This document is an excerpt from the EUR-Lex website
Document 62022TN0077
Case T-77/22: Action brought on 9 February 2022 — Asesores Comunitarios v Commission
Cás T-77/22: Caingean arna tabhairt an 9 Feabhra 2022 – Asesores Comunitarios v an Coimisiún
Cás T-77/22: Caingean arna tabhairt an 9 Feabhra 2022 – Asesores Comunitarios v an Coimisiún
IO C 138, 28.3.2022, p. 31–31
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
IO C 138, 28.3.2022, p. 20–20
(GA)
28.3.2022 |
GA |
Iris Oifigiúil an Aontais Eorpaigh |
C 138/20 |
Caingean arna tabhairt an 9 Feabhra 2022 – Asesores Comunitarios v an Coimisiún
(Cás T-77/22)
(2022/C 138/36)
Teanga an cháis: an Béarla
Páirtithe
Iarratasóir: Asesores Comunitarios SL (Maidrid, an Spáinn) (ionadaí: J. Monrabà Bagan, Dlíodóir)
Cosantóir: An Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
— |
Cinneadh Uimh. C(2021) 8946 final an 3 Nollaig 2021 lena diúltaíodh do phlean téarnaimh agus athléimneachta na Spáinne a nochtadh a chur ar neamhní; agus |
— |
a ordú don chosantóir na costais a íoc. |
Saincheisteanna dlí agus príomhargóintí.
Mar thaca leis an gcaingean, maíonn an t-iarratasóir ceithre shaincheist dlí.
1. |
An chéad saincheist dlí lena n-éilítear gur chuir an cosantóir an ceathrú fleasc d’Airteagal 4(1)(a), de Rialachán (CE) Uimh. 1049/2001 (1) chun mífheidhme leis an mbonn a bhaint de leas an phobail i leith beartais airgeadais agus eacnamaíoch. Thairis sin, éilítear nár sonraíodh na fíricí a bhaineann le bagairt hipitéiseach ar chobhsaíocht eacnamaíoch Ríocht na Spáinne go cruinn sa chinneadh atá faoi chonspóid toisc gur nochtadh a plean téarnaimh agus athléimneachta don iarratasóir. |
2. |
An dara saincheist dlí lena n-éilítear gur chuir an cosantóir Airteagal 4(1)(b) de Rialachán (CE) Uimh. 1049/2001 chun mífheidhme trína mheas go sárófaí príobháideachas agus sláine na ndaoine aonair a luaitear sna doiciméid a iarradh a nochtadh go poiblí. |
3. |
An tríú saincheist dlí lena n-éilítear gur chuir an cosantóir Airteagal 4(3) de Rialachán (CE) Uimh. 1049/2001 chun mífheidhme trína mheas go mbainfí an bonn go mór den phróiseas leanúnach cinnteoireachta leis na doiciméid a iarradh a nochtadh go poiblí. |
4. |
An ceathrú saincheist dlí lena n-éilítear gur chuir an cosantóir Airteagal 4(3) de Rialachán (CE) Uimh. 1049/2001 chun mífheidhme trína mheas nár bunaíodh aon leas sáraitheach i ndáil leis na doiciméid a iarradh a nochtadh ag a bhfuil tosaíocht ar an bpróiseas leanúnach cinnteoireachta. |
(1) Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid de chuid Pharlaimint na hEorpa, na Comhairle agus an Choimisiúin (IO 2001 L 145, lch. 43 – 48).