—

ag féachaint do Chairt um Chearta Bunúsacha an Aontais Eorpaigh (“an Chairt”) agus go háirithe Airteagail 7, 8, 11, 12, 39, 40, 47 agus 52 di,

—

ag féachaint do Chairt na Náisiún Aontaithe, go háirithe Airteagail 1 agus 2 de,

—

ag féachaint do rún 2131 (XX) an 21 Nollaig 1965 ó Chomhthionól Ginearálta na Náisiún Aontaithe dar teideal Declaration on the Inadmissibility of Intervention in the Domestic Affairs of States and the Protection of their Independence and Sovereignty [Dearbhú maidir le Neamh-inghlacthacht Idirghabhála i nGnóthaí Intíre Stát agus le Cosaint a Neamhspleáchais agus a gCeannasachta],

—

ag féachaint don Choinbhinsiún chun Cearta an Duine agus Saoirsí Bunúsacha a Chosaint, agus go háirithe Airteagail 8, 9, 10, 11, 12, 13, 14, 16 agus 17 de, agus don Phrótacal a ghabhann leis, agus go háirithe Airteagal 3 de,

—

ag féachaint do rún uaithi an 23 Samhain 2016 maidir le cumarsáid straitéiseach AE chun gníomhú in aghaidh bolscaireacht a dhéanann tríú páirtithe ina choinne (1) agus do mholadh uaithi an 13 Márta 2019 maidir le machnamh a dhéanamh ar an obair leantach a rinne SEGS dhá bhliain tar éis thuarascáil PE maidir le cumarsáid straitéiseach AE chun gníomhú in aghaidh bolscaireacht a dhéanann tríú páirtithe ina choinne (2),

—

ag féachaint do rún uaithi an 13 Meitheamh 2018 maidir le cibearchosaint (3),

—

ag féachaint do na teachtaireachtaí comhpháirteacha ón gCoimisiún agus ó Ardionadaí an Aontais do Ghnóthaí Eachtracha agus don Bheartas Slándála an 5 Nollaig 2018 dar teideal Action Plan against Disinformation [Plean Gníomhaíochta i gcoinne na Bréagaisnéise] (JOIN(2018)0036) agus an 14 Meitheamh 2019 dar teideal Report on the implementation of the Action Plan Against Disinformation [Tuarascáil maidir le cur chun feidhme an Phlean Gníomhaíochta i gcoinne na Bréagaisnéise] (JOIN(2019)0012),

—

ag féachaint do dhoiciméad inmheánach oibre comhpháirteach an 23 Meitheamh 2021 i dtaca leis an gCúigiú Tuarascáil ar Dhul Chun Cinn maidir le cur chun feidhme Chreat Comhpháirteach 2016 maidir le cur i gcoinne bagairtí hibrideacha agus do Theachtaireacht Chomhpháirteach 2018 maidir leis an athléimneacht a mhéadú agus inniúlachtaí a threisiú chun aghaidh a thabhairt ar bhagairtí hibrideacha (SWD(2021)0729),

—

ag féachaint don Phlean Gníomhaíochta um an Daonlathas Eorpach (COM(2020)0790),

—

ag féachaint do theachtaireacht ón gComhairle an 3 Nollaig 2020 dar teideal Europe’s Media in the Digital Decade: An Action Plan to Support Recovery and Transformation [Meáin na hEorpa sa Deacáid Dhigiteach: Plean Gníomhaíochta chun Tacú le Téarnamh agus Claochlú] (COM(2020)0784),

—

ag féachaint don Ionstraim um Sheirbhísí Digiteacha,

—

ag féachaint don teachtaireacht ón gComhairle an 20 Deireadh Fómhair 2021 dar teideal Europe’s Media in the Digital Decade: An Action Plan to Support Recovery and Transformation [Meáin na hEorpa sa Deacáid Dhigiteach: Plean Gníomhaíochta chun Tacú leis an Téarnamh agus leis an gClaochlú] (4),

—

ag féachaint do Chód Cleachtais 2018 maidir le bréagaisnéis agus do Threoir 2021 maidir leis an gCód Cleachtais maidir le Bréagaisnéis a Neartú (COM(2021)0262), agus do na Moltaí don Chód nua Cleachtais maidir le bréagaisnéis arna n-eisiúint ag Grúpa na Rialtóirí Eorpacha um Sheirbhísí Meán Closamhairc i mí Dheireadh Fómhair 2021,

—

ag féachaint do Thuarascáil Speisialta Uimh. 09/2021 ó Chúirt Iniúchóirí na hEorpa dar teideal Disinformation affecting the EU: tackled but not tamed [An Bhréagaisnéis a dhéanann difear do AE: lansaithe seachas ceansaithe],

—

ag féachaint do thogra ón gCoimisiún an 16 Nollaig 2020 le haghaidh treoir ó Pharlaimint na hEorpa agus ón gComhairle maidir le hathléimneacht na n-eintiteas criticiúil (COM(2020)0829) agus don iarscríbhinn atá beartaithe a ghabhann leis an treoir,

—

ag féachaint do Rialachán (AE) 2019/452 ó Pharlaimint na hEorpa agus ón gComhairle an 19 Márta 2019 lena mbunaítear creat maidir le hinfheistíochtaí díreacha coigríche isteach san Aontas a scagadh (5) (an Rialachán um Scagadh IDC) agus Treoir mhí an Mhárta 2020 maidir leis an Rialachán maidir le Scagadh IDC (C(2020)1981),

—

ag féachaint do theachtaireacht chomhpháirteach ón gCoimisiún agus ó Ardionadaí an Aontais do Ghnóthaí Eachtracha agus don Bheartas Slándála an 16 Nollaig 2020 dar teideal The EU’s Cybersecurity Strategy for the Digital Decade [Straitéis Chibearshlándála AE don Deacáid Dhigiteach] (JOIN(2020)0018),

—

ag féachaint d’Airteagail an Choimisiúin Dlí Idirnáisiúnta maidir le Freagracht na Stát i leith Gníomhartha Éagóracha ar Leibhéal Idirnáisiúnta,

—

ag féachaint do thogra ón gCoimisiún an 16 Nollaig 2020 le haghaidh treoir ó Pharlaimint na hEorpa agus ón gComhairle maidir le bearta le haghaidh ardleibhéal cibearshlándála coiteann ar fud an Aontais, lena n-aisghairtear Treoir (AE) 2016/1148 (COM(2020)0823),

—

ag féachaint d’fhoireann uirlisí an Aontais de bhearta maolaithe riosca maidir le cibearshlándáil líonraí 5G, Márta 2021,

—

ag féachaint do Rialachán (AE) 2019/881 ó Pharlaimint na hEorpa agus ón gComhairle an 17 Aibreán 2019 maidir le ENISA (Gníomhaireacht an Aontais Eorpaigh um Chibearshlándáil) agus maidir le deimhniú i ndáil le cibearshlándáil theicneolaíocht na faisnéise agus na cumarsáide agus lena n-aisghairtear Rialachán (AE) Uimh. 526/2013 (6),

—

ag féachaint do staidéir, seisiúin faisnéise agus grinnanailís arna n-iarraidh ag an gCoiste Speisialta um an Trasnaíocht Eachtrach ar na Próisis Dhaonlathacha Uile san Aontas Eorpach, lena n-áirítear Bréagaisnéis (INGE),

—

ag féachaint d’éisteacht Frances Haugen an 8 Samhain 2021 a d’eagraigh a Coiste um an Margadh Inmheánach agus um Chosaint an Tomhaltóra, i gcomhar le coistí eile,

—

ag féachaint do rún uaithi an 7 Deireadh Fómhair 2021 maidir le staid chumais chibearchosanta AE (7),

—

ag féachaint do Spriocanna Forbartha Inbhuanaithe na Náisiún Aontaithe (SDGanna), agus go háirithe do SDG 16, atá dírithe ar shochaithe síochánta agus cuimsitheacha a chur chun cinn d’fhorbairt inbhuanaithe,

—

ag féachaint d’Aitheasc ar Staid an Aontais 2021 agus don litir intinne,

—

ag féachaint do thuarascáil Ard-Rúnaí na Náisiún Aontaithe an 10 Meán Fómhair 2021 dar teideal Our Common Agenda [Ár gComhchlár Oibre],

—

ag féachaint do theachtaireacht chomhpháirteach ón gCoimisiún agus ó Ardionadaí an Aontais do Ghnóthaí Eachtracha agus don Bheartas Slándála an 10 Meitheamh 2020 dar teideal Tackling COVID-19 disinformation – Getting the facts right [Dul i ngleic le bréagaisnéis maidir le COVID-19 – Léamh ceart ar na fíorais] (JOIN(2020)0008),

—

ag féachaint do chinneadh ón gComhairle an 15 Samhain 2021 leasú a dhéanamh ar a córas smachtbhannaí maidir leis an mBealarúis chun na critéir ainmniúcháin a leathnú chun díriú ar dhaoine aonair agus ar eintitis a eagraíonn ionsaithe hibrideacha agus ionstraimiú daoine ag réimeas na Bealarúise, nó a thugann rannchuidiú ina leith,

—

ag féachaint do chinneadh uaithi an 18 Meitheamh 2020 maidir le coiste speisialta um an trasnaíocht eachtrach ar na próisis dhaonlathacha uile san Aontas Eorpach a chur ar bun, lena n-áirítear bréagaisnéis, agus lena sainítear a fhreagrachtaí, a neart uimhriúil agus a théarma oifige (8), arna ghlacadh faoi Riail 207 dá Rialacha Nós Imeachta,

—

ag féachaint do Riail 54 dá Rialacha Nós Imeachta,

—

ag féachaint don tuarascáil ón gCoiste Speisialta um an Trasnaíocht Eachtrach ar na Próisis Dhaonlathacha Uile san Aontas Eorpach, lena n-áirítear Bréagfhaisnéis (A9-0022/2022),

A.

de bhrí gur sárú tromchúiseach é trasnaíocht eachtrach ar na luachanna agus na prionsabail uilíocha ar a bhfuil an tAontas fothaithe, amhail dínit an duine, an tsaoirse, an comhionannas, an dlúthpháirtíocht, an meas ar chearta an duine agus ar shaoirsí bunúsacha, an daonlathas agus an smacht reachta;

B.

de bhrí gur mí-úsáid ar na saoirsí bunúsacha chun tuairimí a nochtadh agus faisnéis a fháil mar a leagtar síos in Airteagal 11 den Chairt iad trasnaíocht eachtrach, cúbláil faisnéise agus bréagaisnéis, go gcuireann siad na saoirsí sin i mbaol, agus go mbaineann siad an bonn de phróisis dhaonlathacha in AE agus ina Bhallstáit, amhail saorthoghcháin chóra a reáchtáil; de bhrí gurb é cuspóir na trasnaíochta eachtraí fíorais a shaobhadh nó iad a chur in iúl go bréagach, argóintí leataobhacha a bhoilsciú go saorga, míchlú a tharraingt ar fhaisnéis chun dioscúrsa polaitiúil a dhíghrádú agus ar deireadh an bonn a bhaint den mhuinín as an gcóras toghcháin agus dá bhrí sin as an bpróiseas daonlathach féin;

C.

de bhrí go bhfuil an Rúis rannpháirteach sa bhréagaisnéis le mailís agus ar mhéid nárbh fhacthas cheana ar fud na n-eagraíochtaí meán traidisiúnta agus ardáin na meán sóisialta araon, chun dallamullóg a chur ar a saoránaigh sa bhaile agus ar an gcomhphobal idirnáisiúnta roimh ionsaí a dhéanamh ar an Úcráin agus le linn na hionsaitheachta sin, ar chuir an Rúis tús leis an 24 Feabhra 2022, lena gcruthaítear gur féidir faisnéis a armú fiú;

D.

de bhrí nach mór go n-urramódh aon chaingean i gcoinne trasnaíocht eachtrach agus cúbláil faisnéise na saoirsí bunúsacha chun tuairimí a nochtadh agus faisnéis a fháil; de bhrí go bhfuil ról lárnach ag Gníomhaireacht an Aontais Eorpaigh um Chearta Bunúsacha (FRA) maidir le meastóireacht a dhéanamh ar urraim do chearta bunúsacha, lena n-áirítear Airteagal 11 den Chairt, chun gníomhaíochtaí díréireacha a sheachaint; de bhrí go mbaineann na gníomhaithe a théann i mbun cur isteach eachtrach agus ionramháil ar fhaisnéis mí-úsáid as na saoirsí sin chun a leasa féin agus go bhfuil sé ríthábhachtach, dá bhrí sin, dlús a chur leis an gcomhrac réamhchúraim i gcoinne cur isteach eachtrach agus ionramháil ar fhaisnéis toisc go mbraitheann an daonlathas ar dhaoine a dhéanann cinntí eolasacha;

E.

de bhrí go léiríonn an fhianaise go n-úsáideann gníomhaithe mailíseacha forlámhacha eachtracha stáit agus neamhstáit, amhail an Rúis, an tSín agus gníomhaithe eile, cúbláil faisnéise agus oirbheartaíochtaí trasnaíochta eile chun cur isteach ar phróisis dhaonlathacha in AE; de bhrí go ndéanann na hionsaithe sin, atá mar chuid de straitéis cogaíochta hibridí agus ar sárú ar an dlí idirnáisiúnta iad, dallamullóg a chur ar shaoránaigh agus tionchar a imirt ar a n-iompraíocht vótála, díospóireachtaí conspóideacha a mhéadú, leochaileachtaí sochaithe a dheighilt, a pholarú agus a dhúshaothrú, fuathchaint a chur chun cinn, staid na ngrúpaí leochaileacha a bheith níos measa as ar dóchúla go mbeidís ina n-íospartaigh bréagaisnéise, sláine toghchán agus reifreann daonlathach a shaobhadh, mímhuinín as na rialtais náisiúnta, údaráis phoiblí agus an t-ord daonlathach liobrálach a chothú agus a bhfuil sé mar aidhm acu an daonlathas Eorpach a dhíchobhsú, agus ar bagairt thromchúiseach iad ar an tslándáil agus ar an gceannasacht san Aontas;

F.

de bhrí gur patrún iompraíochta í an trasnaíocht eachtrach a chuireann luachanna, nósanna imeachta daonlathacha, próisis pholaitiúla, slándáil stát agus saoránach, agus an cumas déileáil le himthosca eisceachtúla i mbaol, nó a mbíonn drochthionchar aici orthu; de bhrí gur de chineál cúblálach í an trasnaíocht sin, agus go ndéantar í a stiúradh agus a mhaoiniú d’aon ghnó agus ar bhealach comhordaithe; de bhrí go bhféadfaidh na daoine atá freagrach as trasnaíocht den sórt sin, lena n-áirítear a n-ionadaithe laistigh agus lasmuigh dá gcríoch féin, a bheith ina ngníomhaithe stáit nó neamhstáit agus gur minic sa trasnaíocht eachtrach go gcuidíonn cionpháirtithe polaitiúla sna Ballstáit leo a bhaineann buntáistí polaitiúla agus eacnamaíocha as tús áite a thabhairt do straitéisí eachtracha; de bhrí go ndéanann an úsáid a bhaineann gníomhaithe eachtrannacha as ionadaithe baile agus comhar le comhghuaillithe baile an difear idir trasnaíocht eachtrach agus intíre a dhoiléiriú;

G.

de bhrí gurb iomaí foirm a bhaineann le hoirbheartaíochtaí na trasnaíochta eachtraí, lena n-áirítear bréagaisnéis agus ceilt faisnéise, cúbláil ardán na meán sóisialta agus na n-algartam lena mbaineann, téarmaí agus coinníollacha, agus córais fógraíochta, cibirionsaithe, oibríochtaí haiceála agus sceite agus chun rochtain a fháil ar fhaisnéis vótálaithe agus chun cur isteach ar dhlisteanacht an phróisis toghcháin, bagairtí ar iriseoirí agus ciapadh iriseoirí, taighdeoirí, polaiteoirí agus comhaltaí d’eagraíochtaí na sochaí sibhialta, tabhartais agus iasachtaí ceilte do pháirtithe polaitiúla, feachtais a thugann tús áite d’iarrthóirí ar leith, eagraíochtaí agus soláthraithe meán, bréag- nó seach-sholáthraithe agus seach-eagraíochtaí meán, gabháil éilíte agus comhthoghadh, airgead a fhaightear go neamhdhleathach, bréag-personaes agus bréag-chéannachtaí, brú féinchinsireachta a dhéanamh, saothrú mí-úsáideach insintí stairiúla, reiligiúnacha agus cultúrtha, brú ar institiúidí oideachais agus cultúrtha, seilbhghlacadh ar bhonneagar criticiúil, brú a chur ar náisiúnaigh eachtrannacha atá ina gcónaí san Aontas, ionstraimiú na himirce agus spiaireacht; de bhrí gur minic a dhéantar na hoirbheartaíochtaí sin le chéile chun gur mó tionchar a bheidh acu;

H.

de bhrí go bhféadfaidh cúbláil faisnéise agus leathadh na bréagaisnéise freastal ar leasanna eacnamaíocha gníomhaithe stáit agus neamhstáit agus a n-ionadaithe, agus go bhféadfaidh spleáchais eacnamaíocha teacht astu ar féidir iad a shaothrú chun aidhmeanna polaitiúla a bhaint amach; de bhrí, i ndomhan ina bhfuil iomaíocht idirnáisiúnta neamhchinéiteach, go bhféadfaidh trasnaíocht eachtrach a bheith ina príomhuirlis chun contrapháirteanna spriocdhírithe a dhíchobhsú agus a lagú, nó chun borradh a chur faoin mbuntáiste iomaíoch féin trí bhealaí tionchair, spleáchais sa slabhra soláthair, dúmhál nó comhéigean a bhunú; de bhrí go bhfuil an bhréagaisnéis ina cúis le damáiste eacnamaíoch díreach agus indíreach nach ndearnadh measúnú córasach uirthi;

I.

de bhrí gur faisnéis a léirítear ar bhonn infhíoraithe a bheith bréagach í an mhífhaisnéis nach bhfuil sé i gceist léi dochar a dhéanamh, agus gur faisnéis a léirítear ar bhonn infhíoraithe a bheith bréagach nó míthreorach í an bhréagaisnéis a chruthaítear, a thíolactar nó a scaiptear d’aon ghnó d’fhonn dochar a dhéanamh don tsochaí nó a d’fhéadfadh tionchar suaiteach a bheith aici ar an tsochaí trí dhallamullóg a chur ar an bpobal nó ar mhaithe le gnóthachan eacnamaíoch d’aon ghnó;

J.

de bhrí gur gá teacht ar chomhaontú laistigh den Aontas maidir le sainmhínithe agus modheolaíochtaí coiteanna agus mionsonraithe chun feabhas a chur ar an tuiscint chomhroinnte ar na bagairtí agus chun caighdeáin iomchuí AE a fhorbairt maidir le sannadh agus freagairt níos fearr; de bhrí go bhfuil neart oibre déanta ag an tSeirbhís Eorpach Gníomhaíochta Seachtraí (SEGS) sa réimse sin; de bhrí nach mór do na sainmhínithe seo neamh-thréscaoilteacht i leith trasnaíocht sheachtrach agus urraim do chearta an duine a ráthú; de bhrí gur den ríthábhacht é an comhar le comhpháirtithe atá ar aon intinn, i bhfóraim idirnáisiúnta ábhartha, maidir le comhshainiú na trasnaíochta eachtraí chun noirm agus caighdeáin idirnáisiúnta a bhunú; de bhrí gur cheart do AE a bheith ar thús cadhnaíochta a mhéid a bhaineann le rialacha idirnáisiúnta soiléire a bhunú maidir le sannadh na trasnaíochta eachtraí;

K.

de bhrí go bhfuil méadú ag teacht ar iarrachtaí trasnaíochta eachtraí ar fud an domhain agus go bhfuil siad ag éirí níos sistéamaí agus níos sofaisticiúla, bunaithe ar úsáid fhorleathan na hintleachta saorga (IS) agus ar chreimeadh inrianaitheachta;

L.

de bhrí go bhfuil sé de dhualgas ar AE agus ar a Bhallstáit gach saoránach, bonneagar, agus córas daonlathacha siúd, a chosaint ar iarrachtaí trasnaíochta eachtraí; de bhrí, áfach, go ndealraíonn sé nach bhfuil na hacmhainní iomchuí agus leordhóthanacha ag AE agus a Bhallstáit chun gur fearr is féidir na bagairtí sin a chosc, a bhrath, a shannadh a chomhrac agus smachtbhannaí a fhorchur orthu;

M.

de bhrí go bhfuil easpa feasachta go ginearálta i measc lucht ceaptha beartas, agus saoránach i gcoitinne, maidir le fírinne na saincheisteanna sin, rud a d’fhéadfadh cur go neamhdheonach le tuilleadh leochaileachtaí a oscailt; de bhrí nach bhfuil saincheist na bhfeachtas bréagaisnéise ar bharr chlár oibre lucht ceaptha beartas na hEorpa; de bhrí gur rannchuidigh éisteachtaí agus obair Choiste Speisialta INGE le haitheantas an phobail agus le comhthéacsú na saincheisteanna sin agus gur éirigh leo creat a chur ar an díospóireacht Eorpach maidir le trasnaíocht eachtrach; de bhrí gur rannchuidigh iarrachtaí fadtéarmacha bréagaisnéise eachtraí le teacht chun cinn na bréagaisnéise ón tír istigh;

N.

de bhrí go bhfuil sé ríthábhachtach faireachán trédhearcach a dhéanamh ar staid na trasnaíochta eachtraí i bhfíor-am ag comhlachtaí institiúideacha agus ag anailísithe agus seiceálaithe fíricí neamhspleácha, comhordú éifeachtach ar a gcuid gníomhaíochtaí agus malartú faisnéise ionas go ndéanfar gníomhaíocht iomchuí ní hamháin chun faisnéis a chur ar fáil faoi ionsaithe mailíseacha leanúnacha ach chun iad a chomhrac freisin; de bhrí nach mór aird den chineál céanna a thabhairt ar an tsochaí a mhapáil, na limistéir is leochailí agus is soghabhálaí i leith na cúblála eachtraí agus na bréagaisnéise a shainaithint, agus dul i ngleic leis na cúiseanna atá leis na leochaileachtaí sin;

O.

de bhrí go n-éilíonn an chéad tosaíocht i gcosaint AE, i.e. athléimneacht agus ullmhacht shaoránaigh AE maidir le cur isteach eachtrach agus ionramháil ar fhaisnéis, go mbeidh cur chuige fadtéarmach agus uileshochaí ann, ag tosú leis an oideachas agus le feasacht ar na fadhbanna a ardú ag luathchéim;

P.

de bhrí gur gá comhoibriú agus comhordú ar fud na leibhéal riaracháin agus na n-earnálacha riaracháin i measc na mBallstát, ar leibhéal AE agus le tíortha atá ar aon intinn leo, agus leis an tsochaí shibhialta agus leis an earnáil phríobháideach, chun leochaileachtaí a shainaithint, ionsaithe a bhrath agus iad a neodrú; de bhrí go bhfuil géarghá leis an dearcadh ar na bagairtí a shioncrónú leis an tslándáil náisiúnta;

Q.

de bhrí gurb iad feasacht staide, córais dhaonlathacha stóinseacha, an smacht reachta láidir, sochaí shibhialta bhríomhar, luathrabhadh agus measúnú ar bhagairtí na chéad chéimeanna chun cur i gcoinne ionramháil agus cur isteach ar fhaisnéis; de bhrí in ainneoin an dul chun cinn ar fad a rinneadh chun feasacht a mhúscailt maidir leis an trasnaíocht eachtrach, nach bhfuil roinnt mhaith daoine, lena n-áirítear lucht ceaptha beartas agus státseirbhísigh atá ag obair sna réimsí a bhféadfaí díriú orthu, fós ar an eolas faoi na rioscaí a d’fhéadfadh a bheith ag baint le trasnaíocht eachtrach agus conas dul i ngleic leo;

R.

de bhrí go bhfuil meáin nuachta agus iriseoireacht ghairmiúil atá ar ardcháilíocht, a mhaoinítear go hinbhuanaithe agus go trédhearcach, agus atá neamhspleách bunriachtanach do shaoirse agus d’iolrachas na meán agus don smacht reachta, agus dá bhrí sin gur colún den daonlathas iad agus gurb iad an leigheas is fearr ar an mbréagaisnéis iad; de bhrí go mbaineann roinnt gníomhaithe eachtracha leas as an tsaoirse atá ag meáin an iarthair chun bréagaisnéis a leathadh; de bhrí go bhfuil na meáin ghairmiúla agus an iriseoireacht thraidisiúnta, mar fhoinse faisnéise d’ardchaighdeán, ag dul i ngleic le tréimhsí dúshlánacha sa ré dhigiteach; de bhrí go bhfuil oideachas agus oiliúint ar ardchaighdeán san iriseoireacht laistigh agus lasmuigh de AE riachtanach chun anailís luachmhar iriseoireachta agus ardchaighdeáin eagarthóireachta a áirithiú; de bhrí gur riachtanach don Aontas leanúint de bheith ag tacú leis an iriseoireacht sa timpeallacht dhigiteach; de bhrí gur cheart go mbeadh ról tábhachtach ag an gcumarsáid eolaíochtbhunaithe;

S.

de bhrí go bhfuil meáin na seirbhíse poiblí atá neamhspleách ó thaobh eagarthóireachta riachtanach agus nach bhfuil a gcomhshamhail le fáil chun seirbhísí faisnéise d’ardcháilíocht agus neamhchlaonta a sholáthar don phobal i gcoitinne agus nach mór iad a chosaint ar ghabháil mhailíseach agus a neartú mar cholún bunúsach sa chomhrac i gcoinne na bréagaisnéise;

T.

de bhrí go n-úsáideann geallsealbhóirí agus institiúidí éagsúla modheolaíochtaí agus sainmhínithe éagsúla chun anailís a dhéanamh ar thrasnaíocht eachtrach – go léir ar leibhéil éagsúla sothuigtheachta, agus de bhrí gur féidir leis na difríochtaí sin bac a chur ar fhaireachán, anailís agus measúnú inchomparáide ar an leibhéal bagartha, rud a fhágann go bhfuil gníomhaíocht chomhpháirteach níos deacra; de bhrí go bhfuil gá le sainmhíniú agus modheolaíocht AE chun an anailís chomhchoiteann ar bhagairtí a fheabhsú;

U.

de bhrí gur gá cur leis an téarmaíocht lena ndírítear ar ábhar, amhail bréagnuacht, nuacht bhréagach agus nuacht mhíthreorach agus bréagaisnéis, le téarmaíocht a dhíríonn ar an iompraíocht, chun aghaidh a thabhairt go leormhaith ar an bhfadhb; de bhrí gur cheart an téarmaíocht sin a chomhchuibhiú agus gur cheart cloí léi go cruinn;

V.

de bhrí gur uirlisí tábhachtacha iad oiliúint sa litearthacht sna meáin agus sa litearthacht dhigiteach agus ardú feasachta, i gcás na leanaí agus na ndaoine fásta araon, chun saoránaigh a dhéanamh níos athléimní i gcoinne iarrachtaí trasnaíochta sa spás faisnéise, agus chun cúbláil agus polarú a sheachaint; de bhrí, i gcoitinne, go bhfuil sochaithe a bhfuil ardleibhéal litearthachta sna meáin acu níos athléimní ar thrasnaíocht eachtrach; de bhrí go bhféadfadh modhanna oibre iriseoireachta amhail iriseoireacht chuiditheach cuidiú le muinín san iriseoireacht a neartú i measc saoránach;

W.

de bhrí gur iomaí foirm a bhaineann le cúbláil faisnéise, amhail bréagaisnéis a scaipeadh agus nuacht atá go hiomlán bréagach, fíricí, insíntí agus léirithe tuairime a shaobhadh, ceilt faisnéise nó tuairimí áirithe, faisnéis nó tuairimí áirithe a thabhairt as an gcomhthéacs, mothúcháin daoine a ionramháil, fuathchaint a chur chun cinn, roinnt tuairimí a chur chun cinn ar aimhleas daoine eile, agus daoine a chiapadh agus a chur faoi chois agus ina dtost; de bhrí ar cheann de na haidhmeanna atá ag cúbláil faisnéise ná cúrsaí a chur ina gcíor thuathail chun go gcaillfidh na saoránaigh iontaoibh as “sean-choimeádaithe” agus “nua- “choimeádaithe na faisnéise; de bhrí gur beag idir saoirse chun tuairimí a nochtadh agus cur chun cinn na fuathchainte agus na bréagaisnéise nár cheart a shárú;

X.

de bhrí go ndearna an Asarbaiseáin, an tSín, an Tuirc agus an Rúis, i measc tíortha eile, géarleanúint ar iriseoirí agus ar lucht freasúra san Aontas Eorpach amhail i gcás blagálaí as an Asarbaiseáin agus duine den lucht freasúra Mahammad Mirzali in Nantes agus an t-iriseoir Turcach Erk Acarer i mBeirlín;

Y.

de bhrí go bhfuil fianaise nithiúil ann go bhfuiltear ag díriú ar phróisis dhaonlathacha AE agus go gcuireann feachtais bhréagaisnéise isteach ar ana próisis sin, ar feachtais iad a thugann dúshlán d’idéil dhaonlathacha agus do chearta bunúsacha; de bhrí gur cineál bréagaisnéise í an bhréagaisnéis a bhaineann le hábhair lena n-áirítear na nithe seo a leanas, ach gan a bheith teoranta dóibh: inscne, LADTIA+, sláinte ghnéis agus sláinte atáirgthe agus na cearta a bhaineann leo, agus mionlaigh, lena gcuirtear cearta an duine i mbaol, lena mbaintear an bonn de chearta digiteacha agus polaitiúla, agus de shábháilteacht agus slándáil na ndaoine ar a bhfuil sí dírithe, agus go gcothaíonn sí deighilt agus easaontas i measc na mBallstát; de bhrí, le linn feachtais toghcháin, gur gnách gur dírithe go díréireach ar mhná ar iarrthóirí polaitiúla iad atá na hinsintí gnéis, rud a fhágann go ndíspreagtar mná óna bheith rannpháirteach i bpróisis dhaonlathacha; de bhrí go ndéanann lucht déanta na bhfeachtas bréagaisnéise seo, faoi scáth na luachanna “traidisiúnta” nó “coimeádacha” a chur chun cinn, comhghuaillíochtaí straitéiseacha a bhunú le comhpháirtithe áitiúla chun rochtain a fháil ar fhaisnéis áitiúil agus gur tuairiscíodh go bhfaigheann siad na milliúin euro i gcistiú eachtrach;

Z.

de bhrí, le hais na n-institiúidí stáit, iriseoirí, ceannairí tuairimíochta agus na hearnála príobháidí, go bhfuil ról tábhachtach ag gach cuid den tsochaí agus ag gach duine aonair chun leathadh na bréagaisnéise a shainaithint agus stop a chur leis agus chun rabhadh a thabhairt do dhaoine ina dtimpeallacht atá i mbaol; de bhrí go bhfuil an tsochaí shibhialta, an saol acadúil agus iriseoirí tar éis rannchuidiú go mór cheana féin le feasacht an phobail a ardú agus le teacht aniar na sochaí a mhéadú, lena n-áirítear i gcomhar le comhpháirtithe i dtíortha comhpháirtíochta;

AA.

de bhrí gur beag cistiú a fhaigheann eagraíochtaí na sochaí sibhialta a dhéanann ionadaíocht do ghuthanna mionlaigh agus d’eagraíochtaí chearta an duine ar fud na hEorpa, in ainneoin go bhfuil ról ríthábhachtach acu ó thaobh feasacht a mhúscailt agus cur i gcoinne na bréagaisnéise; de bhrí gur cheart acmhainní leormhaithe a bheith ag eagraíochtaí na sochaí sibhialta chun gur féidir a gcion féin a dhéanamh maidir le tionchar na trasnaíochta eachtraí a theorannú;

AB.

de bhrí go bhfuil sé tábhachtach go mbeadh rochtain éasca thráthúil ar fhaisnéis atá bunaithe ar fhíricí ó fhoinsí iontaofa nuair a chuirtear tús leis an mbréagaisnéis a scaipeadh;

AC.

de bhrí gur riachtanach ionsaithe agus iarrachtaí na trasnaíochta eachtraí a bhrath go tapa ina ndéantar an réimse faisnéise a chúbláil chun gur féidir dul i ngleic leo; de bhrí go bhfuil anailís faisnéise agus feasacht staide AE ag brath ar thoilteanas na mBallstát faisnéis a chomhroinnt; de bhrí gur mhol Uachtarán an Choimisiúin go ndéanfaí breithniú ar Lárionad Comhpháirteach um Fheasacht Staide a bhunú; de bhrí go bhfuil bearta coisctheacha agus bearta réamhghníomhacha lena n-áirítear réamhbhunú agus éiceachóras faisnéise sláintiúil i bhfad níos éifeachtaí ná iarrachtaí maidir le fíorais a sheiceáil agus iarrachtaí maidir le bréagnú, ar iarrachtaí iad nach bhfuil chomh forleathan céanna leis an mbréagaisnéis bhunaidh; de bhrí nach bhfuil ar chumas an Aontais agus a Bhallstát faoi láthair bearta den sórt sin a dhéanamh; de bhrí go bhféadfadh uirlisí anailíseacha nua atá bunaithe ar an intleacht shaorga, amhail Debunk.eu de chuid na Liotuáine, a bheith ina gcuidiú chun ionsaithe a bhrath, eolas a roinnt agus an pobal a chur ar an eolas;

AD.

de bhrí go mbíonn borradh faoin mbréagaisnéis i dtimpeallacht insintí laga nó ilroinnte ar an leibhéal náisiúnta nó ar leibhéal an Aontais, agus trí dhíospóireachtaí polaraithe agus mothúchánacha, le leas a bhaint as pointí laga agus le claontacht i measc na sochaí agus daoine aonair, agus de bhrí go gcuireann bréagaisnéis an díospóireacht phoiblí maidir le toghcháin agus próisis dhaonlathacha eile as riocht agus gur féidir leis a dhéanamh deacair do shaoránaigh roghanna eolasacha a dhéanamh;

AE.

de bhrí go bhféadfaidh ardáin ar líne a bheith inrochtana agus inacmhainne go héasca dóibh siúd a bhíonn i mbun cúbláil faisnéise agus trasnaíocht eile, amhail fuath agus ciapadh, dochar a dhéanamh do shláinte agus sábháilteacht ár bpobal ar líne, céilí comhraic a chur ina dtost, spiaireacht nó leathadh bréagaisnéise; de bhrí go bhfuil sé cruthaithe go bhfeidhmíonn siad chun tuairimí polaraithe agus míchuibheasacha a spreagadh chun dochar d’fhaisnéis fhíric-bhunaithe; de bhrí go bhfuil a leasanna féin ag ardáin agus go bhféadfadh sé nach bhfuil siad neodrach ó thaobh próiseáil faisnéise de; de bhrí go mbaineann roinnt ardán ar líne an-tairbhe as an gcóras a mhéadaíonn an deighilt, an t-antoisceachas agus an polarú; de bhrí go bhfuil an spás ar líne anois chomh tábhachtach céanna agus atá ár ndaonlathas agus dá bhrí sin go bhfuil gá le rialacha comhfhreagracha;

AF.

de bhrí gur chuir ardáin dlús le leathadh na mífhaisnéise agus na bréagaisnéise agus go ndearna siad é a ghéarú ar bhealach dúshlánach nach bhfacthas a leithéid riamh roimhe seo; de bhrí go rialaíonn ardáin ar líne sreabhadh na faisnéise agus na fógraíochta ar líne, de bhrí go ndéanann ardáin algartaim a dhearadh agus a úsáid chun na sreafaí sin a rialú, agus de bhrí nach bhfuil ardáin trédhearcach, nach bhfuil nósanna imeachta iomchuí acu chun céannacht a fhíorú, go n-úsáideann siad téarmaíocht dhoiléir agus nach roinneann ardáin mórán faisnéise nó nach roinneann siad aon fhaisnéis faoi dhearadh, faoi úsáid agus faoi thionchar na n-algartam sin; de bhrí gur chruthaigh comhpháirt andúile algartaim na n-ardán ar líne fadhb shláinte phoiblí thromchúiseach nach mór aghaidh a thabhairt uirthi; de bhrí gur cheart d’ardáin ar líne a bheith freagrach as éifeachtaí díobhálacha a gcuid seirbhísí, ós rud é go raibh roinnt ardán ar an eolas faoi na lochtanna ina n-algartaim – go háirithe an ról atá acu maidir le hábhar scoilteach a leathadh – ach nár thug siad aghaidh orthu chun brabús a uasmhéadú, mar a nocht sceithirí;

AG.

de bhrí, mar fhreagairt ar chogadh ionsaitheachta na Rúise i gcoinne na hÚcráine, gur sheol Príomh-Airí na hEastóine, na Laitvia, na Liotuáine agus na Polainne litir chuig Príomhfheidhmeannaigh Mhórchuideachtaí na n-ardán meán sóisialta (Twitter, Alphabet, YouTube agus Meta) an 27 Feabhra 2022, inar iarradh, inter alia, cuntais atá rannpháirteach i gcoireanna cogaidh agus i gcoireanna in aghaidh na daonnachta agus atá i mbun na gcoireanna sin a mhóradh, go ndéanfaí na cuntais sin a chur ar fionraí, go ndéanfaí neartú ar mhodhnú an inneachair i dteangacha na Rúisise agus na hÚcráinise, go gcuirfí deireadh go hiomlán agus láithreach bonn le cumas na gcuntas uile luach airgid a shaothrú, ar cuntais iad atá i mbun bréagaisnéis a scaipeadh ar ordú ó Rialtais na Rúise agus na Bealarúise, agus go gcuirfí cúnamh ar fáil d’úsáideoirí atá ag déanamh a ndíchill faisnéis iontaofa faoin gcogadh san Úcráin a fháil;

AH.

de bhrí go bhfuil feachtais trasnaíochta agus cúbláil faisnéise feicthe againn atá dírithe ar na bearta go léir i gcoinne scaipeadh COVID-19, lena n-áirítear vacsaíniú ar fud AE, agus nár éirigh le hardáin ar líne comhordú a dhéanamh ar a n-iarrachtaí iad a shrianadh agus d’fhéadfadh sé gur rannchuidigh siad lena scaipeadh, fiú; de bhrí go bhféadfaidh an bhréagaisnéis sin a bheith ina bagairt ar an mbeatha ina ndéantar daoine a dhíspreagadh ó bheith vacsaínithe nó ina gcuirtear cóireálacha bréagacha chun cinn; de bhrí gur ghéaraigh an phaindéim an choimhlint shistéamach idir an daonlathas agus an t-údarásaíochas, agus gur spreag sé gníomhaithe forlámhacha agus gníomhaithe neamhstáit, amhail an tSín agus an Rúis, chun raon leathan ionstraimí uileghabhálacha agus ceilte a úsáid ina n-iarracht chun a gcomhghleacaithe daonlathacha a dhíchobhsú; de bhrí gur léirigh Páipéir Facebook gur theip ar an ardán dul i ngleic leis an mbréagaisnéis a bhaineann le vacsaíní, lena n-áirítear bréagaisnéis i mBéarla; de bhrí go bhfuil an staid níos measa fós i gcás na bréagaisnéise a bhaineann le vacsaíní i dteangacha nach Béarla iad; de bhrí go mbaineann an tsaincheist seo le gach ardán;

AI.

de bhrí go ndíolann go leor díoltóirí atá cláraithe in AE “is maith liomanna”, leantóirí, tráchtanna agus rannta bréagacha le haon ghníomhaí ar mian leo a n-infheictheacht ar líne a mhéadú go saorga; de bhrí nach féidir úsáidí dlisteanacha na seirbhísí sin a shainaithint, cé go n-áirítear ar na húsáidí díobhálacha na nithe seo a leanas: toghcháin agus próisis dhaonlathacha eile a ionramháil, camscéimeanna a chur chun cinn, athbhreithnithe diúltacha ar tháirgí iomaitheoirí a phostáil, calaois a dhéanamh ar fhógróirí agus pobal bréige a chruthú a úsáidtear chun an comhrá a mhúnlú, le haghaidh ionsaithe pearsanta agus le tuairimí áirithe a bhoilsciú go saorga nach dtabharfaí aird ar bith orthu murach sin; de bhrí go bhfuil réimis eachtracha, amhail an Rúis agus an tSín, ag baint úsáid as na huirlisí ar líne sin ar scála ollmhór chun tionchar a imirt ar an díospóireacht phoiblí i dtíortha Eorpacha; de bhrí go bhféadfaidh an bhréagaisnéis daonlathas na hEorpa a dhíchobhsú;

AJ.

de bhrí go ndéantar méideanna ollmhóra de shonraí pearsanta an-mhionsonraithe faoi gach úsáideoir a bhailiú agus a stóráil ar ardáin shóisialta, gléasanna digiteacha agus feidhmchláir; de bhrí gur féidir sonraí den sórt sin a úsáid chun claonadh iompraíochta a thuar, chun claonadh cognaíoch a neartú agus chun cinnteoireacht a threorú; de bhrí go ndéantar na sonraí sin a shaothrú chun críocha tráchtála; de bhrí go dtarlaíonn sceitheadh sonraí arís agus arís eile, chun dochair do shlándáil íospartach sceite den sórt sin, agus gur féidir sonraí a dhíol ar an margadh dubh; de bhrí go bhféadfadh na bunachair sonraí sin a bheith thar a bheith luachmhar do ghníomhaithe mailíseacha ar mian leo díriú ar ghrúpaí nó ar dhaoine aonair;

AK.

de bhrí, i gcoitinne go mbíonn na hardáin sin deartha chun a áirithiú gur neamh-iomasach am-íditheach a bheidh sé gan sonraí a chomhroinnt seachas iad a chomhroinnt;

AL.

de bhrí go ndéantar ardáin ar líne a chomhtháthú sa chuid is mó dár saol agus go bhféadfadh tionchar ollmhór a bheith ag scaipeadh na faisnéise ar ardáin ar ár smaointeoireacht agus ar ár n-iompar, mar shampla nuair a bhaineann sé le roghanna vótála, roghanna eacnamaíocha agus sóisialta, agus rogha na bhfoinsí faisnéise, agus de bhrí sa lá atá inniu ann go bhfuil na roghanna cinntitheacha sin a bhfuil tábhacht phoiblí ag baint leo faoi réir leasanna tráchtála cuideachtaí príobháideacha;

AM.

de bhrí go ndéantar sásraí coimeádaíochta algartam agus gnéithe eile de chuid ardán meán sóisialta a mhonarú chun rannpháirtíocht a uasmhéadú; de bhrí go mbíonn na gnéithe sin á dtuairisciú arís agus arís eile as ábhar polaraithe, radacaithe agus idirdhealaitheach a chur chun cinn agus chun úsáideoirí a choinneáil i gciorcail den dearcadh céanna; de bhrí de réir a chéile go n-eascraíonn radacú úsáideoirí ardáin as sin, chomh maith leis na próisis idirphlé chomhchoiteanna a rioctú agus a thruailliú, in áit próisis dhaonlathacha agus daoine aonair a chosaint; de bhrí de thoradh ar ghníomhaíochtaí neamhchomhordaithe na n-ardán, go bhfuil neamhréitigh ina gcuid gníomhaíochtaí agus go bhfuil an bhréagaisnéis á scaipeadh ón ardán go dtí an t-ardán; de bhrí go bhfágann an tsamhail ghnó a bhaineann le hairgead a dhéanamh trí fhaisnéis pholaraithe a scaipeadh agus trí dhearadh algartam go bhfuil ardáin ina dtargaid éasca ag gníomhaithe naimhdeacha eachtracha chun ionramháil a dhéanamh orthu; de bhrí go bhféadfaí ardáin na meán sóisialta a dhearadh ar bhealaí éagsúla chun réimse poiblí níos sláintiúla ar líne a chothú;

AN.

de bhrí, le teacht chun cinn teicneolaíochtaí inacmhainne agus éasca le húsáid, go bhfuil sé ag éirí níos éasca ábhair fuaime agus chlosamhairc domhainbhrionnaithe a chruthú, agus gur fadhb atá ag méadú as cuimse é leathadh na n-ábhar sin; de bhrí faoi láthair, áfach, go gcaitear 90 % den taighde ar fhorbairt domhainbhrionnuithe agus nach ndéantar ach 10 % díobh a bhrath;

AO.

de bhrí go bhfuil feabhas tagtha ar chórais féinrialála amhail Cód Cleachtais 2018 maidir le bréagaisnéis; de bhrí, áfach, nach bhfuil ag éirí le brath ar dhea-thoil na n-ardán ná níl sé éifeachtach agus nach bhfuil mórán sonraí fiúntacha curtha ar fáil aige sin maidir lena dtionchar foriomlán; de bhrí, ina theannta sin, gur ghlac ardáin bearta aonair éagsúla ó thaobh méid agus éifeachta de, rud a fhágann go bhfuil cúldoirse ann trínar féidir le hábhar leanúint ar aghaidh ag leathadh in áiteanna eile in ainneoin é a bheith bainte anuas; de bhrí go bhfuil gá le sraith shoiléir rialacha agus smachtbhannaí chun go mbeadh éifeacht leordhóthanach ag an gCód Cleachtais ar an timpeallacht ar líne;

AP.

de bhrí go bhfuil sé mar aidhm leis an bPlean Gníomhaíochta um an Daonlathas Eorpach go ndéanfaí Cód Cleachtais 2018 a neartú agus in éineacht leis an Ionstraim um Sheirbhísí Digiteacha gur céim mhór chun cinn é chun imeacht ó chur chuige na féinrialála agus go bhfuil sé d’aidhm aige níos mó ráthaíochtaí agus cosanta a thabhairt isteach d’úsáideoirí, trí neamhspleáchas a mhéadú agus éighníomhú a shárú maidir leis na seirbhísí a chuirtear ar fáil, trí bhearta a thabhairt isteach chun trédhearcacht agus cuntasacht níos fearr a éileamh ó chuideachtaí, agus trí bhreis oibleagáidí ar ardáin a thabhairt isteach;

AQ.

de bhrí nach bhfuil na gníomhaíochtaí reatha i gcoinne feachtais bhréagaisnéise ar ardáin ar líne éifeachtach ná díspreagthach agus go bhféadfaidh ardáin leanúint d’ábhar idirdhealaitheach agus mailíseach a chur chun cinn;

AR.

de bhrí gur lú i bhfad an méid acmhainní a thiomnaíonn ardáin do bhainistiú ábhar i mionteangacha, agus fiú, i gcás na mórtheangacha nach Béarla iad, i gcomparáid le hábhar i mBéarla;

AS.

de bhrí nach leor, tríd is tríd, nósanna imeachta gearáin agus achomhairc ardán;

AT.

de bhrí, le roinnt míonna anuas, go bhfuil roinnt gníomhaithe móra tar éis géilleadh do rialacha cinsireachta, mar shampla le linn na dtoghchán parlaiminteach Rúiseach i mí Mheán Fómhair 2021, nuair a bhain Google agus Apple aipeanna “vótáil chliste” óna siopaí sa Rúis;

AU.

de bhrí, mar gheall ar an easpa trédhearcachta maidir leis na roghanna algartamacha a dhéantar ar ardáin, go bhfuil sé dodhéanta éilimh a bhailíochtú ag ardáin maidir lena bhfuil déanta acu agus éifeacht a gcuid gníomhaíochtaí chun cúbláil faisnéise agus trasnaíocht a chomhrac; de bhrí go bhfuil neamhréireachtaí idir éifeacht a gcuid iarrachtaí a luaitear ina bhféinmheasúnuithe bliantúla agus a n-éifeachtacht iarbhír, mar a léirítear sna Páipéir Facebook a foilsíodh le déanaí;

AV.

de bhrí, mar gheall ar chineál neamh-thrédhearcach na fógraíochta spriocdhírithe, go mbíonn lear mór fógraíochta ar líne ann trí bhrandaí creidiúnacha, uaireanta ag institiúidí poiblí fiú, ar shuíomhanna gréasáin a spreagann sceimhlitheoireacht, a bhfuil fuathchaint agus bréagaisnéis á n-óstáil acu, agus atá ina bhfoinse maoiniúcháin d’fhás na suíomhanna gréasáin sin, i ngan fhios do na fógróigí agus gan toiliú uatha;

AW.

de bhrí go bhfuil an margadh fógraíochta ar líne á rialú ag líon beag cuideachtaí móra teicneolaíochta fógraíochta a roinneann an margadh eatarthu féin, inarb iad Google agus Facebook na gníomhaithe is mó; de bhrí go bhfuil an chomhdhlúthacht ard margaidh seo ar roinnt cuideachtaí bainteach le héagothroime cumhachta shuntasach; de bhrí gur bagairt ar na meáin éagsúlaithe é an úsáid a bhaintear as teicnící clicmheallta agus cumhacht líon beag gníomhaithe chun cinneadh a dhéanamh faoi ábhar atá luach airgid leis agus nach bhfuil, cé nach léir do na halgartaim a úsáideann siad an difríocht idir an bhréagaisnéis agus an gnáthábhar nuachta; de bhrí go bhfuil an margadh fógraíochta spriocdhírithe thar a bheith neamh-thrédhearcach; de bhrí gurb iad na cuideachtaí teicneolaíochta fógraíochta féin a chuireann iallach ar bhrandaí chun bheith freagrach as a bhfaillí monatóireacht a dhéanamh ar an áit a gcuirtear fógraí;

AX.

de bhrí go bhfuil gá le comhiarrachtaí comhordaithe ar fud earnálacha, ar leibhéal AE, ar an leibhéal náisiúnta, ar an leibhéal réigiúnach agus ar an leibhéal áitiúil, agus ag amanna éagsúla, chun bagairtí ar bhonneagar criticiúil a bhainistiú, go háirithe nuair is cuid de straitéis hibrideach shioncronaithe, mhailíseach iad;

AY.

de bhrí go bhfuil treoir nua molta ag an gCoimisiún chun athléimneacht na n-eintiteas criticiúil a sholáthraíonn seirbhísí bunriachtanacha in AE a fheabhsú, lena n-áirítear liosta beartaithe de chineálacha nua bonneagair chriticiúil; de bhrí go leagfar amach liosta na seirbhísí san iarscríbhinn a ghabhann leis an treoir;

AZ.

de bhrí go bhfuil méadú ag teacht ar dhomhandú roinnt an tsaothair agus na slabhraí táirgthe go bhfuil bearnaí sa déantúsaíocht agus sna scileanna sna príomhearnálacha ar fud an Aontais; de bhrí gurb é an toradh atá air sin go bhfuil AE ag brath go mór ar a lán táirgí riachtanacha agus sócmhainní príomhúla, ina bhfuil leochaileachtaí ionsuite, a thagann as an gcoigríoch; de bhrí gur cheart athléimneacht an tslabhra soláthair a bheith i measc na dtosaíochtaí atá ag cinnteoirí AE;

BA.

de bhrí go bhfuil infheistíochtaí díreacha coigríche (IDCanna) – infheistíochtaí ó thríú tíortha agus ó chuideachtaí eachtracha – in earnálacha straitéiseacha in AE, agus i limistéir chomharsanachta feisin, amhail na Balcáin Thiar, go háirithe an tSín a bheith ag fáil struchtúir chriticiúla, ina gcúis imní atá ag dul i méid le blianta beaga anuas, agus an tábhacht mhéadaitheach a bhaineann leis an nasc idir an trádáil agus an tslándáil á cur san áireamh; de bhrí go bhfuil baol ag baint leis na hinfheistíochtaí sin go gcruthófar spleáchais eacnamaíocha agus go gcaillfear eolas i bpríomhearnálacha táirgthe agus tionsclaíocha;

BB.

de bhrí gur gá bonneagar straitéiseach Eorpach a rialú le neamhspleáchas straitéiseach oscailte AE; de bhrí gur chuir an Coimisiún agus na Ballstáit in iúl go bhfuil imní orthu faoi shlándáil agus rialú na dteicneolaíochtaí agus an bhonneagair san Eoraip;

BC.

de bhrí go mbaineann gníomhaithe mailíseacha atá ag iarraidh cur isteach ar phróisis toghcháin leas as oscailteacht agus iolrachas ár sochaithe mar leochaileacht straitéiseach i leith ionsaí a dhéanamh ar phróisis dhaonlathacha agus ar athléimneacht AE agus a chuid Ballstát; de bhrí, i gcomhthéacs na bpróiseas toghcháin, go bhfuil trasnaíocht eachtrach ag éirí níos contúirtí de réir mar a théann na saoránaigh i mbun gnímh arís agus mar gur mó an bhaint atá acu leis an ngnáth-rannpháirtíocht pholaitiúil;

BD.

de bhrí gur bagairt thar a bheith contúirteach ar an daonlathas é cineál sainiúil na trasnaíochta eachtraí ar phróisis toghcháin, agus úsáid teicneolaíochtaí nua i ndáil leis sin, chomh maith leis na héifeachtaí a d’fhéadfadh a bheith acu; de bhrí go dtéann trasnaíocht eachtrach ar phróisis toghcháin i bhfad níos faide ná “cogaíocht faisnéise” na meán sóisialta, ina dtugtar tús áite d’ iarrthóirí sonracha chun bunachair sonraí a haiceáil agus a aimsiú agus faisnéis na vótálaithe cláraithe a rochtain agus cur isteach díreach ar ghnáthfheidhmiú, ar iomaíochas agus ar dhlisteanacht an phróisis toghcháin; de bhrí go bhfuil sé d’aidhm ag trasnaíocht eachtrach amhras, éiginnteacht agus mímhuinín a chothú, agus ní hamháin toradh na dtoghchán a athrú ach an próiseas toghchánach ina iomláine a dhlisteanú;

BE.

de bhrí go léiríonn corpas láidir fianaise go bhfuil gníomhaithe eachtracha ag cur isteach go gníomhach ar fheidhmiú daonlathach AE agus a Bhallstát, go háirithe le linn tréimhsí toghcháin agus reifrinn, trí oibríochtaí cistithe ceilte;

BF.

de bhrí, mar shampla, go bhfuil breis agus USD 300 milliún seolta ag an Rúis, an tSín agus ag réimis fhorlámhacha eile chuig 33 thír chun cur isteach ar phróisis dhaonlathacha, agus go raibh gníomhaithe eile rannpháirteach amhail an Iaráin agus Veiniséala, agus ón Meánoirthear agus ó na Stáit Aontaithe i bhfad amach ar an eite dheis, i gcistiú ceilte; de bhrí gur léir go bhfuil an treocht sin ag dul in olcas; de bhrí go mbaineann leath de na cásanna seo le gníomhaíochtaí na Rúise san Eoraip; de bhrí gur foinse maoiniúcháin pholaitiúil ó thríú tíortha forlámhacha iad an t-éilliú agus sciúradh airgid aindleathach;

BG.

de bhrí go bhfuil uirlisí na meán a chruthaigh deontóirí eachtracha ar bhealach neamh-thrédhearcach tar éis éirí an-éifeachtach ó thaobh líon mór leanteoirí a chruinniú agus rannpháirtíocht a ghiniúint;

BH.

de bhrí go maoiníonn na hoibríochtaí sin páirtithe antoisceacha, pobalacha, frith-Eorpacha agus go maoiníonn siad páirtithe agus daoine aonair nó gluaiseachtaí áirithe eile atá ag iarraidh ilroinnt shochaíoch a dhoimhniú agus an bonn a bhaint ó dhlisteanacht na n-údarás poiblí Eorpach agus náisiúnta de bhrí gur chuidigh sé sin le cumhacht na bpáirtithe agus na ngluaiseachtaí sin a mhéadú;

BI.

de bhrí go bhféachann an Rúis le teagmháil a dhéanamh le páirtithe, le figiúirí agus le gluaiseachtaí chun gníomhaithe laistigh d’institiúidí AE a úsáid chun seasaimh na Rúise a dhlisteanú agus rialtais ionadacha a spreagadh, chun brústocaireacht a dhéanamh i leith faoiseamh ó smachtbhannaí agus chun iarmhairtí an leithlisithe idirnáisiúnta a mhaolú; de bhrí go bhfuil comhaontuithe comhair sínithe ag páirtithe amhail Freiheitliche Partei Österreichs, ag Rassemblement Náisiúnta na Fraince, agus ag Lega Nord na hIodáile, le páirtí Uachtarán Vladimir Putin, United Russia, agus go bhfuil líomhaintí sna meáin anois go bhfuil siad toilteanach glacadh le cistiú polaitiúil ón Rúis; de bhrí go dtuairiscítear i gcás páirtithe Eorpacha eile amhail Alternative für Deutschland (AfD) na Gearmáine, Fidesz agus Jobbik na hUngáire, agus an Páirtí Brexit sa Ríocht Aontaithe freisin go raibh dlúth-theagmháil acu leis an Kremlin, agus gur oibrigh AfD agus Jobbik freisin mar “bhreathnóirí toghcháin” i dtoghcháin faoi rialú Kremlin, mar shampla in Donetsk agus Lugansk in oirthear na hÚcráine, chun faireachán a dhéanamh ar thoghcháin atá urraithe ag an Rúis agus chun iad a dhlisteanú; de bhrí gur gá imscrúdú cuimsitheach a dhéanamh ar thorthaí maidir leis an dlúth-theagmháil rialta a bhíonn ag oifigigh na Rúise agus ionadaithe ó ghrúpa de scarthaigh na Catalóine sa Spáinn, agus idir na hoifigigh Rúiseacha agus an deontóir príobháideach is mó le feachtas Brexit – Vote Leave – agus go bhfuil siad mar chuid de straitéis níos leithne na Rúise gach uile dheis a úsáid chun dioscúrsa a ionramháil chun an díchobhsú a chur chun cinn;

BJ.

de bhrí go bhfuil moltaí forleathana déanta cheana ag Grúpa na Stát i gcoinne na hÉillitheachta (GRECO) Chomhairle na hEorpa agus ag Coimisiún na Veinéise chun an scóip a laghdú maidir le cur isteach a d’fhéadfadh gníomhaithe eachtracha a dhéanamh trí mhaoiniú polaitiúil;

BK.

de bhrí nach bhfuil dlíthe toghcháin, go háirithe forálacha maidir le maoiniú gníomhaíochtaí polaitiúla, comhordaithe go leordhóthanach ar leibhéal AE, agus go gcumasaíonn siad, dá bhrí sin, modhanna teimhneacha maoinithe ag gníomhaithe eachtracha; de bhrí go bhfuil an sainmhíniú dlíthiúil ar shíntiúis pholaitiúla róchúng, lena gcumasaítear ranníocaíochtaí comhchineáil eachtracha san Aontas Eorpach;

BL.

de bhrí, i roinnt Ballstát, nach bhfuil fógraíocht pholaitiúil ar líne faoi réir na rialacha maidir le fógraíocht pholaitiúil as líne; de bhrí go bhfuil easpa mhór trédhearcachta san fhógraíocht pholaitiúil ar líne, rud a fhágann nach bhféadfaidh rialtóirí teorainneacha caiteachais a fhorfheidhmiú agus foinsí neamhdhleathacha cistiúcháin a chosc, rud a d’fhéadfadh iarmhairtí tubaisteacha a bheith aige ar shláine ár gcóras toghcháin;

BM.

de bhrí go gcruthaíonn easpa trédhearcachta timpeallacht an éillithe, lena ngabhann cistiú agus infheistíochtaí coigríche go minic;

BN.

de bhrí go bhfuil athbhreithniú á dhéanamh ar Rialachán (AE, Euratom) Uimh. 1141/2014 an 22 Deireadh Fómhair 2014 maidir le reacht agus cistiú páirtithe polaitiúla Eorpacha agus fondúireachtaí polaitiúla Eorpacha (9) d’fhonn leibhéal níos mó trédhearcachta a bhaint amach i dtéarmaí mhaoiniú na ngníomhaíochtaí polaitiúla;

BO.

de bhrí gur tháinig méadú ar ról na bhfondúireachtaí polaitiúla le blianta beaga anuas, agus go raibh ról dearfach acu i bhformhór na gcásanna sa pholaitíocht agus i neartú an daonlathais, ach i gcásanna áirithe gur bealach níos guagaí iad le haghaidh cineálacha mailíseacha airgeadais agus cur isteach indíreach;

BP.

de bhrí go n-úsáidtear teicneolaíochtaí nua-aimseartha agus sócmhainní digiteacha, amhail criptea-airgeadra, chun idirbhearta airgeadais neamhdhleathacha a cheilt ar ghníomhaithe polaitiúla agus ar pháirtithe polaitiúla;

BQ.

de bhrí go bhfuil méadú tagtha le blianta beaga anuas ar mhinicíocht na gcibirionsaithe agus na dteagmhas cibearchumasaithe atá á stiúradh ag gníomhaithe stáit agus neamhstáit naimhdeacha; de bhrí go ndearnadh roinnt cibirionsaithe, amhail na feachtais dhomhanda fioscaireachta spriocdhírithe trí ríomhphost lena ndírítear ar struchtúir straitéiseacha stórála vacsaíní agus na cibirionsaithe i gcoinne na Gníomhaireachta Leigheasra Eorpaí (EMA), an Údaráis Baincéireachta Eorpaigh, Pharlaimint na hIorua agus cibirionsaithe eile nach iad, a rianú siar go grúpaí haiceálaithe le tacaíocht stáit, atá cleamhnaithe, den chuid is mó, le Rialtais na Rúise agus na Síne;

BR.

de bhrí go bhfuil an tAontas Eorpach tiomanta do chur i bhfeidhm an dlí idirnáisiúnta atá ann cheana sa chibearspás, go háirithe Cairt na Náisiún Aontaithe; de bhrí go bhfuil gníomhaithe eachtracha urchóideacha ag baint leas as easpa creat láidir idirnáisiúnta dlíthiúil sa chibear-réimse;

BS.

de bhrí gur mhéadaigh na Ballstáit an comhar atá ar bun acu i réimse na cibearchosanta faoi chuimsiú an Bhuanchomhair Struchtúrtha (PESCO), lena n-áirítear trí Fhoirne Mearfhreagartha Cibirtheagmhas a bhunú; de bhrí gur áiríodh leis an gClár Eorpach Forbartha Tionscal i réimse na Cosanta (EDIDP) faisnéis, cumarsáid shlán agus cibearchosaint ina chláir oibre; de bhrí go bhfuil teorainn leis an acmhainn atá ann faoi láthair aghaidh a thabhairt ar chibearbhagairtí mar gheall ar an nganntanas acmhainní daonna agus airgeadais, mar shampla i gcás struchtúir chriticiúla, amhail ospidéil; de bhrí go bhfuil gealltanas tugtha ag an Aontas EUR 1.6 billiún a infheistiú, faoin gclár don Eoraip Dhigiteach (10), i gcumas freagartha agus in úsáid uirlisí cibearshlándála do riaracháin phoiblí, do ghnólachtaí agus do dhaoine aonair, chomh maith le comhar poiblí-príobháideach a fhorbairt;

BT.

de bhrí gur fadhb atá ag dul i méid iad na bearnaí i gcumas agus straitéisí AE agus ilroinnt cumas agus straitéisí AE sa chibear-réimse, mar a thug Cúirt Iniúchóirí na hEorpa le fios (11); de bhrí gur léirigh bosca uirlisí cibearthaidhleoireachta an Aontais, a bunaíodh i mí na Bealtaine 2019, an breisluach a bhaineann le freagairt chomhpháirteach taidhleoireachta AE ar chibearghníomhaíochtaí mailíseacha; de bhrí gur chinn an Chomhairle den chéad uair an 30 Iúil 2020 bearta sriantacha a fhorchur ar dhaoine aonair, ar eintitis agus ar chomhlachtaí atá freagrach as cibirionsaithe éagsúla nó a bhfuil lámh acu iontu;

BU.

de bhrí gur bhain gníomhaithe stáit eachtracha úsáid as cláir faireachais aindleathacha agus mhórscála, amhail Pegasus, chun díriú ar iriseoirí, ar ghníomhaithe ar son chearta an duine, lucht léinn agus oifigigh rialtais agus ar pholaiteoirí, lena n-áirítear cinn stáit Eorpacha; de bhrí gur bhain na Ballstáit úsáid as earraí spiaireachta freisin;

BV.

de bhrí gur níos minice a bhíonn gníomhaithe eachtracha mailíseacha ar mian leo deighilt a dhéanamh in AE ag díriú ar nádúr díláraithe agus ilnáisiúnta institiúidí an Aontais, lena n-áirítear a misin agus n-oibríochtaí, agus gur níos minice a bhíonn leas á bhaint acu as sin; de bhrí nach leor an cultúr slándála in institiúidí AE ar an iomlán in ainneoin gur targaidí soiléire iad; de bhrí go bhfuil dúshláin shonracha roimh an bParlaimint mar institiúid AE a thoghtar go daonlathach; de bhrí gur léirigh roinnt cásanna gur cosúil go bhfuil institiúidí AE leochaileach i leith insíothlú coigríche; de bhrí gur cheart sábháilteacht fhoireann AE a áirithiú;

BW.

de bhrí gur gá nósanna imeachta maidir le bainistiú géarchéime atá láidir agus comhleanúnach a chur ar bun mar ábhar tosaíochta; de bhrí gur cheart oiliúint bhreise a thairiscint chun ullmhacht na foirne a fheabhsú;

BX.

de bhrí gur díríodh cibirionsaithe ar roinnt institiúidí AE le déanaí, a leagann béim ar an ngá atá le comhar láidir idirinstitiúideach maidir le faisnéis a bhrath, faireachán a dhéanamh uirthi agus faisnéis a roinnt le linn cibirionsaithe agus/nó d’fhonn iad a chosc, lena n-áirítear le linn mhisin agus oibríochtaí chomhbheartas slándála agus cosanta an Aontais (CBSC); de bhrí gur cheart do AE agus a Bhallstáit freachnaimh chomhpháirteacha rialta a eagrú chun lagaí a shainaithint agus na bearta is gá a dhéanamh;

BY.

de bhrí go ndéanann cuideachtaí náisiúnta nó príobháideacha forlámhacha stát-rialaithe, roinnt polaiteoirí, lena n-áirítear iarpholaiteoirí agus iar-státseirbhísigh ardleibhéil a fhostú nó a chomhthoghadh, mar mhalairt ar a gcuid eolais, chun aimhleasa an Aontais agus a Bhallstát;

BZ.

de bhrí go bhfuil roinnt tíortha an-ghníomhach i réimse na gabhála éilíte agus an chomhthofa, go háirithe an Rúis agus an tSín, agus an Araib Shádach agus tíortha eile de chuid na Murascaille freisin, léirithe sna cásanna seo: chuaigh iar-Sheansailéir na Gearmáine Gerhard Schröder agus iar-Phríomh-Aire na Fionlainne, Paavo Lipponen, le Gazprom chun dlús a chur leis an bpróiseas iarratais do Nord Stream 1 agus 2; ceapadh iar-Aire Gnóthaí Eachtracha na Gearmáine, Karin Kneissl, mar chomhalta boird de Rosneft; ceapadh iar-Phríomh-Aire na Fraince, François Fillon, mar chomhalta boird de Zaroubejneft; tá iar-Phríomh-Aire na Fraince, Jean-Pierre Raffarin, gníomhach i leasanna na Síne a chur chun cinn sa Fhrainc; tá obair déanta ag Iar-Choimisinéir na Seice, Štefan Füle, do CEFC China Energy; tá iar-Phríomh-Aire na Fionlainne Esko Aho, anois, ar bhord Sberbank Kremlin, tá iar-Aire na Fraince don Chaidreamh leis an bParlaimint, Jean-Marie Le Guen, anois ina chomhalta de Bhord Stiúrthóirí Huawei France, ceapadh iar-Phríomh-Aire na Beilge, Yves Leterme, ina chomhchathaoirleach ar chiste infheistíochta ToJoy, agus tá neart polaiteoirí agus oifigigh ardleibhéil i ndiaidh róil chomhchosúla a ghabháil chucu féin;

CA.

de bhrí gur féidir straitéisí don bhrústocaireacht eacnamaíoch a chomhcheangal le spriocanna trasnaíochta eachtraí; de bhrí, de réir thuarascáil ECFE maidir le brústocaireacht sa 21ú haois (12), nach bhfuil rialacha i bhfeidhm ach sna Stáit Aontaithe, san Astráil agus i gCeanada lena gcumhdaítear tionchar eachtrach; de bhrí go bhfuil easpa thromchúiseach rialacha ceangailteacha dlí agus forfheidmiú chlár brústocaireachta AE ann, rud a fhágann go bhfuil sé beagnach dodhéanta brústocaireacht a rianú lasmuigh de AE; de bhrí nach bhfuil aon bhealach ann faoi láthair chun faireachán a dhéanamh ar iarrachtaí brústocaireachta i mBallstáit a imríonn tionchar ar reachtaíocht agus ar bheartas eachtrach tríd an gComhairle Eorpach; de bhrí go ndírítear go príomha le rialacha maidir le brústocaireacht in AE ar theagmháil duine le duine agus nach gcuirtear san áireamh leo éiceachóras iomlán na gcineálacha éagsúla brústocaireachta atá sa Bhruiséil; de bhrí go bhfuil infheistíocht mhór déanta ag tíortha amhail an tSín agus an Rúis, agus ag Catar, Aontas na nÉimíríochtaí Arabacha agus an Tuirc freisin, in iarrachtaí brústocaireachta sa Bhruiséil;

CB.

de bhrí gur gné thábhachtach de straitéisí trasnaíochta eachtraí é iarracht a dhéanamh grúpaí leochaileacha, lena n-áirítear mionlach náisiúnta agus an diaspóra náisiúnta atá ina gcónaí ar ithir AE a ionstraimiú;

CC.

de bhrí go bhfuil gníomhaithe éagsúla stáit, amhail rialtais na Rúise, rialtais na Síne, agus, ar leibhéal níos ísle, rialtais na Tuirce, ag féachaint lena dtionchar a mhéadú trí institiúidí cultúrtha, oideachais (e.g. trí dheontais agus scoláireachtaí) agus institiúidí reiligiúnacha a bhunú agus a úsáid ar fud na mBallstát, mar iarracht straitéiseach chun daonlathas na hEorpa a dhíchobhsú agus chun smacht ar Oirthear na hEorpa agus Lár na hEorpa a leathnú; de bhrí gur bhain an Rúis úsáid as staid achrannach líomnaithe a mionlach náisiúnta san am a chuaigh thart mar leithscéal chun dul i mbun idirghabháil dhíreach i dtríú tíortha;

CD.

de bhrí go bhfuil fianaise ann go bhfuil trasnaíocht na Rúise agus ionramháil faisnéise ar líne in go leor daonlathais liobrálacha ar fud an domhain, lena n-áirítear reifreann Brexit sa Ríocht Aontaithe, toghcháin uachtaránachta na Fraince agus SAM, ach gan bheith teoranta dóibh, agus tacaíocht phraiticiúil do pháirtithe antoisceacha, pobalacha, frith-Eorpacha agus do pháirtithe agus daoine aonair áirithe eile ar fud na hEorpa, lena n-áirítear an Fhrainc, an Ghearmáin, an Iodáil agus an Ostair, ach gan bheith teoranta dóibh siúd amháin; de bhrí go bhfuil gá le níos mó tacaíochta don taighde agus don oideachas chun go dtuigfear an tionchar beacht a bheadh ag trasnaíocht eachtrach ar imeachtaí sonracha, amhail Brexit agus toghadh an Uachtaráin Trump in 2016;

CE.

de bhrí go bhfuil líonraí Sputnik agus RT de chuid na Rúise atá faoi rialú an stáit agus atá bunaithe san Iarthar, i dteannta le meáin an Iarthair, faoi lánúinéireacht nó faoi pháirtúinéireacht ag eintitis dhlíthiúla agus eintitis aonair de chuid na Rúise agus na Síne go gníomhach i ngníomhaíochtaí bréagaisnéise in aghaidh daonlathais liobrálacha; de bhrí go bhfuil an Rúis ag dul i muinín an athbhreithnithe stairiúil, ag iarraidh stair na gcoireanna Sóivéadacha a athscríobh agus an cumha Sóivéadach a chur chun cinn i measc an phobail ar furasta dul i bhfeidhm air i Lár na hEorpa agus in Oirthear na hEorpa; de bhrí go bhfuil sé deacair do chraoltóirí náisiúnta i Lár na hEorpa agus in Oirthear na hEorpa dul san iomaíocht le hábhar teilifíse Rúisise atá cistithe ag Rialtas na Rúise; de bhrí go bhfuil an baol ann go mbeidh comhar neamhchothrom ann idir meáin na Síne agus meáin eachtracha, ag cur san áireamh gurb iad meáin na Síne guth Pháirtí Cumannach na Síne sa bhaile agus i gcéin;

CF.

de bhrí gur osclaíodh níos mó ná 500 ionad Confucius ar fud an domhain, lena n-áirítear thart ar 200 ionad san Eoraip, agus go n-úsáideann an tSín Institiúidí Confucius agus Seomraí Ranga Confucius mar uirlis trasnaíochta laistigh de AE; de bhrí go bhfuil diansrian ar shaoirse acadúil in Institiúidí Confucius; de bhrí go an cistiú ollmhór eachtrach, go háirithe ón tSín nó ó Chatar, á dhíriú go mór mór ar ollscoileanna agus cláir oideachais, amhail campas Ollscoil Fudan i mBúdaipeist;

CG.

de bhrí nach bhfuil an bosca uirlisí is gá ag AE faoi láthair chun dul i ngleic le gabháil éilíte agus chun cur i gcoinne bhunú na mbealaí tionchair, lena n-áirítear laistigh d’institiúidí AE; de bhrí go bhfuil cumais feasachta staide agus ionstraimí frithfhaisnéise fós gann ar leibhéal AE, agus go bhfuil siad ag brath go mór ar thoilteanas na ngníomhaithe náisiúnta faisnéis a chomhroinnt;

CH.

de bhrí nach bhfuil ag an Aontas agus a Bhallstáit faoi láthair córas smachtbhannaí sonrach a bhaineann le trasnaíocht eachtrach agus le feachtais bhréagaisnéise arna n-eagrú ag gníomhaithe stáit eachtracha, rud a chiallaíonn gur féidir leis na gníomhaithe sin glacadh leis go cinnte nach n-eascróidh aon iarmhairtí as a bhfeachtais díchobhsúcháin i gcoinne AE;

CI.

de bhrí gurb iad na chéad chéimeanna chun cosaint éifeachtach a thabhairt in aghaidh na ngníomhaíochtaí sin ná a áirithiú go ndéanfar bréagaisnéis agus ionsaithe bolscaireachta a shannadh go soiléir, lena n-áirítear ainmniú dhéantóirí na coire, na n-urraitheoirí ina leith agus na spriocanna a bhfuiltear ag iarraidh a bhaint amach, chomh maith le héifeachtaí na n-ionsaithe sin ar an bpobal spriocdhírithe a thomhas;

CJ.

de bhrí gur cheart do AE a uirlisí díspreagtha a neartú, chomh maith lena uirlisí chun ionsaithe den chineál sin a shannadh agus a rangú mar ionsaithe atá ina sárú ar an dlí idirnáisiúnta nó mar ionsaithe nach bhfuil ina sárú ar an dlí idirnáisiúnta, d’fhonn córas smachtbhannaí éifeachtach a bhunú ionas go mbeidh ar ghníomhaithe eachtracha mailíseacha costais a gcinntí a íoc agus glacadh leis na hiarmhairtí; de bhrí go bhféadfadh sé nach leor díriú ar dhaoine aonair amháin; de bhrí go bhféadfaí uirlisí eile, amhail bearta trádála, a úsáid chun próisis dhaonlathacha Eorpacha a chosaint ar ionsaithe hibrideacha státurraithe; de bhrí nach mór bearta díspreagtha a chur i bhfeidhm go trédhearcach agus leis na ráthaíochtaí uile is cuí; de bhrí go ndéantar ionsaithe hibrideacha a chalabrú ionas go dtitfidh siad d’aon ghnó faoi bhun thairseach Airteagal 42(7) den Chonradh ar an Aontas Eorpach (CAE) agus Airteagal 5 de Chonradh an Atlantaigh Thuaidh;

CK.

de bhrí go bhfuil gníomhaíochtaí mailíseacha ó ghníomhaithe stáit agus neamhstáit eachtracha ag déanamh difear do go leor tíortha comhpháirtíochta daonlathacha éagsúla ar fud an domhain; de bhrí go mbraitheann comhghuaillithe daonlathacha ar a gcumas teacht le chéile chun freagairt chomhchoiteann a thabhairt;

CL.

de bhrí go bhfuil tíortha aontachais AE sna Balcáin Thiar buailte go dona ag ionsaithe i bhfoirm trasnaíocht eachtrach agus feachtais bhréagaisnéise a eascraíonn ón Rúis, ón tSín agus ón Tuirc, amhail feachtais trasnaíochta de chuid na Rúise le linn phróiseas daingniúcháin Chomhaontú Prespa sa Mhacadóin Thuaidh; de bhrí go ndearna an tSín agus an Rúis paindéim COVID-19 a úsáid chun tairbhe dóibh féin sna Balcáin Thiar chun na tíortha sin a dhíchobhsú agus chun an tAontas Eorpach a chur ar gcúl; de bhrí go bhfuiltear ag dréim go nglacfaidh tíortha is iarrthóirí agus tíortha is iarrthóirí ionchasacha páirt i dtionscnaimh AE chun dul i ngleic le trasnaíocht eachtrach;

CM.

de bhrí go bhfuil easpa comhthuisceana agus sainmhínithe coiteanna ann i measc comhpháirtithe agus comhghuaillithe atá ar aon intinn leo maidir le cineál na mbagairtí atá i gceist; de bhrí go bhfuil Ard-Rúnaí na Náisiún Aontaithe ag iarraidh go mbeadh cód iompair domhanda ann chun sláine na faisnéise poiblí a chur chun cinn; de bhrí gur ardán tábhachtach í an Chomhdháil ar Thodhchaí na hEorpa do phléití a bhaineann leis an ábhar;

CN.

de bhrí go bhfuil gá le comhar agus tacaíocht dhomhanda, iltaobhach agus i measc comhpháirtithe atá ar aon intinn leo agus iad ag déileáil le trasnaíocht mailíseach eachtrach; de bhrí go bhfuil ardscileanna agus ardstraitéisí forbartha ag daonlathais eile, amhail an Astráil agus an Téaváin; de bhrí go bhfuil an Téaváin chun tosaigh sa chomhrac i gcoinne na cúblála faisnéise, ón tSín den chuid is mó; de bhrí go bhfuil rath chóras na Téaváine bunaithe ar an gcomhar idir gach brainse den rialtas, ach freisin ar chomhar le heagraíochtaí neamhrialtasacha neamhspleácha a bhfuil speisialtóireacht acu ó thaobh fíricí a sheiceáil agus litearthacht sna meáin agus le hardáin na meán sóisialta, amhail Facebook, agus bunaithe ar litearthacht sna meáin a chur chun cinn do gach glúin, an bhréagaisnéis a bhréagnú, agus scaipeadh teachtaireachtaí cúblála a shrianadh; de bhrí go ndeachaigh Coiste Speisialta INGE ar mhisean oifigiúil trí lá go dtí an Téaváin chun an bhréagaisnéis agus an idirghabháil toghcháin eachtrach a phlé;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

61.

62.

63.

64.

65.

66.

67.

68.

69.

70.

71.

72.

73.

74.

75.

76.

77.

78.

79.

80.

81.

82.

83.

84.

85.

86.

87.

88.

89.

90.

91.

92.

93.

94.

95.

96.

97.

98.

99.

100.

101.

102.

103.

104.

105.

106.

107.

108.

109.

110.

111.

112.

113.

114.

115.

116.

117.

118.

119.

120.

121.

122.

123.

124.

125.

126.

127.

128.

129.

130.

131.

132.

133.

134.

135.

136.

137.

138.

139.

140.

141.

142.

143.

144.

145.

146.

147.

148.

149.

150.

151.

152.

153.

154.

155.

156.

157.