An Ghníomhaireacht Feidhmiúcháin um Fhiontair Bheaga agus Mheánmhéide de chuid AE

Cuireadh an Ghníomhaireacht Feidhmiúcháin um Fhiontair Bheaga agus Mheánmhéide ar bun ag an Choimisiún Eorpach chun sraith clár, ar mhaithe le gnóthas beag, a bhainistiú.

ACHT

Cinneadh Cur Chun Feidhme 2013/771/AE ón gCoimisiún an 17 Nollaig 2013 lena mbunaítear An Ghníomhaireacht Feidhmiúcháin um Fhiontair Bheaga agus Mheánmhéide agus lena n-aisghairtear Cinneadh 2004/20/CE agus Cinneadh 2007/372/CE.

ACHOIMRE

Déanann ranna an Choimisiúin Eorpaigh beartais a fhoirmiú sna réimsí as a bhfuil siad freagrach, agus cuirtear de dhualgas ar ghníomhaireachtaí amhail an Ghníomhaireacht Feidhmiúcháin um Fhiontair Bheaga agus Mheánmhéide (EASME) na cláir a mhaoinítear ag an Choimisiún Eorpach sna réimsí seo a bhainistiú.

Is iad príomhthascanna EASME ná:

• saolré na dtionscadal (gairmeacha tograí, measúnú ar thionscadail, conarthaí a phlé agus idirchaidreamh leanúnach a dhéanamh le tairbhithe deontais) a bhainistiú agus faireachán a dhéanamh uirthi;
• cur i bhfeidhm bhuiséid an chláir a bhainistiú.

Tá EASME freagrach as na cláir seo a leanas a bhainistiú:

• COSME - clár AE maidir le hiomaíochas fiontar agus fiontair bheaga agus mheánmhéide (FBManna), lena n-áirítear an Líonra Fiontar Eorpach (LFE) agus An Eoraip Agatsa - Gnó;
• codanna de chreatchlár AE um thaighde agus um nuálaíocht, Fís 2020 , go háirithe:
  • Cuid II Ceannaireacht thionsclaíoch: Nuálaíocht i FBManna (lena n-áirítear Deasc Chabhrach um Chearta Maoine Intleachtúla na hEorpa), an Scéim Ísealcharbóin um Thionscal Inbhuanaithe (SILC II) agus cuid de Cheannaireacht i dTeicneolaíochtaí Cumasaithe agus Tionsclaíocha;
  • Cuid III Dúshláin sochaí: an chuid maidir le héifeachtúlacht fuinnimh den dúshlán Fuinneamh Slán, Fuinneamh Glan agus Fuinneamh Éifeachtúil; gairmeacha tograí i réimse an uisce, na nuálaíochta uisce agus sholáthar an amhábhair faoin dúshlán Athrú Aeráide, an Comhshaol, Éifeachtúlacht Fuinnimh agus Amhábhair agus an ionstraim um FBManna;
• clár AE um an comhshaol agus um ghníomhú ar son na haeráide (LIFE);
• cuid den Chiste Eorpach Muirí agus Iascaigh (CEMI);
• leagáid an chláir Stuamacht Fuinnimh - An Eoraip agus an tionscnaimh Éiceanuálaíochta.

Tá an ghníomhaireacht atá lonnaithe sa Bhruiséil freagrach chomh maith as an tSeachtain Eorpach um Fhuinneamh Inbhuanaithe a reáchtáil.

Cuireadh EASME in ionad na Gníomhaireachta Feidhmiúcháin um Iomaíochas agus Nuálaíocht, cinneadh a bheidh feidhm aige go dtí an 31 Nollaig 2024.

ACHTANNA GAOLMHARA

Rialachán (CE) Uimh. 58/2003 ón gComhairle an 19 Nollaig 2002 lena leagtar síos an reacht chun cúram áirithe a chur ar ghníomhaireachtaí feidhmiúcháin maidir le cláir an Chomhphobail a bhainistiú. (IO L 11, an 16 Eanáir 2003, lgh. 1-8).

Rialachán (CE) Uimh. 1653/2004 ón gCoimisiún an 21 Meán Fómhair 2004 maidir le rialachán caighdeánach airgeadais le haghaidh gníomhaireachtaí feidhmiúcháin de bhun Rialacháin (CE) Uimh. 58/2003 ón gComhairle lena leagtar síos an reacht chun cúram áirithe a chur ar ghníomhaireachtaí feidhmiúcháin maidir le cláir an Chomhphobail a bhainistiú (IO L 297, an 22 Meán Fómhair 2004, lgh. 6-16).

Nuashonrú is déanaí: 23.07.2014