Le Cinneadh 2013/269/CBES ón gComhairle tugtar údarú do thíortha AE an Conradh Trádála Arm a shíniú agus le Cinneadh 2014/165/AE ón gComhairle tugtar údarú dóibh é a dhaingniú.

PRÍOMHPHOINTÍ

Is é is aidhm leis an gConradh Trádála Arm, a glacadh in 2013, cur leis an tsíocháin, an tslándáil agus an gcobhsaíocht idirnáisiúnta agus réigiúnach tríd an trádáil idirnáisiúnta i ngnáthairm a rialú agus an trádáil neamhcheadaithe arm a dhíothú.

Déantar é sin leis trí na comhchaighdeáin idirnáisiúnta is airde agus is féidir a bhunú i leith na trádála idirnáisiúnta i ngnáthairm.

Tá feidhm ag an gconradh maidir le gach gnátharm laistigh de na catagóirí seo a leanas:

tancanna catha;
feithiclí comhraic armtha;
córais airtléire mhórchalabra;
aerárthaí comhraic;
héileacaptair ionsaithe;
longa cogaidh;
diúracáin agus teilgeoirí diúracán; agus
airm bheaga agus airm éadroma.

Dírítear sa chonradh ar rialú níos freagraí na trádála arm tríd an méid seo a leanas:

a iarraidh ar thíortha easpórtála measúnú riosca críochnúil agus cuimsitheach a dhéanamh sula n-easpórtálann siad airm. Cumhdaíonn sé sin réimsí amhail an riosca um sháruithe ar chearta an duine sa tír chinn scríbe, an riosca um atreorú na n-arm easpórtáilte agus an drochthionchar a d’fhéadfadh bheith aige ar chobhsaíocht inmheánach agus réigiúnach;
a iarraidh ar thíortha a n-easpórtálacha agus a n-iompórtálacha arm a thuairisciú ar bhonn bliantúil. Ba chóir go gcuirfeadh sé sin feabhas ar thrédhearcacht.

Dá réir sin d’fhéadfaí cosc a chur leis an gConradh ar na daoine míchearta na hairm a fháil, rud a laghdóidh fulaingt daoine agus a chuirfeadh go hinbhraite leis an tsíocháin, an tslándáil agus an gcobhsaíocht idirnáisiúnta.

Ghlac AE clár um thacaíocht cur i bhfeidhm. Soláthraítear leis sin maoiniú chun tacú le hiarrachtaí tíortha an conradh a chur i bhfeidhm trína gcórais rialaithe aistrithe arm a neartú.

Tháinig an conradh i bhfeidhm an 24 Nollaig 2014.

CÉN UAIR ATÁ TOSACH FEIDHME NA GCINNTÍ?

Tá Cinneadh 2013/269/CGB i bhfeidhm ón 31 Bealtaine 2013. Tá Treoir 2014/165/AE i bhfeidhm ón 5 Márta 2014.

CÚLRA

Tá an Conradh Trádála Arm mar thoradh ar Rún na Náisiún Aonaithe in 2006 agus tá sé d’aidhm leis comhchaighdeáin idirnáisiúnta maidir le hiompórtáil, easpórtáil agus aistriú gnátharm a chur ar fáil. Siocair go dtagann gnéithe áirithe a chumhdaítear leis faoi inniúlacht AE, bhí ar thíortha AE údarú ón gComhairle a fháil chun é a shíniú agus a dhaingniú — ábhar an 2 chinneadh atá cumhdaithe san achoimre seo.

Chun tuilleadh faisnéise a fháil, féach

An Conradh Trádála Arm (An Coimisiún Eorpach)
Tagann an Conradh Trádála Arm i bhfeidhm: i dtreo trádáil arm níos freagraí agus níos trédhearcaí (An tSeirbhís Eorpach Gníomhaíochta Seachtraí)

PRÍOMHDHOICIMÉAD

Cinneadh 2013/269/CBES ón gComhairle an 27 Bealtaine 2013 lena dtugtar údarú do thíortha AE an Conradh Trádála Arm a shíniú ar mhaithe le leas an Aontais Eorpaigh (IO L 155, 7.6.2013, lch. 9)

Cinneadh 2014/165/AE ón gComhairle an 3 Márta 2014 lena dtugtar údarú do thíortha AE an Conradh Trádála Arm a dhaingniú ar mhaithe le leas an Aontais Eorpaigh (IO L 89, 25.3.2014, lch. 44)

DOICIMÉID GHAOLMHARA

Cinneadh (CBES) 2018/101 ón gComhairle an 22 Eanáir 2018 maidir le rialuithe éifeachtacha onnmhairiúcháin arm (IO L 17, 23.1.2018, lgh. 40-47)

Cinneadh (CBES) 2017/915 ón gComhairle an 29 Bealtaine 2017 maidir le gníomhaíochtaí for-rochtana an Aontais chun tacú le cur chun feidhme an Chonartha Trádála Arm (IO L 139, 30.5.2017, lgh. 38-48)

Cinneadh 2013/768/CBES ón gComhairle an 16 Nollaig 2013 maidir le gníomhaíochtaí AE le tacú le cur chun feidhme an Chonartha Trádála Arm, i gcreat straitéis slándála na hEorpa (Iris Oifigiúil L 341, 18.12.2013, lgh. 56-67).

Nuashonraithe 23.07.2018

Top

All