Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Cód gréasáin maidir le cás éigeandála agus athbhunú leictreachais

Date of last review:
24/05/2019
Author:
Oifig Foilseachán an Aontais Eorpaigh
Responsible entity(ies):
Ard-Stiúrthóireacht an Fhuinnimh
Summarised document(s):

Cód gréasáin maidir le cás éigeandála agus athbhunú leictreachais

 

ACHOIMRE AR:

Rialachán (AE) 2017/2196 lena mbunaítear cód gréasáin maidir le cás éigeandála agus athbhunú leictreachais

CAD IS AIDHM LEIS AN RIALACHÁN?

  • Cuirtear ar bun leis cód gréasáin leictreachais* chun slándáil an chórais leictreachais a chosaint, agus teagmhais ó leathadh nó ó dhul in olcas a chosc.
  • Tá sé mar aidhm leis cur isteach agus staid lándorchaithe* forleathan a sheachaint, chomh maith le hathbhunú* éifeachtach agus gasta an chórais leictreachais as an staid éigeandála* nó as an staid lándorchaithe.

PRÍOMHPHOINTÍ

Bunaítear leis an rialachán cód gréasáin leictreachais lena leagtar amach ceanglais maidir le:

  • bainistiú na n–oibreoirí córais tarchurtha (OCTanna) ar an staid éigeandála, ar an staid lándhorchaithe agus ar an staid athbhunaithe;
  • comhordú oibriú an chórais ar fud AE sa staid éigeandála, sa staid lándhorchaithe agus sa staid athbhunaithe;
  • na tástálacha, na huirlisí agus na saoráidí chun athbhunú iontaofa, éifeachtach agus gasta a áirithiú.

Baineann an rialachán go sonrach le:

  • OCTanna;
  • comhordaitheoirí slándála réigiúnacha;
  • oibreoirí córais dáileacháin (OCDanna);
  • úsáideoirí suntasacha eangaí (USEanna);
  • soláthraithe seirbhíse cosanta;
  • soláthraithe seirbhíse athbhunaithe;
  • páirtithe freagracha cothromúcháin;
  • soláthraithe seirbhíse cothromúcháin*;
  • oibreoirí ainmnithe margaidh leictreachais (NEMO); agus
  • eintitis eile atá ainmnithe chun feidhmeanna an mhargaidh leictreachais a dhéanamh.

Clúdaítear nósanna imeachta sa rialachán maidir le:

  • comhairliúchán agus comhordú OCTanna le páirtithe eile;
  • comhordú réigiúnach na bpleananna um chosaint an chórais agus um athbhunú;
  • comhairliúchán poiblí;
  • aisghabháil costas;
  • oibleagáidí rúndachta.

Pleananna um chosaint agus um athbhunú an chórais

Ní mór do gach OCT plean um chosaint an chórais agus plean um athbhunú a cheapadh, i gcomhairliúchán leis na OCDanna, na USEanna, údaráis náisiúnta rialála agus dreamanna eile. Áirítear ar na pleananna, mar shampla:

  • teorainneacha slándála oibriúcháin;
  • riachtanais úsáideoirí suntasacha ardtosaíochta eangaí agus na téarmaí agus na coinníollacha maidir lena ndíscor agus maidir lena hathfhuinnmhiú;
  • na coinníollacha faoina ndéantar na pleananna a ghníomhachtú;
  • treoracha atá le heisiúint ag na OCTanna faoi na pleananna;
  • bearta atá faoi réir comhairliúchán agus comhordú fíor-ama;
  • bearta atá le cur chun feidhme ag na OCTanna, na OCDanna agus na USEanna;
  • liosta fo-stáisiún atá riachtanach le haghaidh nósanna imeachta maidir lena phleananna um athbhunú;
  • líon na bhfoinsí cumhachta i limistéar rialaithe an OCT is gá chun a chóras a athfhuinnmhiú;
  • bearta teicniúla agus eagraíochtúla amhail:
    • scéimeanna cosanta córais;
    • bainistíocht ar dhiall minicíochta;
    • bainistíocht ar dhiall voltais;
    • bainistíocht ar shreabhadh cumhachta;
    • nós imeachta maidir le hathfhuinnmhiú;
    • nós imeachta maidir le hathshioncrónú;
    • díscor agus athfhuinnmhiú éilimh láimhe;
  • spriocdháta cur chun feidhme le haghaidh gach beart liostaithe.

Tá rialacha sonracha i bhfeidhm maidir le cur chun feidhme na bpleananna um chosaint an chórais agus um athbhunú.

Ní mór do gach OCT uirlisí cumarsáide iomchuí a bheith i bhfeidhm acu agus ní mór dóibh measúnú agus tástáil a dhéanamh ar bhonn tréimhsiúil ar dhea-fheidhmiú an trealaimh agus na gcumas ar fad a bhaineann leis an bplean um chosaint an chórais agus leis an bplean um athbhunú.

Gníomhaíochtaí margaidh

Faoi réir roinnt coinníollacha, féadfaidh OCT gníomhaíochtaí margaidh a chur ar fionraí ar feadh seala sna cásanna seo a leanas:

  • tá an córas tarchurtha i gcás lándorchaithe, nó mar gheall ar an leanúint dhéanfaí laghdú suntasach ar éifeachtúlacht an phróisis athbhunaithe go dtí an ghnáthstaid nó an staid foláirimh; nó
  • i gcás nach bhfuil na hacmhainní chun gníomhaíochtaí margaidh a éascú ar fáil.

Monatóireacht

Déanann an Líonra Eorpach d’Oibreoirí Córais Tharchurtha Leictreachais monatóireacht ar chur chun feidhme an rialacháin.

Comhreachtaíocht

Leis an rialachán seo forlíontar Rialachán (CE) Uimh. 714/2009 maidir le malartuithe trasteorann sa leictreachas agus tá sé ina chuid dhílis den rialachán sin. Ba cheart tagairtí do Rialachán (CE) Uimh. 714/2009 i ngníomhartha dlíthiúla eile a thuiscint mar thagairt don rialachán seo chomh maith.

Tá an rialachán seo ina leabhar eolais le Rialachán (AE) 2017/1485 chomh maith. treoirlíne maidir le hoibriú an chórais tarchurtha don leictreachas

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 18 Nollaig 2017.

CÚLRA

Féach freisin:

PRÍOMHTHÉARMAÍ

Cód gréasáin leictreachais: rialacha agus nósanna imeachta ceangailteacha maidir le, mar shampla:
  • slándáil agus iontaofacht an ghréasáin;
  • malartuithe sonraí;
  • rialacha maidir le leithdháileadh acmhainne agus bainistiú ar phlódú;
  • trádáil a bhaineann le seirbhísí rochtana ar an ngréasán agus comhardú an chórais;
  • trédhearcacht;
  • struchtúir chomhchuibhithe do tharaifí tarchurtha;
  • éifeachtúlacht fuinnimh maidir le líonraí leictreachais.
Staid lándorchaithe: staid an chórais leictreachais i gcás go bhfoirceanntar oibríocht cuid den chóras tarchurtha nó an chórais tarchurtha ar fad.
Staid athbhunaithe: staid an chórais i gcás gurb é an cuspóir leis na gníomhaíochtaí ar fad sa chóras tarchurtha oibríocht an chórais a athbhunú agus slándáil oibriúcháin a choimeád i ndiaidh na staid lándorchaithe nó na staide éigeandála.
Staid éigeandála: staid an chórais leictreachais i gcás gur sáraíodh teorainn slándála oibriúcháin amháin nó níos mó.
Soláthraithe seirbhíse cothromúcháin: rannpháirtí an mhargaidh leictreachais atá ábalta cúlchistí cothromúcháin leictreachais a sholáthar d’oibreoirí seirbhíse tarchurtha.

PRÍOMHDHOICIMÉAD

Rialachán (AE) 2017/2196 ón gCoimisiún an 24 Samhain 2017 lena mbunaítear cód gréasáin maidir le cás éigeandála agus athbhunú leictreachais (IO L 312, 28.11.2017, lgh. 54-85)

Rinneadh leasuithe comhleanúnacha ar Rialachán (AE) 2017/2196 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán (AE) 2017/1485 ón gCoimisiun an 2 Lúnasa 2017 lena mbunaítear treoirlíne maidir le hoibriú an chórais tarchurtha don leictreachas (IO L 220, 25.8.2017, lgh. 1-120)

Rialachán (AE) 2016/631 ón gCoimisiún an 14 Aibreán 2016 lena mbunaítear cód gréasáin i dtaobh ceanglas maidir le gineadóirí a nascadh le heangacha (IO L 112, 27.4.2016, lgh. 1-68)

Rialachán (AE) 2016/1388 ón gCoimisiún an 17 Lúnasa 2016 lena mbunaítear Cód Gréasáin i dtaobh Díscor Éilimh (IO L 223, 18.8.2016, lgh. 10-54)

Rialachán (AE) 2016/1447 ón gCoimisiún an 26 Lúnasa 2016 lena mbunaítear cód gréasáin i dtaobh ceanglas maidir le córais ardvoltais srutha dhírigh agus le modúil páirce cumhachta arna cheangal le sruth díreach a nascadh le heangacha (IO L 241, 8.9.2016, lgh. 1-65)

Rialachán (AE) 2016/1719 ón gCoimisiún an 26 Meán Fómhair 2016 lena mbunaítear treoirlíne maidir le leithdháileadh todhchaí acmhainne (IO L 259, 27.9.2016, lgh. 42-68)

Rialachán (AE) 2015/1222 ón gCoimisiún an 24 Iúil 2015 lena mbunaítear treoirlíne maidir le leithdháileadh acmhainne agus le bainistiú ar phlódú (IO L 197, 25.7.2015, lgh. 24-72)

Rialachán (AE) Uimh. 543/2013 ón gCoimisiún an 14 Meitheamh 2013 maidir le sonraí i margaí leictreachais a chur isteach agus a fhoilsiú agus lena leasaítear Iarscríbhinn I a ghabhann le Rialachán (CE) Uimh. 714/2009 ó Pharlaimint na hEorpa agus ón gComhairle (IO L 163, 15.6.2013, lgh. 1-12)

Treoir 2009/72/CE ó Pharlaimint na hEorpa agus ón gComhairle an 13 Iúil 2009 maidir le comhrialacha don mhargadh inmheánach sa leictreachas agus lena n–aisghairtear Treoir 2003/54/CE (IO L 211, 14.8.2009, lgh. 55-93)

Rialachán (CE) Uimh. 714/2009 ó Pharlaimint na hEorpa agus ón gComhairle an 13 Iúil 2009 ar choinníollacha chun rochtain a fháil ar an líonra le haghaidh malartuithe trasteorann leictreachais agus lena n–aisghairtear Rialachán (CE) Uimh. 1228/2003 (IO L 211, 14.8.2009, lgh. 15-35)

Nuashonraithe 24.05.2019

Top