míochaine (IO L 91, 7.4.1999, lgh. 29-36)

Féach an leagan comhdhlúite.

Nuashonraithe 24.05.2019