1)

An gcaithfear an téarma “coinníollacha fostaíochta” i gclásal 4 den Chomhaontú Réime maidir le hobair pháirtaimseartha de Threoir 97/81/CE ón gComhairle an 15 Nollaig 1997 i ndáil leis an gComhaontú Réime maidir le hobair pháirtaimseartha arna thabhairt i gcrích ag UNICE, CEEP agus ETUC (1) a léiriú sa chaoi go n-áirítear sochar ón Slándáil Shóisialta de bhun scoir pháirtigh leis, nach féidir le tairbhithe an tsochair sin ach a bheith ina n-oibrithe lánaimseartha agus ní ina n-oibrithe páirtaimseartha?

2)

An gcaithfear an téarma “oibrithe páirtaimseartha” i gclásail 2 agus 3 de Threoir 97/81/CE a léiriú sa chaoi go dtugtar le tuiscint leis go n-áirítear oibrithe buana seasúracha [atá ar chonradh “contrato fijo-discontinuo”] leis?

3)

An gcaithfear an ceathrú clásal den Chomhaontú Réime de Threoir 97/81/CE a léiriú sa chaoi go gcuirtear cosc leis ar reachtaíocht lena n-eisiatar oibrithe páirtaimseartha ó rochtain a fháil ar phinsean scoir pháirtigh le conradh faoisimh [“contrato de relevo”], agus dá bhrí sin go ndéantar idirdhealú nach bhfuil údar leis ar chúiseanna oibiachtúla léi, maidir leis na hoibrithe lánaimseartha?

4)

An gcaithfear Treoir 79/7/CEE ón gComhairle an 19 Nollaig 1978 maidir le prionsabal na córa comhionainne idir fir agus mná i gcúrsaí slándála sóisialta a chur chun feidhme de réir a chéile (2) a léiriú sa chaoi go gcuirtear cosc léi ar riail, amhail an riail náisiúnta, lena n-eisiatar oibrithe páirtaimseartha ó bheith ina dtairbhithe agus mar sin ó bheith in ann rochtain a fháil ar an bpinsean scoir pháirtigh (le cur i gcrích conartha faoisimh go comhuaineach), agus sa chaoi sin go ndéantar idirdhealú ar bhonn gnéis léi, nach bhfuil údar leis ar chúiseanna oibiachtúla?