Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Cúnamh airgeadais don Rómáin

Legal status of the document This summary has been archived and will not be updated, because the summarised document is no longer in force or does not reflect the current situation.

Date of last review:
30/01/2017
Author:
Oifig Foilseachán an Aontais Eorpaigh
Archived:
true

Cúnamh airgeadais don Rómáin

 

ACHOIMRE AR:

Cinneadh 2009/459/CE — cúnamh airgeadais meántéarmach don Rómáin

Cinneadh 2011/288/CE — cúnamh airgeadais réamhchúraim don Rómáin

Cinneadh 2013/531/AE — cúnamh airgeadais réamhchúraim don Rómáin

CAD IS AIDHM LEIS NA CINNTÍ?

  • Is é is aidhm leo cúnamh airgeadais a sholáthar don Rómáin.
  • Chuir an tAontas Eorpach (AE) agus an Ciste Airgeadaíochta Idirnáisiúnta (CAI), le tacaíocht ó eagraíochtaí idirnáisiúnta eile, cúnamh airgeadais ar fáil don Rómáin idir 2009 agus 2015.
  • Is é is bonn le gníomhaíocht AE Rialachán (CE) Uimh. 332/2002 faoina gceadaítear don Aontas Eorpach cúnamh airgeadais meántéarmach a thabhairt do thíortha AE nach bhfuil i limistéar an euro agus a bhfuil deacrachtaí acu maidir lena gcomhardú íocaíochtaí.

PRÍOMHPHOINTÍ

  • In 2009, chomhaontaigh AE go bhfaigheadh an Rómáin €20 billiún i gcúnamh airgeadais do 2009-2011. De réir Rialachán (CE) Uimh. 332/2002, bhain an cúnamh le glacadh na Rómáine le bearta beartais eacnamaíocha a ceapadh chun comhordú inbhuanaithe íocaíochtaí a athbhunú.
  • Soláthraíodh an maoiniú trí:
  • In 2011, chomhaontaigh AE go bhfaigheadh an Rómáin cúnamh airgeadais réamhchúraim suas le €1.4 bhilliún do 2011-2013. Admhaíodh an méid seo a leanas leis an gcinneadh:
    • nach n-iarrfadh an Rómáin go n-íocfaí tráthchuid ar bith den mhaoiniú ach amháin dá mbeadh deacracht aici le comhardú na n-íocaíochtaí reatha nó gluaiseachtaí caipitil;
    • go mbreathnódh an Coimisiún Eorpach ar iarratas ar bith ón Rómáin leis an iasacht iomlán a fháil nó cuid di a fháil de bharr gur chuir an rialtas a chlár athchóirithe eacnamaíoch chun feidhme;
    • iarracht chomhpháirteach le CAI ba ea an cúnamh, inar soláthraíodh thart ar €3.6 bhilliún faoi shocrú teannta réamhchúraim,
    • gheall an Banc Domhanda go dtabharfadh sé tuilleadh tacaíocht airgeadais.
  • In 2013, chomhaontaigh AE clár úr réamhchúraim um chomhardú íocaíochtaí don Rómáin do 2013-2015. Gheall sé €2 bhilliún agus gheall CAI méid comhchosúil. Ceapadh é sin chun tacaíocht a thabhairt don tír le:
    • cobhsaíocht mhaicreacnamaíoch, fhioscach agus airgeadais a chomhdhlúthú;
    • athléimneacht agus acmhainneacht fáis an gheilleagair a mhéadú;
    • an cumas riaracháin a fheabhsú;
    • an riarachán cánach a athchóiriú, feabhas a chur ar an mbainistíocht airgeadais phoiblí agus cuideachtaí faoi úinéireacht an stáit a athstruchtúrú.
  • Níor tarraingíodh riamh ar an tacaíocht airgeadais faoi chlár 2011-2013 agus clár 2013-2015.
  • Nuair a tháinig deireadh leis an tríú clár um chúnamh airgeadais an 30 Meán Fómhair 2015, chuir AE tús lena fhaireachas iarchláir an 1 Deireadh Fómhair 2015. San fhaireachas seo:
    • dírítear ar chlár um chomhardú íocaíochtaí 2009-2011 faoina bhfuil € 3.5 bhilliún den €5 bhilliún d’iasachtaí a íocadh fós le híoc;
    • baineann sé le cuairteanna rialta a thabhairt ar an Rómáin chun measúnú a dhéanamh ar staid eacnamaíoch, fhioscach agus airgeadais na tíre;
    • is cosúil go mairfidh sé go dtí mí na Bealtaine 2018 nuair a bheifear ag súil go mbeidh 70 % den bhuniasacht íoctha ar ais.

CÉN UAIR ATÁ TOSACH FEIDHME NA GCINNTÍ?

  • Tháinig Cinneadh 2009/459 ón gComhairle i bhfeidhm an 11 Bealtaine 2009.
  • Tháinig Cinneadh 2011/288/AE ón gComhairle i bhfeidhm an 13 Bealtaine 2011.
  • Tháinig Cinneadh 2013/531/AE ón gComhairle i bhfeidhm an 25 Deireadh Fómhair 2013.

CÚLRA

  • I mí Feabhra 2002, thug Comhairle AE an chumhacht don Aontas Eorpach chun iasachtaí a dheonú do thíortha AE a raibh deacrachtaí acu i ndáil lena gcomhordú íocaíochtaí nó lena ngluaiseachtaí caipitil, nó a raibh deacrachtaí i ndáil leo sin ag bagairt orthu.
  • Níl an cúnamh airgeadais sin ar fáil ach amháin i gcás tíortha nach n-úsáideann an euro.
  • Rinne an Rómáin iarratas ar chúnamh den chéad uair in 2009 nuair a tháinig laghdú 30 % i gcoinne an euro le linn na 15 mhí roimhe sin agus nuair a tháinig méadú gasta ar na heasnaimh ina buiséad agus ina cuntas reatha i ngeall ar an ngéarchéim airgeadais.
  • Chun tuilleadh faisnéise a fháil, féach:

PRÍOMHDHOICIMÉAD

Cinneadh 2009/459/CE ón gComhairle an 6 Bealtaine 2009 lena soláthraítear cúnamh airgeadais meántéarmach ón gComhphobal don Rómáin (IO L 150, 13.6.2009, lgh. 8-10)

Rinneadh leasuithe comhleanúnacha ar Threoir 2009/459/CE a chorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.

Cinneadh 2011/288/AE ón gComhairle an 12 Bealtaine 2011 lena soláthraítear cúnamh airgeadais réamhchúraim ó AE don Rómáin (IO L 132, 19.5.2011, lgh. 15-17)

Cinneadh 2013/531/AE ón gComhairle an 22 Deireadh Fómhair 2013 lena soláthraítear cúnamh airgeadais réamhchúraim ón Aontas don Rómáin (IO L 286, 29.10.2013, lgh. 1-3)

DOICIMÉID GHAOLMHARA

Rialachán (CE) Uimh. 332/2002 ón gComhairle an 18 Feabhra 2002 lena mbunaítear saoráid trína soláthraítear cúnamh airgeadais meántéarmach i leith chomharduithe íocaíochtaí na mBallstát (IO L 53, 23.2.2002, lgh. 1-3).

Féach an leagan comhdhlúite.

Nuashonraithe 30.01.2017

Top