This document is an excerpt from the EUR-Lex website
Science and technology statistics
Staidreamh eolaíochta agus teicneolaíochta
Staidreamh eolaíochta agus teicneolaíochta
This summary has been archived and will not be updated. See
'Staidreamh gnó Eorpach'
for an updated information about the subject.
- Date of last review:
- 08/09/2017
- Author:
- Oifig Foilseachán an Aontais Eorpaigh
- Responsible entity(ies):
- Eurostat
- Archived:
-
true
- Summarised document(s):
- Summary code:
-
- 27.99.00.00 Achoimrí ón gcartlann
- EUROVOC descriptor:
- Directory code:
Staidreamh eolaíochta agus teicneolaíochta
ACHOIMRE AR:
CAD IS AIDHM LEIS AN GCINNEADH?
Cuirtear córas faisnéise staidrimh ar bun leis chun tacú le beartais eolaíochta agus teicneolaíochta a bhainistiú in AE. Ar an mbealach sin is féidir measúnú a dhéanamh ar chumas taighde agus forbartha (T&F) agus cumas nuálaíochta réigiúin AE, agus tacaíocht ó na Cistí Struchtúracha á cur san áireamh.
PRÍOMHPHOINTÍ
Tá 2 phríomhghné i gceist le córas faisnéise staidrimh AE a chruthú maidir le heolaíocht, teicneolaíocht agus nuálaíocht.
- 1.
Staidreamh a sholáthar ag tíortha AE ar bhonn rialta agus de réir spriocdhátaí sonraithe, go háirithe sonraí ar an méid a leanas:
- gníomhaíocht T&F i ngach earnáil feidhmíochta,
- maoiniú na gníomhaíochta T&F, lena n-áirítear tacaíocht ón rialtas do thaighde agus d’fhorbairt, agus an ghné réigiúnach á cur san áireamh trí staidreamh a chur ar fáil atá bunaithe ar aicmiú comhchoiteann na n-aonad críche maidir le staidreamh (aicmiú NUTS).
- 2.
Athróga staidrimh nua a fhorbairt a chuirfear ar fáil ar bhonn buan. Lena mbeifí in ann faisnéis níos mionsonraithe a fháil faoi eolaíocht agus teicneolaíocht.
Go háirithe, beidh siad dírithe ar an méid a leanas a thomhas:
- toradh na ngníomhaíochtaí eolaíochta agus teicneolaíochta,
- scaipeadh eolais,
- feidhmíocht na nuálaíochta.
Réimsí tosaíochta
- Bíonn faisnéis de dhíth ar lucht déanta beartas chun beartais eolaíochta agus teicneolaíochta a cheapadh agus a mheasúnú i dtíortha AE, ós rud é go bhfuil geilleagar na dtíortha sin ag éirí níos eolasbhunaithe. Tugtar tosaíocht do shonraí a fhorbairt sna réimsí seo a leanas:
- nuálaíocht (teicneolaíochta agus neamhtheicneolaíochta araon, e.g. nuálaíocht san earnáil seirbhíse amhail athrú ar struchtúr eagrúcháin),
- na hacmhainní daonna a bhfuil baint acu le heolaíocht agus teicneolaíocht,
- paitinní (gheofar na sonraí ó oifigí paitinní náisiúnta),
- staidreamh ardteicneolaíochta (táirgí agus seirbhísí a aithint agus a aicmiú, feidhmiú eacnamaíoch agus rannchuidiú le fás eacnamaíoch a thomhas),
- staidreamh atá imdhealaithe ó thaobh inscne de (i.e. figiúirí arna ndeighilt de réir inscne) maidir le heolaíocht agus teicneolaíocht.
- Cuirfear feabhas ar chaighdeáin agus lámhleabhair maidir le coincheapa agus modhanna chomh maith, agus cuirfear béim faoi leith ar choincheapa san earnáil seirbhíse agus ar mhodhanna comhordaithe chun gníomhaíocht T&F a thomhas.
- Oibreoidh AE go dlúth leis an Eagraíocht um Chomhar agus Fhorbairt Eacnamaíochta (ECFE) agus eagraíochtaí idirnáisiúnta eile d’fhonn inchomparáideacht sonraí a áirithiú agus dúbláil iarrachtaí a sheachaint.
- In 2009, cuireadh an Coiste um an gCóras Staidrimh Eorpach in ionad an Choiste um an gClár Staidrimh. Tá sé freagrach as tacú leis an gCoimisiún Eorpach leis an gcinneadh seo a chur chun feidhme. Áirítear ar an gcoiste ionadaithe thíortha AE agus tá sé faoi chathaoirleach an Choimisiúin.
CÉN UAIR ATÁ TOSACH FEIDHME AN CHINNIDH?
Tá feidhm leis ón 6 Deireadh Fómhair 2003.
CÚLRA
Le haghaidh breis faisnéise, féach:
PRÍOMHDHOICIMÉAD
Cinneadh Uimh. 1608/2003/CE ó Pharlaimint na hEorpa agus ón gComhairle an 22 Iúil 2003 maidir le staidreamh an Chomhphobail ar eolaíocht agus theicneolaíocht a tháirgeadh agus a fhorbairt (IO L 230, 16.9.2003, lgh. 1-3)
Nuashonraithe 08.09.2017
